大抽獎最輕鬆係B1B-B1C或直屬小朋友

PTL_L

lokwing2000 發表於 25-5-20 21:12
band2也不一定過到馬路, 所以最後還是要keep到band1成績

我一個小朋友既直中係4去5，收99個，另一個間直中係5去5，都係99，過馬路嗰間係6去7，138個位for 6班180人，要爭只係呢180人，同公海分別幾大！我大既直中差不多收哂咁濟，細既直中就緊張啲，亦都有人升唔到，但少量，band 3一定上唔到，收咗讀都無謂，又吃力啦，如果小朋友讀緊直屬中小既，唔可以話輕鬆，但一定冇公海爭壓力細好多！你話朋友仔仔都緊張，絕對合理，就算我攞硬band 1直屬位，都要準備銜接上英中，band 1中學唔易讀，由其中小升英中！

LeeCC

有直中的小學，通常學生banding資訊極少，家長連小朋友咩band都唔會知，老師畀的答案可能只係“一半機會抽到自己中學”，“極少機會抽到原校”等回覆，有學校好d既，就畀幾間例子你去選擇填乙一，當中有啟示小朋友大約程度

PTL_L

LeeCC 發表於 25-10-19 07:13
有直中的小學，通常學生banding資訊極少，家長連小朋友咩band都唔會知，老師畀的答案可能只係“一半機會抽 ...

會既，但大多係band 3生，因為呢類學生揀直中係浪費咗乙一嗰位。不過我發覺，其實咁多學校入面，我覺得最唔識玩升中遊戲既，就係有直屬中小既老師。

LeeCC

PTL_L 發表於 25-10-19 08:42
會既，但大多係band 3生，因為呢類學生揀直中係浪費咗乙一嗰位。不過我發覺，其實咁多學校入面，我覺得最唔 ...

朋友女女當年老師只係話可以博自己中學，一半機會，家長問乙二填咩學校？老師無意見

另一個朋友仔仔，學校話填自己學校幾乎無機會，唔好冒險，提議幾間學校畀佢填，但朋友堅持填原校，又畀佢好彩入到wor ，無奈上到中學，中一留班，跟住試升中二，但升唔到中三，只好放棄選擇放洋

PTL_L

LeeCC 發表於 25-10-19 08:54
朋友女女當年老師只係話可以博自己中學，一半機會，家長問乙二填咩學校？老師無意見

另一個朋友仔仔，學 ...

所以睇學校既政策，我覺得女校係保守啲，個人覺得係因為女校比較多,位亦多，學校同學校之間競爭大，所以小學部要幫手保護中學部，好多時都係好輕輕建議同帶過。當年，自己小朋友既班主任都只係輕輕話乙一填直中無問題，佢無明言可以留意下其他學校，亦無鼓勵，但班主任好好亦非常公道話，揀自己喜歡既都未嘗不可！另一個既小學係有派banding 紙，不過，亦都有提議揀乙一係直中，不過我覺得佢banding 既估算對中遊份子唔太準確，當然級頭都係任揀，直中怕你走Tim!

mcl233

PTL_L 發表於 25-10-19 08:42
會既，但大多係band 3生，因為呢類學生揀直中係浪費咗乙一嗰位。不過我發覺，其實咁多學校入面，我覺得最唔 ...

也未必，因為多為有歷史既中學，都比較依足教育局指引，唔建議為學生分組別啫，既然係咁既指引下，咪會出現唔提供組別，又或照依教育局模式，一個除3去分組別，某些會除9，好讓學生有個概念下做決定囉～

自己子弟兵，當然升中係想佢地直升啦，始終自己學校教左佢地6年，一般認為勝於再去教一個校外生，可以理解既～

唔識，唔講，或唔講得，外人係好難去分辨～

mimwing

根據兩次的經驗，B1C 學生只要甲一選本區頭3之後的學校，命中機會極大