如果再選擇一次，你們會幾時開始讀國際學校？

bighang

回覆 Cherishvalue 的帖子

越來越多香港家長開始神化一啲國際學校，國際學校變得開始本地化
反觀本地學校都有吸納多元學習，反而開始國際化

冇邊樣最好，只有最適合

magmum

如果各位前輩可以分享多d LS可以點選擇同栽培就好了。LS版大多數都係講揀完happy school後，要瘋狂外補，又要超功能性地不斷考cert... 如果想小朋友培養真正學習動機（intrinsic motivation), 揀LS路線的話可以點做？

sabsab122

回覆 magmum 的帖子

我諗其實會唔會好難？因為LS始終都係本地老師多，啲老師自己都係填鴨式教育下長大， 知識都係spoon feed多, 文化同經歷都唔同外國人，就算係教happy school,都好難有國際學校嗰種風氣同思維模式。
我諗情況就好似，如果老師本身講英文係本地口音，都好難教到學生講到一口native english ⋯


或者有例外？有嘅請分享

b3410

章太郎 發表於 20-10-3 10:56
十分同意你講法！早幾年搵國際學校，呢度家長好好，俾好多建議，仲會pm交流問候，又無話不停批評LS。近年 ...

覺得部分IS家長，有些只在此山中，自得其樂的感覺。
都無話唔好嘅，自己覺得合適即可。

其實條條大路通羅馬，欣賞並且學習其他學制的長處，以補自己之短，這才是交流的意義。

964000

Cherishvalue 發表於 20-10-3 11:36
同意 -  LS 和 IS 教育模式是大有不同，但具體落實還要看學校管理層和個別老師，IS 會有不顧學生感受的hea ...

當然甚麼學校最後都要睇吓遇到個甚麼老師，IS也有很差的老師，聽過有超hea的，有亂發脾氣的，有歧視的等，我有朋友讀過三間學校寫過三次投訴信，都是受歡迎的學校，一般合理期望是遇着好的多過差的老師。

但樓主問題在問個人主觀意見比較IS vs LS, 很難會有科學化的答案，只有公開試成績/band 1 率這些可以量化比較。

Osiana

964000 發表於 20-10-3 18:33
當然甚麼學校最後都要睇吓遇到個甚麼老師，IS也有很差的老師，聽過有超hea的，有亂發脾氣的，有歧視的等， ...

同意。 每間學校都有唔同嘅老師，其實好多LS名校，特別係男校，老師都好 hea （聽舊生講)。所以，我覺得hea, 係以學家長標準去衡量，每個人教學方法及模式唔同。
IS 同 LS 根本係兩種唔同體制，廣東菜同西餐，根本無法比較，大家口味又不一樣。 食西餐唔會高級d, 食廣東菜又唔會低級咗。

不過，以前嘅香港教育嘅空間比較大，無依家咁谷，谷係來自學校及家長，加上教育改革失敗，唔中又唔英，太著重考試等等等，令到本來好鐘意食廣東菜嘅要轉食高價西餐，有d 想轉食西餐但又未必付擔得起。

如果有一日，教育多元化，平民化，咁大家都可以揀到啱自己小朋友嘅教育。

RRDDragon

bighang 發表於 20-10-3 13:53
回覆 Cherishvalue 的帖子

越來越多香港家長開始神化一啲國際學校，國際學校變得開始本地化

很同意你的說法，不用吹捧國際學校，亦不用貶低本地學校，各有長處，每個家庭的要求不一樣。

沒有最好，只有最適合。

964000

magmum 發表於 20-10-3 15:04
如果各位前輩可以分享多d LS可以點選擇同栽培就好了。LS版大多數都係講揀完happy school後，要瘋狂外補，又 ...

Happy school理應本身不用瘋狂外補，不過因為始終有升中壓力要和別人比較，所以還要配合以下任何一條件，否則家長又有顧忌不敢選：

1.小學happy得來有不錯的100%一條龍不篩選學生的中學(主要IS, 直私少量亦難考，於是幼稚園又要谷）
2.家長接受中學不一定升讀band1/名校，（但EK家長B2多不收貨,其實有些也不錯）
3.以上皆非但有資源隨時轉國際/出國（但不是人人有資源）

所以最後人人happy程度不同，人地happy又未必代表自己happy.，當然最後都是家長自己心態決定。

Moonlight819

其實從來不覺得有人神化國際學校，大家只討論幾時會讓小朋友讀國際學校，自己覺得哪種教育適合自己子女，我自己只想小朋友有返個開心童年，不想從幼稚園死谷賴谷但發覺香港大學生的質素不是我期望的（之前大家可看到他們的語文及品格質素）！

peter1

Moonlight819 發表於 20-10-4 11:35
其實從來不覺得有人神化國際學校，大家只討論幾時會讓小朋友讀國際學校，自己覺得哪種教育適合自己子女，我 ...

