讀IS嘅小朋友如何學好中文

Fenny2014

請問小朋友由LS小學讀左兩三年轉去IS，可以點樣keep住中文水平？小朋友本身中文程度唔錯，都鍾意同有興趣學，肯自己睇中文書。唔想去補習社學嘅，自己係屋企教會唔會好難追到LS中文水平呢？睇佢新學校，中文程度低左兩級，真心唔希望佢中文程度就停留係轉學呢年(emoji) 請問大家仲有咩好嘅方法？謝謝大家先！

oooray

你試下自屋企教, 祝你成功。

但係乜野叫LS中交水平?
咁IS英文水平又係咩? 淨係識聽識講你都收貨?
人人把尺唔同。
有家長識寫睇寫講就收貨;
有人要攞IB Bilingual diploma 中英都要埋7先叫OK;

其實你想要咩?

Fenny2014

oooray 發表於 22-12-9 12:21
你試下自屋企教, 祝你成功。

但係乜野叫LS中交水平?

謝謝你嘅建議，我知大家期望唔同，我嘅理解係讀LS出黎嘅人，應該日常生活同工作都可以滿足到聽說讀寫嘅要求？
我唔需要佢攞IB Bilingual diploma，識得睇新聞同報紙，寫到日常用嘅中文已經收貨☺️

海綿草

同問。kumon幫唔幫到手？

bonbon1106

我個女母語係英文，幼稚園四年都係國際學校，小一入咗本地女校，小二聖誕節就走了，之後又去返國際學校。我一心搵一間中文比較深同埋繁體字嘅平民國際學校(香港有四五間中文程度比較深嘅國際學校），嗰幾年都係入最深嗰班，一路讀上去，基本上全部人已經變晒本地學校插入去嘅同學仔。
今年暑假轉左入英基（12歲），全世界都話英基（不包RC)中文好淺，其實最深嗰班都係超級深。例如year 7 （等如本地學校小學六年級）已經學咗木蘭辭，舊國際學校year 8 先學。（只能說國際學校不是鬥快)
依家呀囡讀 near native 班path 5. ( second language 的學生讀path 1-4. ）18 人一班大約六個同學攞簡體字版本material， 12個同學攞繁體字版本material . (仲見返3 個小一女校同學仔）
要同本地學校比較，明顯有分別，因為有時有啲本地學校數學同埋科學都會用中文教，自然中文字都識多啲。
最後，中文補唔補習好睇你想咩程度，我有比個女補習係因為我普通話唔好，唔想教壞佢。一個星期補習一個鐘或者個半鐘，對國際學校嘅小朋友來講好小事，因為冇大量功課。
最後，亞囡依家啱啱接觸文言文，阿媽我都投降。啱啱家長日問老師呀囡跟唔跟得上，佢叫我唔使擔心，IGCSE 110　分滿分文言文只佔12 分。
我心諗繼續讀上去，仲有咁多時間慢慢學，只要唔係追進度，追落後一定慢慢上到去。
另外，阿女廣東話一年比一年好，因為越來越多本地學校嘅小朋友轉入國際學校，大家一齊傾偈玩，中文都好咗。

oooray

回覆 Fenny2014 的帖子

如果佢肯自動波睇中文書(唔係你逼佢睇), 保持呢個習慣,已經可以完全滿足你嘅要求+跑贏大部份同學+IB中文SL (HL唔敢講)攞7.補習嘅野, 佢自己有要求無妨; 冇得逼。


我D細路完全唔睇中文書, 一個一早drop左, 一個冇drop但到Year 11因為想成績好D先去主動學習, 以前買D中文書番黎佢又唔睇, 一係話睇完然後又唔知去晒邊。


未出世我都話自己教, 結果一次都冇教過。

Radiomama

我仔Y1-13在RC, 中文成績不錯，但也不喜歡中文，聽講讀寫都可以，不過只是限於上學考試用。考完IBDP, 佢話唔會再主動接觸中文。

所以不要妄想在日常生活用中文；不過去茶餐廳、酒樓佢可以叫到吃的就是。

Radiomama

中文書有買有讀，都係為了應付閱讀報告，同一本書每年都寫，交功課給不同的中文老師，可以過關。我無所謂，因為至少同一本書佢睇咗兩三次，寫兩三次，Ok.

有些家長起初花好多心機幫仔女培訓中文，但最後到IBDP 又drop 中文修西班牙文或法文，所以到頭來都係唔會用中文。

Kumon 真係冇用，中文和英文數學都幫唔到，慳返啲錢和時間吧。

Fenny2014

bonbon1106 發表於 22-12-9 13:59
我個女母語係英文，幼稚園四年都係國際學校，小一入咗本地女校，小二聖誕節就走了，之後又去返國際學校。我 ...

多謝你嘅詳細回覆，我屋企有中文語境，小朋友聽、講廣東話同普通話都流利。我係想佢讀同寫嘅程度可以keep到LS average嘅水平。
我唔抗拒補習社，但我應該會試下自己同佢多D伴讀，同埋教埋佢之前讀嘅LS中文課本。謝謝你

mattmm

Radiomama 發表於 22-12-9 14:08
我仔Y1-13在RC, 中文成績不錯，但也不喜歡中文，聽講讀寫都可以，不過只是限於上學考試用。考完IBDP, 佢話 ...

請問您家裡有中文環境嗎？

964000

Fenny2014 發表於 22-12-9 14:16
本帖最後由 Fenny2014 於 22-12-9 14:47 編輯

多謝你嘅詳細回覆，我屋企有中文語境，小朋友聽、講廣東 ...

