求意見 YWGS vs HKUGA

lot888

學校VS其實冇贏輸，更冇什麼完勝。發post只係俾其他家長帶出不同觀點，令樓主可多角度分析學校，為小朋友爭取最好，最合適。在大部份討論中，大家冇懷疑港同既能力，只是在意佢用超多嘅VS 去追擊其他學校，而內容單一，主觀性強，想極力洗走大家對傳統名校嘅認知，傳統嘅優點及歴史，這就有點那個。

smallsoso

作為家長如果有這個幸福問題港同vs傳統名校，真的很難選擇。傳統名校的歷史悠久的光環及人脈網絡，學習氛圍真的很吸引。但港同的教學模式及DSE又好好。放棄任何一個offer, 都覺得可惜。所以，無可厚非想聽取多角度分析也是很合理。

bettyay

smallsoso 發表於 24-4-4 16:45
作為家長如果有這個幸福問題港同vs傳統名校，真的很難選擇。傳統名校的歷史悠久的光環及人脈網絡，學習氛圍 ...

如果認為放棄任何一邊都覺得可惜，也即是入邊間都錯不了希望各vs vs的家庭睇完聚多意見再配合自身要求，都能選中心儀之選！

positano

lot888 發表於 24-4-4 16:05
學校VS其實冇贏輸，更冇什麼完勝。發post只係俾其他家長帶出不同觀點，令樓主可多角度分析學校，為小朋友爭 ...

我又唔覺得有人會特登出好多港同post去追擊其他學校，只係好多人（包括我小朋友在內）雖然小朋友好鍾意港同，但家長又唔捨得個傳統名校位，所以心大心細啫⋯

PTL_L

positano 發表於 24-4-4 21:26
我又唔覺得有人會特登出好多港同post去追擊其他學校，只係好多人（包括我小朋友在內）雖然小朋友好鍾意港 ...

都有網友pm我問，佢既情況係港同 vs 聖心，再問多少少，原來係港同直小生，咁呢個情況底下，起一間學校讀咗咁多年，非常清楚、接受學校模式，都係因為鍾意先6年前揀入港同小，根本唔需要轉去其他學校又要重新適應，除非讀得唔開心又或讀咗幾年覺得唔適合自己啫！

RainyRice

PolarBear834 發表於 24-4-4 15:54
無論成績多好，其實小朋友們就是需要學習雙贏思維，不是只有誰勝誰負。這對將來工作處事非常重要。家長可以 ...

參觀過港同的小學，校舍4560平方米真的比較細，令我家人立即ban了。那港同書院8300平方米 (旁邊SPCCPS 7700平方米）校舍也是相對細嗎？
另外我在讀 港大同學會那本《圓21世紀教育夢》書，真的覺得他們的教育理念和方法很吸引，如果真的將這個教育理念實行而小朋友可以愉快學習得到好成績，增值能力高的話真的幾吸引。但這本書有點像marketing 宣傳書籍，所以我都要read it with a grain of salt。
不過也是那句，如果小朋友已經是B1A成績的學生，不需要為增值能力而入港同。除非家人和小朋友真的很想輕鬆多三年，又或者覺得他們的教育方法可以培養小朋友獨立思考，而認為對比YWGS傳統名校做不到。再培養獨立思考這個方面我未讀完這本書，未考慮這個問題，也沒有跟用家證實和討論過，所以未能評論。

RainyRice

positano 發表於 24-4-4 21:26
我又唔覺得有人會特登出好多港同post去追擊其他學校，只係好多人（包括我小朋友在內）雖然小朋友好鍾意港 ...

冇錯，我諗大家對傳統名校的教學方法，考試制度各方面都非常認識，亦都很喜歡傳統學校的名氣和網絡，但對港同的教學理念雖然十分欣賞，又不清楚是否值得放棄名校去讀港同所以在這。我在讀那本港同教育理念書，都覺得港同好吸引，只擔心那本書報喜不報憂，隱惡揚善(用詞誇張了一點，就是講好嘢唔講衰嘢)。
我都希望將來自己的小朋友有機會有這個幸福的vs煩惱上來問問(emoji)。

PolarBear834

謝謝你詳細的資料。就校舍大細來說，其實原來都唔算細（這就證明個人感受有時唔夠客觀），不過就跟父母親以前就讀的學校有一些距離(emoji)

hezekiah

smallsoso 發表於 24-4-4 16:45
作為家長如果有這個幸福問題港同vs傳統名校，真的很難選擇。傳統名校的歷史悠久的光環及人脈網絡，學習氛圍 ...

是的, 謝謝你既理解.
身為家長出vs post, 我本身個人沒有糾結已選定YWGS, . 但要說服身邊另一半 & 小朋友, 就一定要更多兩邊既資訊, 先可以三個一齊有共識去做決定. 如果我一個人話到事, 我就未必會出post既呢.

