香港創價幼稚園

chityumama

susannalam,
唔駛客氣,我唔好意思添,因為我上次眼大睇過龍 ,都唔記得答你面試內容... 上次阿仔面試時,有兩位老師,一位負責問家長先,問吓平時會帶小朋友去邊,做D乜,邊個揍佢,小朋友脾氣點,有問題時家長會點處理等等...我覺得她們目的係想了解家長有幾了解自己個仔. 之後另一位老師會同小朋友傾吓偈,睇小朋友會唔會答佢,點樣反應,我個仔仲'生保',但我都有引導吓佢答老師,(其實都係提佢:'老師問你,你要點答老師呀!')老師又俾D書佢睇,有D係圖畫,問佢圖中小朋友做緊乜,又問吓D生果係甚麼名,我個仔都唔係全部都識,老師會話俾我個仔知係D乜,叫他跟自己講一次,我個仔都肯講.我記得的係咁上下啦! 我覺得創價面試的方式唔會嚇怕D小朋友,唔識唔緊要,只要肯跟老師學,我覺得老師都接受.因最初我見阿仔唔多識D老師問的東西,作了最壞打算,就算得都係收下午,點知好意外收了上午班呢!
以上經驗只作參考用途,如無類同,實屬......

囡囡媽

好耐無人回應了! 等我又問下問題先。

請問有無05 K1 媽咪知道在6月25日校服日前創價會唔會再有通告或信件提醒家長有關資料呢?  

reb619

Does anyone know when is the open day for 創價幼稚園?

Thanks

YIYIKO

請問有無創價媽咪可話我知﹐這間學校多不多課外活動舉辦﹐是否多數在星期六呢﹖
因小兒星期六要上Playgroup班﹐若星期六學校有活動的話﹐我就要放棄續報Playgroup班了。

YIYIKO

囡囡媽 寫道:
好耐無人回應了! 等我又問下問題先。

請問有無05 K1 媽咪知道在6月25日校服日前創價會唔會再有通告或信件提醒家長有關資料呢?  

這點我就不清楚了﹐但我之前有打過電話問關於開學的問題﹐職員告訴我由於學校要裝修的關係﹐可能會將小朋友與家長上學那幾堂延遲﹐但真正上堂的日期就沒有變。[但現在
情況是怎樣就不知了]

珍珠媽咪

囡囡媽~~
我好似記得上次家長會(註冊日)黃校長話唔會再有信通知家長,我自己就係日曆度(6月25號)寫左個好大既字<交書簿費>,我驚唔記得呀

KelvinMaMa

昨日問過29/8 – 2/9 為適應期, 5/9 K1不用上課, 6/9 正式開課.

YIYIKO 寫道:
[quote]
囡囡媽 寫道:
好耐無人回應了! 等我又問下問題先。

請問有無05 K1 媽咪知道在6月25日校服日前創價會唔會再有通告或信件提醒家長有關資料呢?  

這點我就不清楚了﹐但我之前有打過電話問關於開學的問題﹐職員告訴我由於學校要裝修的關係﹐可能會將小朋友與家長上學那幾堂延遲﹐但真正上堂的日期就沒有變。[但現在
情況是怎樣就不知了][/quote]

liwoodma

我想比bb讀下年K1,唔知難唔難入, 同埋幾時報名呢?

CathyDannyBB

HI ALL


我都想知幾時報名,有無開放日呢,校車如 am class 放學返到 shatin 要幾點到呢 !! thanks!!!!

Pulmma

liwoodma 寫道:
我想比bb讀下年K1,唔知難唔難入, 同埋幾時報名呢?

每年11月左右就開始派form, 收180人(am+pm)

咕怪媽媽

請問下創價有冇 n1 架？係全日定半日？
:wink:

liwoodma

pulmma

我一於會報名.  Thanks.  但係要考d咩ga?

囡囡媽

各位媽咪，眨下眼好快又一年了! 去年同一時段，都有好多媽咪為自己的子女找K1而緊張及展開準備，而我都係其中一員，但好開心最後創價都收左我個囡囡在今年9月入學。其中要多謝是開這個topic的媽咪，另外更要多謝pulmma，因為佢提供左好多有關創價的深入資料給我們參考，當然仲有其他媽咪提出的寶貴意見及提問啦!

所以新一年的媽咪我個人好希望你們看完整個topic。一定會對你們打算考創價前做準備而獲益良多呀! 因為有好多你地想問的問題都會在當中找到答案及對創價加深少少了解。

請不要介意我咁多口水。

liwoodma

囡囡媽:

Thanks very much.

liwoodma

真係要比心機睇晒全部內容先得．

Pulmma

時間真是覺得很快, 我個囡今年就畢業了, 好唔捨得! 回想起囡囡讀k1時的情景, 到現在還記得很清楚, 當天老師和小朋友唱過什麼歌, 說過什麼故事, 吃過什麼茶點我仲記得.

