IB 學校要讀得好，其實也要靠課後自己教，對嗎？ - 國際學校 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 國際學校 › IB 學校要讀得好，其實也要靠課後自己教，對嗎？ ...

發新帖

查看: 22561\|回覆: 49	go [小學] IB 學校要讀得好，其實也要靠課後自己教，對嗎？ [複製鏈接]

Rank: 5 Rank: 5


	2862

1^#

發表於 24-10-4 13:45 |只看該作者 |倒序瀏覽 |打印

本帖最後由 sabsab122 於 24-10-4 14:02 編輯

小朋友讀IB school, 由幼稚園K1開始，而家已經小學year 1,
但so far 我見課程好似都好鬆散，
中文同數學直頭係誇張，一定課後要自己跟。

否則連日常知識都好難同小朋友傾（學校year 1 math class 仲教緊1-20，我連出街買嘢，都好難同小朋友解釋邊啲叫做貴、平啲、價錢爭幾多？）

(英文係教得係唔錯嘅，好多時間閱讀同埋做project , present 個d)

Art 亦都全無技巧可言，全部art work 返嚟都係畫一兩筆喺張紙，冇教構圖、顏色配搭嗰啲。
真的完全自由發揮。

雖然我見過之前有家長喺度分享過小朋友大左係IB 狀元，
而且從小已經係讀國際學校從來冇補習，
但我開始覺得，
其實狀元都不過係
小朋友本身好醒+ 媽媽課後花很多時間+心機教。
所以國際學校要讀得好，
其實也要靠課後自己教，對嗎？

對於啲一般能力嘅小朋友(你教佢就識，唔教佢唔會無啦啦識嗰種)
父母又要返工，
其實係咪都係讀返啲structured, 學術有返咁上下要求嘅國際學校比較好？
IB 尤其係early years program, 是否冇我想像中咁理想？
有冇在職家長分享吓？

Rank: 4


	583

2^#

發表於 24-10-4 18:49 |只看該作者

sabsab122 發表於 24-10-4 13:45
小朋友讀IB school, 由幼稚園K1開始，而家已經小學year 1,
但so far 我見課程好似都好鬆散，
中文同數學直 ...

我明白你嘅感受同無奈。IB PYP 好睇學校點編排課程㗎，深淺程度間間IS都唔同，有D academic D嘅IS直情唔用PYP，就算CDNIS同VSA都係行PYP，佢地學嘅嘢都深過ESF，不過最困難係轉到去學術高要求D嘅學校，轉唔到自己又無時間教就唯有外補打基礎(emoji)(emoji)

Rank: 4


	639

3^#

發表於 24-10-4 20:20 |只看該作者

我買math and Chinese workbook 我女隔日做，始終細過要有好的基礎。英文學校冇教grammar, 最近要外補writing, 因為底唔好上high school 好難追，IB requires good writing skills.

Rank: 6 Rank: 6


	9199

4^#

發表於 24-10-4 23:10 |只看該作者

回覆樓主：

本帖最後由 mandy_ng207 於 24-10-4 23:12 編輯

其實我都同意㗎，IB更需要家長投入，不過佢就Offer咗一個自由度，唔使俾學校嘅功課控制你嘅學習進度。我都識ESF狀元級數畢業生，睇住佢出世，真係知佢冇補過習。佢其實係資優生，但係考幼稚園嘅時候好多名校都唔收，因為佢唔講嘢。每個小朋友學習步伐都唔同，我覺得你咪按自己步伐教自己嘅小朋友囉，有啲人鍾意透過閱讀嚟學習，有啲鍾意買練習做，隨你鍾意啦。ESF根本好多人都超前學習，冇所謂㗎。我成日聽人講升上中學會有好大個gap，小學完全hea讀嗰啲升上中學真係會追唔上。

Rank: 3 Rank: 3


	103

5^#

發表於 24-10-5 02:20 |只看該作者

我都遇著同你問題一樣我女讀國際幼稚園讀完只能講佢係講得一口流利英文之外其實好好似無乜得著佢間幼稚園本來係一絛龍上中學我都同佢轉校去到pre k 返學已經成日話好悶因為真係每日返學都係玩咁滯我依加睇返真係太浪費時間佢同轉校直頭係文盲咁好大獲好多嘢一㐄自己跟返教佢畫簡單嘅圖案要練好多寫字

Rank: 10


	27839

6^#

發表於 24-10-5 07:54 |只看該作者

mandy_ng207 發表於 24-10-4 23:10
其實我都同意㗎，IB更需要家長投入，不過佢就Offer咗一個自由度，唔使俾學校嘅功課控制你嘅學習進度。我都 ...

