求意見-9個月大b 報N班日後讀IS及14-15去海外升學 - 國際學校 - 教育王國

關於集團

廣告查詢

工作機會

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 國際學校 › 求意見-9個月大b 報N班日後讀IS及14-15去海外升學 ...

發新帖

查看: 7749\|回覆: 26	go [其他] 求意見-9個月大b 報N班日後讀IS及14-15去海外升學 [複製鏈接]

Rank: 3 Rank: 3


	141

1^#

發表於 20-5-11 17:23 |只看該作者 |倒序瀏覽 |打印

我bb2019年8月出世, 兒家差唔多9個月大, 計劃報N班, 之後想讀IS (prefer locate 係KLT). 因為家住深井, 本身想話搵間近d等bb唔好咁辛苦, 但因為聽人講d國際學校有指定N班/幼稚園, 如果唔一開始讀之後想入就要買債券. 奈何上網唔係好搵到佢地所謂指定N班/幼稚園, 又或者太遠....所以兒家好lost, 唔知應點開始plan...好怕一開始行差之後就好難搞.....

所以想請教有無N班/幼稚園建議? 求意見!!!

thanks so much a!!!!!!!!!!!!!!

Rank: 5 Rank: 5


	4198

2^#

發表於 20-5-12 01:41 |只看該作者

回覆樓主:

你冷靜啲先……冇乜幾間IS有N班，可以及需要買債券打尖的亦冇幾多間，如果你唔想過海返學就更加少。你不如睇哂所有九龍新界IS資料睇吓心儀邊間先…

你所講嘅指定幼稚園/N班，係指學校自己嘅幼稚園部，入IS網頁就睇到…唔會好似LS，某間幼稚園入某間小學會有著數咁。

Rank: 2


	58

3^#

發表於 20-5-12 08:50 |只看該作者

manmankiss 發表於 20-5-11 17:23
我bb2019年8月出世, 兒家差唔多9個月大, 計劃報N班, 之後想讀IS (prefer locate 係KLT). 因為家住深井, 本 ...

Hello (emoji)(emoji) 我都係住深井，我個仔17年10月出世，佢N班係返深井pips，黎緊會返東涌ESF K1。

我地都係咩priority/債券都無，但我個仔都有3間IS K1 offer，最後因為校車原因揀左東涌ESF。深井去好多學校都無車直到，所以交通都係一個幾大既concern。

感覺考IS既K1都有少少睇彩數，因為基本上都唔會點問佢地問題，我仔interview時完全唔睬陌生人(=老師)，但佢會自己玩或同我玩，好彩老師都觀察到

Rank: 3 Rank: 3


	141

4^#

發表於 20-5-12 09:40 |只看該作者

回覆 dem0cracy 的帖子

睇到你一開始叫我冷靜d就突然發現原來我自己係好緊張同混亂, 好利害, 一下就俾你說穿了

我暫時係睇九龍塘(感覺好似係傳統IS都係係果到)而又有幼兒部先, 但除左環境/師資/學費等呢d硬件配套, 其實我最想係睇佢嘅教學模式名同課程岩唔岩我地所想. 可惜佢地website都係寫果d野, 無咩好實際/具體概念去分出佢地嘅唔同, 所以都唔知可以點選擇

所以好lost......>< 咁我應該點好?

另外, 想問下點解咁多人鐘意ESF?

Rank: 3 Rank: 3


	141

5^#

發表於 20-5-12 09:47 |只看該作者

回覆 ming903 的帖子

我都希睇PIPS呀, 我心係想讀呢個N班, 因為近同好似英文都幾好?
想請問你覺得佢教英文如何? 因為我最大concern係如果bb係n班時無咩學到英文(或至少唔驚英文), 到係搵IS K1 interview時已經disqualify, 咁咪好似成個讀書計劃都實行唔到.....之後就更難入IS....因為我屋企無英文語境, 所以覺得N班用咩language 都好緊要.

