質疑傳統簡約觀念「好陰功」

加樂爹

stillgood20 發表於 26-5-19 14:21
無需羡慕啊！
我兩個囝。
大的少時有: 对立性反抗症。(我老婆教得幾辛苦。我反而無問题)

//我的唯一家教，就是和睦。所以，就目前，我說的，未見过別的家庭比我的和睦。
父母子女除了爱䕶，還有尊敬/孝顺。這些，都是要灌输的。//

我覺得經歷過既人, 就會明白你好勁!
你是一開始就這樣的理念?
或是EQ高, 一各都是船到橋頭自然直?
定係, 見住都係咁行啦,  太太同大仔纏鬥緊, 插唔入手?






都係日常家庭遇到既事.


其實, 那時期負責子女教養一方係好辛苦.
而你能夠站後一步, 以家庭和睦為目標.
做得到話, 確實要讚!
尢其在傳統教育瓖境下.






以當時切身處地面對, 唔容易!


(*當然有些家庭真是天生天養, 理都唔理除外)

加樂爹

stillgood20 發表於 26-5-21 08:19
有关寫作，我有兩個分享。
一。 细囝只有数学天赋，中英語文/通識，中学時，成绩排级尾。
中四見班主任派 ...

到了中學時期, 應該太太沒再多管孩子了, 是嗎?
所以, 你代表去取成績表.
其實, 見家長, 老師呢D "偏食" 評語, 我都體會到.
但當時你都有果科數學優異, 無咁慘, 有個著落.
所以, 你唔繼續去"解釋" 都係正常反應.會好勀.




天比左度門你仔--- 數學天份高!

傳統學校都會有這種壓力.
當然, 如果當時你選擇出國, 或者問題壓力便解決了.

其實, 要找一條子女易行的路, 亦都要找一條家長自己易行既路.

beastiebistro

加樂爹 發表於 26-5-22 09:39
到了中學時期, 應該太太沒再多管孩子了, 是嗎?所以, 你代表去取成績表.
其實, 見家長, 老師呢D "偏食" 評語 ...

點解要行易行嘅路？

個人認為應該行有經歷嘅路，無論易難。俾機會小朋友學習面對一切，可以自己解決問題，先係最好嘅禮物。

twhkleung

Radiomama 發表於 26-5-22 08:24
我指的co-op program係課程設計本身是已銜接internship，返一個sem工，然後又讀一個sem嗰種。
我屋企人的 ...

係呀! Waterloo嘅coop program, 相信係世界第一, 點解? 睇下下面條link就知! 要複製, 個難度非常之高.
https://uwaterloo.ca/future-students/co-op/study-work-sequences


不過, 要入到呢個program都唔係容易, 成績當然要好, 但係仲有好多其他因素, 例如, 個同學仔本身嘅心理質素/成熟程度, 都好有關係.

一個bachelor program, 標準18歲入讀, 但係一讀就五年, 兼且中間冇曬暑假 . 如果個同學仔, 好似我仔咁思想仲未成熟, 仲成日掛住玩, 相信佢一定會讀得好唔開心.

不過個好處就係, 一畢業, 就已經有兩年工作經驗. 成個program, 基本上都係為咗個同學出嚟工作而準備.


不過waterloo真係好有heart, 而且同商界connection一定係非常好, 因為啲公司請waterloo嘅學生, 每次只係做4個月, 一般公司, 其實未必願意咁做, 可能training都未完, 就要走. 所以, 呢個program, 真係百分之一百, 只係學生最得益!

twhkleung

beastiebistro 發表於 26-5-22 08:32
Waterloo嘅工科co-op programme真係全世界最好之一...

可能我咁講會有啲誇張, 但係, 喺呢個地球上, 我仲未搵到有第二間u, 有一個咁fully/seamlessly integrated嘅degree program. 因為要辦好呢種program, 內部行政資源, 真係成本相當之高.

如果係研究型大學, 相信會偏向把資源放在research方面多啲.

加樂爹

beastiebistro 發表於 26-5-22 09:50
點解要行易行嘅路？

個人認為應該行有經歷嘅路，無論易難。俾機會小朋友學習面對一切，可以自己解決問題， ...

"易行難行":...我對話是指找合適自己的 "學制", "海外升學", "專注在自己專長科目"
這不但令孩子學業有幫助, 可以更多時間及穩定情緒發展其他方面.
還有是家庭和諧.

我又有種想法:

//行有經歷既路, 困難既路....'//

但要先想下之前有沒有好好準備.