大家要留意, 小朋友去完in 幾次港同都玩得好開心, 好多都會話鍾意港同多過其他學校既. 尤其係好academic 難度好高既面試既學校, 小朋友對自己失左信心, 對間中學印象就唔會太好, 可能驚自己讀唔上,好辛苦.

acgy

hezekiah 發表於 24-4-5 11:34
是的, 謝謝你既理解.
身為家長出vs post, 我本身個人沒有糾結選定YWGS, . 但要說服小朋友同身邊另一半, 就 ...

我覺得唔駛說服小朋友，如果小朋友有意願，應該比小朋友自己揀。

kirstyau

hezekiah 發表於 24-4-5 11:34
是的, 謝謝你既理解.
身為家長出vs post, 我本身個人沒有糾結選定YWGS, . 但要說服小朋友同身邊另一半, 就 ...

雖然我支持選英華女，但睇嚟只係媽媽一個鍾意，讀書係阿女俾返佢揀啦！

swh2020

hezekiah 發表於 24-4-5 11:34
是的, 謝謝你既理解.
身為家長出vs post, 我本身個人沒有糾結選定YWGS, . 但要說服小朋友同身邊另一半, 就 ...

同意你所說的面試體驗。上年報名幾所名校，特別是自行的兩間，從交表報名到面試，全程無笑臉，面試也是口頭考察幾道中英數題目，小朋友未能留下什麼好印象。港同三輪面試，小組遊戲等方式，每一次結束後走出來的學生都是笑臉。我認為這體現的是學校的行政管理效率，因為安排三輪面試需要很多老師與後勤配合。而很多學校寧願多一事不如少一事，自己的工作越少越好。

verykin

hezekiah 發表於 24-4-5 11:34
是的, 謝謝你既理解.
身為家長出vs post, 我本身個人沒有糾結選定YWGS, . 但要說服小朋友同身邊另一半, 就 ...

難度好高既面試既學校, 才可分實力高低..
自行收的,就是學校想收的最Top30%學生, 之後,有大抽獎學生在你實力之下, 無需要怕自己讀唔上.

PolarBear834

RainyRice 發表於 24-4-4 23:21
參觀過港同的小學，校舍4560平方米真的比較細，令我家人立即ban了。那港同書院8300平方米 (旁邊SPCCPS 770 ...

呢個係一個值得思考的問題。首先要理解小朋友是一個怎樣的B1A學生。同意如果是真的尖子，他們有很強的自學和思考能力所以無論你去那一間學校都會係學霸。他們不大需要學業能力上的增值。但小學跟中學的學習模式其實是很不同的。就我理解（我是門外漢，唔係教育界人士），小學比較多資料性嘅學習，而中學則開始需要高階思維模式（即融匯貫通）。我看港同的功課很着重於學生理解能力，然後用自己的文字（書寫或presentation)去作答。這方面對大部份小朋友的學習成長是很有幫助。這也是教育界的其中一個課題：教人定教書。就算係B1A尖子，他們也要學習待人接物例如雙贏思維。

其實有港同offer的小朋友也有很大機會有其他自行的offer。我選擇港同之前也有是心大心細的，但有幸問過不同的港同學長/學生，他們的經驗也是很正面的。有一個朋友，佢講咁多年來（佢係由港小讀上去）從來冇見過小朋友認真溫習，但有幸s6發力也可以入到三大不錯的學系。

我個人理念是相信學習模式和語文基礎。還記得以前中大朋友跟我說year 1學生是要上思考方法課堂（有一本很出名的書：李天命的思考藝術）。

我沒有詳細地去理解其他學校，所以可能是我的認知不足。但在工作上也見過很多不同學校的畢業生，就是最怕那些高分低能的。通常名校生會寫上中學名稱，周圍的同事朋友也有不同名校畢業，這麼多年來的觀察真的是每間學校有點unique style的。

這是一個matching process,所以家長們選擇前要去理解學校的模式和理念。最終成績是要靠小朋友個人努力，一份耕耘一分收穫，不論是港同或者其他學校。沒有最好的，只有最合適的。

Greylay

acgy 發表於 24-4-5 16:50
我覺得唔駛說服小朋友，如果小朋友有意願，應該比小朋友自己揀。

X 2

cafeva

港同選科情況如何?

lot888

非常同意經多方面討論後，小朋友應有基本了解，就隨佢心意前行，免日後讀得不如意後悔。

mcl233

swh2020 發表於 24-4-5 21:48
同意你所說的面試體驗。上年報名幾所名校，特別是自行的兩間，從交表報名到面試，全程無笑臉，面試也是口 ...

三輪面試，是否因為學校要嚴選學生，以提高整體學業成績，似乎同坊間認知既增值力強，並非太配合？～

smallsoso

cafeva 發表於 24-4-6 10:29
港同選科情況如何?

  港同選科是因應學生選擇，不需要以排名選科的。所以，基本上學生想選擇的科目都可以入讀。

cafeva

smallsoso 發表於 24-4-6 11:42
港同選科是因應學生選擇，不需要以排名選科的。所以，基本上學生想選擇的科目都可以入讀。
...

咁好好呀