齊齊來暢所欲言

wpwong

Hi selwong,

臻臻剛剛13個月了, 之前因為工人唔好, 終於11月底炒了佢, 12月1日起(佢剛1歲時)入北角救世軍育嬰院. 入面每一個staff, 包括園長.先生同嬸嬸都好nice & 好pro. , 個個充滿愛心, D小朋友個個都好乖,  成間園都可以俾好warm的感覺俾你, 而且嬰園每日有定時活動, 包括唱歌. 講故事. 做體操. 食MUM同訓覺, 仲每個月有BB的報告俾你, 各樣野對BB都好有幫助, 加埋朋輩影響, 你千萬個放心呀, 入面 D BB 都好有乖好有規矩, 所以絕對係一間好好同好專業的幼兒園&育嬰園(好似好HARD SELL, 不過以上讚賞係我真心說話, 我老公都同意的)!!!! 不過都可多人排隊, 你排了隊未??? 但不用太擔心, 嬰園會易排d, 因好多人大緊肚就排, 所以即使你之前未排, 都有機會有位, 因未必on waiting list D BB 已經出世嘛! 如果你入, 記住通知聲, 因到時我臻臻應該同你 BB 同一組, 因嬰園分大中細組, 9個月至歲半 D BB 應該屬中組, 同時佢地大家係同學仔了. 呀, 你點解想BB入北角救世軍? 你住附近? 你BB係BABY BOY OR GIRL, 叫咩名呢? 幾時出世呀? 識行同講野未? (SORRY, 好似好多問題, 可以唔答呀) : 臻臻 04年1月1日在東區醫院出世, 剛剛打完1歲針2個星期, 家住將軍澳(嬰園對面的18號小巴可直達我家, 車程約20分鐘, 非常方便). 臻臻 而家學緊講野, 但有時嘰哩咕嚕唔知佢講乜, 最清楚係講爸爸, 媽媽 同 MUM MUM. 最鍾意指我同臻爸抱佢周圍行同玩&聽歌, 而家學緊行同企, 但未可放手行同企.   


冰冰       

KooKoo

樂熙媽媽, anna, 你地有冇睇今日兒園團年飯ge menu呀, 好正呀, 流晒口水添,  :  : 如果可以預埋我地家長一齊食咁就好lu , 係咪好為食呢

wpwong, 嬰園係咪都係今日食團年飯呀?

樂熙媽媽

Yes, very delicious.  I also want to join.  

黃老太

請問有冇媽咪知道北角救世軍幼兒園畢業多數會升讀那間小學??

anna_gigi

HI 黃老太

因為混合班,所以畢業人數不多,以我所知
2003 9月- 1 北角官立
2004 9月- 5 太古小學,1 丘佐榮
2005 9月- 4 太古小學, 1 北角官立, 1 基灣
以上只是大約參考

黃老太

咩嘢係混合班? 咁一年有多少畢業生?

anna_gigi

黃老太
N1幼兒班,N2幼低班, N3幼中班,N4幼高班共28個位,所要叫混合班 每年N4幼高班都有不同人數,所以大約有6至7人畢業生 :

selwong

Hi 冰冰,
上星期院長安排我跟先生同言仔到園參觀, 我有見到臻臻...佢好乖同ｃｕｔｅ呀！不過有ｄ怕羞．言仔好似幾鍾意間園，所以我們決定比他入園，從三月份開始．

我o地住小西灣,言仔係１月２９日St.Paul 出世, 依家23磅屬於大碼, 佢仲未識自己行,不過可以扶住o野行同企, 佢一日只吃一餐粥粥咋(因為唔放心工人偎佢), 佢最叻講mum mum, 媽媽同爸爸. 不過未識指指佢想要嘜. 但識指燈燈,頭頭,同bye bye.

三月好快就到, 好緊張...擔心佢唔適應, 因為佢又唔識行同表達自己需要, 跟其他小朋友唔同．

臻臻幾耐先適應呀? 入園後病過幾次呀?會唔會食晚飯先返屋企？入園時先生同嬸嬸有沒有特別照顧佢呀？

唔好意思咁多ｏ野問！

SaSa  

wpwong

Hi All,

恭祝各位雞年進步, 健康愉快, 事事如意!!!


冰冰 & 臻臻 & 臻爸

wpwong

Hi Sa Sa,

嘩, 恭喜你呀, 言仔可以入園, 相信呢個係對你地一家來講係第一份雞年禮物, 亦係一個好開始, 放心吧, <<北角救世軍育嬰院暨幼兒園>>個個員工都好好, 非常照顧同愛護各小寶.

臻臻而家都未識放手行同企, 佢同言仔一樣只識扶住野行同企. 另外臻臻唔鍾意食稀飯, 佢淨係鍾意食D有口感的食物, 例如餅餅, 飽飽, 麵麵......等, 不過先生都好好, 如果果餐食稀飯, 佢地知臻臻唔太鍾意食, 佢地會俾D煲粥料或生果俾臻臻食, 同埋一定要臻臻坐埋檯陪同睇其他小朋友食野, 等佢食慾強D.