當幼稚園/小學練緊功, 不要介意別人說太著緊.

真是每個家庭對孩子, 都有想法.

中學後, 我會把重點放在應用, 佢考慮自身優勢, 為日後工作做準備.

佢都應該算是優潛質出品, 我想睇下佢初中碰成怎樣

P.S. 用實際話說, 除左真係叻仔叻女, 無論在那個學制都係出類拔萃; 精英體藝學生. 大部份在求學能夠做好, 都是要家長悉心在"學制", "海外升學", "專注在自己專長科目" 選擇.

Radiomama

twhkleung 發表於 26-5-22 10:47
係呀! Waterloo嘅coop program, 相信係世界第一, 點解? 睇下下面條link就知! 要複製, 個難度非常之高.
http ...

屋企人30年前讀Waterloo CS已經co-op program, 今日輪到佢下一代讀，所以不覺得辛苦，亦一早有晒心理準備。

我仔當年都係諗住一係去美國，如果唔係就係Waterloo, 佢覺得co-op program 好適合；反而Imperial 同UoT都未必啱佢。

twhkleung

Radiomama 發表於 26-5-22 11:00
屋企人30年前讀Waterloo CS已經co-op program, 今日輪到佢下一代讀，所以不覺得辛苦，亦一早有晒心理準備 ...

係呀, 如果讀CS 或者engineering, 基本上 都係 Waterloo或者UofT. 聽返外面嘅反應, 本地公司或者甚至乎Silicon Valley嘅公司, 都好喜歡請Waterloo嘅學生, 反而UofT 就沒有呢種privilege.

18歲開始就已經冇曬暑假, 你親戚仔仔思想真係好成熟, 一定有曬自己嘅計劃.

Radiomama

beastiebistro 發表於 26-5-22 09:50
點解要行易行嘅路？

個人認為應該行有經歷嘅路，無論易難。俾機會小朋友學習面對一切，可以自己解決問題， ...

讓孩子行有經歷嘅路，唔容易做到。

父母一係真的肯放手任佢撞板，如果唔係，就係好有想法和資源咁去營造一個安全的sandbox環境，讓孩子去經歷。

加樂爹

Radiomama 發表於 26-5-22 11:16
讓孩子行有經歷嘅路，唔容易做到。

父母一係真的肯放手任佢撞板，如果唔係，就係好有想法和資源咁去營造 ...

在這裡, 我看到很多好的升學情況, 開了視野!
可能開多幾次, 開多幾年, 到我遇到選擇時就會放膽, 放手.

你孩子都一樣, 有點牛氣, 有點執著, 有點天份....

我覺得呢代細細個既小朋友已經隱然有這種特質.

akys

回覆 加樂爹 的帖子

"易行難行":...我對話是指找合適自己的 "學制", "海外升學", "專注在自己專長科目"



我覺得易行難行反而和父母教育理念有關。例如我好清楚學制嘅終點是會考／大學試，除了兩三個milestones （升小／升中／中四分班）外，成績其實不重要。孩子是數理人，呢個天份係唔會走咗去嘅。想易行？除非是數學界研究天才，早教數學其實好無謂，初中識PDE把鬼咩，所以只要專心搞好語文（當然不止跟著學校課程啦）就可以了，以DSE為例，語文好代表中文，英文，通識（以前）唔差，對理科如Chem/Bio亦有幫助。




見到有啲家長初小就要孩子熟讀課文（包括常識），默書測驗功課樣樣都要100分，數學加減題操到冇朋友，冇用嘅嘢做嚟做乜呢？好多家長唔能夠容忍Careless Mistakes，認為要多做多操就可減少，有時間不如多啲親子活動，課外活動，建立良好品格吧！




題外話，發覺男女老師大不同，男老師對成績容忍度高，差不多全部會講『大啲自然會改善』女老師會叫我哋多啲督促孩子溫習，當然睬佢都傻架啦。

twhkleung

akys 發表於 26-5-22 12:23
回覆 加樂爹 的帖子

"易行難行":...我對話是指找合適自己的 "學制", "海外升學", "專注在自己專長科目"

嗰啲補乜, 測乜, 考乜, 都只係工具. 如果只係得個benchmark分數高, 但係並冇辦法培養到(語言)理解能力和好奇心(求知慾), 成個培養/學習都係失敗嘅. 可能這個就是考試機器的來由.