好同意你嘅分享。

IB school 如在大海習泳，家長睇少眼都唔得。

我從來不是「放養」式，只是在補習的問題上覺得小學階段的學習，沒有需要靠補習，家長自家可以應付。都係多練習寫字、背乘數表、做補充練習咁，從小讓佢習慣做家課，由每日10分鐘開始，按年遞增時間，到Y5左右，學校多功課就減少自家派發的家課就是。呢個程度至少keep到少少底。

另外就係俾好多空間佢閱讀同做運動、學音樂。

讀IB school的孩子”self discipline”跟”knowledgeable “同樣重要，知識可以透過不同途徑去學，但紀律就靠自小培養，家長要搵自己嘅方法。因為上中學之後，學生要做好時間管理，才能應付大量的功課、活動同學習。

Rank: 4


	583

7^#

發表於 24-10-5 09:07 |只看該作者

lovelysnake 發表於 24-10-4 20:20
我買math and Chinese workbook 我女隔日做，始終細過要有好的基礎。英文學校冇教grammar, 最近要外補writi ...

你個女肯做好好呀，唔會話學校無要求就唔做。請教writing係邊度補呀？

Rank: 6 Rank: 6


	9199

8^#

發表於 24-10-5 10:54 |只看該作者

多謝Radiomama無私分享。
其實我自己在仔仔幼稚園和初小時也放養過幾年，加上疫情在家上課我無法陪伴，我仔到Y4時寫字都寫到打風咁。意外的是轉校到ESF後老師竟親自執整齊阿仔啲字，佢覺得呢樣野比spelling更重要。
去咗ESF兩年多少少，覺得學校真係有用心和能力去培養學生的self motivation 和責任心，之前嗰間British curriculum school係做唔到。
無可否認ESF嘅學術係IS中比較淺，我哋去考寄宿中學都發覺阿仔無乜競爭力。不過學校俾咗佢一個好嘅learning attitude，佢肯跟我學，好快就追返唔少進度（但唔算叻）。
我諗今時今日讀咩學校家長都要付出，local school要溫功課測驗考試，British curriculum school 一樣有功課（畫畫、做實驗、寫詩⋯）IB school 就放手俾家長自己plan囉！

Rank: 4


	639

9^#

發表於 24-10-5 11:14 |只看該作者

chunting34 發表於 24-10-5 09:07
你個女肯做好好呀，唔會話學校無要求就唔做。請教writing係邊度補呀？
...

因為做完先可以睇機所以肯做(emoji)我覺得小朋友要習慣每日有些練習。writing 上門，唔平，我上FB 搵左個在ESF 教，其實IS 要補習係比local school 貴

點評

發表於 24-10-9 08:51

Rank: 3 Rank: 3


	468

10^#

發表於 24-10-5 12:58 |只看該作者

小朋友間學校都係行PYP，初小階段學校每日給30分鐘功課。老師有講過，如果學生要需要多過30分鐘先完成，要話俾老師聽，再調節。

雖然我覺得英文同數學功課比得好淺，不過我都好認同學校既做法，比少少”discipline” / “habit”佢地，日日都要花點時間做下learning。

正如樓上媽媽們嘅分享，IB 既freedom係可以好大，年紀細嘅小朋友，有時就係要培養佢哋呢個discipline，希望慢慢佢哋會自動自覺去做。

大家加油!!!

Rank: 5 Rank: 5


	1131

11^#

發表於 24-10-5 15:32 |只看該作者

You can pick IS that is more structured eg SIS, Harrow etc Personally, i think the quality of PYP is highly dependent on the educator.
Thats very risky to me.

The idea PYP is nice but it’s hard to be executed.
I am not aware of any school offering a good PYP program in hk.
(This is my personal opinion)

Rank: 9 Rank: 9 Rank: 9


	23329

12^#

發表於 24-10-6 00:07 |只看該作者

Hoola 發表於 24-10-5 15:32
You can pick IS that is more structured eg SIS, Harrow etc Personally, i think the quality of PYP is ...

你有機會接觸過香港每一間提供pyp ib school如何執行？那方面可以改善？

Rank: 10


	27839

13^#

發表於 24-10-6 09:18 |只看該作者

做得好嘅IB school其實都係structured的，IB 提供框架，學校毎個年級有Year co-ordinator, 小學階段為例，每班的class teachers應該有課程會議協作整合每個單元的課程/課堂內容，當然入到課室由唔同老師execute就會出現差異，呢個同我哋以前讀書嘅經驗無分別。

不是要為IB school講說話，因為做得好唔好，間間不同，我只是分享自己的經歷。

Rank: 5 Rank: 5


	1372

14^#

發表於 24-10-6 09:30 |只看該作者

Hoola 發表於 24-10-5 15:32
You can pick IS that is more structured eg SIS, Harrow etc Personally, i think the quality of PYP is ...

本帖最後由 Adiezz 於 24-10-6 09:34 編輯

無”PYP”既IS 既校本課程都會有inquiry based learning

同樣PYP有Structured Curriculum
中英數+專科+UOI

不只是PYP，在那一類學校都會受到老師質素影響。

IS小學階段我同意家長可以安排適量exercise給孩子練習，特別是數學

Rank: 4


	583

15^#

發表於 24-10-6 09:36 |只看該作者

Radiomama 發表於 24-10-5 07:54
好同意你嘅分享。

IB school 如在大海習泳，家長睇少眼都唔得。

謝謝你的分享啊

想請教寫作方面，初小時老師一般都主要鼓勵他們寫，不會改他們的writing，請問高小時老師會改正他們和教他們怎樣可以寫得好d，組織好d嗎？除了叫小朋友閱讀，我們家長還可以怎樣幫小朋友改進寫作技巧呢？謝謝

Rank: 10


	27839

16^#

發表於 24-10-6 14:25 |只看該作者

chunting34 發表於 24-10-6 09:36
謝謝你的分享啊

想請教寫作方面，初小時老師一般都主要鼓勵他們寫，不會改他們的writing，請問高小 ...