現在囡囡已開始練習緊畢業show, 好想她快些長大, 但又好唔捨得佢離開這個充滿愛和笑的樂園.  難怪我的小女兒成日問我: 媽媽我可唔可以再讀多次k1呢?!!?!??!?

學校把所有的小朋友稱作小王子, 小公主, 她們把在創價讀書的小朋友都視作為王子, 公主一樣尊貴.  每年的5月, 學校都會有一個王子公主會, 每個小朋友都會帶著自己做的皇冠在學校慶祝.

我囡囡在學校學懂了愛人愛自己, 最感動是她學懂了珍惜自己. 她時常陰陰咀笑咁同我說: 媽媽我覺得我好幸福!!
我問她: 為什麼???
她會答: 不知道, 總之我覺得好幸福!!
我問她: 你知道什麼是幸福嗎?
她會答: 開心是幸福! 我有媽媽, 有爸爸, 有好東西吃, 有玩具玩, 有地方住, 有好多小朋友和我玩, 有學校可以學東西, 這就是幸福!

現在的小朋友好多都有充裕的生活質素仍不會知足.  在三年的學校生活不停地教小朋友要和人分享, 愛別人, 幫助有需要的人. 透過活動教他們世上有好多小朋友需要幫助. 學校和在我家的教導下, 我的小天使變成一個很知足的小朋友, 她從不會叫我買玩具及多餘的東西, 所有衫及玩具不合她都會好珍惜咁叫我送比沒有衫和玩具的小朋友.

當然學校不是萬能教育所, 小朋友一入去就變了小天才, 學校只是把優質的小種子種在小朋友的心底裡, 家長要把這種子澆水施肥才能發芽!

這所幼稚園, 是一間很好的幼稚園, 作為小朋友成長學習的第一站是最好不過的選擇. 好多時候在接囡囡放學時, 都會見到好多讀小學的小朋友返學校探老師.  最難得的是我看見老師們仲記得他們.  而每年學校都會有舊生會, 情況會邗登在校邗上, 看見這班以前創價的師兄師姐, 不禁會想起若干年後就輪到我個囡了.  (突然覺得自己老了很多)!!!

小道消息不過未經証實, 學校初步計劃會在何文田起一所小學.  其實聽校長說過, 好多年前己著手辦小學, 可惜批地問題, 政府只批了元朗, 天水圍一帶, 校長害怕好似我咁這麼喜歡創價的家長會不理地區在那裡都跟隨著而令到小朋友長途拔涉地返學而不要政府批地!!!! 如果何文田地皮批了一事是真的話, 將來讀創價幼稚園的學弟學妹們就幸福了!

還有各位用心看過我分享的媽咪, 希望你們的小寶貝和我個小天使一樣, 會擁有一個充滿愛及笑聲的童年!

KelvinMaMa

Pulmma,

如果真是在何文田建一所創價小學, 我真是希望小兒能夠入讀.
你女兒也快要畢業, 我想封你為BK創價榮譽會長!

彤彤媽

Pulmma,

我都好贊成封你為BK創價榮譽會長呀!      我都好想多謝你, 睇完你咁詳盡既分享後我都非常鐘意創價, 仲好心急想同大女報名添, 希望出年大女可以做你囡囡既學妹就好喇! 睇完你最新既分享就更加心急呀, 你話你囡囡所學到既嘢正係我夢寐以求我d女可以學到既嘢呀!

再一次多謝你

KelvinMaMa 寫道:
Pulmma,

如果真是在何文田建一所創價小學, 我真是希望小兒能夠入讀.
你女兒也快要畢業, 我想封你為BK創價榮譽會長!

宗希

Pullmma
我都好想入,不過知好多人等位
上次寄表格又寄失了,仲係前 2天先知道
現在連後補資格都沒希望.

你有沒遇到日本藉的媽媽嗎?

m琳琳

咁多位媽咪妳地好,我自己本人係創價學會嘅會友,我仔仔依家先得4個幾月,但係聽到妳地個個小朋友入到創價幼稚園讀書都咁開心,我已經有個衝動想仔仔第時都可以入返呢間學校讀書,記得初初香港創價幼稚園成立時,我就跟住我爸爸媽媽到學校參觀,如今已經很多年了,真想仔仔快些大個~~
希望大家唔會覺得我太唐突~~
另外有個問題想問問:請問有冇校車到屯門呢??因我住屯門區
thx~~