想了解基慈小學課程

Tracy0102

想了解基慈小學嘅英語語境怎樣？ 有冇啲特別嘅政策鼓勵學生多講？ 學校 有冇政策照顧到個別學生程度差異？
中文英文默書一月幾次？
教學課程會否教幾課就有一個小評估睇下小朋友識唔識…？

謝謝解答！

kingsum1027

想了解基慈小學嘅英語語境怎樣？
答：以我所知，佢地有外藉英語老師，每個循環有2日去英語室上課，英語室所有地方貼滿英文，我記得參觀時話咁設計係等小朋友在望邊度都有英文生字的靈感，同埋會聽故事，有互動橫節！佢地常識1-3年級係英文教架，學的生字會較多，但同時佢地英文科也會配合常識主題，所以可以話佢地每兩三個月會環繞同一主題去學習，所以佢地所學的英文和常識以立體去看係好擴闊和有深度，就如今期英文教ON，IN，BEHIND同埋認識動物的身體部份果D，佢地會利用公園做情境去教，同時常識呢期係教緊公園的設施，所以好MATCH，變咗小朋友可得心應手地講到成句完整句子。

有冇啲特別嘅政策鼓勵學生多講？
答：佢地英文好活動式，我小朋友上兩個月，佢地真係一齊整蛋糕一齊食，因佢地英文有些學習教材係自己學校整，其中一本係BIRTHDAY CAKE主題，內容除了學整蛋糕材料的英文，仲有數目和水果的英文，以主題式去教，生活化好多， 又好易吸收。利用這些活動教學，會真係講得多咗既，因有同其他家長傾開，佢地都會以前好少講英文的，而家都講多咗，有進步。

學校 有冇政策照顧到個別學生程度差異？
答：有架，老師觀察咗，如果有差異會個別打來與家長傾談，會建議有D方法去照顧佢地，我見學校係呢方面好細心，真係照顧到每個學生。

中文英文默書一月幾次？
答：佢地每循環一次，有時兩循環一次，視乎當中有無測驗考試，但我覺得係適中既，小朋友有足夠時間温習的。

教學課程會否教幾課就有一個小評估睇下小朋友識唔識…？
答：佢地係兩測兩考，睇下係咩科目，暫時見佢地數學就會有堂上小測（唔洗温習架）等老師知佢地明白幾多。
我會咁睇：測考加埋共4次，你預上學期教了（上）一冊就測一次，第二次係考試就考（上）二冊，第三次測係（下）一冊，第四次考試就（下）二冊，當然要預會考番之前已學的知識，但比例唔會多，即係你預教完一本測或考一次。

以上是我個人意見。

catlee324

回覆 kingsum1027 的帖子

想問你小朋友係咪基慈小一呀, 想知多小小功課量多少問題 ?佢地好似話約有3份2功課在校完成 只有一兩本在家做, 是嗎?

想知小一程度去到邊呀 , 如現在中英數學緊咩 ?

小朋友番學開心嗎? 謝謝

kingsum1027

想問你小朋友係咪基慈小一呀, 想知多小小功課量多少問題 ?佢地好似話約有3份2功課在校完成 只有一兩本在家做, 是嗎?
答：對呀，佢今年小一，功課量平均每有4-5樣，但因有導修堂好多時真係做咗3份2，甚至做晒返來都經常有，遇然可能導修堂有活動或其他野，就無做返來（由開學到現在都只係兩三次，唔係常常發生，可放心），就算有時有7-8樣功課，但有D係改正，同埋多數已做埋返來。

想知小一程度去到邊呀 , 如現在中英數學緊咩 ?
答：中文近排見佢地學作四素句＞變成作文，英文近排學動物身體，數學近排學雙位及三位加數。

小朋友番學開心嗎? 謝謝
答：個個都好開心返學，老師同學生關係好好朋友，好FRIEND架！

Tracy0102

kingsum1027 發表於 17-3-28 09:44
想了解基慈小學嘅英語語境怎樣？
答：以我所知，佢地有外藉英語老師，每個循環有2日去英語室上課，英語室 ...

謝謝你嘅回覆， 好詳細
正想問佢哋呢有冇精英班分㗎？ 聽講課程呢比較淺會唔會四五六年班會比較？ 另外宗教氣氛濃厚？

Tracy0102

kingsum1027 發表於 17-3-28 09:44
想了解基慈小學嘅英語語境怎樣？
答：以我所知，佢地有外藉英語老師，每個循環有2日去英語室上課，英語室 ...

