請教：細B讀K(AM)同時做大B讀N(PM)

aimeemin

仔仔17年11月底 未決定到做大B定細B好

今年有啲學校報N班做大B
有啲報K班做細B

Interview時當然N都表現好好 K都係表現一般

依家心儀註冊證K(AM) 12月先interview
有間國際學校N收咗PM班
呢兩間都係屋企步行5-10分鐘距離

如果到時上午翻註冊證K 下午翻國際N（當係學英文同國語補習班）
一年後先決定只選定一個 註冊證K2 或者國際K1 到時睇邊個讀得開心

如果唔考慮學費同小朋友作息時間因數 大家覺得可行嗎？同時翻K同N會否令小朋友唔適應？兩間學校唔需要知道對方存在？如果知道會點？

有無同時讀上下午兩間學校家長分享下？

謝謝

aechan

睇到都覺得辛苦...
我覺得唔駛比學校間互相知道，當然知道都無所謂

另外我覺得你仔如果返幾一個月，會覺得N 班D 嘢淺好多，分分鐘學緊ABC, 但K 班可能學緊day of the week (例子啫)

aimeemin

aechan 發表於 19-11-25 13:11
睇到都覺得辛苦...
我覺得唔駛比學校間互相知道，當然知道都無所謂

係呀！我都驚辛苦...語景又唔同...
係咯 同埋學的嘢都會有差距...多謝你意見！

Yunnie

aimeemin 發表於 19-11-25 12:32
仔仔17年11月底 未決定到做大B定細B好

今年有啲學校報N班做大B

樓主你小朋友細B，番兩邊學校第一件事係佢番完AM會眼訓。
之後佢無得訓，又要上堂，咁下午個班你要預左佢番=無番
同埋讀N/K都要著校服番學既
佢咁細個又是否合適呢？
定還是幫佢報興趣班？因為我覺得N班主要係教規矩自理既
我仔2017年10月底細B，讀緊N。放學已很攰
仲有既係，番兩邊都會有功課，你有無時間陪佢做兩邊功課，上兩邊課外活動，兩邊既家長日等等呢？

aimeemin

Yunnie 發表於 19-11-25 16:27
樓主你小朋友細B，番兩邊學校第一件事係佢番完AM會眼訓。
之後佢無得訓，又要上堂，咁下午個班你要預左佢番 ...

係喔⋯⋯雖然換衫校服無問題⋯⋯但功課真係唔知⋯⋯N都有功課？

Justmichelle

同我住同一幢大廈有個妹妹，上晝讀培正，下晝讀迦南。
睇小朋友精神，應付到就得。

vickling

咪照試
國際學校pn 都係玩多
不過可能返一陣家長覺得太淺或小朋友頂唔到而放棄。

aimeemin

vickling 發表於 19-11-26 10:33
咪照試
國際學校pn 都係玩多
不過可能返一陣家長覺得太淺或小朋友頂唔到而放棄。

佢已經識認曬A-Z大細階 中文數1-30 英文數到5 常見顏色中英文 常見形狀中文 講嘢發音唔係好準 英文唔係太識得聽 國語零 其他乜都唔識喇... interview 用國語同英文 我地完全無諗過佢竟然得咗...
想佢係學多啲英文同國語 係咪都試得過呢⋯⋯定係乾脆只讀國際N做大B 打好個語言基礎 明年再讀K?

vickling

aimeemin 發表於 19-11-26 10:40
本帖最後由 aimeemin 於 19-11-26 10:40 編輯

佢已經識認曬A-Z大細階 中文數1-30 英文數到5 常見顏色中 ...

收你咪照讀。今年k 到你下年都可照repeat k,到時睇小朋友情況。
或者下年向上再報間更心儀皊k 有offer 你轉走都唔定。
讀唔讀兩間 先睇錢啦，入讀左發覺頂唔住其實自然都會走，因頂

vickling

因頂唔住 又要keep 兩邊最終會雙輸

aimeemin

vickling 發表於 19-11-26 10:44
因頂唔住 又要keep 兩邊最終會雙輸

嗯嗯 多謝你意見！因為見係逐個月俾學費 所以貪心想試 唔得就bye bye 但依家睇來都要再考慮一下

Darklady

aimeemin 發表於 19-11-26 10:46
嗯嗯 多謝你意見！因為見係逐個月俾學費 所以貪心想試 唔得就bye bye 但依家睇來都要再考慮一下
...

