英華vs九龍民生

fishstoneb

仔仔讀書型， 音樂運動都冇特別擅長，如果目標係考dse, 呢2間邊間dse成績好d？
民生網頁搵到各科dse成績，但英華只係校務報告搵到英文科dse成績，請教各位英華其他科目成績如何？

PTL_L

fishstoneb 發表於 24-3-20 10:26
仔仔讀書型， 音樂運動都冇特別擅長，如果目標係考dse, 呢2間邊間dse成績好d？
民生網頁搵到各科dse成績， ...

其實兩間都係成績好好嘅學校，yw今年成績標青，起簡介會校方有展示，民生我無咩留意，俾唔到成績意見，不過想講係1A1B校其實成績上差唔遠，係唔係要做選校惟一呢？建議由入讀機會率、遠近、學校style等嚟選校。
相信你有考慮民生，係因為小學部學生(因自行27/3先放榜）？而考慮yw係因已有offer?自己身邊嘅人選校會分兩類（文靜型男仔），一類係覺得小朋友文靜，想佢更活躍，所以揀全人學校（你呢個case上係指英華）；另一類係順佢性格而行。就自己係，小朋友係文靜乖巧型，不過幫佢揀咗全人學校，事實上都大挑戰，佢性格都係斯文，所以都要時間學習不過始終覺得男仔係活潑、轉數快啲好！全人學校都會有一班讀書仔，另一班係運動仔，玩運動唔代表係讀唔到書，最緊要我好欣賞佢哋會互相尊重互相鼓勵同欣賞大學！

adriantai

唔介意男校嘅,梗係英華啦

sherry_wong

民生中學用家，小朋友讀得好開心，學校好多活動，老師很友好，他在中學比小學時更開心更投入，非常享受學校生活。英華我們非用家，不比較。

PTL_L

liverpool2023 發表於 24-3-20 11:04
本帖最後由 liverpool2023 於 24-3-20 11:10 編輯

本帖最後由 liverpool2023 於 24-3-20 11:10 編輯

話英華今年成績標青又唔啱你心水？即係要寫一路上升先得？

PTL_L

liverpool2023 發表於 24-3-20 11:19
你講過不止一次這個意見
我認為這是代表你認為它只是今年成績好（你有說過，還說不要看一時成績）
其實我 ...

首先，多謝你咁留意我，不過，我主要意思係，唔好只睇成績，呢個你又睇唔睇得出？標青係指今年特別好，並唔係話佢之前唔好喎，你唔好成日攞自己諗既想法去套落人地到啦！

0030

喜歡男校還是男女校

cherrieshum

adriantai 發表於 24-3-20 10:55
唔介意男校嘅,梗係英華啦

Yes英華成績很好，是Band1A學校

ckcleung

英華打從”親生仔”考DSE,大約四五屆吧，成績都在上升中，係近兩年才有家長貼上詳細slide先睇到整體成績，所以感覺上近兩年成績比較好。

總體講，中英文成績係吾錯的，英文5+ 50% 48%,中文 約25%

sherry_wong

如果小朋友係由細係民生讀上去，我會睇小朋友性格加意願。去咗一間新學校，要適應要調整心態，如果佢係比較外向型，可能會容易啲。中學課程多，教得又快，呢樣已經係一大挑戰，如果仲要花好多時間去改變去適應會好辛苦。家長先最明白小朋友性格，成績方面肯讀既係邊間都唔會差太遠。

sherry_wong

仲有男校同男女校模式會唔同，男校個人感覺要性格tough一啲。都係要睇小朋友性格同意願决定，選一間適合既係最重要。

whss

PTL_L 發表於 24-3-20 10:44
其實兩間都係成績好好嘅學校，yw今年成績標青，起簡介會校方有展示，民生我無咩留意，俾唔到成績意見，不 ...

選擇合適中學，到底順小朋友性格而行？定係小朋友文靜讀書型，反而應為佢選全人學校先對佢發展好？呢個問題大家會點選擇？

PTL_L

whss 發表於 24-3-20 12:03
選擇合適中學，到底順小朋友性格而行？定係小朋友文靜讀書型，反而應為佢選全人學校先對佢發展好？呢個問 ...

我自己就用對腳選咗，其實自己小朋友可以選讀書風氣重既學校，亦曾經讀過、感受過，確實讀書風氣重既學校，你會好放心交小朋友俾學校，因為學校起學業成績更加緊張過你，一步一步帶住行，冇問題既，睇家庭需要，見Facebook 有家長分享，佢唔會幫小朋友揀多活動嘅直資學校，因為小朋友就係只鍾意讀書，咁我好欣賞喎！但自己呢，就鍾意小朋友活潑轉數快有自信同識同人相處溝通，學術次之，所以果啲咩學術愈來愈差呀，唔好意思，我唔介意差極都仲係band 1學校就得喇！相處磨合上，有冇難道？！係有既，但社會上唔係就係咁㗎咩？多元人士，早啲學識磨合相處都未嘗唔係一件好事呀？！最終，結論，按家庭需要（係老土㗎喇）但好重要既，因為結果係點，都係自己承受返！

sherry_wong

我只可以同樓主講民生唔係齋讀書學校，小朋友小學時係文靜型，但睇住佢係呢幾年都改變左好多，活躍左開朗左，感覺係上左中學，人長大左加上中學會俾好多活動佢地參與，老師同小學亦好唔同，關係亦師亦友。所以如果擔心留民生唔係全人教育其實係冇必要既。其他考慮就係家長同小朋友决定了，希望你地最後係選擇到一間最適合既。

fishstoneb

謝謝各位的分享，請問有冇用家可以分享下英華和民生呢2間學校的學習氣氛如何？另外，如學生唔熱衷運動和音樂，入讀英華會否感壓力？係咪大多數英華仔都會參與運動或音樂比賽？