教育王國

標題: 入浸幼悔恨記—對浸幼教學和升王錦輝的幾個感想 [打印本頁]
作者: Petton    時間: 19-5-23 22:13     標題: 入浸幼悔恨記—對浸幼教學和升王錦輝的幾個感想

本帖最後由 Petton 於 19-6-3 10:38 編輯

我是過來人，可以講句真心話學校管理太差，所謂家教合作，係推曬俾家長
學校連同校車公司溝通都吾做，有時教師發展日或特別活動, 都不會主動連絡校車公司交待
基本上好多野都要家長自己做，自己教
所以畢左業學生父母分享，都係升小學跟吾到，
開心教學吾係什麼都吾教，老師開心過學生,  學費吾平，但教學工作不合格
學校連畢業相都吾理，學校活動攝影, 學校運動會都通通俾家教會攪，
仲有，連學校某些重要通知都由家教會名義發出，不知好嬲定好笑
而家教會可以常駐幼稚園，日日同老師吹水，
老師有時心思放應酬多過教學，你話點會教好學生，
呢間學校因爲懶，所以好少有其他學校一樣多的活動,(活動有, 一年5隻手指數得曬)
小朋友們亦不覺開心，同開心教學目標差太遠






作者: Petton    時間: 19-5-23 22:15

本帖最後由 Petton 於 19-5-28 09:26 編輯

回覆 Petton 的帖子

另外 我報浸幼都係希望子女升王錦輝，點知到頭極度失望因為王錦輝小學校長雖然貴為浸幼校董，浸幼又經常將優先取錄掛在嘴，但事實上係...根本不想收浸幼學生，但問題出係嫌浸幼學生跟不上（因為有好多家長回校反映過，升小跟功課好辛苦，好不俾面寸園長)    定係兩校管理層有牙齒印，故意冷落，不得而知

有一晚浸幼開升小簡介會，心想收下王錦輝小學料，點知全場園長對王錦輝避而不答，隻字未提，升小講好少，代園長要家長餓住肚聽下年幼稚園安排，真嘔血，心想升小講座點解梗做，可能園長都知王錦輝吾收，所以吾答，王錦輝個校長掛名浸幼校董，但真係吾當浸幼親生仔

王錦輝三字很少在浸幼提起，所謂優先取錄係有加分，(王錦輝小學校長親口講)但都刻意計少計錯，有兩年浸幼都去信投訴，但最終無理，牙力吾夠，優先取錄得個講字
除非你入家教會，兼識擦前代園長鞋，佢有推薦名單，收的機會自然大，吾係預左落選

順便講句 王錦輝面試兩輪，浸幼好多人連第二輪都無份，你話有無加分
今年收得少，第二輪名單有8成係家教會，事後先知原來佢地叫左代園長俾推薦信，
件事通天後，代園長先講幫其他學生寫推薦信，仲要拖拖拉拉梗寫, 話自己好忙

最後王錦輝都係反口不加分,  學生入吾到第二輪後,   校董開安撫會話聽家長意見,
點知變.....批評會,  講係家長教得吾好,  吾係學校問題,  推掉責任，此事家長們群情洶湧，當然校董係吾想再俾家長煩升學，先關上大閘









作者: Petton    時間: 19-5-24 13:15

本帖最後由 Petton 於 19-6-4 18:39 編輯

回覆 Petton 的帖子

思前想後, 我覺得浸幼最大問題就係由浸大管理,以前園長又係浸大教書, 又做浸幼園長,    所以好多實務係副園長做,   自己兼顧不到
但副園長能力差一大截,  後來有一大段無園長的空窗期,  長達半年，  學校管理非常混亂, 問題如下:
1,  竟然一半時間老師無家課安排,   另一半時間有家課, 老師忘記批改(如果學生吾拿出,  老師不會問起)
2.學校希望家長自行量體溫,   有漏,  學校老師不量度,   所以學生發燒上堂無人知
所以學校好多學生染上流感,   

