IB 適合那些小朋友?

stillgood20

加樂爹 發表於 25-11-25 16:24
想了解下, 其實呢代人, 在大學畢業前係咪都有D迷網既心態?

可能，一d d人喇。
有d同学，有信心，有期望，有積極性，有视野，有背景，…

有d同学，对未来，没把握，壓力多少會有。

再来，初入職場，未知際遇，未知成就，未知失败，太多未知，

过去，大学生水平，就業保障較高。
现在，講優勢，睇成绩，睇表现，還要考核…

beastiebistro

加樂爹 發表於 25-11-25 16:24
想了解下, 其實呢代人, 在大學畢業前係咪都有D迷網既心態?

個人認為在乎於家庭教育。我就選擇初中已經同小朋友討論將來嘅路向，唔係威逼利誘，只係時不時探討唔同行業、工種嘅利弊、入行途徑、準備功夫等等。我嗰啲高中已經好清楚自己方向（包括仔如果考得上會讀研究院，女就會讀建築考牌），當然我唔排除之後會有改動。

ANChan59

加樂爹 發表於 25-11-25 16:24
想了解下, 其實呢代人, 在大學畢業前係咪都有D迷網既心態?

我所見係不少在中學，甚至大學都係冇乜職業目標，人生目標，越近畢業就越徬徨，如果經濟環境差之話，就更加擔心畢業等於失業。

如果有父母，長輩從旁指導，較早已經有目標，例如走專業學位，了解不同行業的優劣之處，如果有目標就會早部署，贏面會高啲。

兒子畢業那一年就業市場麻麻，我哋嘅建議係騎牛搵馬，人工低啲都去做，天冇絕人之路，行行出狀元！

ANChan59

beastiebistro 發表於 25-11-25 17:25
個人認為在乎於家庭教育。我就選擇初中已經同小朋友討論將來嘅路向，唔係威逼利誘，只係時不時探討唔同行業 ...

Same here.

barque

beastiebistro 發表於 25-11-25 17:25
個人認為在乎於家庭教育。我就選擇初中已經同小朋友討論將來嘅路向，唔係威逼利誘，只係時不時探討唔同行業 ...

本帖最後由 barque 於 25-11-25 20:50 編輯

本帖最後由 barque 於 25-11-25 20:50 編輯

本帖最後由 barque 於 25-11-25 20:49 編輯

自己在大學之前反而好少和小朋友討論將來嘅路向。－來唔想影響到佢，其實我知討論係冇壞的，主要是發覺佢自己都未知道自己將來想做啲乜。

到佢報大學揀科時，佢其實都未有明確目標。

反而IB畢業那個暑假開始，每年都做三個月的暑期工，全部都是一些好好和有嘢學的公司，到現在前前後後加埋有成12個月的工作經驗。

通過這些暑期工作，佢慢慢地搵到自己嘅興趣，亦都發覺自己的長處。人都成熟和淡定咗

反而在大學期間，佢經常主動找我討論未來工作的方向，和諮詢我的意見

beastiebistro

barque 發表於 25-11-25 20:48
本帖最後由 barque 於 25-11-25 20:50 編輯

本帖最後由 barque 於 25-11-25 20:50 編輯

個人認為會否影響小朋友視乎家長點approach個討論。只要唔係主導一切，客觀理性分析我覺得係好事。尤其好似我女準備讀建築，係要一早開始準備portfolio，冇得臨急抱佛腳。
至於你小朋友，亦作出咗最好選擇。去美國讀大學其中一大好處係可以隨時轉major。唔同目的地有唔同行法，冇話邊樣好啲。結果都係我之前講嗰句，各施各法啦...

barque

beastiebistro 發表於 25-11-25 20:57
個人認為會否影響小朋友視乎家長點approach個討論。只要唔係主導一切，客觀理性分析我覺得係好事。尤其好似 ...

同意呀，如果佢願意同我傾用啱approach絕對冇問題.

主要是見佢未清楚自己想做乜又唔問，所以費事講

加樂爹

各位講都有道理, 要考慮到孩子思想成熟度, 亦要考慮家長性格類型.

家長狀態會有高有低, 疏漏的時候, 要維持表現真正個性, 去跟子女溝通, 才可持久.