品格質數？ 香港學生大體我覺得還𣎴錯。

Osiana

Moonlight819 發表於 20-10-4 11:35
其實從來不覺得有人神化國際學校，大家只討論幾時會讓小朋友讀國際學校，自己覺得哪種教育適合自己子女，我 ...

同意，開心童年係人生嘅基礎。

我覺得到 IS 彌補咗 LS 嘅不足，係某D地方的確係優勝，所以有部份競爭心強嘅家長會唔開心。好多LS家長覺得LS唔谷，唔填鴨，補習好平常，大家嘅標準及理念不同。

以下係我最近睇到嘅文章，台灣同香港情況類似。若只單純以學術為目標，其實忽略了很多發現全人嘅原素。

"以色列在OECD評鑑學童學習能力的PISA中，遠遠落後台灣，最新調查顯示，以色列數學只排41名（台灣第4名）、以色列科學只排41名（台灣第13名）、以色列閱讀排34名（台灣第7名），樣樣不如台灣。然而事實勝於雄辯，以色列卻是新創大國，平均每1800人就有一家新創公司，人均創業世界第一。人均工程師數量世界第一，專利申請數量也是世界第一。在近20年內，更誕生了10位諾貝爾獎得主。可見小時了了，大未必佳；小時渺渺，大未必差。"

timzoeydon

回覆 Osiana 的帖子

我都想講呢個概念
有時有啲家長唔係要經濟考慮讀唔讀國際學校而係覺得IS冇本地咁深, 總係覺得有功課, 測驗考試,知道小朋友排名水平，先至會覺得踏實d同埋嗰啲小朋友係有學過嘢。

呢個版面另外一個主題係講IS需唔需要出去補習，有個家長都講過, 本地學校雖然學得深，啲嘢好似好實在咁，但其實都祇不過喺個課程嘅框框裏邊，就算幾深都跳唔出個框框。
我又真係想問，我哋大人出嚟社會做嘢其實有幾多真係要用到咁高深嘅學術水平，除非你真係做啲專業資格嘅職位

而IS好似學好多虛無縹緲既野，大人覺得好似冇乜用，但係我本人認為自少你小朋友能夠跳出個框框去諗嘢學嘢，到將來先最有用，因為人嘅思維一定係自小去開發更好。

但我都明白總有好多人係希望小朋友簡單啲容易控制啲，又或者覺得小朋友唔識主動學習，所以學校逼佢讀，迫佢學覺得對小朋友更有幫助，好似老一輩嘅人，我自己奶奶都一樣，成日想小朋友坐定定，唔好咁多嘢講唔好咁多嘢問，叫你做乜就做乜，多鬼主意就叫做曳，乖乖地聽話先至叫做好孩子，大個咗之後有份工養到自己就叫做好。

我唔評論本地課程嘅單向學習係咪一定唔好
我只係想講現今嘅本地課程要小朋友學習嘅課程內容的確係存在問題，甚至有可能讀一些被修改過，錯誤嘅歷史去灌輸俾小朋友。

細佬Bebe

Osiana 發表於 20-10-4 05:58
同意。 每間學校都有唔同嘅老師，其實好多LS名校，特別係男校，老師都好 hea （聽舊生講)。所以，我覺得hea ...

非常同意！

我覺得絕大部份既國際學校既家長唔係為左踩LS而踩LS 只係分享緊自己深思熟慮後既一啲唸法

呢十年八年 香港既教育 香港政府既管治 同世界既發展 都變得好快 點睇轉變埋相應既反應人人唔同 所以先有討論同交流既需要同空間

Jane1983

國際學校比本地官津和直私貴咁多，如果唔係有不少地方明顯比LS好，邊有咁多人願意個個月比咁多錢交學費？真係咁多傻仔咩。

我好少吹噓國際有幾好，或者踩LS唔好，因為咁做好無謂。但如果經濟許可，當然國際係一個好好的選擇。簡單講，讀書叻的，有好多時間、空間和心情去學和玩好多唔同的嘢去豐富自己的人生。讀書唔叻的，唔會有人不斷打擊你，一樣得到好多尊重和機會。

icloud

timzoeydon 發表於 20-9-25 14:38
再補充少少，我小朋友雖然三歲就讀國際學校，但係中文我係自己下功夫去教
佢都暫時都跟得上本地嘅中文課程 ...