因為剛搬來好多地方都唔識
錯過咗學校嘅開放日
嚟緊就要揀小學， 好徬徨

kingsum1027

正想問佢哋呢有冇精英班分㗎？
答：學校無精英班制，佢地係用多元智能去分班，所以唔洗擔心呢個問題

聽講課程呢比較淺會唔會四五六年班會比較？
答：課程我覺得係正常跟番本身要教的進度，只係功課方面唔谷，唔會不停做練習，佢地就算寫生字都係寫三次左右，唔會要寫十次八次果D，佢地D練習有時係在堂上做的，所以減輕功課壓力，我諗係咁才令人覺得佢地課程淺。佢地常識1-3年級係用英文教，不過4年級開始常識會用中文教，因想小朋友可以多思考，容易地表達更多自己想法。或者咁諗，如果你小朋友英文底好，咁課程對佢來講可能係淺，但如果你小朋友英文底唔好，咁對佢來講課程就深了！

另外宗教氣氛濃厚？
佢地有崇拜活動，因我唔係基餐徒，我唔知係咪濃厚啊！

佢地去年五月仲有開放日，你留意下佢地網頁，到時記得報名！
去過你就會知我有無誇大 XDDDDD

Tracy0102

kingsum1027 發表於 17-4-3 09:37
正想問佢哋呢有冇精英班分㗎？
答：學校無精英班制，佢地係用多元智能去分班，所以唔洗擔心呢個問題

期待佢哋嘅開放日
謝謝你意見

kingsum1027

今早學校出咗5月體藝專才啦，快D去報名啦！

Tracy0102

kingsum1027 發表於 17-4-10 10:12
今早學校出咗5月體藝專才啦，快D去報名啦！

谢谢，已報名，希望抽到

catlee324

kingsum1027 發表於 17-3-30 10:21
想問你小朋友係咪基慈小一呀, 想知多小小功課量多少問題 ?佢地好似話約有3份2功課在校完成 只有一兩本在家 ...

謝謝你詳細的回覆呀, 感覺都好唔錯

kingsum1027

最好親自來參觀學校，接觸下D老師同校長，你就知我有無吹大咗

有位教育界既朋友教我點睇學校，如果去參觀時，要留意D姨姨和叔叔，如果佢地對家長外人都笑面迎人，即係校長對姨姨唔錯，對得姨姨唔錯，咁對老師當然都會好啦！但如果D姨姨黑口黑面，十問九唔應，態度差的話，咁就要諗一諗，再觀察多一點間學校了。

catlee324

想知學校推行一生3體藝, 學生要唔要俾錢上堂架 ?因為見佢介紹小一上學期開始咩都試
下學期就要選定每樣一科持續餘下時間至六年級 ...
所以想知要只付費用嗎?

kingsum1027

今年改咗啦，唔係下學校決定，係去到二年級先決定，學校諗住比長小小時間小朋友去試各方面發掘真正既興趣，最後到二年級先揀。
至於費用，以我所知某些係要比費用的，如攀石、箭藝、跳舞果D要付費用的，不過唔貴比出面學係超抵！

yungyung0

回覆 Tracy0102 的帖子

你有冇收到通知?報左好耐都冇通知，唔知係唔係抽唔中……

Tracy0102

yungyung0 發表於 17-5-15 08:19
回覆 Tracy0102 的帖子

你有冇收到通知?報左好耐都冇通知，唔知係唔係抽唔中……

我未收到通知

yungyung0

回覆 Tracy0102 的帖子

我昨日打左電話去問，應該係miss call所以才冇通知我!!你都打電話去學校問下，應該已有結果的!!
我上27號的班!!

kingsum1027

我之前試過參觀前一兩日才收到通知，你也可打回學校問下
唔好介意遲通知，因我地知道學校校務處係好多野做，勁多活動，近排好似有傑出老師選舉，又有區會聯合畢業禮等等，而且早通知又怕大家唔記得，所以多數早一兩日通知.....
我地六月中考試，小朋友只係返半日直至放暑假，呢段時間有好多活動，真係多姿多采！

Tracy0102

kingsum1027 發表於 17-5-16 08:24
我之前試過參觀前一兩日才收到通知，你也可打回學校問下
唔好介意遲通知，因我地知道學校校務處係好多野做 ...

謝謝

Tracy0102

yungyung0 發表於 17-5-16 08:19
回覆 Tracy0102 的帖子

我昨日打左電話去問，應該係miss call所以才冇通知我!!你都打電話去學校問下，應該 ...

謝謝