華人書院與港同如果選？

10090

lot888 發表於 24-7-12 21:48
咁你要睇吓鄧顯嘅歷史啦。

四十年前點同呀，人口、社會氣氛、資源分配完全唔同

lot888

回覆 10090 的帖子

我見你之前話港同十幾年去到1A成績，無校能及，所以建議可看看鄧顯歷史。鄧顯80年代創校，由band5追去band1，再追band 1頭只用了十多年時間。2000年頭已是全港頭幾間以成績出名嘅名校，2000年中開始出狀元。鄧顯位於大西北，80年代這些村校可以吸到幾多優質生？大多附近街坊。在訪問中，校長曾講當時大部份學生家庭攞綜緩，學生學校冇資源，連出九龍參觀嘅車費都有問題，有學生因家庭財政而要輟學，在這樣資源極度貧乏的環下，學生學校乃能登頂，唔敢話無校能及，但你話係咪奇蹟？

10090

lot888 發表於 24-7-13 12:35
回覆 10090 的帖子

我見你之前話港同十幾年去到1A成績，無校能及，所以建議可看看鄧顯歷史。鄧顯80年代創 ...

明白嘅，基層無錢補習，肯定係靠哂老師校長嘅付出

chanti

我比較另類、唔會考慮港同

lot888

回覆 chanti 的帖子

你唔係另類，每年小一叩門，都係去影舊油天，D 囝想叩入係想博華仁。而每年升中去影新油天，男仔九成捕捉派到華仁一刻嘅快樂心情，失落嘅都話叩華仁。而參考這幾年升中表，最少油尖旺官津，大部份都選這些由亞爺嗰一代都識嘅傳統名校，選直資非常少。都好呀，源頭分流，信直資讀直資，愛傳統就继續傳統，百貨應百客。好多時派位後訪問D家長，家長話開心，因為自己及小朋友入讀同一間傳統名校，亞爸讀過嘅班房，亞囝又可以讀，亞爸係校隊，亞囝又係校隊，呢種傳承，呢種由心發出嘅歡樂，真係非言语能表達。

adriantai

chanti 發表於 24-7-13 13:46
我比較另類、唔會考慮港同

EK嘅另類

minnieevergreen

lot888 發表於 24-7-13 12:35
回覆 10090 的帖子

我見你之前話港同十幾年去到1A成績，無校能及，所以建議可看看鄧顯歷史。鄧顯80年代創 ...

我細個是上水人﹐
正是00年代升中學生﹐
果陣鄧顯已是神話﹐我記得我會考那年﹐升AL文科收生係24分以上﹐理科大約26

我小同正正是狀元﹐會考當年9A1B﹐高考6A
其實諗返起﹐從小已經是與眾不同﹐不是成績而己﹐而是果份沉穩既氣氛

lot888

講開舊油，佢派彩當日已公報升中學校及人數，14個華仁，10個伊中，7個真光，其他喇沙，英皇，皇仁，stjoseph，遠至沙崇都有，成績非常亮的，比例上入讀直脂真係好小，似乎直脂真係冇辦法吸引呢班叻囝叻囡。我最有興趣係入伊中竟全女仔，真係冇男仔揀？學校好似早已分流，男就華仁，女就伊中，油真，家長又好似完全配合，真係家校合一。反觀一D直小，升中又好少入讀傳統官津，大部份升去直脂。以乎家長現已歸邊，入讀邊類形小學已預備升邊類形中學。

acgy

minnieevergreen 發表於 24-7-13 16:10
我記得我會考那年﹐升AL文科收生係24分以上﹐理科大約26

是外校生計6科，A 5分？

feifei_baby

lot888 發表於 24-7-13 21:26
講開舊油，佢派彩當日已公報升中學校及人數，14個華仁，10個伊中，7個真光，其他喇沙，英皇，皇仁，stjosep ...

連SPCC，四大女直，SPC DB都吸引唔到呢班叻仔叻女？我見一般二線頭津小都總有至少十個八個入讀… 是舊油的傳統嗎？

lot888

feifei_baby 發表於 24-7-13 22:21
連SPCC，四大女直，SPC DB都吸引唔到呢班叻仔叻女？我見一般二線頭津小都總有至少十個八個入讀… 是舊油的 ...

呢個要問校長，家長啦。個升中表派彩當天已出，你一search 就見到。

mooie

好多人揀直資係因為唔想玩大抽奬，好驚大抽獎嘅不確定因素。如果睇住抽獎結果來選擇，我相信揀官津名校嘅人會更多，官津校始終係免費

lot888

呢D名小，每年派位情况近似，家長確可從校網睇住結果部署。如果講派位不確定性，咁就真係要睇家長有幾清晰，係以目標學校為先，或避險更重要。好多時家長選校會考慮非DSE课程，如IB，但主原因並非欣賞IB嘅教學設計及理念，而係逃避中文，結果多令人失望，這又是誰的錯呢？現今社會太多資讯，亦係噪音，內心唔夠強大，目標唔清晰，就好易受人影響而迷失，延續到小朋友。如果講學費，我估又未必係家長首要考慮。

travelman

lot888 發表於 24-7-14 10:22
呢D名小，每年派位情况近似，家長確可從校網睇住結果部署。如果講派位不確定性，咁就真係要睇家長有幾清晰 ...

我以為因為IB容易入神科

mooie

lot888 發表於 24-7-14 10:22
呢D名小，每年派位情况近似，家長確可從校網睇住結果部署。如果講派位不確定性，咁就真係要睇家長有幾清晰 ...

好嘅部署的確可以增加大抽獎派到心儀學校嘅機會，但當中點都會牽涉幸運嘅成份，就算機會率點大都好，始終有機會派地其他非心儀學校，所以見好多人在自行階段有直資offer（非最top 直資），都把持唔住，寧願take offer都唔玩大抽獎，第一心儀學校就等7月放榜先再去叩門

lot888

呢個真係有趣嘅討論。先回m家長，呢個又回到目標為先或避險更重要嘅問題上，冇話邊個一定啱，最重要清楚自己要乜，如祈望先取直資，放棄抽獎再後叩門，我自己個人覺得最不可取，叩門投入大，難道高，成功率非常低。反而先抽獎，不成功才叩直資結果更好，直資按人頭收政府津貼及家長學費，直接影響營運經費，只要唔太差，叩入機會大。反觀官津，先有數量限制，位小又限時，最重要係學校按開班收津貼，小收一兩個，或完全唔收叩門都唔影響開班，營運及收津貼，相反，如果收咗個唔理想，往後更麻煩。所以我早前話可參考各校可收人數及中一入讀人數，包括band 1中學，你會發現有落差。