直資Offers: St. Paul vs St. Paul

EK-PaPa

感謝大家之前嘅幫忙，分享咗好多好有用嘅資料和經驗給我們，幫我女兒在SPCS與港同之間做了選擇 (揀咗Convent因學校卓越嘅IAL表現)，但係而家又有另外一個 (開心) 煩惱出現了！

之前提及過就算有機會面試SPCC都未必會去，皆因擔心讀書和競爭壓力太大，但女兒自己表示想試一試，去體驗一下香港頂級的中學，所以最後都有去in。本來諗住以平常心去見識一下就算了，點知幾日前真係收到offer，我們有點驚訝，女兒亦都感到榮幸，開心到不得了！

我們心情有點忐忑，本來諗住疊埋心水入Convent讀就是了，現在唔係好知點揀。呢幾日，我有時間就搵返啲舊post去盡量攞多啲SPCC嘅資料，睇吓啱唔啱阿女讀，希望盡量能夠選擇一間最適合嘅學校給她。

如果我只因為擔心阿女讀得太辛苦而放棄Co-ed是否有點不智？還是應該相信學校選擇學生嘅經驗，和女兒自己嘅能力 (她已經有SPCS、HYS、HKUGA 和 SPCC的offers)，而讓她入讀聖保羅男女？

請問有冇過來人，尤其是SPCC嘅家長，可以分享一吓經驗？例如，讀書壓力會否很大，會多人讀不上而要轉校？萬一程度不夠，學校有足夠支援嗎？學校有幾多測驗考試，初中功課的程度和數量會很高嗎？

謝謝！

s9621428

小朋友現中一，是外校升上去，可以分享小小：
- 功課量及測不多，但係有多網上功課
- 學校有補底輔導班
- 成績（一般外面小學考入的同學都可在中間或者中上，因為有些ps 升上來的同學一心稍後出國，所以他們的成績有參差）

所以，我覺得不用擔心成績。可以從以下諗諗：
- 學費？
- 宗教信仰 (Christian/ catholic)
- 男女校 vs 女校
- 有 IB vs iAL

囡囡有冇興趣合唱團？cc 的 training 好好。另外，PTA 所辦的家長講座或者活動，非常好，畢竟有強大的alumni network.

EK-PaPa

s9621428 發表於 26-3-29 09:34
小朋友現中一，是外校升上去，可以分享小小：
- 功課量及測不多，但係有多網上功課
- 學校有補底輔導班

Thx! 謝謝你的分享，資料很有用！

其實阿女想留喺Convent嘅最大原因係佢覺得讀IAL可以避開中文科，但係了解多啲Coed之後，佢都覺得間學校好吸引，又聽人講現時DSE中文科已經冇以前咁難，只要攞到4都有機會入讀大學嘅理科課程 (非神科)，所以我諗佢都應該handle到。

PTL_L

EK-PaPa 發表於 26-3-29 10:28
Thx! 謝謝你的分享，資料很有用！

其實阿女想留喺Convent嘅最大原因係佢覺得讀IAL可以避開中文科，但係了 ...

唔係兩間學校既家長，不過總算半個過來人，經驗話我知，呢個世界冇免費午餐，呢幾年升中已經比早年易唔少，所以要好好珍惜，盡量唔好揀錯學校！其實終點係一樣，揀間小朋友鍾意既，起碼冇機會俾佢哋改姓賴！讀任何一個學制都係要努力讀書，唔會有一間band 1中學係輕鬆，除非小朋友自己想放棄！

rsx

睇佢個性，如果有鬥心又唔輸得嘅就去最叻嗰間，如果因為落後於人而冇自信又放棄的話，搵間次級好了！

日日日清

s9621428 發表於 26-3-29 09:34
小朋友現中一，是外校升上去，可以分享小小：
- 功課量及測不多，但係有多網上功課
- 學校有補底輔導班

可以請教一下cc的合唱團難入嗎？訓練會安排在星期幾？ 謝謝