你會陪言仔番幾耐學呢? 我果時第1個星期每日陪佢番11點放4點, 之後第2個禮拜陪佢番11點, 約1點佢訓了我便離開, 之後第3個禮拜開始我每日揍佢番園佢都只係小小扁咀(無喊), 再之後佢連咀仔都費事扁, 其實小朋友好快適應, 我覺得臻臻基本上頭幾日已經適應, 只不過當時有D唔捨得, 相信如果第一個禮拜我將佢交俾先生, 佢都應該無問題. 我相信言仔好快會適應, 因為果度有好多小朋友同佢玩, 有識行的, 亦有未識行的, 因為小朋友最鍾意玩, 臻臻最初都係認得玩具先, 跟住先同先生熟. 你不用太擔心, D先生(尤其佢班主任, 臻臻班主任係陳先生)會留意D小朋友, 會因應各小朋友個性而照顧佢地, 尤其是新入園小朋友, 我見過D家長一開始無時間陪小朋友番園, D先生都會特別留意佢, 但照顧就人人平等, 因為都要放手俾D小朋友去適應新環境, 而且D小朋友有佢地自己溝通的方法, 言仔一家可以同其他小朋友相處得來.我老公通常5-5:30揍臻臻走.

我上星期帶臻臻番園時見到有對夫婦抱住(爸爸抱)個訓著覺的小朋友來參觀, 是否你地呢???

ANYWAY, 不用緊張, 當言仔番得一個月園你就會感覺佢的進步, 當你地揍言仔放學佢回頭望入園(個樣有D依依不捨咁), 同埋當你第一個月收到手冊了解言仔在園的情形, 你地就一定會好開心, 因為呢D係工人唔會俾到你的野.

呀,咁你會炒了個工人嗎????


冰冰 :







  

selwong

Hi 冰冰,
可能真係緣份．．．您見到o既就係我o地啦！不過，唔知會唔會再有機會見呢！我o地打算８點帶佢返園，等他食完晚飯（大概７點三）爸爸先去接佢．因為，實在無時間整粥粥佢食．

我都未知道請幾耐假去陪佢，您知啦打工仔請假唔係咁易．不過，都要睇言仔o既情況．上兩次換工人，每次我請了一星期假，之後就由爺爺看住個工人．爺爺退了休不過住係元朗，每日好似返工咁．

我o地會呢個月尾就同依家個工人bye bye.  真係好傷! 真的希望言仔開心快的適應同身體健康.

^_^

wpwong

Hi Sa Sa,

其實你應該可以預算1個禮拜陪佢番學, 3月1日是星期二, 頭2日陪佢番足全日等言仔熟習環境, 之後2日試下陪佢番上半日至訓中午覺,等佢可以單獨同先生&同學仔熟埋, 再之後果日(星期六只番半日)你就完全交俾先生, 等佢同你都熟習下分離的感覺, 如果先生無話佢有咩唔特別, 之後果個禮拜你就可以依你計劃開始完全放手, 你當時可能會成日擔心佢唔知係園會點, 會唔會大喊, 會唔會唔開心, 不過你放心喇, D先生會識得安慰佢及照顧佢, 因為佢地俾我同你都見得多咁的情況, 佢地好Pro. 的. 如果真係有咩大問題, 嬰園會call你的, 你或言仔爸爸係邊度番工, 近嬰園嗎? 如果不太方便言仔於嬰園有事你倆是但一人可以去接回佢, 記住搵熟識的人(例如佢爺爺)去負責, 因為D小朋友可能有時會突然有D唔舒服(例如發燒至華氏101度(好似係))唔可以繼續留係嬰園咁.Anyway, 千萬個安心兼放心, 你,言仔爸爸同言仔將會一定好喜歡同愛上言仔係<<北角救世軍育嬰院暨幼兒園>>的生活.

嬰園好多時都會攪D親子活動, 到時咪有機會見, 而且我通常約10點至11點會帶臻臻番到園, 你頭一個禮拜做書僮時咪有機會見到我吧.

不如我地交換電話(請check你PM,我會留我電話俾你) 方便可以交流下及有個照應吧.


冰冰



   

wpwong

Hi Koo Koo, Anna  & 樂熙媽媽,

兒園的團年飯 menu 我老公果日接臻臻放學都有睇到, 佢都係話好正, 不過 D 小朋友食完係唔係都係話好掂呢?!?! 你地 D 寶貝準備晒華服未? 臻臻而家有4套, 全部都係人送的, 都係 D 小朋友上年著過一陣今年唔岩著, 所以送俾臻臻, 有兩套只係大小許, 今年可以著, 年初一至三都有著過去拜年. 另外兩套應該要下年先可以著. 我果日見到園長問過佢, 家長無得參與華服日, 不過我叫了佢第時俾D相我睇. 我想問下佢地D相是要搵佢地晒 定 係叫佢地COPY 個 FILE  俾我自己晒呢 ?  我果日聽見兒院D小朋友加話佢地會舞獅, 知唔知準備幾時表演呢?  你地D小朋友有無份參與呀? 臻臻今個農曆年好得意, 一聽見D賀年歌就點頭搖手, 人地同佢講恭喜恭喜, 佢就點頭兼" 四萬 " 咁口, 好CUTE.


