插班K2

小企鵝媽媽

小朋友讀緊PN，疫情期間，學術進步好多，有感在家可以學到更多學術内容，覺得沒必要浪費一年。應該試吓升K2嗎？傾向考直私，又擔心細B到時沒有offer, 感到現在進退兩難。

fadgare

咁叻咪照試

Baoyeung

小企鵝媽媽 發表於 20-7-23 23:57
小朋友3歲半讀緊PN，疫情期間，學術進步好多，中文已完成基礎500，識默寫簡單中文生字和自己中文名，數字識 ...

你小朋友咁好學嘅...勁！基礎500是全系列嗎？他可以認到全部生字？如果佢學嘢咁快，插K2絕對無問題啦！

小企鵝媽媽

Baoyeung 發表於 20-7-24 00:15
你小朋友咁好學嘅...勁！基礎500是全系列嗎？他可以認到全部生字？如果佢學嘢咁快，插K2絕對無問題啦！
...

係呀，係家中長老功勞！佢好喜歡漢字套書，所以有心機學。

我係擔心考小學，因為佢性格慢熱，無乜自信；面試時未必draw到老師attention，所以當初選擇做大B。

Baoyeung

小企鵝媽媽 發表於 20-7-24 00:25
係呀，係家中長老功勞！佢好喜歡漢字套書，所以有心機學。

我係擔心考小學，因為佢性格慢熱，無乜自信； ...

咁細b考小學本身係蝕底d，因為一般小學鐘意收大b！如果兩個學術一樣，都會傾向收大b....但你小朋友學術強都有優勢

小企鵝媽媽

Baoyeung 發表於 20-7-24 00:33
咁細b考小學本身係蝕底d，因為一般小學鐘意收大b！如果兩個學術一樣，都會傾向收大b....但你小朋友學術強 ...

多謝你... 真係好矛盾！

kisani

小企鵝媽媽 發表於 20-7-23 23:57
小朋友3歲半讀緊PN，疫情期間，學術進步好多，中文已完成基礎500，識默寫簡單中文生字和自己中文名，數字識 ...

覺得冇必要浪費一年本身幾月b?既然之前早已決定做超大b，我會建議勿忘初衷stick to your choice. 香港生活節奏快，教育制度加上外補盛行嘅風氣呃殺緊小朋友嘅創意思維。遲一年升學換返黎嘅時間用黎比小朋友睇下課外書，發下白日夢留白，家庭樂運動下etc 代價可能只係遲一年出社會搵錢。
見你計住漢字500、ORT、乘數表等，好似好急住趕進度咁進行攻略。或者試試調節下步伐，小朋友發展唔淨止係學術上的，早期教育可以嘅話都留空間培養下小朋友想像力、解難能力、專注力、同理心、social skills, 好奇心等，比趕進度黎得有意義得多~
the time you enjoy wasting is not wasted, 純粹見到樓主話遲一年升學係浪費時間有感而發~(利申，我小朋友都係12月超大B遲一年入學)

小企鵝媽媽

kisani 發表於 20-7-24 01:17
覺得冇必要浪費一年本身幾月b?既然之前早已決定做超大b，我會建議勿忘初衷stick to your choice ...

好多謝你願意花心機認真回覆我

我都同意應該忠於初心做超大B, 只係因為疫情停課關係, 多咗時間陪小朋友, 學術上可以學快咗. 但其他方面真係需要再努力~~如果日子正常, 我都唔會有呢個掙扎...

sheep2015bb

認同kisani
建議不如插班去啲玩樂為主嘅幼稚園
俾佢喺學校玩多啲有群體生活同學德育，慳左時間唔使應付所謂名幼嘅功課量，去玩多D 活動建立專長同埋自信，自己主力搞掂學術。

蚊蚊mosquito

小企鵝媽媽 發表於 20-7-24 01:52
好多謝你願意花心機認真回覆我

我都同意應該忠於初心做超大B, 只係因為疫情停課關係, 多咗時間陪 ...

我估我小朋友同你果個差不多大
都係讀PN準備升k1,我反而更加想繼續行超大B條路。
認中英文字，數字，我小朋友都唔差，但係小手肌，自理，專注力呢類個人發展，真係未ready, 之前有學校收我小朋友9月插k2,但我冇接受，take了其他學校k1班。

蚊蚊mosquito

小企鵝媽媽 發表於 20-7-24 01:52
好多謝你願意花心機認真回覆我

我都同意應該忠於初心做超大B, 只係因為疫情停課關係, 多咗時間陪 ...

