直資Offers選擇建議 - SPCS vs HKUGAC

EK-PaPa

我們心目中想女兒升讀直資中學，有幸小女亦表現出色，數月以來都收到很好的Offers (1月SPCS, 2月HY，3月HKUGAC)，我們因為地點問題已經放棄咗HY，但其如兩間唔係好知點樣選擇，非常煩惱，希望大家 (尤其用家) 可以幫忙，給我們一點意見。

成績：DSE近年港同較好、A-Level Covent非常好

教學模式：港同會較互動？但女兒讀開傳統小學，會否Convent較適合？

地點：SPCS非常方便、港同車程亦可以接受

我們女兒在家性格活潑，在外性格文靜，表面有一點內斂，但非常之喜歡熱鬧、參與和嘗試，她覺得兩間學校各有各好，都非常之喜歡。

我們數天內就要做決定，希望大家幫幫忙 ！

tpmon

你再問女兒，喜歡讀男女校、還是女校，就可決定到。

mcl233

EK-PaPa 發表於 26-3-8 15:00
我們心目中想女兒升讀直資中學，有幸小女亦表現出色，數月以來都收到很好的Offers (1月SPCS, 2月HY，3月HKU ...

港同，似乎比坊間吹大咗DD，自己參考下D 332A率～

一間近年已經增至外校生佔50％，另一間以原校生做主力，外校生佔1/3，兩者已經存在分別～

EK-PaPa

回覆 tpmon 的帖子

小女覺得兩樣都OK，只是我們有點擔心小朋友拍拖問題

tpmon

EK-PaPa 發表於 26-3-8 16:38
回覆 tpmon 的帖子

小女覺得兩樣都OK，只是我們有點擔心小朋友拍拖問題

想問你的女兒小學是讀男女校還是女校?

外向活潑的女孩，在男女校會讀得開心點。但這類性格會易吸引到異性，早拍拖不出奇。

女校肯定多女孩妒嫉心強，是非較多。條件性格好的女孩，不保証在女校會有多朋友。

EK-PaPa

回覆 mcl233 的帖子

Thx!

我們都覺得Convent堅持要收返咁多親生女 (HY,GH都做唔到) ，又有咁多學生選擇讀IAL，DSE都還有好成績真的是難得。

只不過我們認為兩間學校成績都夠好，所以嘗試喺其他因素上做決定。

EK-PaPa

tpmon 發表於 26-3-8 16:49
想問你的女兒小學是讀男女校還是女校?

外向活潑的女孩，在男女校會讀得開心點。但這類性格會易吸引到異性 ...

Thx!

小女本身讀女校，但小學陪每級都有大概八個男生就讀，所以她都懂得和男生相處。

在家的時候，小女非常精靈活潑，只是在家以外的時候，會顯得有點內斂，不過仍喜歡積極參與。拍拖的而且確是讀男女校的最大憂慮，怕會影響學業，但又覺得港同較活動的教學幾吸引，所以唔知點揀。

mcl233

EK-PaPa 發表於 26-3-8 16:55
回覆 mcl233 的帖子

Thx!

SPCS各方面都比較穩陣，個人認為，升學進取度亦似乎比HKUGA好，亦係傳統名校～～～

HKUGA以前係EK推得太行了，大左DD～～～

至於拍拖考慮，除非完全同補習班脫離，否則真係要破防，有幾難？～～～

mcl233

EK-PaPa 發表於 26-3-8 17:04
Thx!

小女本身讀女校，但小學陪每級都有大概八個男生就讀，所以她都懂得和男生相處。

坑真小？。SPCS都係各方面活動都非常活躍，甚或比HKUGA層面更廣，體藝如是，始終女校比男女校學生道理上多一倍人數，組隊更易，亦有IAL，升學路亦更廣～～～

catf2

SPCS啦！港同又唔係咩神校。SPCS 傳統名校又可以有多一條出路， 成績 人脈 地位都有保證。如果和HY GH 比較都話要諗諗啫， HY 都放左去讀港同除非好唔喜歡女校喇

EK-PaPa

mcl233 發表於 26-3-8 17:13
本帖最後由 mcl233 於 26-3-8 17:15 編輯

坑真小？。SPCS都係各方面活動都非常活躍，甚或比HKUGA層面更 ...