另外, 我想問下你介唔介意分享你仲有無邊幾間IS? 同點解到最後決定東涌ESF (除交通因素)?

thanks so much a!


	2694

6^#

發表於 20-5-12 10:00 |只看該作者

提示: 作者被禁止或刪除內容自動屏蔽

Rank: 6 Rank: 6


	5468

7^#

發表於 20-5-12 12:14 |只看該作者

本帖最後由 v369234 於 20-5-12 12:21 編輯

既然要計畫得咁詳細...建議倒翻轉頭睇 ...如
心儀升學國家
當地認受性高學制(IB/(UK)GCE&IGSCE/AP/Alberta..)
香港學校: 國際學校/資助/直資/私立/官立...
中文繁體/簡體
ESF 受歡迎除左學費唔算好貴，亦因為佢係最大香港國際學校學位提供機構...

住在那當然有影響，但了解清楚後，做決定取捨亦比較容易..
https://www.schooland.hk/post/sspa04

Rank: 5 Rank: 5


	4051

8^#

發表於 20-5-12 14:24 |只看該作者

回覆 manmankiss 的帖子

唔洗驚，我囡夾夾埋埋轉左7間學校，都入到Harrow呀！佢細個時讀德怡，冇左校舍就讀英藝（2間不同校舍），之後德怡元朗開返就過返去讀，跟住升小學去左啟信（英文私小），小二中途轉左去HKCA PLK讀G1（IB校，細女變大女），今年G3上個月剛剛轉左Harrow Y4 。
我哋兜兜轉轉都入到IS，我唔會覺得之前既時間係浪費左（唯一浪費既應該係d校服

），反而趁佢細個，試過不同的學制/教學方式，更加知道邊種教育適合佢！
所以唔好太緊張，搜集資料，分析下邊d學校你覺得適合佢，再申請晒，然後就交比個天啦！上天總會為佢安排一條適合佢既路！

小小映像誌
老公, 你快樂所以我快樂~~ 好愛你哦~~ :oops:
張家大少奶的美食日記

Rank: 2


	58

9^#

發表於 20-5-12 14:30 |只看該作者

manmankiss 發表於 20-5-12 09:47
回覆 ming903 的帖子

我都希睇PIPS呀, 我心係想讀呢個N班, 因為近同好似英文都幾好?

我覺得佢地教得ok呀，我仔會返黎唱英文歌。但我屋企有姐姐會同佢講英文，而且其實K1 interview時N班可能只係返左2-3個月，好難話只靠學校學。最重要係，interview時bb可能都只係肯講幾句，但返左學見到學校個setting可能會無咁驚。我仔返pips前有仲有上過多多同Anfield Playgroup。

其實除咗ESF，我只報了anfield同KCIS，两間都有offer。最後揀ESF，主要真係交通，講緊唔止幼稚園仲有升上小學後既安排，因為我同我老公工作都比較忙無可能成日接送。其次就係佢係一條龍唔駛煩同學費比較相宜。

我覺得比起英語能力，可能家庭教育既風格更加重要，見有d家長interview時係咁幫小朋友答或者小朋友完全唔敢explore可能相對會輸蝕dd。純粹個人感覺

Rank: 3 Rank: 3


	141

10^#

發表於 20-5-12 15:07 |只看該作者

回覆 v369234 的帖子

我都有試過倒轉頭咁諗, 較prefer去英/美讀...我望過下d學際, 除左話IB再計CAS分 ("creativity, action, service") , 同其他學際多一種學習體驗同埋令你識apply what you learnt 咁, 相反其他學際都係咁讀同考.............所以都未有一個好大感覺prefer邊樣好d....><

Rank: 3 Rank: 3


	141

11^#

發表於 20-5-12 15:16 |只看該作者

回覆小寶貝兒的帖子

咁利害?@@ 你女適應力好高!!!!
因為我自己都係比較大先開始專心讀書....個頭開得唔好, 覺得自己輸人地好多....所有我想bb有個較好嘅開頭.......

