「沙紙」何價？幸好姜濤讀不上大學

964000

ANChan59 發表於 26-5-18 11:33
Inquiry based learning 係終身受用，特別在A I年代，真真假假，這個技能比考試技巧更重要‼️
...

點樣喺宏宏大海中抽取知識，過瀘分柝得出結論，同人地直接比哂知識和結論你，直接記憶獲取，後者係比較直接和慳水慳力，不過前者才是AI年代需要的技能。
我都問過我女而家D人會唔會用AI抄功課，佢話你有嘢唔識可以問AI, 但AI都好多嘢錯㗎, 唔可以信哂只可作參考，10零歲小朋友都知。

ANChan59

964000 發表於 26-5-18 11:48
點樣喺宏宏大海中抽取知識，過瀘分柝得出結論，同人地直接比哂知識和結論你，直接記憶獲取，後者係比較直 ...

你女兒很好呀，十零歲已經明白Al不能全信，非常之好！

加樂爹

ANChan59 發表於 26-5-18 12:24
你女兒很好呀，十零歲已經明白Al不能全信，非常之好！

Anchan Sir, 你個人唔好咁啦, 討論就係有唔同.
其實, 我曾想去再說明我從來沒有說過去盡信, 更加沒有把現有教學方法眨低.
你都算幾硬扣我帽子.

但再解釋真是有需要嗎?

對我來說, 討論就是把我的想法說出, 看大家意見.
認為有道理便去學習.
當然, 講得越直白, 換來更強大的反對....

但在網上都不明確表達, 我永遠唔知答案.

ANChan59

加樂爹 發表於 26-5-18 12:51
Anchan Sir, 你個人唔好咁啦, 討論就係有唔同.
其實, 我曾想去再說明我從來沒有說過去盡信, 更加沒 ...

我都冇你符，玻璃心，成日自動對號入座。

我贊其他網友的女兒都唔得？

我唔再覆你！

twhkleung

beastiebistro 發表於 26-5-17 12:54
Exactly as I suspected, and exactly my point.

就算G5，我連UCL都唔會放過。除咗少量學科（例如建築系 ...

又畀你引咗我講一啲可能會畀網友鬧爆嘅pov 添.

UCL響research level, 特別喺neuroscience, AI方面, 可能畀ic牛劍更勝一籌, 大家都望住ucl喺neuroscience的一位教授, 係下一位諾貝爾獎得主.

不過undergraduate方面, 就真係有啲誇張/離譜, 好似international student數量超過50%, 1st hon 比例, 近50%. 我之前喺另一個貼提過下, 結果畀網友暗示我眼紅UCL... Heheee...

其實我嘅觀點好簡單.

- 近50% 1st Hon, 等同放水.
- 如果話因為收咗好多叻學生, 所以要畀多啲first hon, 呢個理解, 對我嚟講, 係絕對錯誤.
- 正如, SPCC/DBS/DGS, 可能收攬全港最叻嘅中學生, 咁係咪代表佢哋個transcripts, 全部都係90幾, 100分呢?
- 如果, 學校有能力收到高質素學生, 理應對自己和學生, 要求更高, 更嚴格, 將標準提得更高, 從而成就出更多不可能!

後來我google多些資料, 發現一個可能的荒謬原因 (真係唔知真定假, 唔知陳sir有冇聽過). 就係因為英國啲乜乜專業學會, 要求的會員資格是2nd up, 傳聞UCL 覺得自己嘅3rd Hon學生, 都勁過其他學校嘅first hon, 如果因為咁, 令到佢嘅學生, 入唔到乜會乜會, 實在太唔公平, 所以就將啲honor嘅門罅, 同其他大學睇齊, 結果, 準則下降, 引致大量1st hon.


真係唔知真定假, 不過, 牛劍ic, 甚至其他, 例如, Bristol, Manchester, Edinburgh, 1st hon比例又真係唔會有咁高, 甚至可能只係得UCL的一半或以下.


至於overseas students數量, 基本上所有名校, 就算冇一半, 都有近一半係international students, 實在有啲over咗, 就算話係創造國際合作/經驗分享, 呢個比例, 都係大到不合理, 我覺得唔應該超過30%.


已一間名牌大學來說, ucl的這樣操作, 其實已經在傷害自己的學生, 以我所知, 美國有些大學, 已經對first hon呢個等級進行再分類, 例如, ucl 的1st hon比例高, 某啲大學, 只接受top 10%的1st hon.


呢啲ranking 嘅inflation, 真係好似通脹咁, 好似以前 GCE A-Level, 由a變咗a*, 香港的中學由b1/2/3, 變咗1a/b/c, 又或者好似你的view, Bachelor本來代表精英, 依家就算master, 都只係basic.

twhkleung

beastiebistro 發表於 26-5-17 20:18
其實都唔使點討論，出面嘅家長亦掩住對耳仔唔聽。
DSE就係抄IB，但係抄得一半，係抄咗「壞」嗰半，冇抄「好 ...

