請問..我的成績是否可以參加自行?

vincychy

小五第一呈分:
中:B
英:B
數:B
常:B
小六第一:
中:B
英:B
數:C
常:A

我想問,如果自行兩間都唔收,咁統一係唔係系葵青(我住葵青)亂咁比間我?
我媽咪係咁講...但係我想參加自行:(
佢幫我簡左吳祥川同顧超文..
請大家幫幫手:(
THX!

smallfoothk

其實你成績都不差,好平均band B,咁你想不想吳祥川同顧超文..都是band 2
???

vincychy

我為左參加自行同呀媽鬧交><佢好堅持如果自行兩間都唔收,咁統一係唔係系葵青(我住葵青)亂咁比間我...
我又唔係咁想入吳祥川........

smallfoothk

你的堅持,你的承諾????你能做到嗎?

vincychy

佢接受我話蘇淅,但係...我真係好想試下自行,唔想統一,但係自行真係自行兩間都唔收,咁統一係亂咁比間我?

^^.

當然要試，你的成績其實不弱，祇要面試表現理想，能夠顯示你的實力，自行也有機會的。

況且，自行兩間若不成功，那又如何？唔試過又點知道唔得啫，試過了就再沒有遺憾！至少，可以得到面試的經驗，沒有損失呀！

至於統一派位，是跟你的Banding 和選校意願，祇要配對得啱，一般都唔係亂咁派的。當然，結果未必是你最心儀的學校。倘若中央派位不理想，你還可以在放榜後到你喜歡的學校扣門。所以，你要繼續努力，在第三次呈分試成績有進步的話，還有很多選擇的。現在先下點工夫，搜集心儀中學的資料，按其入學要求，檢視自己可以如何裝備。加油！

你在這裏提問，表示你關心自己的前途，你有心、有主見，好叻！我很欣賞你的主動，祝你成功！

elbar

vincychy 發表於 12-1-14 12:11
小五第一呈分:
中:B
英:B

自行首選可一試以中學

• 東華三院伍若瑜夫人紀念中學
• 保良局唐乃勤初中書院
• 廖寶珊紀念書院
  

vincychy

多謝你地~:)

nganc9

自行只佔30%學位, 70%留給統一派位, 故统一派位未必派得唔好.
而統一係跟小學校校網並非住址, 如你的小學不是葵青區校網, 就唔係派葵青區中學.

CS0316

雖然話統一派位係好睇你好唔好彩, 但也不至於亂派, 亦耍睇你點填.電腦你會跟據你的BANDING 及你個人的NUMBER來抽, 所以唔一定唔好!!

vincychy

媽咪始終都唔比我參加自行....冇希望lu...我想試下面試...一生人得一次機會咋.....

twcho

你媽咪似乎不太明白派位機制。自行階段與統一派位階段是獨立運作的，自行派位所選的學校是優先於統一派位(即如獲取錄就不會參加統一派位)，統一派位是可以再選取自行所選的學校，機會並不會有所削弱。

vincychy

我有問過老師架....同番媽咪講..但係佢仲係好堅持...唉,...

khmama

回復 vincychy 的帖子

參加自行係比多o的機會你考心儀學校, 統一派位要填30個志願, 唔係亂派比你, 只要唔好亂填就得, 究竟你係咩banding? 有冇直屬中學? 你媽咪堅持既理據係咩? 我都有朋友唔參加自行, 諗住抽獎算數, 因為成績太差, 個媽咪冇心機去搞.

vincychy

我係band2頭-中.....呀媽話我有數學e科c唔比

vincychy

之前我班主任同過我媽咪傾架啦...但係媽咪鬧番個班主任...搞到我都唔好意思....

khmama

回復 vincychy 的帖子

你都幾識諗. 咁啦, 你同媽咪講話你中英文成績都見得人(係唔係?), 應承佢下次o的數考好o的, 如果唔係直資, 面試唔會見埋家長, 佢唔使驚喎, 你都唔怕去同人爭, 唔爭過又點知唔得? 做阿媽既受軟唔受硬架, 你氹下佢就得架啦, 千祈唔好同佢硬拚.

vincychy

好呀....但係佢之前話過面完試之後D學校會話個呀媽得但係個女唔得...

khmama

回復 vincychy 的帖子

你媽咪梗係o的數好叻, 所以接受唔到你數學得個C, 呢o的有遺傳嘛. 你咪用行動証明比佢睇囉. band2中至頭都唔係好差啫, 比o的心機第三次呈分仲有得追.

vincychy

佢話唔得點解一定要去做呢.....