好失望，考得咁好都跌band ，究竟咩原因？

janet.k

W221 發表於 21-4-19 21:36
可能學校本身可提供嘅數據都唔多，如果補習老師都有教同區band1學校嘅學生，佢應該比較到課程深淺，清楚亞 ...

我都係咁諗，如果補習老師話我小朋友未必能夠應付，我會接受，但同時我有問過喺度補習的中學生有關學校情況，我相信小朋友應該能夠應付，但一切等補習老師覆我先決定到

janet.k

maomaochoi 發表於 21-4-19 20:48
又會之前有級名次，5、6年級先冇？

不過現實啲，如果1年級時頭3名，好應該即刻轉校。

我見小朋友讀得好開心，日日放學都開心share ，嗰時諗：佢鍾意返學先願意學，肯學先有進步，所以轉軚唔轉校，但無諗到咁長遠對升中有咁大影響

janet.k

多謝咁多位熱心幫助我、俾建議我、安慰我、解答我問題的媽媽們，呢兩日就快交表啦，希望大家都入到心儀的中學，我都係，無論到時派位情況如何，相信小朋友都會努力去爭取好的學校，好的成績，大家努力！
感謝

mcl203

janet.k 發表於 21-4-19 23:19
我都係咁諗，如果補習老師話我小朋友未必能夠應付，我會接受，但同時我有問過喺度補習的中學生有關學校情況 ...

現行制度係好無奈，Banding係依前兩次師兄師姊嘅Pre-S1成績去配對，你嘅努力只適用於後來者，可以講係在統一階段識飛都唔會有得飛。勿失信心～

Cliokohonda

janet.k 發表於 21-4-19 17:28
一級5班，平均應該有27人，學校ranking 我一向心裡有數，亦唔會俾小朋友只應付學校功課同考試，所以我先唔 ...

寶校好小開到五班，一级約130人，假設一成B1率，至小B1有13人。

樓主在其他回覆認為呈一加呈二可能有B1A(又假設有1~2人），约有十個B1排喺後面。

呈三幾科滿分，而現在老師告之综合為B2 。排第十四至廿四一齊過頭先有機會，因呈三成績而跌band 既可能性難過入DGS 。

我想有部分EK家長懷疑資料的真確性，亦好明白面對逆境的方寸大亂。

Cliokohonda

呈一加呈二B1A生而呈三後變B2 , EK有冇例子？

上年見阿仔全班P5時已有 B1 成績， 升中全班35人都升B1校，冇一個跌band ，包括尾兩三個1C 。

B2呈三追上B1成功例子又多唔多？

21-4-20 00:52 上傳

下載附件 (123.13 KB)

nancy916

學校有無分精英班？有朋友囝囝係吾係精英班考全班第一，都係band1C至band2A!
不過講真，香港既升中制度係玩死人，成件事睇番，讀弱勢學校既小朋友幾慘下，特別係如果遇到不負責任既學校，可能害左小朋友

kaboBB

我自己覺得係本身小學banding低，樓主小朋友呈一可能係1C-2A,不過老師會叫你先搏band1(正如我朋友去年叫佢搏band2),仲要觀瑪1b唔好揀（其實係因為同區，一定一定知你小學咩level，所以叫你揀景嶺，搏TKO唔清楚你間小學咩Level，自行收）
到依家大抽獎，唯有如實相告，等你選2A唔好跌落band3

舊年我朋友嘅case,令我明白有D banding低既小學會咁出口術。但亦明白一直冇提升中資料，可能係學校唔比老師講，而不是老師唔講。如果呢D出哂黎，小一就收生不足架喇！所以D學校咪出99%派首三志願呢D，其實即係派位好麻麻。

三多

間間小學真係好大分別，我囝囝間小學中文作文全級最高分都係得78分，數學有人考100分之外，其他主科都沒人考過100分，因為英文有作文，常識有簡答題和時事題，每次拿張成績單我都覺得好難看，好難有9字頭，但佢已經係級前十內

bopui0607

maomaochoi 發表於 21-4-19 20:48
又會之前有級名次，5、6年級先冇？

不過現實啲，如果1年級時頭3名，好應該即刻轉校。

會。本校一樣，5，6年級開始冇名次。學校唔想你知太多太仔細，我覺得。

medicine

Cliokohonda 發表於 21-4-20 00:39
寶校好小開到五班，一级約130人，假設一成B1率，至小B1有13人。

樓主在其他回覆認為呈一加呈二可能有B1A( ...

