請問有沒有高人指點(西貢區聯系小學學生)

liverpool媽媽

老師話小兒是band 1，他英文科成績較好（不知會否有優勢），如自行首選黄大仙區（heep wo/ho yim tong），次選用聯系作保險，是否正確？如跨區會否跌banding，請各位指點

elbar

回復 liverpool媽媽 的帖子

自行首選 中華基督教會蒙民偉書院 或 新生命教育協會呂郭碧鳳中學 機會較高

liverpool媽媽

回復 elbar 的帖子

感激你的回答，是否heep wo/hoyimtong 較官塘區高一線？

redkoni

liverpool媽媽 發表於 12-1-1 13:18
[/td][/tr]
[/table]

如跨區會否跌banding，請各位指點

無人咁保證跨網一定不會從Band1跌Band2, 話自己Band1尾的邊緣人也可能實際是Band2頭, 都唔關跨唔跨網事啦, 再者, 全港各校網的水平都十分平均, 所謂強區弱區其實只影響邊緣人, 如果是Band1中位置當然有信心唔會跌.

如果申請咗跨網派位, 你所屬的新校網便巳經不再是你小學的校網, 如是者, 如果你小學的聯繫中學仍然可在新校網的他區找到, 就算你在乙部大抽獎將你小學的聯繫中學放在第一志願, 你也不再可以受惠於抽其聯繫保留位, 只能當一般"非聯繫"一樣抽其非保留位, 如果新校網連他區都無小學的聯繫中學, 你又矇查查照填落乙部的第一志願, 老師學校又矇查查當大多數自己非跨網學生一樣, 照樣呈上教育局, 教育局做法是不會彈回頭, 電腦會將第二志願及其後等順推向前取代, 如此類推.  你自己細心諗吓先, 見人做你又跟住做, 未必會個個適合.

liverpool媽媽

回復 redkoni 的帖子

多謝你提醒，此跨區的想法只在自行時，大抽獎仍留在西貢區。

khmama

回復 liverpool媽媽 的帖子

自行冇跌唔跌band既考慮, 學校只知幾百個考生既排位, 唔會知banding. 如果你由西貢走去黃大仙, 同本區既學生爭, 就要睇你選既學校受歡迎程度同對手強弱. 協和屬band1中既選擇, 何蔭棠都升得好快, 係band1中至尾既選擇. 何蔭棠會較著重成績, 協和會多o的變數因為親朋戚友都會計分. 你小朋友係band1頭,中定尾?

redkoni

liverpool媽媽 發表於 12-1-2 14:36
回復 redkoni 的帖子

多謝你提醒，此跨區的想法只在自行時，大抽獎仍留在西貢區。 ...

自行本身意思就是可跨區, 亦與小朋友的Banding無關, Banding是用於統一派位, 小朋友第一次及第二次的呈分試的標準分名次, 參考自己學校2008及2010的中一入學前香港學科測驗成績, 取得一個"全港性"的分數, 如是者, 全港有呈分的小六學生便各有一個這樣產生出來的"分數", 自行時中學所要求的所謂教育局全港成績次第, 就是...舉個例, 某中學收600份自行申請表, 這中學呈上教育局這600個學生的身份, 教育局根據這600個學生的之前所說的"分數"排序, 再送回學校, 這個排序就是該校當年所有自行申請者的教育局全港成績次第.

至於Banding也是用類似方法, 只不過今次用齊三次呈分試的標準分名次, 參考自己學校2008及2010的中一入學前香港學科測驗成績, 取得一個"全港性"的分數, 如是者, 全港有呈分的小六學生便各有一個這樣產生出來的"分數", 統一派位甲部的學生Banding, 計法就是以這"分數"將全港有呈分的小六學生排序, 再切餅咁分成頭中尾三等份, 這就是甲部的Band1, Band2, Band3.   至於統一派位乙部的學生Banding, 計法就是以這"分數"將個別校網內有呈分的小六學生排序, 再切餅咁分成頭中尾三等份, 這就是乙部個別校網的Band1, Band2, Band3.   所以甲部, 乙部的Banding是兩回事, 某些強區的乙部Band2頭可能是甲部Band1尾, 話知佢係尾, 抽獎睇隨機編號嘛, 以细number優先.   所以如果你話申請咗跨網派位, 老師本來是根據自己學校的資料數據, 幫你估咗本校網Banding, 你轉咗校網等於和另一班人排序, 有邊個敢保證會唔會排後咗? 而且每個校網的學生人數不同, 即是連Band1人數也不同, 可能少咗人就算排前咗都係Band2, 有不少變數, 邊緣人只係靠博, 無人知.  還有一點, 在大抽獎前所有Banding都係我哋估, 直至開始大抽獎前電腦才真正分Banding.

liverpool媽媽

回復 khmama 的帖子

多謝Khmama的提醒，計算小兒應在西貢區Band1中，這樣選heep woo機會有沒有？

khmama

回復 liverpool媽媽 的帖子

band1中都可以一試.