SPCS vs MSS

hobitdou

請問各位，有冇這2間近3-4年的dse 4+成績作比較？邊一間會輕鬆d？
高中邊間會谷d？
同學與老師關係好嗎？
謝謝各位。

PTL_L

hobitdou 發表於 26-4-11 17:41
請問各位，有冇這2間近3-4年的dse 4+成績作比較？邊一間會輕鬆d？
高中邊間會谷d？
同學與老師關係好嗎？

今日仲問？唔係昨日已經係最後一日要抽飛咩？定今日SPCS call waiting 呀？成績，一定係SPCS會好啲，始終熊貓鞋係吸引，又有雙學制！同幼稚園已經係揀入，相信比MSS主要生源MPS抽入係多多少少有啲優勢！
高中邊間都谷，學校唔谷，自己都會自谷，不過我相信初中MSS會輕鬆啲！
師生關係MSS我都可以幫到手答下，係相當唔錯，不過我覺得家校合作可以加強！至於SPCS,要等其他網友答了！

hobitdou

回覆 PTL_L 的帖子

已經定哂mss，心如止水啦。點知琴日4：45 call waiting, 可以星期一覆，所以煩緊：）

hobitdou

回覆 PTL_L 的帖子

你是mss家長？請問mss成績係升緊/平穩/跌緊呢？
我見spcs近幾年dse成績跌了少少，有少少擔心。

mcl233

hobitdou 發表於 26-4-11 21:09
回覆 PTL_L 的帖子

你是mss家長？請問mss成績係升緊/平穩/跌緊呢？

近年成績出現係某些學校既升跌問題，自己做下加減數，不難發現該段時間出現既社會問題，學生當年既流動，插班問題既出現，係會直接影響其後數年既公開試成績～

論成績既穩欠定性，當然以SPCS比較理想，須知MSS係中學各校中比較輕鬆自由，傳統如是。而SPCS係相對緊張成績的，高中亦可以選擇IAL，而津校必為DSE～

兩校6年內既普遍流失率都係高既，似乎，MSS比SPCS更高，這亦影響學生6年後既成績公開數據，況且，M既小學部近年前列生出現外闖亦比以前嚴重，亦間接影響中學部生源水平。至於，MSS以自己小學部學生為主力，144個學位，至中六只有80-90人去考DSE，可想而知既影響性，一旦前列生於該6年離校比較嚴重，或稱放洋，幾個學生既數字上落，就直接帶出波動數據，始終份母太細，相反，就係正面～

論父母對子女既6年後成績信心，應該投SPCS， 又始終MSS既傳統風格傾向輕鬆自由，未必令外來家長可以完全接受，要自己考慮接受與否，呢個反為係重點。和，流失率高是否會潛在對自己小朋友既影響～

PTL_L

hobitdou 發表於 26-4-11 21:09
回覆 PTL_L 的帖子

你是mss家長？請問mss成績係升緊/平穩/跌緊呢？

係用家嚟，不過自己當年因為有相當唔錯既直中打底，加上我好清楚自己小朋友冇任何科要避，同基本上以佢學習態度，讀邊個學制亦唔會出太大問題，最重要係，佢大學想讀既科起香港讀會理想啲，既然係咁,IB IAL呢啲學制對我小朋友無咩優勢可言！所謂4大女直，除DGS外，其餘零興趣，自己小朋友自己最清楚！

至於你話SPCS 成績差咗，MSS成績係點，老實講，讀咗咁多年真係無咩特別留意，我比較留意自己小朋友既成績，起中學階段學校點幫佢建立好既學習態度、自律自主自信呢啲，最緊要係佢能唔能夠起DSE後揀到心儀既科目，暫時，機會都大，唔好比外間既數據影響太多，叻既小朋友去邊讀都會發揮到，所以俾小朋友揀間最心儀既！當然，如果你想用錢買多個保障，SPCS有IAL係相當唔錯既選擇！但兩間就個人而言，數年前或數年後，我都係會安排小朋友讀MSS!

twhkleung

流失率, 固然是會影響最終學校公開考試成績, 但係, 成績係個result, 並唔係個process, 好多年前, 大家開口埋口, 就話 result-oriented. 但依家, 其實係 process-driven為主, 只要注重過程細節, 結果通常都會在可控範圍.

反而流失, 係會影響學生心態. 我小朋友當年, 細時說, 一定要黐住公公婆婆, 點都唔會去第二度讀書, 但上到中學, 因為學校放海洋氣氛濃厚, 每年都有十幾個同學仔離開, 就算還未離開嘅, 傾偈時, 也會說, 我屋企準備出年要去邊度邊度, 又或者, 過兩年我會去邊度邊度升學, 講下講下, 就變成潛移默化. 佢讀完中四, 我送佢去外面讀書, 佢竟然一點objection都沒有 (我還以為, 需要遊說一輪兩輪, 才能成功).

