想請問一下,如果7月7日統一派位唔理想,應該怎麼辦?

Eunisven

想請問一下,如果7月7日統一派位唔理想,應該怎麼辦?

好頭痛, 如果派位唔理想, 應否馬上叩門? 定搵直資好呢?

有沒有好心的家長可以指教一下.

萬分感謝 !

LLMUMMY

扣門 / 直資 都要做, 不要浪費機會

原帖由 Eunisven 於 09-6-15 17:49 發表
想請問一下,如果7月7日統一派位唔理想,應該怎麼辦?

好頭痛, 如果派位唔理想, 應否馬上叩門? 定搵直資好呢?

有沒有好心的家長可以指教一下.

萬分感謝 ! ...

0120

如果學校停課, 派位ng理想, 點去叩門, 小朋友始終都要回學校??

碧加

據早前公布，如果7/7學校繼續停課，只需家長回校放榜/叩門

terricompany

請問叩門時有無什麼秘技.

maomaochan

原帖由 Eunisven 於 09-6-15 17:49 發表
想請問一下,如果7月7日統一派位唔理想,應該怎麼辦?

好頭痛, 如果派位唔理想, 應否馬上叩門? 定搵直資好呢?

有沒有好心的家長可以指教一下.

萬分感謝 ! ...

就算無叩門信都不緊要,若果學校要筆試的話,小朋友臨場表演唔好,都無得面試.

最好現在準備定學生資料,即係好似自行報學校咁,加埋小朋友最新的獎項及成績表等.

你有冇諗定若果唔好彩要叩門的話,打算叩那些學校?
是否要直資你同小朋友自己決定,

你現在開始留意直資學校的收生要求,是否現在可以報定名.

七月初可以開始留意你心儀的津貼學校或官校,有些已經將報名表放上網,你可以下載定,寫定報名表格,
不同學校有不同要求,
有些要收報名費可能只收支票,
有些可能要回郵信封,
有些只要六年級的學生成績表,(早D知道,就可以唔駛影印咁多嘢)
有些學校講定只要第一次自行報考時有報她們的學優先處理,
如果貴子弟沒有投考他們,咁乜都慳番唔駛攪.
有學校要求成績要達某個程度,睇吓小朋友是否乎合他們的條件? 若果乎合的話恭喜貴子弟成績其實不錯!只是唔好彩.

最重要留意佢地的收表最後限期,有些學校收表只收到放榜第二日的上午時間.

最好事前工夫準備好晒,諗定最壞打算,最好唔好報考太多學校,不但會令父母及子女辛苦,還可能影響小朋友的筆試或面試的表現,有時都會和其他學校考試時間會相撞,到時個心十五十六都唔知去邊到好?

不過今年遇著H1N1唔知D中學點按排叩門的學生,所以首先整理好學生的資料,然後再細心瀏覽中學的網頁睇吓點按排.


整理好資料,等到放榜前幾日影印需要好的資料(如果諗叩三間學校,就影印三份資料),
希望貴子弟的資料到時不需要用啦!
但是唔好彩需要的話,都可以輕鬆面對.

我見過有些父母就是事前沒有準備,到時候才找書局影印,
去年我就見個一位母親佢要幫囡囡叩門,但是沒有準備影印本,當天才去影印,點知人生路不熟,學校又座落在斜路上,一來一回花了不少時間.

以上所講,希望可以幫到你 !

如果有乜錯漏,希望其他媽咪指正.

dder

講得好詳細... thanks you

EDEL

Thanks very much for your sharing :)

原帖由 maomaochan 於 09-6-26 18:36 發表



就算無叩門信都不緊要,若果學校要筆試的話,小朋友臨場表演唔好,都無得面試.

最好現在準備定學生資料,即係好似自行報學校咁,加埋小朋友最新的獎項及成績表等.

你有冇諗定若果唔好彩要叩門的話,打算叩那些學校?
...