學之園奧運校聽聞換完校長後好亂, 有冇用家比意見?

Worrymum1221

因為上任校長出名好但聽聞上年上任校長走, 好倉促臨時搵左呢個新校長番黎
原本個副校長又調左去另一間學校
跟住搞到行政好混亂, d野換黎換去...
有冇咁既事?

因為黎緊會系學之園奧運校上N班...
有d擔心...
手上仲留有其他offer.... 呢一兩個月要做決定...

happymeme

轉啦你咁擔心！

jsmjsm

Worrymum1221 發表於 23-6-14 21:00
因為上任校長出名好但聽聞上年上任校長走, 好倉促臨時搵左呢個新校長番黎
原本個副校長又調左去另一間學校
...

亂唔亂唔知道

不過, 奧運校現任校長係其他分校副校長升過黎(無記錯係紅磡), 原本副校長係隔離凱帆過黎幫手開校. 而家調返過隔離.

學校老師校長會調黎調去, 不過都一定響呢個機構做左一定年份.

利申: 舊年隔離凱帆校畢業

doriseattle

其實學之園咁有規模, 個課程都應該係咁多間學校共用 ((當然學校自己都有個別調整)。我唔太相信換校長會令成間分校既教學質素下跌。加上，做到學之園分校校長，我都相信本身都會有教學經驗。

利申：小朋友係讀學之園其他分校

leungpepe

雖然學之園課程 8 間會係一樣，但好睇校長的經驗，對老師的要求及安排

sasa_mom

本帖最後由 sasa_mom 於 23-7-16 05:27 編輯

用家。有點驚訝你的聽聞。沒有混亂的感覺！我知開頭轉校長時，部分家長有擔心的。但現在已很穩定。反而轉了校長後，奧運校多了很多家長義工活動及各班多了出外參觀。例如：大空館、一些社區設施、陽光笑容小樂園等（仲有好多，不能盡錄）⋯⋯校長是從紅磡校轉過來的副校。我跟某分校家長傾過，他們反而較少出外活動。

因為奥運校較小班數，校長很關顧學生。她時常找小朋友傾計。以前舊校長年代反而覺得奧運有點像孤兒仔。因為舊校長要分身兼顧凱帆及奧運兩邊。

sasa_mom

sasa_mom 發表於 23-7-16 05:11
用家。有點驚訝你的聽聞。沒有混亂的感覺！我知開頭轉校長時，部分家長有擔心的。但現在已很穩定。反而轉了 ...

每間分校也有些獨特之處。奧運校長作風低調但她校園內很喜歡接觸孩子。

LH的升小配套很好啊！你考慮清楚呀樓主。

兔兔小馬甲

奧運校係新校，第一年葉校長係兼做奧運校嘅校長，好少過來奧運校。第二年孔校長來左之後，奧運校先算係有自己嘅校長。
我唔想去吹捧校長，話校長做得有幾好，不過，確實係好過第一年，我都相信孔校長係一個認真負責嘅好校長，奧運校會越來越好。