所以, 流失率, 可能是一個更加需要關注的考慮點.

hobitdou

回覆 mcl233 的帖子

有錯請指正Mss 學位144個， 80人考dse, 55.5%Spcs 240學位，131人考dse+al, 54.5%

2間都流失得差唔多

mcl233

hobitdou 發表於 26-4-11 22:45
回覆 mcl233 的帖子

有錯請指正Mss 學位144個， 80人考dse, 55.5%Spcs 240學位，131人考dse+al, 54.5%

有上有落啦，SPCS有冇240人？咁咪街外生收一半？似乎唔多似，可能係200人～

PTL_L

hobitdou 發表於 26-4-11 22:45
回覆 mcl233 的帖子

有錯請指正Mss 學位144個， 80人考dse, 55.5%Spcs 240學位，131人考dse+al, 54.5%

MSS上年65個考，前年7x,今年6x-7x左右

mcl233

twhkleung 發表於 26-4-11 22:37
流失率, 固然是會影響最終學校公開考試成績, 但係, 成績係個result, 並唔係個process, 好多年前, 大家開口 ...

係，所以係流失率高既中學，係要有個人定力，或自持能力，減少受外間影響，反為早有目標醫律，係少啲放洋既，因為受專業所限，本土簡單啲～

hobitdou

回覆 mcl233 的帖子

https://spcs.edu.hk/w/wp-content ... -Report-2024-25.pdf
School report 24-25 有寫中1 有246人入學，所以我用240計算，有錯請指正。

mcl233

hobitdou 發表於 26-4-11 22:52
回覆 mcl233 的帖子

https://spcs.edu.hk/w/wp-content/uploads/2025/11/School-Report-2024-25.pdf

咁可能我啲料out-dated，多年前好似只係200人，所以收街外生唔多，唔算積極～

hobitdou

回覆 PTL_L 的帖子

原來少過80人，真係少喎。

mcl233

mcl233 發表於 26-4-11 22:54
咁可能我啲料out-dated，多年前好似只係200人，所以收街外生唔多，唔算積極～
...

吖，原來一直都24X人，咁街外生比率高，係有助推高整體成績，原來如此，睇漏眼～～～

mcl233

hobitdou 發表於 26-4-11 22:56
回覆 PTL_L 的帖子

原來少過80人，真係少喎。

仲有補貨因素，積極補貨，某程度上係可以保住學校財政，另一角度係保護成績，所以補或唔補，真係用成績為考慮點，係會有分別既。仲有一個觀察，放洋生多為中前列學生，要放洋，都要有一定水平，佢地可以有能力走到，這亦影響坊間得出黎既成績數字～

PTL_L

hobitdou 發表於 26-4-11 22:56
回覆 PTL_L 的帖子

原來少過80人，真係少喎。

所以上到高中，基本上係小班教學，even主科成班一齊上都係20左右，elective就唔洗講喇，個位至1x都有，所以佢哋師生關係真係好close!

hobitdou

回覆 PTL_L 的帖子

請問你小朋友對錦多同學放洋，心情有冇影響？

PTL_L

hobitdou 發表於 26-4-11 23:06
回覆 PTL_L 的帖子

請問你小朋友對錦多同學放洋，心情有冇影響？

應該分2個階段嚟講，初中階段同考DSE階段！初中階段，佢啲同學愈走愈多，加上當年未有任何大學選科取向，不過佢比較多同學係轉IS同一早已經plan定出國讀書，所以呢班成績都好一般，但家庭資源確實豐富，佢哋係有得選擇既一群！另一方面，自己屋企人在外國，我小朋友都有初步了解過外國讀書既情況，所以最後決定以不變應萬變！
到高中臨近DSE ,由於學校係UCAS member ,所以非常鼓勵同學報外國大學，升學組老師會有talk向同學講解報讀UCAS既須知，身邊大部分同學都會報，佢再一次提想去，我都歡迎，惟一要求係整個申請過程佢需要自行處理，絕對唔可以假手於人，「將來」應該係自己用雙手爭取，我只係負責俾錢，同時，佢大學選科已經開始有方向，咪再同佢分析，究竟係咪真係有出國讀既需要？！呢個係佢自己考慮做決定，快18歲，人生係佢既，佢應該要為自己爭取同負責任！

hobitdou

回覆 PTL_L 的帖子

最後你小朋友去了邊度讀大學，讀咩科呢？
你做得岩，我都覺得應該要小朋友自己去找大學，想放洋要裝備好自己，申請過程要自己安排好 知道自己去向。

當年我大仔都是自己一手一腳攪ucas各樣申請 面試 入學 宿舍，我只 奉上卡用卡就可，真的會長大好多，同埋我個代同新一代升學準備差好遠，好唔同 。