語言的學習是：聽、講、讀、寫
Y1主要是做magic writing, 學生我手寫我口；native speaking的學生識聽識講但可能唔識寫，呢個階段老師多會配合教phonic, 寫出同音節已經好鼓舞。

這情況可能維持到Y2, 老師會慢慢加入spelling, 學生寫嘅內容會越來越豐富。Y1-2多數由recount開始，去完field trip就寫去咗邊度睇咗啲乜嘢。之後又會教寫menu, 學標示步驟。Y3之後會教寫poem/descriptive writing/report/argumentative writing etc.

孩子生活詞(emoji)越豐富，他們才會反映在寫作上。她/他的性格也會影響style, 我仔只擅長寫recount-巨細無遺，但枯燥乏味，之後佢寫議論同lab report均得心應手，因為有statement, 有理有據，有步驟、有總結。IB 學生好「寫得」不是個個變身沙士比亞，而是懂得用語言文字表達自己，理科人無文采但有見地已經可以。

外補writing視乎你嘅目標，如果想在一啲公開寫作比賽攞奬，有些寫作技巧要學吓。如果想上到中學能寫出好的議論文，我反而覺得應該在高小時去學辯論，訓練思維模式、思辯能力，帶領孩子嘅語文表達。

點評

發表於 24-10-9 08:53

發表於 24-10-6 19:28

發表於 24-10-6 17:06

Rank: 10


	27839

17^#

發表於 24-10-6 14:37 |只看該作者

多分享一點：

小學時中文及英文科均會學寫詩，睇過同學的習作，再睇自己個仔寫嗰啲，真係得啖笑。去補習或上writing class? 我們當然有去考慮，但最後我哋放棄；都係多閱讀就算啦。

Rank: 8 Rank: 8


	16458

18^#

發表於 24-10-6 17:05 |只看該作者

chunting34 發表於 24-10-6 09:36
謝謝你的分享啊

想請教寫作方面，初小時老師一般都主要鼓勵他們寫，不會改他們的writing，請問高小 ...

本帖最後由 964000 於 24-10-6 19:04 編輯

我覺得最有用係睇書加興趣，當然天份也有一定影響。
出去上堂我好怕會把簡單學會的東西拖到學足50堂（所以我地細個phonic都冇出去上），其實好多野學校可能已經教了，小學網課時我見過老師教writing是提供框架，例如甚麼文體要有以下特點，要如何組織，學生自己寫完自己逐點改（✓），咁改完就會記得。
有興趣可以參加下短期workshop / 學校magazines ECA. 想辦法把writing融入生活，例如叫佢幫手寫投訴信呀。

點評

發表於 24-10-9 08:54

Rank: 5 Rank: 5


	3041

19^#

發表於 24-10-6 18:34 |只看該作者

chunting34 發表於 24-10-4 18:49
我明白你嘅感受同無奈。IB PYP 好睇學校點編排課程㗎，深淺程度間間IS都唔同，有D academic D嘅IS直情唔用 ...

本帖最後由 barque 於 24-10-6 18:41 編輯

本帖最後由 barque 於 24-10-6 18:36 編輯

自己認為IB PYP是個很好的課程，國際學校用較為自由和不會強迫的方法去教導學生，而且基本上全部工課都在校內完成，因為沒有在家的工課。所以小朋友是有大量的課餘時間。

有些在校內未能主動學習的同學，如果回家後家長又不理，真的會是大落後什麼都不認識。

按自己的經驗，如果你觀察和了解到自己的小朋友在校內是愛學習和享受學習。不用擔心P Y PP的課程，都無需利用課餘時間去補習。當然自己亦都見過唔少家長唔放心，利用課餘時間去補習，亦是無壞的。反而自己就善用課餘時間去發展小朋友其他方面的興趣。這樣對小朋友將來的發展更加有利。

自己的小朋友亦都是用這個方法，亦見身邊幾個類似的例子。最後全部都考到好好的IB成績。

當然要觀察自己小朋友是哪一類型的學生才用針對性的方法。

點評

發表於 24-10-9 08:55

Rank: 2


	82

20^#

發表於 24-10-6 20:27 |只看該作者

lovelysnake 發表於 24-10-5 11:14
因為做完先可以睇機所以肯做(emoji)我覺得小朋友要習慣每日有些練習。writing 上門，唔平，我上FB 搵左個 ...

如果ESF小學, 其實你覺得最需要補習是哪些科目呢（中文, 英文, 數學）？

‹ 上一主題|下一主題 ›

發新帖

熱門主題

最高瀏覽主題