注意私校未必係單純逐個月俾學費，例如你12月退學，
有機會會扣多一兩個月學費作為對學校的損失/行政費之類，最好問清楚


另外細B，K1+N番兩校恐怕精神上未必應付到，捱眼訓會影響小朋友情緒，
小朋友好容易會發脾氣扭計，恐怕達唔到當"英文同國語補習班"的效果
K2可能就好D，因為有D小朋友會開始唔洗日間小睡
(不過我小朋友現在K2依然都有Keep小睡習慣)



我自己小朋友都係11月細B，K1收左就讀左K，之後超大B考到極心儀學校，
加上佢細B時K1進度不理想，就Repeat左K1。

aimeemin

Darklady 發表於 19-11-26 11:18
注意私校未必係單純逐個月俾學費，例如你12月退學，
有機會會扣多一兩個月學費作為對學校的損失/行政費之類 ...

呢間國際都幾均真 係留位信已經寫明如果入學後退學 一個月通知期同學費
即係細B一年K1 之後再考其他 轉校做大B讀多一年K1？好似都好喔！相當於唔讀N  果拿來讀K1 但之後果間會否問你 點解想repeat K？定係無俾之後果間知道？

Darklady

aimeemin 發表於 19-11-26 11:31
本帖最後由 aimeemin 於 19-11-26 11:32 編輯

呢間國際都幾均真 係留位信已經寫明如果入學後退學 一個 ...

細B讀劵校K1，我當免費讀一年N班
呢個年代，劵校同私校都有超大B，學校都唔會問係咪Repeat，
之前間劵校，班中超大b都佔1/10，宜家讀緊的私校，超大B佔左1/3...

aimeemin

Darklady 發表於 19-11-26 11:45
細B讀劵校K1，我當免費讀一年N班
呢個年代，劵校同私校都有超大B，學校都唔會問係咪Repeat，
之前間劵校， ...

勁！超大B真係面試反應好好多

aresbear

你自已覺得ＢＢ叻唔叻?



我自已阿女12月Ｂ, 原本想去ＰＮ (維記，學之園)，但阿女好fit，有龍幼收K1 AM, 唔係女校，又好似幾good. 所以對下年先要interview 的 PN 無曬興趣。


但，我下年會試Ｋ2插班，有2間心怡女校想試多一次! 哈哈

Yunnie

aimeemin 發表於 19-11-25 16:31
係喔⋯⋯雖然換衫校服無問題⋯⋯但功課真係唔知⋯⋯N都有功課？

有功課㗎。另外，睇你話你仔仔11月細b已經識講1-30等等表現。感覺上你本身都係會谷個小朋友，放好多時間係佢身上。
咁你又何必連番學都要谷小朋友上下午都上堂呢？
你想仔仔表現比其他人突出嘅，你應該比佢做超大B。咁你開心，佢又開心

Marine125

aimeemin 發表於 19-11-25 12:32
仔仔17年11月底 未決定到做大B定細B好

今年有啲學校報N班做大B

我小朋友當年係細B，跟同一年出世的小朋友上，其實學習上完全冇問題

Diversifyedu

回覆 aimeemin 的帖子

學習幾時都可以, 亦唔會因早識遲識有好大分別, 我唔會上自制全日因為作息時間對小朋友好重要

CatCate

個人睇法, 如果上午9-12返AM CLASS, 下午1:30-4:30返PM CLASS, 中間得1.5小時, 來回屋企同學校, 食LUNCH, 換校服, 上下午都無得休息, 由朝早8點起身直踩到下午5點返到屋企, 會唔會長左少少>< 對一個兩歲既小朋友黎講似乎好辛苦啊, 同埋瞓多D對小朋友腦部發展有幫助架, 會聰明D