到現在小學階段, 我認為在學習方法, 思考方法, 自律....我想都引導到差不多, 有軌跡可尋, 有guideline, 睇佢發揮能力,

可能, 之後是著重分享, 潛規則, 性格發展.

stillgood 講既 //现在，講優勢，睇成绩，睇表现，還要考核…// 有啟發.


起先, 講下各人的價值, 如何取得價值....


唔好等佢以為讀完書, 就係玩, 之後就係食.

beastiebistro

加樂爹 發表於 25-11-26 09:47
各位講都有道理, 要考慮到孩子思想成熟度, 亦要考慮家長性格類型.

家長狀態會有高有低, 疏漏的時候, 要維 ...

個人認為Stillgood網友講嘅係無奈嘅現實。事實上就係因為各國政府要夾硬「塞」更多學生入大學（可能係扶植大學教育「產業」，又可能係要做靚就業數據將個波拋向未來），所以係咁開大學、開學科、開學位，on average大學生質素係必定向下。僱主都知，唯有要求額外評估。

事實上我認為大學係做學問嘅地方，根本就唔應該咁多人入。唔好話50%，我認為30%都嫌多。而且好多人其實唔適合18歲入大學，根本就應該做幾年嘢，等心智成熟啲先再算。

加樂爹

「路路」 發表於 25-11-24 17:18
概念有些不正確，IBDP 只係一個評核制度，同DSE、A Level一樣，制度係死、人係生嘅，你唔需要由細讀起，一 ...

忘了回覆....
我不是說成績, 不是說跟DSE誰強, 更不是說高分低能的問題.

我是看IB對學習的優點.

一個好的學制能夠讓學生有效的吸收知識, 學習變得有意思.
不單用在讀書上, 是人生如何去吸收知識, 如何理解事情.

我在這個題目最後的理解---- IB 是很好的培養過程.
一切可以好自然, 有效的培養學生能力.
有考慮多方面的發展, 考慮到孩童成長過程, 考慮到先學習思想, 語文, 表達... 在最後才是運用及考核.

而IBDP只是一個考核方法, 不管你是由IB 出來, 或是傳統學校出來, 你有這樣方面的能力, 可以考得好.

當然, 準備IBDP是一個短時間課程, 所以, IBDP起先要具備一定考試要求的能力及特點.  
而IB是由零開始的小朋友, 課程可以說是無論他的動, 靜不同的性格, 都相信可以培育去到他們的理想教學理念.

IB 教學理念--就是AnChan 在前文總結的.

當然, 我相信DSE 都有他的理念.

我對理念的理解就是:

教育者認為什麼的環境, 什麼的方法, 去令到學生達到什麼的闊度, 什麼的高度.

「路路」

加樂爹 發表於 25-11-26 16:49
忘了回覆....
我不是說成績, 不是說跟DSE誰強, 更不是說高分低能的問題.

「我很同意IB 在小學的模式....
小學: 搞好個語文, 用在生活上, 發掘興趣, 接觸新事物, 敢去嘗試.
沒有這些, 很難做到了解自己, 可再講生活平行, 人生道理.


這是仝人教育.


而IBDP 則不是, 他是針對那些同學有這些特質, 可以做好IBDP而提供的考核方式.」

我係純粹覆緊你對IBDP嘅質疑：「……IB就仝人教育，IBDP則不是……」
我唔係比較緊考試制度嘅優、劣，而係講表達緊無論你讀咩都好，最終都需要一個考試制度去做為篩選入大學，所以問題唔係係個考試制度上，IBDP亦只係一個「工具」，而且讀完所謂IB PYP、MYP 課程亦都唔等於考得掂IBDP。另外IB所提倡嘅IB Learner Profile，其實都唔係有咩特別或者獨特之處，而家本地課程其實一樣有滲入類似嘅元素，只不過比例同時間分配相對人地少，核心問題就係因為本地課程太多評核，譬如默書、測驗、考試等等，有成績、有排名、有比較，自自然然身邊有好多無形嘅壓力逼住你要跟住一齊行，結果就係無機會同時間比小朋友去發展、搵適合自己學習嘅pace，呢樣先係點解大多數人都覺得IB適合任何小朋友嘅真正原因。

964000

barque 發表於 25-11-25 21:08
同意呀，如果佢願意同我傾用啱approach絕對冇問題.