我哋都鍾意有A-Level，如果港同冇IAL的話，我哋都唔會考慮，不過未知搞得好唔好，而SPCS IAL成績就真係好好。

hongkwokkwok

HKUGA係男女校，識老公靠學校

cxyu841216

回覆 EK-PaPa 的帖子

港同書院拍拖情況聽說係比較嚴重的。我們讀緊港小，有學姐中學去了HY，原因都係因為驚拍拖。不過傳統學校學習壓力大過港同。港同好多假期

EK-PaPa

catf2 發表於 26-3-8 17:27
SPCS啦！港同又唔係咩神校。SPCS 傳統名校又可以有多一條出路， 成績 人脈 地位都有保證。如果和HY GH 比較 ...

Thx!

我們和小女喜歡港同的原因是因為他們的老師似乎較為關愛，我的姨甥曾就讀都贊老師很好，很細心，相比下，Convent就較為傳統，冷漠一點。其實讀落，習慣咗，或者都唔係乜嘢大問題，只是小女面試過了多間學校後，都感覺港同的老師最關愛，所以我們才猶豫孩子會否在港同讀書最開心。

EK-PaPa

cxyu841216 發表於 26-3-8 18:14
回覆 EK-PaPa 的帖子

港同書院拍拖情況聽說係比較嚴重的。我們讀緊港小，有學姐中學去了HY，原因都係因為 ...

Thx!

學習壓力也是重要的考慮因素，這方面相信傳統名校一定會多啲。

你們是港小用家，請問熟悉書院的讀書情況，可以分享一下嗎？

tpmon

EK-PaPa 發表於 26-3-8 18:24
Thx!

我們和小女喜歡港同的原因是因為他們的老師似乎較為關愛，我的姨甥曾就讀都贊老師很好，很細心，相 ...

既然怕你個囡早拍拖為首要考慮，就選SPCS 吧!

2jkidsfather

tpmon 發表於 26-3-8 19:53
既然怕你個囡早拍拖為首要考慮，就選SPCS 吧!

對。

mrchuchu

比我會揀 convent

fion_fan119

回覆 EK-PaPa 的帖子

邊個話SPCS冷漠冇親身經歷過

相信你都去左SPCS 留位，宜家係睇下抽唔抽飛

RainyRice

EK-PaPa 發表於 26-3-8 17:04
Thx!

小女本身讀女校，但小學陪每級都有大概八個男生就讀，所以她都懂得和男生相處。

港同雖然說教學比較活動，但其實去到尾大部份學生都係考DSE，最終考試都係傳統考試，所以活動教學但又終極要學生傳統答題方法，結果都係要靠學生自己努力讀書。
仲有雖然話兩間都有iAL, 但SPCS有一半學生可以讀iAL，除咗容易啲入，亦更有經驗同資源去支援學生。最重要係多好多科目選擇(Math PCB外有e.g. eng lit, history, business, accounting, arts & design….)。 https://spcs.edu.hk/w/wp-content/uploads/2024/11/School-Report-2023-24-20241129.pdf page 39
港同iAL理科為主，暫時見到只有math phy chem bio (仲有Chinese, Citizenship & Social Development, PE) ，唔知係咪因為呢幾科 iAL同DSE課程容易互通教學，可以用同樣師資，所以港同開iAL只不過平平哋咁樣開國際課程俾學生選擇。(https://www.hkugac.edu.hk/tc/nurture/quest-for-truth/the-quest/my-alternative-curriculum)如果你真係因為iAL而考慮港同，咁真係要研究清楚。因為對我而言係一個deal breaker.咁當然港同都係間好學校，我都有報過。