應該點揀好？嶺南、迦南媽媽們分享下

DoubleS1218

囡囡10月細B

讀緊迦南N （不過因社會運動、疫情，斷斷續續返左2個月左右）

性格內向、膽小、超級慢熱
在家開籠雀，在外永遠唔會出聲
極痴身，害怕分離（痴我 / 保母姨姨，我係在職媽媽）

學習能力冇問題，自問佢學野都快，算叻添（我覺得！）

而家K1有迦南（上午），嶺南（全日）

當初N選迦南，因為想學術好一點。

但隨女女長大，見佢性格係咁內向
就諗會否全日制多d時間同同齡小朋友相處會好d

同埋嶺南老師出晒名有經驗愛心

不過N班迦南經驗其實老師也很有愛心

補充：（當初讀緊迦南N,因為校內評核對住老師唔肯出聲而暫作K1 waiting,
後來學校安排2nd in,要我們交面試影片，咁就一定冇問題（因為在家好醒），
所以又有回迦南K1 offer)

希望呢2間學校的媽媽分享下你地的經驗

Justmichelle

我自己囡囡係12月細b, 今學年係迦南K2(不過迦南都好多間><)
K1時係讀另一間全日制幼稚園，因為搬屋所以轉校。

自己囡囡性格都好內向，三歲先肯講野。
全日制同小朋友多啲時間相處的確有少少幫助，
但只係少少，
因為我發覺囡囡極其量都同成日一齊嘅同學仔講多咗野，
到面對陌生環境/第一次見人嘅時候都仍然係一樣咁木獨。
反而囡囡宜家4歲半，社交能力先見到明顯進步，
即係話內向始終係性格，同年紀關係大啲，
反而同返全日定半日關係不大。

我自己覺得迦南學術都幾好，但課程都幾急，
好似今年K2學寫字，
上學期寫ABC,上中下，下學期已經係vocab, 鳥兒、收拾呢啲
所以變咗自己家長要跟貼啲，返全日就可以交俾老師多啲。

另外都好睇你有冇其他學習安排eg.上興趣班，又或者想升啲咩小學
再睇下讀邊間