前面講的個兩間,31果欄同32街市,都有5班哦,某啲年份仲要加人,甚至招足150都試過(不過,通常好快就會減少,插班它校走左).至於派位,一向寫校名沒人數.大家心照啦/

maomaochoi

成件事睇番轉頭，只能慨嘆樓主部署失誤，現在只能盡力補救
樓主一開始俾小朋友讀私幼，都應該係對小朋友學習有要求。但大抽獎時冇了解遊戲玩法（呢樣野咁緊要，點都要花時間去了解），最後派左去26志願。雖然樓主都有叩門，但我估樓主又係冇研究間學校，見有學校收就去讀，最終呢間應該係寶校。
樓主話阿仔英文好，又有能力，但見佢讀緊呢間學校好開心，又冇同佢轉校。其實有啲浪費小朋友。
然後我覺得學校程度本身都淺，樓主又唔察覺。作文冇離題，錯字錯標點唔扣分，就有可能攞滿分。我相信好多學校作文錯字錯標點一定扣分。
然後體育考時事，樓主又覺得好難。其實好多學校體育都有考時事的。
既然樓主有請補習，自己又轉左幾次工為阿仔呈分，花咁多心思都唔花時間了解本身間學校係咪適合樓小朋友。
而家睇番只可以覺得可惜。小學階段父母真係要花多啲心思，到中學就係佢地自己發揮。
希望樓主仔仔入到間好嘅band2中學。

subb

樓主, 其他補習老師有無同你講過仔學校功課及程度問題 ??

BTW UCCKE 第一輪放Offer時,
你小朋友是pending ????
現在status 是???

現在只好好準及修正向前, 好好準備填表及叩門吧 ! 加油

cafeva

其實你仲可以扣門. band 1,2 都扣, 全部有得考就得. 唔信有能力去唔到好學校.

sunnygirl

janet.k 發表於 21-4-19 23:10
band 1A係我小朋友偷睇到老師張紙，老師只同我講band 1，同時建議我報景嶺，我都有聽，亦有問過有關景嶺的 ...

小朋友睇到老師張紙寫A，會唔會其實當時係B2A，不過一般自行都會叫學生選高一線學校，所以就同你講係B1，叫你試左他區B1中學先，可能真係一個美麗誤會

maomaochoi

其實呈一呈二係band1A, 又覺得小朋友有能力，之前讀私幼，經濟應該唔大問題。點會唔報幾間直資傍下身？
而且自行都未有呈三成績，連誇區band1c都冇收，基本上心中有數。
老實我覺得樓主有小小佛系。係佢學校小朋友可能好叻，但佢冇考量過自己小學嘅程度。可能佢小朋友去第二間小學，好多人都係差唔多程度。
我相信寶校有好多野都唔想透露太多，因為有心追求學術嘅，聽完一定轉校。而且寶校都唔係sell學術，好多時都係sell關愛。所以學校咁唔透明都情有可原

pooh仔

maomaochoi 發表於 21-4-20 08:58
成件事睇番轉頭，只能慨嘆樓主部署失誤，現在只能盡力補救
樓主一開始俾小朋友讀私幼，都應該係對小朋友學 ...

你好犀利追索番樓主6年前派小學history.
原來樓主指中英100分是作文， 作文某程度好難取到滿分尤其在高小時！
就咁睇間小學老師改卷都好求其，比咗一個錯誤信息學生及家長，而家長又唔熟升中派位基制，真以為自己小朋友好勁， 原來個個都好易取高分甚至滿分！
講真香港真喺好難有「愉快學習」，當去到小五六呈分時，就已經要向現實低頭！

maomaochoi

pooh仔 發表於 21-4-20 11:12
你好犀利追索番樓主6年前派小學history.
原來樓主指中英100分是作文， 作文某程度好難取到滿分尤其在高小 ...

我冇記錯樓主係話中、英、數三科滿分。咁中、英文當中包含作文，只要作文唔係滿分，咁中文總分都冇可能滿分啦。
然後佢話錯字錯標點都唔扣分，咁學校程度係點，心中有數

werty

之前PreS1考得唔好，所以B1人數下降？

pooh仔

maomaochoi 發表於 21-4-20 11:32
我冇記錯樓主係話中、英、數三科滿分。咁中、英文當中包含作文，只要作文唔係滿分，咁中文總分都冇可能滿 ...

錯字標點都唔扣，真喺不可能事！
這類學校有時真喺唔好怪被人標簽為「寶校」