住沙田嘅家長有無沙田區幼稚園心水推介可以分享吓？

CoffeeNg401

囡囡出年要讀 K1，而家睇梗沙田區幼稚園。我同老公都想囡囡可以讀得開心啲，唔想逼得佢太緊，所以主要都係想揀啲多課外活動、可以邊玩邊學嘅幼稚園。

MaraWu299

而家好多幼稚園都係行緊Happy School, 有好多活動比小朋友玩.
可以去Join下Open Day先,
感受下老師對小朋友Ge態度,
睇下個環境小朋友鍾5鍾意, Lei個先最重要.

CoffeeNg401

MaraWu299 發表於 26-3-4 04:57
而家好多幼稚園都係行緊Happy School, 有好多活動比小朋友玩.
可以去Join下Open Day先,
感受下老師對小朋 ...

一定會帶囡囡去玩吓先，始終佢嘅感受先係最重要，不過想揀定幾間去，驚去得太多佢厭

Tommiu

沙田區黎講聖心同啟思都係出名既。聖心都 ok，朋友既仔讀得幾開心，不過課室環境好似唔算新，睇你介唔介意。啟思都唔 chur 又可以學好英文，但佢個位置唔太好，校車車費會有少少貴。

SungaiKwai

我個女而家讀緊吳多泰 當初都參觀咗好多間 最後揀咗尼間係因為開放日個時見到個校舍好大又夠新淨同光猛 好多位比小朋友走動同埋都有好多課外活動 唔會淨係逼小朋友讀書 見個女都讀得好開心～

CoffeeNg401

Tommiu 發表於 26-3-5 05:07
沙田區黎講聖心同啟思都係出名既。聖心都 ok，朋友既仔讀得幾開心，不過課室環境好似唔算新，睇你介唔介意 ...

呢兩間我有睇過吓，不過大圍都有啲遠，驚小朋友會好辛苦

CoffeeNg401

SungaiKwai 發表於 26-3-5 16:19
我個女而家讀緊吳多泰 當初都參觀咗好多間 最後揀咗尼間係因為開放日個時見到個校舍好大又夠新淨同光猛 好 ...

我有聽啲FD提過呢間，但我住第一城嗰邊，見佢喺火炭個邊，驚返學放學會好麻煩