重覆左post, deleted

kisani

小企鵝媽媽 發表於 20-7-24 01:52
好多謝你願意花心機認真回覆我

我都同意應該忠於初心做超大B, 只係因為疫情停課關係, 多咗時間陪 ...

疫情下我都多左時間wfh陪兩個小朋友, 學術上係可超前但好多野始終要到classroom setting要體驗到，既然學術上小朋友似乎不用操心，或者你可放慢少少腳步，比小朋友幫手做多點家務，未有疫情下則可做下親子義工到訪社區各地~而家可能仲細，但到5，6歲多好多野幫到手，始終比人多左大半年時間~再補充下，我地本身都對學術有要求，大果個剛經歷完直私面試到叩門階段，有私小offer backup玩抽獎衰左，但成功有兩間一線叩門offer(非111)，入返第一志願。唔係名幼出身甚至只係普通屋邨卷幼，望返轉頭升小階段學校除左學術仲睇好多野，小朋友性格、softskills, 合唔合群，專注力，課外活動等。反而就算我小朋友中英閱讀識讀到好深都唔係間間用得著。

小企鵝媽媽

多謝大家回覆同經驗分享, 我明白除學術之外, 小朋友仲有好多方面要學習, 我會揾多啲活動俾小朋友喺屋企試吓~~

小企鵝媽媽

kisani 發表於 20-7-24 11:59
疫情下我都多左時間wfh陪兩個小朋友, 學術上係可超前但好多野始終要到classroom setting要體驗到，既然學 ...

恭喜你小朋友最後成功叩入第一志願, 聽到好多考小過程真係唔容易... 你小朋友都好叻, 最後都有好offer

kisani

小企鵝媽媽 發表於 20-7-24 13:09
恭喜你小朋友最後成功叩入第一志願, 聽到好多考小過程真係唔容易... 你小朋友都好叻, 最後都有好offer :fu ...

Thanks升小都係睇運氣同緣份遊戲，報多幾間直私就算waiting最後都總會有一兩個offer唔洗太擔心，因為依個時勢大家傾向想留返個錢傍身，同區嘅一線官津可能仲搶手，叩門階段都多人放二線直私。

codyalbert

應該一試

Reitsal

我會照做超大b，但k2試下考直私小，因為k2係可以直接讀小一，認同小一面試唔係淨係學術得就過到關，始終小朋友大啲發展全面啲，成功機會會大啲，尤其target係一線小學。

keikei0923

小企鵝媽媽 發表於 20-7-23 23:57
小朋友3歲半讀緊PN，疫情期間，學術進步好多，中文已完成基礎500，識默寫簡單中文生字和自己中文名，數字識 ...

題外話，我見到你話佢識乘法和進位，媽媽可以留意小朋友數學嘅發展，看小朋友是否懂得數學的運用。當你考直私嘅過程你發現佢考的加減數其實唔深,乘數基本上都唔會考。

但是老師卻會常常問到數學嘅應用，簡單嚟講就係一啲數學嘅文字題，小朋友要心算回答。對於幼稚園小朋友嚟講，數學概念的發展尤其重要,是一個好基礎幫到佢以後小學嘅學習。

小企鵝媽媽

Reitsal 發表於 20-7-24 20:27
我會照做超大b，但k2試下考直私小，因為k2係可以直接讀小一，認同小一面試唔係淨係學術得就過到關，始終小 ...

謝謝建議... 我會再睇定小朋友能力到時再決定會否報考...

不過都想請問：
K2考直私(非一線)有成功例子嗎？
而且到時或只有K1, K2上學期成績表...

小企鵝媽媽

keikei0923 發表於 20-8-3 07:57
本帖最後由 keikei0923 於 20-8-3 08:01 編輯

題外話，我見到你話佢識乘法和進位，媽媽可以留意小朋友 ...

謝謝分享... 我們沒有刻意迫小朋友背乘數表... 亦唔想教太快... 怕第日無心機學習... 而家多數都係玩加減遊戲...