某中學謝師宴學生出席交800元，不出席交400元，是否合理

MrBeast

jumphigh 發表於 19-3-11 14:50
本帖最後由 jumphigh 於 19-3-11 14:51 編輯

比小家家長搅到咁肉酸，到时冇老師肯出席谢師宴，學生就真 ...

越有錢越會一毫都同你計，凡人先會唔計 。
通常是否女士較感情用事，男仔的話，老師唔食埋佢份仲開心

MrBeast

jumphigh 發表於 19-3-11 14:14
本帖最後由 jumphigh 於 19-3-11 14:14 編輯

咁你唔通老我好多？  

價值觀都是成長時成立，因為你中學時有，所以你覺得應該有，我中學冇，所以我覺得e加搞到法國大餐

Charlotte_mom

有d人真係點極唔明
無論家教會決定好，班委決定好；咁唔滿意，就問下自己點解當初唔舉手，到最後決定晒至嘈，真係無品
就好似大廈維修，人地吹雞時你唔出聲，唔想理唔想煩，投晒票就嘈多數蝦小數，嗌無錢話你釘我契囉笨！然後要其他人食埋佢果份，唔叫呢種人無賴都唔得！

mcl203

jumphigh 發表於 19-3-11 14:26
本帖最後由 jumphigh 於 19-3-11 14:33 編輯

如果你係畢業生， 你應該會收到籌委會嘅通知 佢哋收集嘅錢 ...

可能唔知PTA 或學生組成既committee,都應該有個treasurer 負責管錢～～～

youngoldboy

我覺得頗合理。不少地方有min charge, 而且如果唔去唔收錢，參加的人會好貴。不過，我覺得謝師宴應該同學自己搞，一來這反映謝師的目的，二來也可以使同學們透過討論訂立合理的budget。

mcl203

Charlotte_mom 發表於 19-3-11 15:57
有d人真係點極唔明
無論家教會決定好，班委決定好；咁唔滿意，就問下自己點解當初唔舉手，到最後決定晒至嘈 ...

可能唔係唔明，係唔想比啫～～～

akys

我估男女同學或家長對謝師宴嘅睇法是不一樣的，另外，如果PTA強大亦有其影響。

當年我哋自己請幾個相熟老師到酒樓食餐飯就算了，冇搞得咁大，價錢亦相宜，賓至如歸添。唔覺得老師們會貪食呢餐，食物當然酒樓好啲啦，場面主要係搞手面子和意願而已。

阿仔小學畢業時PTA俾一間酒樓，一間迪迪尼揀，雖然我揀酒樓，當然係少數，必定落敗，最後埋單3個人都頗貴，乜有得拒絕咩？

little_yolky

jumphigh 發表於 19-3-11 14:50
本帖最後由 jumphigh 於 19-3-11 14:51 編輯

比小家家長搅到咁肉酸，到时冇老師肯出席谢師宴，學生就真 ...

老實講, 學校衰到爆果D, 我諗直頭家長唔會發起搞謝C宴。大部份學校都係OK既, 只係有小部份家長係咁斤斤計較。其實, 老師返屋企陪下屋企人唔好? 中學搞謝C宴, 同學扮到好靚, 係同學開心D, 老師係俾面至出席, 唔係關係好, 真係請都唔出席。

asweetmom

現在選中學要考慮的太多了，能不能每天跑步，去不去強制包底謝師宴。

pekovian

學校培育左仔女六年，姑勿論成績，老師無功都有勞，甚至校工職工都功勞。家長係咪應該教仔女飲水思源，而唔係斤斤計較呢？

mama_papa

mcl203 發表於 19-3-11 16:17
可能唔係唔明，係唔想比啫～～～

忍到我個仔六年，多多都比

asweetmom

突然覺得這個謝師宴其實也是家長和學生對學校和老師的一個傾面總評價

HaYi

我覺得八百蚊 包自己同埋老師 係差唔多 一線尾二線頭 酒店嘅價錢, 應該算係實際 ,我記得幾十年前我自己 基層為主嘅中學 都係喺富豪 ,大家仲好興奮咁緊穿什麼衣服, 係一個幾好嘅獨特嘅回憶, 如果佢哋而家常用錢計 , 係唔係同老師關係本身好差呢, 否則就真係唔應該計較太多.

silvia_ng

場地好多時係學生自已揀，佢地除左謝師之外，更似佢地既畢業聚餐，大部份人著到倫敦金Sales咁，開開心心聚一次，因為長大後，呢啲機會真係冇乜架啦。當然校內總有班同學未必鐘意呢啲場合，亦未必有校內好友，同老師又唔係咁有感情，唔去都唔出奇。此外，我覺得若學校可以支援啲經濟能力上有困難既學生(呢啲PTA / 校友會可能幫到手), 大家好黎好去。第日有能力既話，咪幫返啲師弟師妹囉。想當年我都係謝師宴攪手，不過係酒樓食架咋！

GreenMaDad

以前幼稚園在三缐酒店搞謝師宴，搞手做了很多準備，做埋cd紀錄每一小朋友成長，又拍哂片，不記得每人$500定$600， 其實幼稚園半日每月要$4000過外，基本上家長都很中產，有家長很開心，覺得謝師宴成為一個好好的回憶，但亦有小部份家長覺得價錢"吾抵"，唯有只派一家長同小朋友參加， 慳了幾百蚊，但沒有了爸爸媽媽與小朋友一起參加的意義......真係一樣米養百樣人.

王家爸爸

Charlotte_mom 發表於 19-3-11 15:57
有d人真係點極唔明
無論家教會決定好，班委決定好；咁唔滿意，就問下自己點解當初唔舉手，到最後決定晒至嘈 ...

呢個係香港近年出現既怪現象，做決定時唔出聲，大家決定好既時候就出來反對。