香港創價幼稚園

珍珠媽咪

多謝你們既贊賞!!!因為我既囝囝係大仔,所以可能咁既原因會比較好d卦,佢係年頭出"細',屬於大BB,咁差幾個月都會有D唔同,唔可以一概而論!!但係佢寫嘢就一般,好多細過佢既小朋友都好過佢呀
YinYin2002~~
我唔知係咪你,我無乜印象 我個囝囝唔係點講嘢,你個囝囝係第幾組呀?我個囝囝係第四組既小象組,跟楊老師,我個囝囝天天返到屋企都會同我報告學校里的事情,一陣又話楊老師病左,好慘,又話周老師贊佢,李老師又好好,我感覺到佢返學真係好開心 我取校服當日都有介紹D家長上來呢度傾計,可以多D交流,知道大家既小朋友近況都幾好呀!

珍珠媽咪

chityumama ~~
多謝你贊佢呀!佢大你個囝囝好多架! 有次行你鋪頭個商場,諗住探你,望下個表,嘩,10點幾,我諗你都未開鋪,跟住走左去百佳買完嘢返屋企做煮飯婆
codychan~~
我個囝囝係上午班架!你去邊度耕種呀!幾好喎!我都有興趣呀!可否介紹俾我知呀?thx!!! 因為有時假日都唔知去邊,又唔想同佢行商場,間中同佢行下山,但係返到屋企我已經想晕 佢反而好鬼精神

chityumama

是呀! 我通常成12:00pm先開門,之後時間多數都在那裏. 下次你下午嚟找我丫

codychan

珍珠媽咪

九龍灣体育館後面有塊田地(康文署攪) $400租4個月

剛剛12/11係第1堂導師話仲有田剩，叫我地入宣傳下    我覺得九龍灣起馬達適近市區，唔駛去到d乜農裝咁遠，有無興趣

YinYin2002

珍珠媽咪,
我囝囝都係第四組的小象組。
取校服當天我都是１１點左右到，當時有個小朋友正在課室前影相，大家又都是小象組，因而睇睇是不是你呢？
我囝囝不大提學校的事，有時問他，佢會答”唔好講”，可能是最頑皮的不願提   

珍珠媽咪

chityumama ~~
好呀~~你就好啦,成12點先開鋪,做老闆真好!!下次行過搵你啦!!!hehe~~

codychan~~
多謝你既介紹!!!我同囝囝講下,睇下佢有冇興趣,我真係好有興趣,唔該晒你呀!!!
  
YinYin2002~~
係呀,係呀!!!我就係狂影相既媽咪呀!!我個囝囝好鬼鍾意影相,你囝囝叫乜名呀?我個囝囝叫雋軒!上午班架!下次有機會見到你既話,記得叫我呀!我認人好差架!!
  

珍珠媽咪

YinYin2002

珍珠媽咪

我囝囝叫"韋諺"呀, 都是上午班的,你問吓"雋軒",韋諺有沒有吓佢, 如有請"多多包涵"

Sandy媽

Imy：星期六我亞女見到你仔仔仲有2個同學仔好開心呀，之前佢見到校長就好大聲叫黃校長，又飛奔過去拖住校長隻手，我感到黃校長好受小朋友歡迎架！而我發覺琳琳係好鍾意同男仔玩的，問佢同學仔名佢凈係講d男同學名

個評估報告我冇細心數過老師的評分，只見d評分同自己評的差不多就算，俊銘有13個1都好唔錯，我印象中琳琳好多2，得幾個1炸

YIYIKO：我同女女做功課都好勞氣架，佢好唔專心，又係好唔想做咁，我寫係手冊同老師講左請佢留意，老師建議我要訓練佢專注力(玩大砌圖etc)，又有可能佢的手指小肌肉未發展得好，已至執筆不靈所以冇心機做功課，可以叫佢在大圖畫紙上畫畫填顏色，再慢慢縮細範圍，培養執筆興趣&訓練小肌肉，我地大家都一齊努力加油丫

珍珠媽咪

YinYin2002~~
哦 我而家諗起啦 我個囝囝都宥提起韋諺架,仲話佢好乖,不過有時講嘢有少少痰,我囝囝講d嘢古古怪怪,希望你唔好見怪 "多多包涵"呀!!!不如你問下韋諺,"雋軒"有冇蝦人?唔該晒你呀!!