冰冰 :
  

anna_gigi

各位媽咪:

明天開學日及華服日,你地準備好末同你地既囝囝囡囡扮靚靚

KooKoo

anna, 今朝見到芝芝ge打扮啦, 粉紅色, 好靚女呀, 今晚要再望真d

KooKoo

wpwong 寫道:
Hi Sa Sa,

其實你應該可以預算1個禮拜陪佢番學, 3月1日是星期二, 頭2日陪佢番足全日等言仔熟習環境, 之後2日試下陪佢番上半日至訓中午覺,等佢可以單獨同先生&同學仔熟埋, 再之後果日(星期六只番半日)你就完全交俾先生, 等佢同你都熟習下分離的感覺, 如果先生無話佢有咩唔特別, 之後果個禮拜你就可以依你計劃開始完全放手, 你當時可能會成日擔心佢唔知係園會點, 會唔會大喊, 會唔會唔開心, 不過你放心喇, D先生會識得安慰佢及照顧佢, 因為佢地俾我同你都見得多咁的情況, 佢地好Pro. 的. 如果真係有咩大問題, 嬰園會call你的, 你或言仔爸爸係邊度番工, 近嬰園嗎? 如果不太方便言仔於嬰園有事你倆是但一人可以去接回佢, 記住搵熟識的人(例如佢爺爺)去負責, 因為D小朋友可能有時會突然有D唔舒服(例如發燒至華氏101度(好似係))唔可以繼續留係嬰園咁.Anyway, 千萬個安心兼放心, 你,言仔爸爸同言仔將會一定好喜歡同愛上言仔係<<北角救世軍育嬰院暨幼兒園>>的生活.

嬰園好多時都會攪D親子活動, 到時咪有機會見, 而且我通常約10點至11點會帶臻臻番到園, 你頭一個禮拜做書僮時咪有機會見到我吧.

不如我地交換電話(請check你PM,我會留我電話俾你) 方便可以交流下及有個照應吧.


冰冰

hello sa sa, 我仔都係由育嬰園上黎到而家幼兒班, 個陣時我仔初入時同wpwong所講一模一樣, 你唔使擔心架, 放心俾陳先生佢地照顧啦, 有唔識ge地方仲可以請教番佢地, 佢地好樂意同好有耐性解答你架, 你仔仔2/3入園, 到時我可能會見到你, 因我仔都係返8:00am放7:00pm.

係wor, wpwong, 你有冇問陳先生拎張時間表呀? 即係d bb每日係嬰園內ge活動時間表, 好正架 , 今日華服日, 我有問過我仔佢有冇得舞獅頭, 佢放假前話冇, 早幾日又話有, 所我都唔係好肯定, 今晚接佢時要問下梁先生.

selwong

我會take冰冰o既advice. 頭兩日陪言仔全日, 後兩日就陪到佢午睡先至上班. 唔知幾點午睡呢? 然後, 6點到接番佢. 頭  o果幾個星期六都打算比佢番園, 希望佢快啲適應.

我倆公婆都係灣仔上班. 爺爺住係元朗，不過一個老人家帶住小言出街實在唔放心．我倆會盡量安排是但一方去接小言．

冰冰, 我都pmo左我個mobile#比你.

到時見啦, 記得share華服日ｏ既photo比我睇ｏ番

anna_gigi

Hi selwong

我個女返育嬰院當時第一日我只係倍左佢半個鐘頭,跟住每日都係朝8:00 晚7:00接佢

ShinTeresa

你個女係幾多個月入去 育嬰院 點解你唔諗住請工人湊 我聽人講d bb 係 育嬰院會好賤 1個老師對10個b 所以邊個b 喊先就理邊個先 係米甘既 ?? 我個女得3 個月者  :cry:

KooKoo

ShinTeresa 寫道:
你個女係幾多個月入去 育嬰院 點解你唔諗住請工人湊 我聽人講d bb 係 育嬰院會好賤 1個老師對10個b 所以邊個b 喊先就理邊個先 係米甘既 ?? 我個女得3 個月者  :cry:

ShinTeresa, 先講句sorry, 因我一聽見有人講呢句說話我會好反感"將bb放係育嬰院會好賤", 其實而家d育嬰院唔會再係廿幾年前個d架啦, 而家所有先生都要係專業通過考試, 仲要係繼續進修課程, 你可以睇番之前wpwong所講ge野, 我唔重復啦, 如你想多d瞭解園內ge情形, 你可以打電話去預約參觀, 園長好樂意解釋俾你知bb每日係園內ge活動, 我已冇請工人成年(當工人完約後), 我而家仲安心同開心, 同埋冇左個種心理壓力.