聖士提反女 VS 協恩

BB-Tiger

mcegg 發表於 23-4-15 09:46
我係鋼琴老師，認識幾位協恩的中一、二學生，佢哋功課多到不斷嗌救命，讀咗一年半載、幾個都由活潑少女變到 ...

我都聽過有協小升協恩嘅中一追唔到，多科肥佬，阿媽咁辛苦畀佢讀，直頭喊咁口。另外我想請問一下鋼琴老師，係空氣練習指法對練琴有無幫助架？我唔見個衰仔練，佢就話空氣練左你唔知道，堅持佢有練，如果無幫助嘅話我考慮請佢食菱角。

Greylay

Rpp 發表於 23-4-15 12:09
我最欣賞校長聽家長意見五月又開始返半日。

Absolutely agreed . 不過有兩星期體驗吓全個禮拜都可以出街lunch ，佢哋好雀躍。

Rpp

Greylay 發表於 23-4-15 12:10
本帖最後由 Greylay 於 23-4-15 12:11 編輯

Absolutely agreed . 不過有兩星期體驗吓全個禮拜都可以出 ...

我呢個係痛苦，返兩個禮拜全日無得瞓晏覺，平時瞓晏要瞓足兩三個鐘。

bettyay

BB-Tiger 發表於 23-4-15 12:09
我都聽過有協小升協恩嘅中一追唔到，多科肥佬，阿媽咁辛苦畀佢讀，直頭喊咁口。另外我想請問一下鋼琴老師， ...

我唔係琴老師都知彈空氣練，無論音色、力度、手指弧度、琴鍵位置等都冇做到，梗係冇用，但點好過彈空氣都費事的

PS但我係一位有孩子學過琴的媽媽

BB-Tiger

bettyay 發表於 23-4-15 12:22
我唔係琴老師都知彈空氣練，無論音色、力度、手指弧度、琴鍵位置等都冇做到，梗係冇用，但點好過彈空氣都費 ...

多謝，佢成日好逸惡勞，想付出少少收獲多多，我買定菱角等佢睇完戲有得食先。

bettyay

Greylay 發表於 23-4-15 12:06
本帖最後由 Greylay 於 23-4-15 12:24 編輯

本帖最後由 Greylay 於 23-4-15 12:07 編輯

據聞HYS以前都有夏令時間的，不過唔知而家仲有冇了！不過又應該唔止貴校先有夏令嘅

Greylay

bettyay 發表於 23-4-15 12:29
據聞HYS以前都有夏令時間的，不過唔知而家仲有冇了！不過又應該唔止貴校先有夏令嘅 ...

可能我辭不達意，唔好意思先。我只係想話欣賞我地學校呢一點，從來無講過係我地獨有。

bettyay

BB-Tiger 發表於 23-4-15 12:27
多謝，佢成日好逸惡勞，想付出少少收獲多多，我買定菱角等佢睇完戲有得食先。 ...

可能阿仔真係手指彈空氣都有成效呢！開琴彈就知有冇用，彈唔出「練習成果」先俾佢食菱角都未遲

bettyay

Greylay 發表於 23-4-15 12:32
可能我辭不達意，唔好意思先。我只係想話欣賞我地學校呢一點，從來無講過係我地獨有。
...