浸幼暑假作業少到你吾信,    老師教少改少, 比學生仲開心
課外活動已經夠少, 年年都去益力多廠,  吾理悶吾悶, 時間通知俾家教會決定,
(補充一下,  呢間學校無家教會無得,  大小活動,  畢業照,  運動會全部交家教會,
自己懶做,  美其名家教合作,,  根本係懶
閱讀圖書要小朋友讀完再讀,  讀10次以上,   吾會換本書增加興味
戲劇表演的服裝道具由家長自理,  吾理表演時各有各著, 場景古代服裝超時代

無設計浸幼校服, 無興趣班, 全日班無午餐供應,  吾想多一事煩一事
老師吾會家訪, 同多數家長無電話聯絡, 最過分係老師從無問過學生升小情況，搵到小學未的關心，從來沒有,  沒有任何升小支援


當家長煩緊小朋友升學問題時,  剛好副園長被離職, 浸幼老師竟花心思在歡送會度, 出學校通告要家長幫小朋友拍影片送別副園長, 又要影相擺甫士拼副園長英文名,   
好似政治任務, 不理家長煩惱,  如果肯花心思在教學上,   浸幼升學成績都不致於此




















作者: 宇晴    時間: 19-5-26 06:55

Petton 發表於 19-5-24 13:15
回覆 Petton 的帖子

思前想後, 我覺得浸幼最大問題就係由浸大管理,以前園長又係浸大教書, 又做浸幼園長,   ...

咁得人驚
作者: Petton    時間: 19-5-27 16:31

本帖最後由 Petton 於 19-6-4 14:32 編輯

回覆 Petton 的帖子

除左王錦輝, 浸幼小朋友升其他學校如何呢?未做浸幼家長, 我吾知,   做左家長, 更加吾知.
因為浸幼從來無正式對家長公布過,  提都少提,
很少主動係升小面試月後詢問家長,  唯靠家長群組whatspp間估計,
理由係不能說的秘密----王錦輝小學錄取率不能講
有資料收集, 就要公布結果, 所以索性吾收集,
浸幼校網對錄取率都係粗率統計,  更無提每年升讀各小學人數
學校免得面目無光，繼續收收埋埋，方便收生


浸幼名為浸大附屬，校董粒粒教授，面試用教授面試，但校董很少真心關心浸幼，似孤兒多些，關心從何說起，
開心教學更不合格，如果想子女在開心中發現求知欲，想都無想講穿左課程設計係無為而治，活動少，功課少，開心少，小朋友私下都覺悶家教合作個口號最攪笑，都無功課，家長如何合作？而就快畢業升小，先叫家長暑假幫佢操練中英數 ，我暈










作者: yeeyee7557    時間: 19-5-28 15:00

吓，咁你小朋友呢3年有冇學到D咩 ...............?
會不會轉校?
作者: Petton    時間: 19-5-28 15:37

本帖最後由 Petton 於 19-5-28 15:47 編輯

回覆 yeeyee7557 的帖子

講真, 真係無什麼學到,  小朋友由於功課少, 空閒時間多,  仲變懶左

英文堂吾多, 所以底子弱,   小朋友從兒童頻道所學仲多過學校

眼見吾少家長中途轉校,  有幾個讀半年就走,   仲有的畢業前走,   
我而家都走太遲,  只好去補習班,  幫得幾多是幾多





作者: OMY    時間: 19-5-28 15:49

Petton 發表於 19-5-28 15:37
回覆 yeeyee7557 的帖子

講真, 真係無什麼學到,  小朋友由於功課少, 空閒時間多,  仲變懶左

你小朋友係咩班級？

浸幼出名訓練小朋友自信心和社交，依方面都無？
作者: Petton    時間: 19-5-28 16:23

本帖最後由 Petton 於 19-5-28 22:14 編輯

回覆 OMY 的帖子

我做左多年家長,  真未聽過浸幼以社交和自信心出名

社交和自信心好多小朋友都有,  好難比較, 難道其他幼稚園的小朋友無社交和自信心












作者: OMY    時間: 19-5-28 16:25

Petton 發表於 19-5-28 16:23
回覆 OMY 的帖子

我做左多年家長,  真未聽過浸幼以社交和自信心出名

因為有參加簡介會，浸幼係介紹課程讓小朋友建立自信心和社交
作者: OMY    時間: 19-5-28 16:30     標題: 回覆樓主:

浸幼真係一啲優點都無？
作者: yeeyee7557    時間: 19-5-28 16:33

回覆 OMY 的帖子

係呀! 我見好多報導都係咁講!
作者: Petton    時間: 19-5-28 23:32

本帖最後由 Petton 於 19-5-30 10:45 編輯

回覆 Petton 的帖子

不少幼稚園愛用開心教學標榜自己，好似其他幼稚園學得不開心，對升小成績不願提，只宣傳自信心和有禮貌，可以當廣告來聽下

因為自信和有禮貌好主觀，好難做資料統計，得佢自己講，而成績有得睇，
佢就避重就輕, 講開心教學不重成績，小朋友最重要過得開心, 教學理念只停留係學校宣傳文上 , 講多過做

所謂教育界名人的推薦絕對不要全信，一來佢地子女都無在推薦學校讀書
二來佢地推薦前究竟巡視左學校幾次，觀課左幾次?

依我在浸幼體驗都係用傳統教學，換湯不換藥,   沒有太多戶外興味教學，
教材,教師和教學法同其他幼稚園無分別,  老師吾覺個樣教得開心,  
不過將傳統教學放慢來教，拖長放懶來教，學生少功課自然開心，
并不是學得開心,   

另外,  老師吾想多野做, 於是喊出家教合作呢個口號,     如果成績吾好,  家長要分擔責任,    在職家長平日同子女相處時間少,
學生在學校學習時間長,  是否本末倒置,   自信心和有禮貌歸功學校(吾關家教事?),  
成績差家長要全數負責,




作者: 宇晴    時間: 19-5-31 07:30

Petton 發表於 19-5-28 23:32
回覆 Petton 的帖子

不少幼稚園愛用開心教學標榜自己，好似其他幼稚園學得不開心，對升小成績不願提，只宣 ...

咁如果想讀王錦輝，真係去其他私幼考入去可以仲容易
作者: bbpo    時間: 19-6-25 17:53

Petton 發表於 19-5-23 22:13
我是過來人，可以講句真心話學校管理太差，所謂家教合作，係推曬俾家長
學校連同校車公司溝通都吾做，有時 ...

謝謝妳資訊！真要三思！
作者: hjsbaby    時間: 19-11-11 17:32

當年浸幼收左我女，當時都幾buy佢，啱啱見到大家的comment，真慶幸無揀佢。
宜家就讀於元朗某私幼，都係功課少，都係happy school 性質，學術都唔夠，但自己都有外補下英文(已經係英文幼稚園)，仲有d興趣班，托賴小朋友性格培養得OK，都有九龍熱門小學2in(未有結果)，希望成功啦
作者: wenho    時間: 19-11-21 15:17

好彩去interview 前睇到呢個post..........
thanks for sharing...
作者: Yesglory    時間: 19-12-13 02:52     標題: 回覆樓主：

本帖最後由 Yesglory 於 20-8-17 02:56 編輯

兩年前浸幼收咗我個囝仔，但最後揀咗救世軍系列，原因係浸幼面試時已見他們安排差，因人多面試，我小朋友等足最少兩小時，大人都在消耗耐性，更何況小朋友，所以印象已經一般。

作者: vanboy03    時間: 19-12-21 09:02

Yesglory 發表於 19-12-13 02:52
兩年前㴆幼收咗我個仔，但最後揀咗救世軍系列，原因係㴆幼面試時已見他們安排差，因人多面試，我小朋友等足 ...

最近一次面試又幾好喎等多十五分鐘左右。 副校長面試之後唔夠一个鍾叫佢下學期返學




歡迎光臨 教育王國 (/) Powered by Discuz! X1.5