YinYin2002

珍珠媽咪:
我一提"雋軒",就即刻答是"黃雋軒"係我好朋友,再問又唔講喎

雋軒好叻呀,韋諺呢兩日真係有D痰,上星期四及五都無番學 ,今晚重再睇醫生

YIYIKO

Hi 各位媽咪﹕

多謝妳們關心﹐我仔仔昨天又不肯上學﹐他一睡醒就問”麻麻“今天要不要番學﹐麻麻說要番﹐他說不想番學﹐到了撘校車時﹐他就開始喊﹐好彩隔離座有位小朋友和仔仔玩開[他又是讀創幼的]﹐仔仔才肯跟他上車。

我就致電問班主任﹐她說仔仔在學校很投入﹐並沒有什麼異樣﹐我就同班主任講﹐仔仔說﹕[老師會將不聽話的小朋友用相機拍下]仔仔不喜歡老師拍下。老師聽後笑得很開心﹐她說她並非將不聽話的小朋友拍底﹐她說每位老師都會有一部隨身相機﹐用來拍底小朋友的學習情況﹐用作日後開家長會時可以給各家長看回子女在校的情況﹐例如有些小朋友做某樣事情﹐由最初做得不好到日後做到成功﹐她都會拍底作為一個見證。好等日後父母知道子女的進步。同時她說拍照時都會同小朋友講清楚﹐可能是仔仔誤解了﹐她說會再向仔仔說清楚。

咁我就懷疑仔仔是不喜歡搭校車﹐因為之前他說在校車裏咳咳﹐有啖啖吐了出來﹐不知是否校車嬸嬸話過他﹐所以他有抗拒﹐[這只是我的猜想]。

我真不知是什麼地方出了問題﹐導致他不肯回校。 :cry:  :cry:

另外我都問過班主任﹐說仔仔的評估成績﹐因為我見幾位家長的子女都拿了很多#1﹐但我仔仔平均都是#2﹐還拿了3個 #3。是否仔仔無留心聽老師講書才做得不好﹐還是他很留心只是能力問題呢﹖

老師說仔仔無問題﹐她說#1﹐2﹐3﹐4﹐5 並不等於分數﹐只是表示小朋友的行為表現﹐可能拿了很多1的小朋友﹐他們一早已懂得做﹐咁表現就會好些﹐她說來學校上課就是要學習不懂的東西﹐所以叫我不用擔心。但若拿了#3就要幫仔仔跟進。

仔仔在飲食[偏食]/不懂觀察別人情緒 [自我中心] / 語言[說話不正]這3方面都拿#3   

3樣問題都很辣手﹐我怕有排跟進    

珍珠媽咪

YinYin2002~~
hehe~~ 你仲未瞓咩? 我囝囝又係咳呀!可能今日轉天氣,我已俾佢吃左葯,明天放左學又要睇多次醫生嘞!返左學真係睇多左醫生,我 d朋友話返左學起碼都要睇半年醫生    吓死我呀

珍珠媽咪

YIYIKO~~
你篇文章好長呀!!!勁呀!!!
你唔使咁擔心架!d#1.#2.#3唔代表d乜嘢,可能某d小朋友係俗稱既"大仔",有 d係"細仔",咁差幾個月都差好遠架!老師講得好岩,係學校就是要學習不懂的東西,所以你真係不用擔心! 有時小朋友鬧情緒好正常,我囝囝有時佢鬧情緒唔肯返,我就話你今日唔返學 d話就見唔到楊老師同周老師和李老師啦!你自己諗清楚啦!佢就會即刻好大聲話:我要返學呀!!!
小朋友係學校同係家里係兩個人,好似囝囝係學校見到同學仔好似好怕羞,係屋企就 小朋友適應能力好強,你唔使擔心啦!我為你打氣,hehe~~~

chityumama

珍珠媽咪,
做老闆好??? 我都係剛剛食完晚o個餐咋!  

any

YinYin2002

珍珠媽咪:
昨日睇醫生時佢話上學後係咁架啦,因以前在屋企的溫室長大,返學後接觸人多左就會容易病。我囝囝上學後只睇兩三次醫生,算係叻喎   

珍珠媽咪

chityumama ~~YinYin2002~~
我囝囝今日無返學呀!佢又咳又有少少發燒,吓死我呀!可能尋日去公園踩單車吹親卦?佢知道無得返學好唔開心,我打俾楊老師請假時,俾個電話囝囝傾,佢即刻開心返,老師既魔力真係大!

YinYin2002

珍珠媽咪:
小朋友真是容易病,祝你囝囝快D好番。 你囝囝好乖呀，知道不能返學就唔開心。

珍珠媽咪

YinYin2002~~
謝謝你的祝福!!!其實囝囝知道不能返學唔開心既其中一個原因係無得食學校里既美味的茶點,佢好鍾意吃架,下午既時候就會係屋企玩"食茶點"時間,咁係我做學生啦

"韋諺"有冇參加課外活動架?我未同囝囝報呀!有冇好介紹呀?我無頭緒呀