可能到我表達唔好！唔係想講係咪獨有，我都係想話有夏令時間啲小朋友係幾開心的

clingy

Greylay 發表於 23-4-15 12:06
本帖最後由 Greylay 於 23-4-15 12:24 編輯

本帖最後由 Greylay 於 23-4-15 12:07 編輯

請問係邊間學校仲有夏令時啊？

gracelam

clingy 發表於 23-4-15 12:40
請問係邊間學校仲有夏令時啊？

我識有幾間中學都有喎！不過好多時到高中下午都要繼續返學冇得早放好多，但都比平時早咗放學嘅！

mcegg

回覆 bettyay 的帖子

我所聽既就係幾位用家的自己分享，你唔信我講就算。而且，我囡囡而家都讀緊英華女校，完全無協恩呢啲咁功利既做法，也可以用任何樂器，包括唱歌，來計音樂分。而且，也有不少學校不是協恩的那種做法，也可以讓學生兼顧學業及課外活動，例如真光（因我認識的學生就是一手用家，所以資料是最新鮮的）。一家懂得真正教育，也懂音樂、有修養的學校，不會不明白，每樣樂器也要練習，就連鋼琴都一定要下苦功才能有進步，何況它是樂器之王，彈琴可以令學生思想到整個和弦音色，這是其他單音樂器做不到的，就連做指揮也要懂一點鋼琴。不過現在的世代，要迎合那些急功近利的家長，而學校也要為名氣而放棄真正學習藝術的途徑，那就無可奈何了。

mcegg

clingy 發表於 23-4-15 12:40
請問係邊間學校仲有夏令時啊？

我囡囡讀緊英華女校，五月就轉夏令時間。

clingy

mcegg 發表於 23-4-15 12:58
我囡囡讀緊英華女校，五月就轉夏令時間。

謝謝回覆(emoji)(emoji)對中學生來說，有夏令時感覺可以輕鬆唔少。我小朋友九月就升中，希望佢可以合理安排時間，繼續有自己的興趣班

lot888

師兄師姐唔好開學校名比較啦，這必然引超紛爭，那又何必呢？每間學校有自己本身宗指，百貨應百客。協恩係直資，要爭取成績，給學生多點磨練也有其原因，如跟家長小朋友理念相同就take拉。

bettyay

mcegg 發表於 23-4-15 12:54
回覆 bettyay 的帖子

我所聽既就係幾位用家的自己分享，你唔信我講就算。而且，我囡囡而家都讀緊英華女校 ...

我信呀！亦唔止聽過一次，亦是用家分享，不過我始終唔係用家家長，所以點都要講下請用家分享。

本人認為鋼琴是樂器之首，冇乜樂器睇譜須同時彈高低音譜，要彈得一手好琴絕非易事

yama211

回覆 mcegg 的帖子

協恩來緊五月下旬2個星期都有夏令時，我囡讀緊中一，中英文學得都較深，功課好少但小測多，我睇佢讀得輕鬆，成績好理想，冇補習，晚晚十點訓覺。

mcegg

bettyay 發表於 23-4-15 12:22
我唔係琴老師都知彈空氣練，無論音色、力度、手指弧度、琴鍵位置等都冇做到，梗係冇用，但點好過彈空氣都費 ...

講得啱，學琴不可能只在空氣中思考練習，因為其實牽涉手指肌肉的訓練，如果沒有鋼琴琴鍵的重量去練習，那麼手指是不能有強健而靈活的動作的。再者，音樂是用來聽的，所以你不彈出嚟欣賞和改善，那學來有什麼用？如果家長可以相信學生這種那麼無聊的解釋而相信他，那就真是對學習音樂一無所知了。當然，如果是鋼琴大師，有時他們周圍飛去表演時，在飛機上他們也會用空氣練習法的，因他們已經功力深厚，在腦中的音準是很準確的。所以那就另作別論。

bettyay

lot888 發表於 23-4-15 13:11
師兄師姐唔好開學校名比較啦，這必然引超紛爭，那又何必呢？每間學校有自己本身宗指，百貨應百客。協恩係直 ...

同意要搵合適自己的，要了解清楚是否配合認同學理念，有同學係好辛苦，亦有好多同學係好開心的。

mcegg

yama211 發表於 23-4-15 13:16
回覆 mcegg 的帖子

協恩來緊五月下旬2個星期都有夏令時，我囡讀緊中一，中英文學得都較深，功課好少但小測 ...

咁即係你嘅女女讀書好記性又聰明，或者佢有好既讀書方法，所以呢啲人先至適合讀協恩。👍🏻