其實, 我都唔係好明, 點解大家要去成日比較, 邊個考試係深啲/難啲???



我自己嘅philosophy, 就係應該用最少嘅資源, 達到最大嘅效果. 揀過最艱難嘅exam畀自己個小朋友去考, 其實係幫佢, 定係玩緊佢!


反而話題應該講, 每一個考試制度, 都有佢嘅特色, 邊一個制度, 能夠讓自己小朋友, 發揮得最好, 這才是為什麼要選擇這個考試, 而不是哪個考試.

有啲同學仔, 可能考dse叻啲, 有啲可能考IB叻啲, 但係, 唔可以因為咁, 就話dse嗰啲同學仔叻啲, 或者IB嗰同學仔啲叻啲.
(我仔考ossd, 仲差添啦, 但我都覺得佢幾叻呀, 起碼叻過我.)

話dse難啲, 或者IB難啲, 又或者gce a-level難啲, 就等同, 想用一個single嘅指標, 去表達一系列不同capabilities的評價, 其實又跌咗落去大學排名的遊戲一樣.

beastiebistro

twhkleung 發表於 26-5-19 00:12
又畀你引咗我講一啲可能會畀網友鬧爆嘅pov 添.

UCL響research level, 特別喺neuroscience, AI方面, 可能畀 ...

某科喺research level強，都係印證我嘅講法。 一，唔係科科都強，大部分科都普通過唔普通。二、research level強可以加分令排名上升，唔代表本科強或者識教。本科方面，除咗建築、醫科、考古，真係無咩可以叫一線嘅科...

至於佢地話3rd hon都強過人，我認為係堆砌嘅藉口。總之要降低門檻，咁「講」話自己啲學生勁好聽啲嘛。唔通話我啲學生唔夠料，所以降低門檻去就佢地咩？老實講，我以前都分享過，我喺ICL讀機械工程，同時又朋友喺UCL讀同一科。我地嘅notes量係佢地嘅9倍，朋友喺UCL攞A，攞我哋嘅考試卷做，係有大半唔識做唔合格...

400幾個本科選擇，又有咩可能唔係充塞住大量嘅米奇科目？講唔係都冇人信。我唔係特別要踩低UCL，但係事實就係事實。傷到玻璃心我都冇辦法。

beastiebistro

twhkleung 發表於 26-5-19 00:28
其實, 我都唔係好明, 點解大家要去成日比較, 邊個考試係深啲/難啲???

虛榮呀嘛...

twhkleung

ANChan59 發表於 26-5-17 14:16
排名這個遊戲，放諸四海而皆準，香港也是吧！

好得意，有些排名高因為學校chur，阿仔會答牛夠勤力啦！

你仔仔都睇得幾通透. 同我以前老闆(嗰間絕大多數人都唔鍾意嘅公司)口頭禪一樣.
"唔好成日同我講你有幾勤力, 牛就夠勤力, 你係牛? 定係人? 你打開隻門望出去, 有邊個同事唔係勤力嘅? 但係佢哋當中, 有幾多隻係牛? 有幾多個係人?"

佢講嘢其實都幾刻薄, 但係真係smart, 唔用黑薄角度去睇, 某程度其實agree!

barque

twhkleung 發表於 26-5-19 00:12
又畀你引咗我講一啲可能會畀網友鬧爆嘅pov 添.

UCL響research level, 特別喺neuroscience, AI方面, 可能畀 ...

我見Cambridge Law 有埋名次，令外見有些美國大學用Tau Beta Pi, Cum Laude

barque

twhkleung 發表於 26-5-19 00:28
其實, 我都唔係好明, 點解大家要去成日比較, 邊個考試係深啲/難啲???

可能有啲人混淆咗，以為考試深/難，就等於課程好好，好多知識學到。一個設計得唔好的課程，加上考試深／難其實對學生嚟講是一個內耗。

964000

twhkleung 發表於 26-5-19 00:28
其實, 我都唔係好明, 點解大家要去成日比較, 邊個考試係深啲/難啲???

其實難唔難都睇人嘅, 睇邊様適合自己
如果中文好又肯操卷的DSE其實唔係真係咁難
All round 寫嘢叻和time mg好的，會覺得IB ok
精於某專門學科的，會覺A level ok
有啲人叻到全部都覺得唔太難大部份人選擇適合和有利自己的，想高分當然全部都難。
有得揀是好事，冇得揀就想辦法打好自己手上的牌。

beastiebistro

barque 發表於 26-5-19 05:23
可能有啲人混淆咗，以為考試深/難，就等於課程好好，好多知識學到。一個設計得唔好的課程，加上考試深／難 ...