想請教你如何教你小朋友中文？

gracedolly

再選一次也是一樣。會2歲入國際學校。
我囡2歲入耀中，至完成小學
現在中學，在KGV

耀中中文課程幾好，學繁體，大約比本地差一年半程度，囡可以睇到餐牌路牌普通小學中文書，寫到簡單文章。我覺得滿意了，夠用就好。

pinkmania

kml32 發表於 20-9-25 10:23
［長文慎入］
有兩個小朋友，大既剛直資P1, 細嘅剛K2，一早已經唔想傳統學校，所以幼稚園都係bilingual, 上 ...

其實睇下你究竟buy邊一套，buy IS嘅就梗係越早越好。唔buy嘅就根本唔洗轉。
中文嘅話其實喺LS讀到小三/四嘅程度出去補請家教或自己教都一定achieve到，唔會係選擇LS/IS嘅critical point.

亦唔好忽視中途轉校對小朋友嘅衝擊，到高小好多時已form好晒social group, 要小朋友離開好友去新環境，仲要適應新嘅playground language未必個個開心。

Osiana

timzoeydon 發表於 20-10-5 09:51
回覆 Osiana 的帖子

我都想講呢個概念

同意。每個人有不同好孩子、好學生嘅定義。好多人都覺得乖乖地聽話先至叫做好孩子。

我覺得係一個套餐，讀 IS小朋友比較自由 、隨心，少思想及行為束縛／框框 （唔守規矩、曳），比較有自己想法 （駁咀），因為係學校環境俾到佢哋有咁嘅空間，有時間表達自己意見、問問題，所以係日常生活，小朋友都會以同樣精神去探索及了解世界，唔係只有老師嘅角度。所以，對於我地作為家長而本身係一個框框受教育長大嘅人嚟講，都會係一個挑戰。

LS係實在，實在得嚟好似倒模一樣。 反而我覺得 LS係廣而闊，課程要包括好多範疇，但不會作深入探討，深係因為一個課題無解釋無理解而覺得艱深。一個學年一個學科有4本課本又有練習，準時完成已經係好好，所以經常聽到老師家長話要趕課程，教得慢咗要追返，根本無時間去唸學生消化到，跟唔上就要外補。係IS 可能一個主題會學1個月以上，而且會以不同角度去睇及了解，小朋友係屋企可以跟個人興趣去睇多D書。

例如，我個女K2會學南極圈北極圈，佢學咗好多，好有興趣，跟住引發對地圖，氣候嘅興趣。

百貨應百客，學校課程一想樣道理。

964000

Osiana 發表於 20-10-7 05:40
同意。每個人有不同好孩子、好學生嘅定義。好多人都覺得乖乖地聽話先至叫做好孩子。

我覺得係一個套餐， ...

東西方對「孩子」有不同期望，
承傳中國傳統思想，LS骨子裏很注重「obedience」的精神，「操行分」主要是以小朋友有幾obedient打分，IS沒有操行分但不是不注品格，佢地係推崇「kindness」，所以你見D外國人可以收養殘疾兒童中國人一定唔會。其實obedient 的小孩子人見人愛個個讚乖家長至愛，社會多呢類人亦好管理，公司請左亦好洗好用，但研究顯示在權威下成長對創新innovative &  creativity 並無好處，西方是強調「independence」「self reliance」，東方家長可能全覺得wild ，各走極端亦不好所以凡事要平衡下。
在IS成長的小朋友會有機會跟很傳統的父母/姨媽親戚在價值觀上有衝突，到時有機會好多野睇唔順眼，這樣小朋友亦幸苦，我朋友同我呻佢女才七歲讀IS做完D功課收埋唔比佢睇，佢自己拿來看女就大發雷霆，說老師說那是independent work, 覺得家長唔應該搞佢D野，但家長覺得小朋友才七歲已經咁對我？咁係咪好難教呢？所以並非個個家庭適合從小IS。

timzoeydon

回覆 964000 的帖子

其實小朋友嘅出發點係想完成老師對佢哋嘅要求，嗰個小朋友係好享受自己一個人完成嗰種滿足感，所以佢唔畀家長睇，係想有呢一份滿足感，反而我覺得家長唔信個小朋友，死都要睇，個家長有啲問題，可能個家長自己都唔係好適合IS
我小朋友都有要獨立完成嘅功課, 老師係會同家長溝通咗希望小朋友自己去完成, 我反而會鼓勵佢自己想點做就點做，爸爸媽媽唔會畀意見, 你覺得好就自己交畀老師。

反而我覺得唔係讀IS問題, 係有啲家長自己要調教下自己, 點解可以做本地嗰套都用喺IS身上, 喺呢個Case上，我覺得個家長極度唔尊重個小朋友

IS好講求大家平等，個人主義同埋互相尊重，如果家長喺家庭教育方面配合唔到個小朋友，個小朋友就會好辛苦