其實所有野都係同付出時間成正比，你想keep返LS中文水平便要花同LS學生付出在中文的時間一樣，起碼回家每日花一個鐘在中文練習/閱讀/寫作。不過時間是零和遊戲，當你花多啲時間在這里，其他時間又少咗，自己睇下想點，仲要你小朋友有興趣又配合先得，否則要逼就適得其反變成憎中文，所以勸你隨緣，盡咗人仕就算。

lovegeneration

Fenny2014 發表於 22-12-9 11:22
請問小朋友由LS小學讀左兩三年轉去IS，可以點樣keep住中文水平？小朋友本身中文程度唔錯，都鍾意同有興趣學 ...

我自己讀完小三就去咗外國，之後冇再學過中文。你要求嘅睇報紙寫日常中文我全部都做到，因為父母係屋企同我地都係講中文所以就做到啦。
我老公讀到中四先去外國，有時佢仲要問我D中文點寫。其實而家好多人打中文都係用語音輸入，只要識講識睇就可以做到「寫」呢個要求。
而我仔小一轉國際，你要求嘅中文程度佢基本上都做到。
其實成日有人話讀IS中文keep唔到，但咁多人又為咗小朋友去英國，我又唔見佢地對於小朋友嘅中文程度有好大concern。所以你唔使擔心，你小朋友已經讀咗兩三年LS，我做得到相信你小朋友都做到！只要係屋企keep住講中文就冇問題啦！

964000

bonbon1106 發表於 22-12-9 13:59
我個女母語係英文，幼稚園四年都係國際學校，小一入咗本地女校，小二聖誕節就走了，之後又去返國際學校。我 ...

IS中學native stream的中文不嬲好深，係預可以考IB ChiA，連LS轉過來但PTH唔好的學生都話好甘。
我女間學校話中文係third Lang, 但最高stream Y5都要作文作一版幾A4紙（有guideline跟住作），又擬人又排比，每隔個星期默十幾個詞語連拼音，其實我覺得都唔淺，可能我女渣
但佢哋讀極中文都麻麻，因為根本用英文稔野，同唔會睇中文書，日常亦冇需要用中文讀寫。
正如你在LS學英文，如果只靠那些課文和練習，從不看英文書和節目，全部野中譯英，都唔慌會學得好

964000

lovegeneration 發表於 22-12-9 15:10
我自己讀完小三就去咗外國，之後冇再學過中文。你要求嘅睇報紙寫日常中文我全部都做到，因為父母係屋企同 ...

識講中文真係好關鍵，如果講都唔講中文的，再學中文真係拉牛上樹
如果家中講PTH的更事半功倍，因為IS的中文其實也包括學PTH

Fenny2014

oooray 發表於 22-12-9 14:07
回覆 Fenny2014 的帖子

如果佢肯自動波睇中文書(唔係你逼佢睇), 保持呢個習慣,已經可以完全滿足你嘅要求+ ...

佢原先學校冇咩培養閲讀興趣，佢係間唔中會自己揾書睇，暫時我叫佢睇書都肯睇嘅，唔係逼嘅希望可以保持到個習慣啦。你細果個肯主動去學都幾好呀

bonbon1106

回覆 964000 的帖子

我都好頭痕，阿女始終英文母語，雖然我同佢講廣東話，但係普通話點都唔係佢母語。有好多人，為咗避開中文讀第三語言，呀囡都讀緊法文，到時考邊科，考 first language / 2nd language 都要放長雙眼睇。我一心呀囡讀中文second language HL 可以攞高分，但可唔可以咁樣揀又係另一個問題。

Fenny2014

964000 發表於 22-12-9 15:02
其實所有野都係同付出時間成正比，你想keep返LS中文水平便要花同LS學生付出在中文的時間一樣，起碼回家每 ...

明白，睇黎我要調整下自己嘅心態。謝謝你

Fenny2014

Radiomama 發表於 22-12-9 14:08
我仔Y1-13在RC, 中文成績不錯，但也不喜歡中文，聽講讀寫都可以，不過只是限於上學考試用。考完IBDP, 佢話 ...

我以前係傳統教育培養出黎，印象中中文真係學到好深。不過的確出黎工作之後，用嘅中文程度係好低嘅。我諗要調整一下自己心態，一下見到中文簡單咁多，有少少錯愕，都驚可惜左個小朋友本身打好嘅中文底子。
除左日常應用程度夠，考IB時，中文揀SL會否被大學challenge努力唔夠？HL係咪會好D？

mandy_ng207

bonbon1106 發表於 22-12-9 13:59
我個女母語係英文，幼稚園四年都係國際學校，小一入咗本地女校，小二聖誕節就走了，之後又去返國際學校。我 ...

講起廣東話，我都唔明點解個小朋友一路升上去廣東話會越嚟越好⋯⋯
我仔幼稚園係唔識聽唔識講廣東話，五歲入year 1開始有同學同佢講廣東話，而家year 4搭校車直程同人哋用廣東話吹水。
不過我好清楚佢母語仍然係英文～

Fenny2014

lovegeneration 發表於 22-12-9 15:10
我自己讀完小三就去咗外國，之後冇再學過中文。你要求嘅睇報紙寫日常中文我全部都做到，因為父母係屋企同 ...

你當初中文水平應該係叻果批黎，我小朋友P3寫作文都仲有好多字唔識寫，不過佢識用電話語音輸入，再抄過去 我地屋企長老都同佢講中文嘅，希望keep到語境啦