加樂爹

akys 發表於 26-5-22 12:23
回覆 加樂爹 的帖子

"易行難行":...我對話是指找合適自己的 "學制", "海外升學", "專注在自己專長科目"

我同意呀, 我早前在學校的分享會上, 我都有說好像近年上學途中, 見學生小左讀書, 尢其是中文書.我說閱讀是根本, 英文固然重要, 但小學在中文兩手都要培養.
既然, 學校是了解到閱讀對英文學習重要, 那為什麼中文不是從小開始?

我又說, 見到學校多了STEM...之類活動, 但學生課後時間淨係得咁多.....
用左做STEM...等, 會忽略閱讀.

學校本身是英小, 英文好是一定的, 但肯定是重英輕中罷!
我說, 學校在高小年級, 才要求學生讀深難的中文書, 那中間那些幫助小朋友去找尋樂趣, 找尋想像的中文書, 便沒有了....肯定是一個Missing pieces.

我話我做家長, 我非常明白這個道理, 所以我便要在學校未做到的地方, 我要補足!

所以, 我插入了很多電視劇/電影, 之後是引導書本, 小時伴讀, 到中期我要比佢早睇些書本, 又吹一輪故事, 把他引回中文閱讀上, 由小三開始....

之前post 文, 我有分享孩子跟我在小四-五, 已看了慶余年, 無心法師, 繁花. 三國, 哪吒, 還有其他原版小說..., 當有了神話傳說幻想後. 我跟他行了不知幾輪文化博物館, 去年暑假, 一次偶意碰書釘時, 見到一本山海經, 正好買了回家, 佢真係好認真當恐龍書睇, 依描述畫奇珍異獸, 古代地圖.

古埃及/羅馬歷史又是另一個範疇, 當年佢細個, 我唔想比佢知道有youtube 可以自己亂睇野, 我真係見到好既歷史, 恐龍documentary 片, 睇過無問題, 下載到USB 上, 幾十套, 我話係電視subscribe 既...係早期學習的知識.

上月再去故宮博物館, 果個埃及古物展, 佢當見舊朋友一樣, 用手機拍照, 我同佢分工, 每人睇一半, 每個部份我跟他睇完, 互相brief 下邊度有趣既地方, 再交換睇....好好partner.

所以, 我覺得引導好重要....

我會問是否太干預孩子學習成長?

但是, 我見到問題所在, 唔通我唔參與嗎? 只係我不在考卷上, 覺得太無謂.

講番回來, 學校當時回答: 學生早一點接觸數學, STEM是好的, 這個對理解, 熟習應用都是有幫助.
我有想過是否呢? 因為我一直跟你想法一樣, 數學能力是天生的.
到高中, 便知道有/無天份, 差距多小.

當然, 我再反省後, 我多份了解.
舉例如, 小時做童軍, 大個後會對郊外環境, 紀律都較易溶入.

而我在這六年跟阿仔讀書後, 我發現你比本科學書, 經濟書...比佢地讀係OK架.
佢地以為自己識架...但係原來係當故事書一樣, 他們不懂比較, 推理, 分析...
更甚是用語文腦去思考, 影響到以為記左方法就算.

所以, 我在五年級, 把這些書抽走, 亦考慮到呈分試, 這些算是"無謂"的書 (不增長科學思維)

P.S. 我都成日比太太嘈, 默書我唔理, 測驗時間比佢睇無謂既課外書, 試卷練習唔多操練... (我基本無比阿仔數學練習, 真係外判比左個補習一星期一堂就算), 其實整個小學, 我淨係同佢讀中文.  

我介意小孩子補習, 所以只有一星期一次外面田徑班, 因為我都係球類教練, 明白大部份都是天資, 與其小孩子一出一入 (合共2-3 小時).  好似好滿足去上堂, 不如留在家中, 讀下書, 捉下棋, 跟youtube 教下劃畫, 同我到樓下15-30分鐘運動下就算.

所以, 我同佢係好似partner 咁做, 佢細個時, 覺得係教緊我用電腦, 打機.

講開打機, 其實我有問人, 做完學校功課, 有多時間屋企點解要限打機?  
....因為, 佢已經做晒我要既野...我是設目標完成為本.

當然, 後來到五年級, 我開始明白, 課程多左, 佢又成熟左, 又明白打機太多, 真係對個腦有影響.

加樂爹

加樂爹 發表於 26-5-22 14:11
我同意呀, 我早前在學校的分享會上, 我都有說好像近年上學途中, 見學生小左讀書, 尢其是中文書.我說閱讀是 ...

其實, 我這個方法, 我都是從學校給家長研討會上學習到的.
我在小一到小四, 基本上平均都會參與4-5次.

