尋晚填完表之後, 突然覺得好大壓力!!! 你地有嗎?

happypiano

一路我都ok的, 無咩話好大壓力. 只係要求盡左自己& 亞仔既努力便可, 將來個仔讀唔到最想既學校都唔係好大問題.

但係尋晚一填完表之後, 我突然覺得好大壓力, 個感覺係.......... 將來派得唔好, 我就係要付呢個責任既人, 因為張表係我填的, 可能會因為我填得唔好而令到派得唔好!! 咁我就對唔住個仔了!!  無諗過會有呢個感覺的, 但係真係有如千噸巨石般既壓力!!

可能係亞仔同我講, 佢想我填晒30間, 因為佢怕會派得唔好(佢聽佢先生講話填唔晒有可能派到d好差既學校).  我同個仔講, 我話, 而家我所填既even係第4志願我都唔想要啦, 我都會同你去考第2d學校的. 更何況我揀唔落手既學校, 就算我真係填滿晒呢30間, 佢派左d 我而家唔想揀既, 到時都係一樣要去考第2d學校架啦.

honeyabc

好有同感!
Best wishes to us.

kathy615

好有同感!
我都有同個仔講, 我話, 而家我所填既even係第4志願我都唔想要啦, 我都會同你去考第2d學校的. 我仲同呀仔講最後一次EXAM好重要, 比心機....

maywei

無喎! 反而一身輕哂, 無負擔, 得與唔得都唔由得我哋控制, 到七月六日至驚過啦!

CrabPincers

原帖由 happypiano 於 10-5-3 14:06 發表
一路我都ok的, 無咩話好大壓力. 只係要求盡左自己& 亞仔既努力便可, 將來個仔讀唔到最想既學校都唔係好大問題.

但係尋晚一填完表之後, 我突然覺得好大壓力, 個感覺係.......... 將來派得唔好, 我就係要付呢個責任既 ...

就算填晒我果區的學校落去呀, 都無30間我填啦..........

yamgie

因為選校次序實在改了太多次, 到最后都有點麻木, 凈係想快D落實就唔洗再諗咁多!

大力大力

一切成定局，暫時忘記先，到時再驚過！！

pineapple0983

暫時忘記佢先；而家要做嘅，就係盡全力考好期終考試。
e個成績，對叩門有用，千其唔好放棄！
仲有，踩界嗰啲攞定料，做好晒準備；萬一大抽獎衰左就去補救。

正能量

昨晚填完表後, 心情忐忑不安, 很怕選擇錯誤,致令昨晚睡得不好, 只好慨嘆現今做家長真辛苦!!
但既然一切已成定局, 暫且不去想它,到這地步大家所能做的都已經做晒, 一切就由上天安排, 暫且放下包袱, 好好的睡一覺, 養精蓄銳, 接受繼續的挑戰(期終考試),各位家長和小朋友繼續努力呀!!!!!

jiemeidi

原帖由 happypiano 於 10-5-3 14:06 發表
一路我都ok的, 無咩話好大壓力. 只係要求盡左自己& 亞仔既努力便可, 將來個仔讀唔到最想既學校都唔係好大問題.

但係尋晚一填完表之後, 我突然覺得好大壓力, 個感覺係.......... 將來派得唔好, 我就係要付呢個責任既 ...

深有同感！和家人討論的時候，覺得這種制度不甚合理，可是，至少現在沒有改變的可能。既來之，則安之。每天的日子還是要過的，結果交給上帝吧。

DouDou2004

冇得再想太多，香港的教育制度實在不知所謂！難為了家長同學生，這是教育的目的嗎？我地生於香港，又冇千萬家財，只有焗住跟住玩啦！

原帖由 pineapple0983 於 10-5-3 16:53 發表
暫時忘記佢先；而家要做嘅，就係盡全力考好期終考試。
e個成績，對叩門有用，千其唔好放棄！
仲有，踩界嗰啲攞定料，做好晒準備；萬一大抽獎衰左就去補救。 ...

FJS

原帖由 正能量 於 10-5-3 22:57 發表
昨晚填完表後, 心情忐忑不安, 很怕選擇錯誤,致令昨晚睡得不好, 只好慨嘆現今做家長真辛苦!!
但既然一切已成定局, 暫且不去想它,到這地步大家所能做的都已經做晒, 一切就由上天安排, 暫且放下包袱, 好好的睡一覺, 養 ...

我都好有同感, 之前個稿都已經改在三次, 到真係填落個表到, 一路填個心就一路震, 個腦就諗, 如果真係派到的十幾二十既學校, 真係唔知點算好。
選學校就好似買大細, 好難決定學校既先後次序, 鍾意既又只可以填一間, 跟住又要填的唔多鍾意既, 令到心情忐忑不安, 今早交在個表比學校, 都係有的唔放心, 又再打電話比班主任再問排位問題, 為在選校搞到的家長好似神經衰弱咁, 仲要一直擔心到7月6日........

happypiano

那晚之後, 我就無話好擔心, 只係................. 真係一個無型既壓力. 因為張表d 學校係我揀既, 係我填既, 我簽名的, 所有野都係我去決定, 所以將來個結果唔好既話, 就係我一個人"咩"晒啦.

我既無奈係, 學校方面無俾過d 咩資料/意見家長. 家長又無正式既途徑可以知道學校既banding. 又無人可以話俾我知banding(好彩既係我既細路都唔係邊界線既人)既野, 咁又要我去揀, 點揀呀??!!! 淨係叫揀間適合既學校, 我得咁少資料, 我點樣去知間學校既程度係咪適合我既細路呢? 一band 入面都有唔同水平既學校. 當然, d 最top 最出名既我梗係識啦, 但係呢d 又唔適合我既細路, 我只能揀餘下個d喎, 咁我可以點去分析呀?