你轉左咁多次校, 有無話覺得私校同IS有咩唔同?

Rank: 3 Rank: 3


	141

12^#

發表於 20-5-12 15:23 |只看該作者

回覆 ming903 的帖子

係woo, 好在你提一提只係上左幾個月就要interview.....
咁我都要諗下點好....我遘請左姐姐, 諗住疫情過後先要佢report duty....佢係講英文, 咁樣都會迫我自己講多d英文, 希望到時我自己都唔會怕同bb講多d英文........

你讀到Harrow 好利害!!! 要買好貴債券.....Harrow好似好好, 傳統英國名牌大學....師資好似幾好

Rank: 5 Rank: 5


	1720

13^#

發表於 20-5-12 18:25 |只看該作者

小寶貝兒發表於 20-5-12 14:24
回覆 manmankiss 的帖子

唔洗驚，我囡夾夾埋埋轉左7間學校，都入到Harrow呀！佢細個時讀德怡，冇左校舍就 ...

你女女轉咁多學校會唔會難識朋友？
(This is one of my concern when change school)

Rank: 5 Rank: 5


	4051

14^#

發表於 20-5-13 00:12 |只看該作者

manmankiss 發表於 20-5-12 15:16
回覆小寶貝兒的帖子

咁利害?@@ 你女適應力好高!!!!

佢ok架，轉校轉慣左，而家可以第一日就完全投入學校，我反而要多d時間

咁又唔好覺得會輸蝕，要學會欣賞沿途風景丫！雖然咁講，其實我轉咁多次校都係想比個好既學習環境個囡，我所指既好係適合佢，所以我都好明白你既擔心

有架！其實我囡讀果間私校而家回想，其實同普通官津比，只係少d功課，間唔中搞下project (用左2,3堂去完成），考試唔太深，老師唔會太chur，但同IS既理念係完全不同，IS功課少，係因為堂上做晒，project呢，LS係某科課本裡面抽一個有趣d既題材，花一堂講解，小朋友用1個星期做下手工，跟住presentation，完。
IS呢，係定左一個題目，所有科目都會圍繞呢個題目去學習，例如英文會讀相關既書，library堂會教佢哋如何去找呢類既書及資料，教佢哋點樣分析內容，數學歷史科學美術通通都同個主題有關，咁樣學有趣好多！

我唔知其他私校係點，我囡讀果陣就係咁，可能而家有改變都唔定，因為轉左校長，聽聞新校長唔錯架！

小小映像誌
老公, 你快樂所以我快樂~~ 好愛你哦~~ :oops:
張家大少奶的美食日記

Rank: 8 Rank: 8


	16454

15^#

發表於 20-5-13 08:29 |只看該作者

小寶貝兒發表於 20-5-13 00:12
佢ok架，轉校轉慣左，而家可以第一日就完全投入學校，我反而要多d時間
咁又唔好覺得會輸蝕，要學會 ...

你分享很好，說出了國際學校和local school初小幼稚園教學的分別，停學後才知，真的好impressed。高年班未上就不清楚。
好像今個unit講動物的life cycles, music 就教Saint saens的animal carnivals, art就是整動物的lifecycle作勞作，reading comprehension的文章也相關，連外語也配合。
K2時教phonics, PE堂會玩hunting phonic 字咭遊戲，小朋友一本phonic書都冇不用溫便記晒。教writing的方法更令我大開眼界。IS不只是英文+project+少功課測考那麼簡單，我成日覺得個最正是幼稚園至初小，一兩年時間便由文盲到看chapter book, 由一隻字都不會串到寫幾頁紙，冇背過書冇默書冇copybook功課冇用過flash card, 我覺得好amazing的。
但在IS如果課程設計/deliver得不好或小朋友上課不投入，在沒有功課和測考的「監督」下係可以「好落後」，不過IS一般都有辦法令到小朋友上堂投入，因為比較人性化，老師不會不停講，外國人對小孩子比較包容和encouraging, 小時候做到悶更可以比佢地攤在地上做。奇怪原來因為上堂有趣，我女反而說她上課時是不會傾偈的。我自己在LS就上堂傾偈發夢多，更非常厭惡做project 同present，反正回家都是背書做練習更「有效率」。
LS始終有課本功課跟下，上堂發完夢回來還可以跟番。另外測考令你記晒D野，記性好是有着數，學習過程不同。