從家庭教育, 孩童心理管教, 成長發展, 讀書方法....
校內又有每科主任講解每年級學習重點, 常錯地方, 學生表現...
我見到研討會有些講者社工都很好經驗, 我未主動問下, 參與下活動.
(佢地真係好客觀, 有些活動, 好似長者探訪, 行山....如我前說, 補足了我校內報不到的活動)

所以, 我想, 小學我算做足啦.

家校合作, 又是另一個題目, 但我不在這裡分享了.

你們有沒有經驗可以分享下, 謝謝.

P.S. 其實 教細路要考牌, 相信係講笑, 但係要學既野好多, 家長都要培訓係事實, 所以我是很多謝學校提供的活動, 我見到有些學校的家長研討會, 只是教如個增加英文詞彙, 記憶法, 如何做好數學, 如何學好寫作....坦白講, 我上面都沒有一個是這種方法.
你們讀國際學校學生家長, 應該明我講教育方法應是什麼罷?

我太太一D 興趣都無, 所以今時今日, 覺得一講到子女學習, 只係話阿邊個邊度補習好, 阿仔成績分差左, 成日打機, 睇D無謂野, 晒時間出去做義工.  

beastiebistro

twhkleung 發表於 26-5-22 10:55
可能我咁講會有啲誇張, 但係, 喺呢個地球上, 我仲未搵到有第二間u, 有一個咁fully/seamlessly integrated嘅 ...

唔誇，我同意！

barque

akys 發表於 26-5-22 12:23
回覆 加樂爹 的帖子

"易行難行":...我對話是指找合適自己的 "學制", "海外升學", "專注在自己專長科目"

你講出咗個重點，早期的成績其實並不重要，花時間操練是一個浪費。孩子是數理人或文科人，這些天份在高中就會顯露出來。所以早期鍛鍊好語文能力，理解能力和學習能力，之後無論是學習文科或理科都有很大的幫助。其實尤其是對一些偏向理科的孩子，早期的語文訓練，這些之後會係一個巨大的優勢。

以自己孩子為例，早期學校沒有考試，人生第一個考試就是IGCSE考10科，因為程度不是太深都算輕鬆完成。之後高中佢自己都半講笑地型容自己是一個考試機器 (ACT, SAT(3 subjects), LNAT, IELTS, IB)。

beastiebistro

Radiomama 發表於 26-5-22 11:00
屋企人30年前讀Waterloo CS已經co-op program, 今日輪到佢下一代讀，所以不覺得辛苦，亦一早有晒心理準備 ...

我選擇初中去英國寄宿，某程度就係因為我同佢都可以撇脫啲放手，亦因為英國寄宿學校環境相對安全，可以喺唔使好擔心嘅情形下，任由佢哋去經歷。當然佢地都冇嘥我錢，「享受」到盡...

beastiebistro

加樂爹 發表於 26-5-22 14:25
其實, 我這個方法, 我都是從學校給家長研討會上學習到的.
我在小一到小四, 基本上平均都會參與4-5次.

個人覺得你其實首先要搞掂太太，因為你做幾多「啟發性」嘅嘢都冇用，佢喺小朋友面前一句成績唔得，就可以破壞晒你做嘅嘢。我好彩，太太完全同意我嘅理念，不但放手任我搞，亦全力配合。我嘅小朋友亦唔會聽到兩種不同意見或雜音/批評。
至於抽走小朋友任何課外書我認為都冇需要亦唔應該。嗰啲先係學習/啟發嘅重要資源。

加樂爹

beastiebistro 發表於 26-5-22 15:15
個人覺得你其實首先要搞掂太太，因為你做幾多「啟發性」嘅嘢都冇用，佢喺小朋友面前一句成績唔得，就可以破 ...

一針見血!
好辛苦,  但係性格係改唔到!

所以, 我今早覆stillgoods 既帖, 我話佢好叻!

我做足左啦, 平平安安到小六, 希望佢中學有一個更好的空間發展!

P.S. 當年三年級默書, 兩個禮拜準備, 我同佢前星期分兩日默左兩次.點知到默書前一晚, 晚上11點鐘要瞓前, 阿媽見到手冊, 話要同佢默書!
佢話我叫佢唔默, 無一個老豆會咁教仔....

好難解釋.... 之後我要求只要我跟佢功課.

beastiebistro

加樂爹 發表於 26-5-22 15:56
一針見血!
好辛苦!  但係性格係改唔到!

其實空間越細個俾越好，大咗有好多責任制肘...