[ 本帖最後由 happypiano 於 10-5-4 10:23 編輯 ]

epang

我心情同大定一樣, 填完表後, 個人成日都諗返轉頭我有沒有選錯, 我的選擇是否太保守.....  昨晚都睡得不好.  唉 !  我諗下一步是要找定些直資學校了.

pineapple0983

原帖由 正能量 於 10-5-3 22:57 發表
昨晚填完表後, 心情忐忑不安, 很怕選擇錯誤,致令昨晚睡得不好, 只好慨嘆現今做家長真辛苦!!
但既然一切已成定局, 暫且不去想它,到這地步大家所能做的都已經做晒, 一切就由上天安排, 暫且放下包袱, 好好的睡一覺, 養 ...

遊戲規則就係咁；你當日決定落場玩，就要跟佢規則。到7月，派位派得好嗰啲就會話個規則好公平；相反就梗話唔公平。
如果想唔跟，可以報直資，甚至讀國際學校，有錢嘅可以送去外國讀中學添；我舊年個大女就係因為踩界同我填錯頭5志願，搞到大抽獎衰左；後尾淨係叩門、搵學校、見校長都搞左成2個月，到臨開學前先搵到間沙田英中，真係玩死。今年個細仔成績唔錯，應該唔會重複e個錯誤啦。

epang

嘩, 成兩個月才找到學校, 但是否都要先去派位學校報到, 然後才找其他學校.
你女女最終都找到英中, 真好.  請問她的成績是否都係 Band 1 中或尾才有機會叩門英中呢.  可否分享一下之前幫女女找學校的經驗, 因我仔仔都係邊緣人, 謝.

原帖由 pineapple0983 於 10-5-4 10:53 發表

遊戲規則就係咁；你當日決定落場玩，就要跟佢規則。到7月，派位派得好嗰啲就會話個規則好公平；相反就梗話唔公平。
如果想唔跟，可以報直資，甚至讀國際學校，有錢嘅可以送去外國讀中學添；我舊年個大女就係因為踩界同我填錯頭5志願 ...

pineapple0983

原帖由 epang 於 10-5-4 11:02 發表
嘩, 成兩個月才找到學校, 但是否都要先去派位學校報到, 然後才找其他學校.
你女女最終都找到英中, 真好.  請問她的成績是否都係 Band 1 中或尾才有機會叩門英中呢.  可否分享一下之前幫女女找學校的經驗, 因我仔仔都 ...

我個女我諗係邊緣人，甚至係跌左落Band2頭；個真相除左教統，相信根本冇人會知。
係7月叩門，部份Top嘅區內英中講到明要全級考第幾名以內先可以攞表，但有部份就唔駛，有D甚至見都唔駛見就決定收唔收添。

happypiano

唔係我想落場玩的, 我都想俾錢去解決個問題, 但係d直資既程度都幾極端. 一係就band 1 最top既, 一係就去到band 2.

咁我個細路係band 1中既學生, 又高攀唔到d band 1 top既直資. 但係你叫我晚晚教佢教2個鐘, 教足6年咁樣去俾錢讀band 2直資我又唔甘心!! 我可以點??!!

我又無錢讀國際學校, 咁唔係落場大抽獎我仲資格可以做d 咩?

我都無諗公唔公平啦, 我只係諗好唔好彩......只係怕唔好彩既話就咩都無晒!! 若好彩既, 頭3個志願應該無問題的, 因為我都唔係揀d 好勁既學校, 都係揀d 穩陣d既.  就係已經行穩陣, 到頭來都死既話, 真係唔知點算!! 你話我博既衰左, 我都心甘命抵呀!!

原帖由 pineapple0983 於 10-5-4 10:53 發表

遊戲規則就係咁；你當日決定落場玩，就要跟佢規則。到7月，派位派得好嗰啲就會話個規則好公平；相反就梗話唔公平。
如果想唔跟，可以報直資，甚至讀國際學校，有錢嘅可以送去外國讀中學添；我舊年個大女就係因為踩界同我填錯頭5志願 ...

epang

但你女女都好好彩 (請不要介意), 我意思是叩門的學額不多, 但還入到英中, 她在那間小學, 現在在那間中學呢.
請問叩門除了面試, 還要筆試嗎.  我都不知道我仔是否有機會叩到門, 因為好似英中都唔夠位派比 band 1 生, 就算夠, 都已經滿額, 沒有剩餘學位了.
如找直資, 培基似乎很 full, 會無學位剩, 德信又好似不太好, 只可選林大輝及浸會, 但剩餘學位應該都不多.  真頭痛.

原帖由 pineapple0983 於 10-5-4 11:27 發表

我個女我諗係邊緣人，甚至係跌左落Band2頭；個真相除左教統，相信根本冇人會知。
係7月叩門，部份Top嘅區內英中講到明要全級考第幾名以內先可以攞表，但有部份就唔駛，有D甚至見都唔駛見就決定收唔收添。 ...

epang

我都係選得很穩陣的學校, 唔敢太進取, 反之, 我仔的同學成績比我仔稍遜, 但選校就較進取, 所以我都唔知自己有沒有選錯.

原帖由 happypiano 於 10-5-4 11:43 發表
唔係我想落場玩的, 我都想俾錢去解決個問題, 但係d直資既程度都幾極端. 一係就band 1 最top既, 一係就去到band 2.

咁我個細路係band 1中既學生, 又高攀唔到d band 1 top既直資. 但係你叫我晚晚教佢教2個鐘, 教足6年 ...