所以我從來都只係喙DSE嘅課程設計。「難唔難」見仁見智，課程設計唔好就係唔好。攞住（IB）嚟抄都錯晒，搞到唯有出刁鑽題目嚟做分野，失敗。

twhkleung

barque 發表於 26-5-19 05:14
我見Cambridge Law 有埋名次，令外見有些美國大學用Tau Beta Pi, Cum Laude

我諗個問題唔係淨係名次. 或者我用一個誇張啲嘅比喻嚟到表達一下.

例如 (故事純熟虛構), SPCC覺得自己收嘅都係全香港最top嘅學生, 佢覺得考第150嗰個同學 (total有300人), 都叻過其他學校考第一個位, 咁樣對佢d同學唔公平, 所以決定, 成績表全部都係A.

情況就係類似咁

(純粹個人睇法, 可能我錯都唔定)

twhkleung

964000 發表於 26-5-19 06:44
本帖最後由 964000 於 26-5-19 07:02 編輯

其實難唔難都睇人嘅, 睇邊様適合自己

係呀, 每一個人都係獨特嘅, 各有自己嘅強弱項.

而且, 好多時候, 各種capabilities之間, 可能都會有conflict, eg., 通常邏輯好, 記憶力會相對較弱 (記住, 係相對, 唔係絕對), 相反, 記憶力好, 邏輯又會相對差啲, 呢啲係brain science嘅research裏面都已經證明咗.

twhkleung

beastiebistro 發表於 26-5-19 07:21
所以我從來都只係喙DSE嘅課程設計。「難唔難」見仁見智，課程設計唔好就係唔好。攞住（IB）嚟抄都錯晒，搞 ...

玩刁轉呢家嘢, 都唔係淨係DSE, 以前HKAL和HKCEE都已經係咁, 甚至乎, 亞洲其他國家地區嘅考試制度都係咁, 高考, 人哋話仲難過dse, 日本大學入學試, 考到啲學生跳樓. 相信,印度/星加坡/南韓, 佢哋啲大學入學試, 都唔方會輕鬆得去邊.
(都係資源分配/比例問題, 我估(我冇數據), 英美加澳嘅大學學位同學生比例, 會好過亞洲區)

ANChan59

beastiebistro 發表於 26-5-19 07:21
所以我從來都只係喙DSE嘅課程設計。「難唔難」見仁見智，課程設計唔好就係唔好。攞住（IB）嚟抄都錯晒，搞 ...

我認為將題目出得刁鑽不是源於NSS，係會考及AL年代已經係咁。

我家CEO都係從事教育，她們認為最好嘅試卷係70 －80%題目係課程範圍以內，肯讀書做下past paper肯定會合格，再好啲就有優良。餘下嘅20-30%就會out 少少課程或者改少少角度，目的就係睇吓學生會否識轉彎，而且也不是完全追求完美答案，係針對學生懂不懂得用syllabus 入面的basics derived 出去，如果理科，已經有不少step 分，如果文商也不是一個答案，讓學生多些發揮。

stillgood20

beastiebistro 發表於 26-5-19 07:21
所以我從來都只係喙DSE嘅課程設計。「難唔難」見仁見智，課程設計唔好就係唔好。攞住（IB）嚟抄都錯晒，搞 ...

大家樂 vs 君悦酒店都可以賣海南雞飯。

怎可能一样呢？


其实，教育的意義是什么？
每个人，有不同的想法。

Back to basic.

知识就是知识
能力就是能力
系统就是系统

利益就是利益

找对目标。

beastiebistro

twhkleung 發表於 26-5-19 07:47
我諗個問題唔係淨係名次. 或者我用一個誇張啲嘅比喻嚟到表達一下.

例如 (故事純熟虛構), SPCC覺得自己收嘅 ...

問題係佢唔係SPCC，但係想製造幻覺佢係...

beastiebistro

ANChan59 發表於 26-5-19 08:34
我認為將題目出得刁鑽不是源於NSS，係會考及AL年代已經係咁。

我家CEO都係從事教育，她們認為最好嘅試卷 ...

窮得只剩下刁鑽...

AL時代玩少少刁鑽無問題喎，因為已經經歷過會考洗禮，篩走咗唔係讀書材料嘅人。而且，專注讀嗰幾科，加少少難度去分開啲真正尖子，等佢哋可以讀大學，分開啲唔應該讀大學嘅，我認為無可厚非。

而家問題係大學學位氾濫，overall課程就唔係特別深或者廣，刁鑽變咗只係用嚟篩選讀醫（或其它神科）嘅資格。問題係根本冇話最高分嘅同學先適合做醫生，全個理念都扭曲晒。