Rank: 5 Rank: 5


	2444

16^#

發表於 20-5-13 09:48 |只看該作者

如果要準備INTERVIEW,父母要多啲同小朋友講英文因為咁細個,INTERVIEW好睇小朋友同父母互動
如果你地同佢講開英文~對答好自然係英文
最怕有時你同佢講英文,佢彈句中文出黎~~
因為我INTERVIEW時都見過唔少呢啲情況~~

Rank: 3 Rank: 3


	141

17^#

發表於 20-5-13 10:15 |只看該作者

回覆小寶貝兒的帖子

多謝你嘅分享, 令我對佢教學模式有更實在嘅概念.
想請教多一樣: 你個女係一開始轉校時, 有無咩唔開心/唔肯轉? 如有, 你果時點Comfort佢?

Rank: 3 Rank: 3


	141

18^#

發表於 20-5-13 10:20 |只看該作者

回覆 964000 的帖子

多謝你嘅分享, 令我對佢教學模式有更實在嘅概念.
想請問多個: 因為你提到如果小朋友上堂唔專心就好容易fall behind同好難check, LS就一定你默書/小測/考試咁想請教你IS係點assess小朋友? 點樣可以知道小朋友學習程度/進度? 另外, 以你觀察, IS 小朋友係咪偏向少d補習/同興趣班?

再一次多謝你分享呀!!

Rank: 5 Rank: 5


	4051

19^#

發表於 20-5-13 10:48 |只看該作者

Mrspan 發表於 20-5-12 18:25
你女女轉咁多學校會唔會難識朋友？
(This is one of my concern when change school)

唔會呀！佢其實唔係好活潑既人，不過IS呢方面既caring做得好好，好似今次轉校咁，老師正式開學前一日已經同幾個女仔講好有個新女同學轉入來，想請佢哋同我囡同埋老師一齊zoom下，等我囡可以有熟悉既同學，d女仔都好nice, 我囡果日zoom完就已經fd左仲約埋d女同學一齊玩online game, 到正式zoom上堂時已經好投入課堂了！佢仲同我講已經識左幾個好朋友，我見佢哋（唔止係果幾個女同學，仲有其他男同學）一齊做online project時互動交流都好好

小小映像誌
老公, 你快樂所以我快樂~~ 好愛你哦~~ :oops:
張家大少奶的美食日記

Rank: 5 Rank: 5


	4051

20^#

發表於 20-5-13 11:02 |只看該作者

964000 發表於 20-5-13 08:29
你分享很好，說出了國際學校和local school初小幼稚園教學的分別，停學後才知，真的好impressed。高年班未 ...

係呀！

我都覺得我囡英文寫作進步最大真係轉左入IB（上一間學校）開始！佢phonic冇好有系統地學過（始終轉左咁多次校）但舊校對佢哋既教學方式同鼓勵，真係起到好大作用，佢而家隨手都可以寫到2頁紙既故事，錯字都開始漸漸地少，就算係錯都估到係咩字

傾計又係一個好amazing既地方，我問囡，你同d朋友上堂會唔會傾計架？佢好大反應咁話 NO！我哋上堂好專心，冇時間傾計架！

小小映像誌
老公, 你快樂所以我快樂~~ 好愛你哦~~ :oops:
張家大少奶的美食日記

‹ 上一主題|下一主題 ›

發新帖

熱門主題

最高瀏覽主題