民生媽咪會

So

Venus & chloetam >>
我個仔都有叫帶動物相呀﹗好彩有d貓相頂住咋﹗

ak25 >>
無發現有蚊lan喎﹗

傻媽媽

我個女淨係星期一話要帶野食返去同小朋友分享, 跟住無講過話要帶其他野呀, 真係死死火喇!  

tungwai 寫道:
chloetam
點解我個女冇講過話要帶野呀, 死火

傻媽媽

ak25, 我個女無蚊'lun'喎!  

ak25 寫道:
各位媽媽, 近來常常發現小囡於體育堂後有蚊'lun', 您們有冇呀?

ElsaPoon

choletam, tungwai,

我個仔昨晚有話要剪報紙及帶動物玩具.

chloetam

ElsaPoon,
昨天我囡囡話同你囝囝玩得好開心，估唔到新學期又同 你囝囝同一組。

D小朋友鍾意就講比我地知要帶野返學校，有時都唔知 真定假，不過，我次次都帶左先。

KristyMum

女女無話要帶野返學校呀, 死火!

tungwai,
我女女都係坐冼叔叔d車, 返學放學都係黃叔做司機.

tungwai

KristyMum
咁 arm, 咁你住邊到呀

KristyMum

tungwai,
he..he…下次聚會話你知.  
係呢, book唔book到玩具圖書館呀? 我之前試過walk in, waitlist輪唔到. 每個session有人數限制, 如果太多人, 或者我地每家人只可一大一細入去.

ElsaPoon

chloetam,

我仔仔話你囡囡是另一組, 她是不是白兔組?

tungwai

KristyMum
咁秘密, 好, 我就等到聚會出離先聽, 另外, 玩具圖書館那處, 我 '林' 住 1 mar 04 打電話去訂, 但每次只可以 book 6 個人, 所以我要連續打幾次, 而又打得通先得, 希望我成功啦

ElsaPoon , choletam
我昨晚問個女洗唔洗帶野返學校, 佢都係話唔洗, 咁到今朝, 我直頭問佢洗唔洗帶動物玩具及報紙返學呀, 佢都係話唔洗呀, 真奇怪

KristyMum

tungwai,
辛苦晒你呀!要幫手通知我, 打電話我都在行   
昨晚問女女, 只話要帶動物相, 手頭無, 剪雜誌頂當.佢重話今日開生日會, 有mcdonald姐姐, 我唔見左張通告, 咁係唔係今日呀?

So

KristyMum >>
上個月開左生日會，應該下個月先再有喎﹗

傻媽媽

tungwai, 咁不如3月1日我又試下打去book場, 不過你要話俾我知book幾多個人同埋人名先得!  

我尋晚再問個女使唔使帶野, 佢開頭話咪帶左食物返去囉(因星期一佢話老師話要帶食物返去同小朋友分享), 之後先至話要帶小狗, 我問佢係咪所有動物都得, 佢話只是小狗, 等我同老公食完飯後, 拿拿聲幫佢搵報紙雜誌, 雖然佢都有幫手搵, 但是就玩多過搵囉!    佢仲話要帶毛毛狗返去學校, 不過我諗住帶玩具返去唔係咁好, 又驚老師話佢帶玩具返學校玩, 所以最後都無俾佢帶喇!

tungwai 寫道:
KristyMum
咁秘密, 好, 我就等到聚會出離先聽, 另外, 玩具圖書館那處, 我 '林' 住 1 mar 04 打電話去訂, 但每次只可以 book 6 個人, 所以我要連續打幾次, 而又打得通先得, 希望我成功啦

ElsaPoon , choletam
我昨晚問個女洗唔洗帶野返學校, 佢都係話唔洗, 咁到今朝, 我直頭問佢洗唔洗帶動物玩具及報紙返學呀, 佢都係話唔洗呀, 真奇怪

KristyMum

我呢個女真係唔掂, 經常混桔!  So, 唔該你呀,

tungwai

傻媽媽, KristyMum
好呀, 到 1 mar 2004 你幫我打電話呀, 我一陣 pm d 資料比你地呀, 唔該你地先呀

KristyMum, 生日會應該係 3 月 12 日呀

Miffy2

Tungwai,
關於訂圖書館, 如要幫手請知會我, 見你們這樣辛苦我希望能出點力.

關於蚊印, 我女兒K1 也是滿足都有, 可能K1在地層的關係, 你們可試回校前塗些蚊水或花露水等等…... K2 便沒這問題了.  

其實K1帶物件回校, 你們可留意季節書的內容, 如今期開始校動物老師會叫小朋友帶動物, 如交通工具,會叫小朋友帶車等等…..

Miffy2

KristyMum

tungwai, 千其唔好咁講, 我地唔該你做統籌至真.
先頭打電話返屋企話唔係開生日會, 唔駛帶手挽袋, 女女堅持話係開生日會, 要帶手挽袋返校, 唉!  :-x  :-x 激死!帶飽佢啦!

傻媽媽

tungwai, 我地都有份去玩架, 使乜咁客氣喎!  

kristymum, 唔使咁激氣, 好似我個女咁, 如果我唔係睇左你地既留言, 都唔知要帶動物啦! 我前兩日已經問佢, 佢都話無, 直至尋晚再問佢, 先至話有, 臨急臨忙咁, 好在搵到o者, 如果唔係都無辦法. 慢慢黎啦, d小朋友係咁架喇!  

tungwai

KristyMum
你個女好攪笑呀 :  :  :  :  :

tungwai

傻媽媽, ElsaPoon, Ivylouie, Venus, KristyMum, Miffy2, Heide媽

麻煩你們 pm  你地個姓, 你地先生個名及小朋友幾多歲比我呀, 因玩具圖書館那處要用呢 d 離報名
(不需全名, 只要英文名連姓, 如 : Mary Lee )