主要是見佢未清楚自己想做乜又唔問，所以費事講

所以而家多咗學生鍾意去美國升大學，唔使咁早commit讀邊一科, 選科比較自由可以遲啲先決定major.

ANChan59

964000 發表於 25-11-27 22:46
所以而家多咗學生鍾意去美國升大學，唔使咁早commit讀邊一科, 選科比較自由可以遲啲先決定major.
...

這是一個可能性，另一個可能性係四不像，每樣學分都有啲。

我見到最多係後者，特別係讀community college.

ANChan59

964000 發表於 25-11-27 22:46
所以而家多咗學生鍾意去美國升大學，唔使咁早commit讀邊一科, 選科比較自由可以遲啲先決定major.
...

我有一個美國朋友，三個仔女，兩個都係炒雜碎揍夠學分畢業，加上一屁股學債。最細果一個女自少喜歡EE，她畢業我朋友好開心，他跟我說細女係最叻最有計划果個，入大公司做工程師，好快還清學債，現在讀緊part time master。

大仔畢業後靠父親關係才找到工作，因為學科太雜冇焦點，混咗幾年，偶然嘅機會下，喜歡機械工程，用咗四年時間part time 讀完個top up degree。入咗軍工及醫療設備公司做工程師，之後條路才好行！

大女個人就好nice，做銷售，搵到個好老公佢係最舒服果個。

朋友嘅睇法係叻仔叻女最好自小有目標，細女細個跟伯父玩電子電機，因為他是CC嘅EE教授，教她做實驗，整電單車等等。

964000

beastiebistro 發表於 25-11-26 10:44
個人認為Stillgood網友講嘅係無奈嘅現實。事實上就係因為各國政府要夾硬「塞」更多學生入大學（可能係扶植 ...

同意，大學學位泛濫，很多都不切合社會實際人才需要，有些學生去學專門技能更好。

barque

964000 發表於 25-11-27 22:46
所以而家多咗學生鍾意去美國升大學，唔使咁早commit讀邊一科, 選科比較自由可以遲啲先決定major.
...

因人而異，暫時未有明確目標，有些人可能會選擇隨意，放任時間，大部份時間無所事事。亦有些人，會樣樣都有興趣，各樣都去嘗試全力以赴。

兩種人出嚟嘅結果，會完全唔同。

ANChan59

barque 發表於 25-11-28 10:20
因人而異，暫時未有明確目標，有些人可能會選擇隨意，放任時間，大部份時間無所事事。亦有些人，會樣樣都 ...

Agreed.

beastiebistro

964000 發表於 25-11-28 09:55
同意，大學學位泛濫，很多都不切合社會實際人才需要，有些學生去學專門技能更好。
...

我身體力行㗎。


我二女準備行建築路，對我嚟講建築其實都係接近一門手藝。所以我都鼓勵佢報英國architectural association（建築師學會）舉辦理嘅課程。上堂喺英國建築師學會倫敦總部，導師除咗學者之外更多係現役建築師（關係更似學徒）。但係學位等同大學畢業，可以直接銜接post grad課程。

呢個AA建築學位喺建築業界甚至比大部份大學畢業嘅建築學位更吃香，直接可以同英國大學建築系本科學位頭兩位cambridge同UCL Bartlett等同比較（其實因為本身導師係現役建築師，所以同業界聯繫更緊密添）。唯一嘅draw back係冇一般大學嘅生活體驗，不過我女都喺英國寄宿咗喇5年，就算入呢度都冇咩遺憾。

stillgood20

beastiebistro 發表於 25-11-28 11:54
我身體力行㗎。

這些準備也不容易啊！

beastiebistro

stillgood20 發表於 25-11-28 16:43
這些準備也不容易啊！

我要陪佢一齊做「功課」，要了解得比佢更透徹、更廣闊，亦要小心唔好主導佢思想，先可以真正幫到佢。係好多準備，不過我認為係我嘅責任。為咗佢哋，呢啲時間精神嘅付出絕對值得（哪怕最後佢完全唔用）。