想請教下大家對小朋友pn班既看法?

阿豬ma

想請教下大家對小朋友pn班既看法? 因為今年兔b都好大競爭, 所以搵學校都比較難, 特別係細b... 好多人都覺得搵唔到咪play group 囉, 其實預備班都係番去玩jei... 各位又點睇呢?

kbi

PN同playgroup 好唔同，playgroup主要唱歌，跳舞同學下語文，父母又一齊，所以小朋友學唔到自理，介片，同其他同學交流很少。相反，小朋友自己返學，可以讓小朋友學會如何自處，如何與其他小朋友相處，學習守紀律。亞囡而家每星期都會係學校借一本圖書回家，我每次都問佢係唔係佢自己揀，佢會展現一個充滿自信同沾沾自喜既笑容答係，黎個表情我未試過係佢返playgroup時見過。

evalau825

我覺得返pn班可以訓練小朋友獨立D,返Playgroup 始終媽咪陪住身邊。我個女返pn好開心，日日返黎都唱歌仔跳舞，有時仲會扮老師要我做學生佢返咗一個學期Playgroup,大個女咗，無咁怕醜，去公園都會主動搵人一齊玩。

evalau825

更正：返了一個學期pm.

breadbb

原帖由 kbi 於 12-11-22 發表
PN同playgroup 好唔同，playgroup主要唱歌，跳舞同學下語文，父母又一齊，所以小朋友學唔到自理，介片，同 ...

其實而家好多playgroup都有preschool上 係無家長陪 同幼兒園形式一樣
有分中英文 大小肌肉訓練 排洗 茶點 如果真係無pn 其實呢類型都ok
因為pn其實主要係想聽指令 群體生活 去洗手間 自理 其實學術唔會佔好大部分
樣樣野都平均 唔係一個好差既choice

miuvong

好多幼稚園都喜歡上過pn 班的小朋友。起馬返學唔會扭計。當然上pn有過度期，我地做家長要學習放手俾B成長。

irene_the_pooh

我本身唔係咁想小朋友咁早返學，但因為阿囝而家呢間係由PN直升，所以如果唔考PN，到K1時機會仲細，所以阿囝而家都讀緊！

返左學之後：
1. 阿囝講野叻左好…好多(廣東話好叻；英文聽得明但唔係好識講，基本上只係識回應單字；普通話唔係好聽得明，當然係唔識講，但識返黎唱歌仔)
2. 每日都好期待返學！
至於係咪獨立左我唔知，因為平時o係屋企都有咁既訓練！

Lovely_Babybaby

我贊成小朋友返PN, 因為係屋企來來去去就係對老人家或外傭,
就算係FTM, 對來對去都係你同我講,我同你講.
返學之後,佢多左個生活圈子,返黎同我又多左好多話題,
最重要係自理能力同溝通能力都好左,
以前係屋企係大少,宜家都會自己除鞋放好

仲有,PG 一堂都1-200, 都係得1個鐘多D,
一星期上2堂,一個月都千幾蚊,唔化算.

Vlone778

唔好話細b.，大b都難

阿豬ma

回復 Lovely_Babybaby 的帖子

呢個係main point,最怕就係佢地電視由朝開到晚，我唔係話唔俾小朋友睇電視，只不過太多真係唔好，我一片苦心，屋企人反而以為我係怪獸家長，又話我浪費錢，都係你地俾到安慰我。。。

coffei1

回復 阿豬ma 的帖子

返下pn點算係怪獸家長呀?! 小朋友返學好開心, 又有野學, 自理能力都強左, 而功課都只不過係填下色, 貼下紙咁, 我好贊成返!

Lovely_Babybaby

阿豬ma 發表於 12-12-2 12:49
回復 Lovely_Babybaby 的帖子

呢個係main point,最怕就係佢地電視由朝開到晚，我唔係話唔俾小朋友睇電視， ...

除睇電視,IPAD, D 老人家仲好鍾意比零食我囝食
返學有健康餐單, 生活有規律,點都好過係屋企.

2859isa

Lovely_Babybaby 發表於 12-12-5 09:44
除睇電視,IPAD, D 老人家仲好鍾意比零食我囝食
返學有健康餐單, 生活有規律,點都好過係屋企.
...

等我唔係屋企時，佢哋就比零食阿仔，真係激到扎扎跳……

iamadc

比佢知道什麼是老師、學校是什麼，我地in k1時佢見到老師好開心叫佢地，完全自動波，對陌生人開朗左
現在講野係一句句子，包括英文，會自己睇書，扮讀添

nekoti

我囡囡2010/12月B, 最近有學校可以2月插班.我原本好高興.但比我媽鬧左一大餐,話我唔好樣樣咁心急,唔好迫囡囡咁早返學, 等等..
我好唔開心.原本我幫囡囡找N班是因為她是細B, 明年讀K1, 我希望她有多一點時間適應學校生活而已..

Lovely_Babybaby

nekoti 發表於 12-12-18 18:53
我囡囡2010/12月B, 最近有學校可以2月插班.我原本好高興.但比我媽鬧左一大餐,話我唔好樣樣咁心急,唔好迫囡 ...

我諗有D家長或老人家係唔捨得小朋友咁早返學,
我囝初初返學剛足2歲,日日喊唔肯著校服唔返學唔搭校車,
我老公都好心痛,都有想過不如出年先返.
但我覺得就算今年唔返,出年一樣要面對初時驚唔肯返學既階段,
小朋友適應力好強,而且N班返去大部份時間係玩,
佢地其實好鍾意學新野,所以一適應左就會喜歡返學.
宜家睇返,我老公都話好彩果陣無放棄

Vlone778

可能好快有ppn班  1歲就要番學

Cindyjasper

原帖由 阿豬ma 於 12-11-22 發表
想請教下大家對小朋友pn班既看法? 因為今年兔b都好大競爭, 所以搵學校都比較難, 特別係細b... 好多人都覺得 ...

預備班當然好過play group,  play group只係返去玩多而且時間短，父母必在身旁；預備班係返去學紀律，在無父母喺身邊學習聽老師指令，同小朋友相處，唔好睇輕預備班，其實好多野學架

Cindyjasper

原帖由 nekoti 於 12-12-18 發表
我囡囡2010/12月B, 最近有學校可以2月插班.我原本好高興.但比我媽鬧左一大餐,話我唔好樣樣咁心急,唔好迫囡 ...

其實小朋友適應咗之後，佢會鐘意返學，因返學有好多小朋友同佢玩，同埋我俾亞仔返學主要係想佢學紀律，我屋企得三個人，點學排隊？ 返咗學識乜叫排隊同佢出街遇到排隊佢識要排，未返學時唔識，當時攪到我都好尷尬