寄宿生比例低？

wloi

aa4142010 發表於 21-12-1 15:23
我囝都活潑嘅 外向鍾意識新朋友, 但當然如果好多香港人正常都會同香港人玩啦, 所以我先有呢個擔心唔知 ...

咁日間上堂有好多本地生，大家可以一齊運動同食lunch, 唔好局限只同宿舍的人玩。我細女話，宿舍班人放學就見到，返學時當然去同其他人玩。咁同本地生來往得多，就自然英文會好。如果你只係同香港人來往，英文當然唔會太好。

我相信大部份boarding school, 無論是否 full board, 總有唔少香港學生，想英文好，就真係睇個人想法。

beastiebistro

回覆 katrinafu 的帖子

我自己都係英國傳統寄宿學校學生，所以我話無寄宿過嘅家長可能唔會明。先講明，我無話全寄宿比例低嘅學校一定係差嘅學校，或者完全唔會識到朋友，不過寄宿體驗唔同就係唔同。而且寄宿比例低就等於同住嘅學生係留學生比例高呢樣係事實。
我母校大約8成Full boarder，2成day students（三十年前如是，而家都係維持咁嘅比例）。好老實講，我哋一班keep 到仲有聯絡嘅朋友冇一個係Day Student。佢哋根本無經歷過我哋經歷嘅嘢，好難成為知心友。我哋會夜晚熄燈後走去dorm raid，偷偷地走出house落town買嘢食，喺dorm裡面打cricket打爛啲窗門。週末又會挑戰off limits嘅地方，搏唔被阿Sir捉到。有時我哋搞house project（例如house play啲劇本道具，或者house games嗰啲對陣策略），會等housemaster巡完房偷偷開燈再做。有咩比一齊闖禍，堅決唔供朋友出嚟，或者一齊合作淆夜打低對手更可以團結人心呢？

呢啲唔係返咗屋企嘅day student會參與到嘅嘢。而寄宿比例低，左邊嗰個係香港人，右邊嗰個係大陸人，你估會唔會有我上面嗰啲經歷呢？

諸位家長覺得自己小朋友嗰間寄宿學校係最好嘅我無問題，無讀過其他所以無得compare而唔明我亦明白。我純粹分享下點解我認為全寄宿比例高先真正係寄宿嘅真諦。

sleung2020

katrinafu 發表於 21-12-1 16:12
你女讀SG ?

no

3b

wloi 發表於 21-12-1 16:32
咁日間上堂有好多本地生，大家可以一齊運動同食lunch, 唔好局限只同宿舍的人玩。我細女話，宿舍班人放學就 ...

認同， 重點要睇孩子性格

sleung2020

3b 發表於 21-12-1 18:05
認同， 重點要睇孩子性格

本帖最後由 sleung2020 於 21-12-1 21:38 編輯

呢個都啱，不過未開學，點會有十足把握發生咩嘢，如果出咗事，唔通再轉校，既然俾嘅錢差唔多，點解唔俾一個更有利嘅環境俾小朋友

不過當然就算有一個非常有利嘅環境，都要睇小朋友自己，我見我個女學校啲相，永遠都係嗰幾個大陸人同一張

作為父母，只可以盡力

3b

sleung2020 發表於 21-12-1 21:26
本帖最後由 sleung2020 於 21-12-1 21:39 編輯

本帖最後由 sleung2020 於 21-12-1 21:38 編輯

本帖最後由 3b 於 21-12-1 23:54 編輯

父母送子女到外國留學， 做功課是必須的， 多聽多問多搜尋， 疫情前更加可以到當地視察， 不論網上吹噓得間學校有幾好， 當你試過到校參觀，跟老師，校長，同學交談之後， 你會看出每間學校的不同， 從中搵出較適合自己孩子性格的。選校過程中， 要多了解及跟子女一齊討論， 列出大家心中覺得比較重要的項目， 例如公開試成績， boarding 人數， 星期六/日是否有活動， 關顧 （年級不同， 要求程度亦不同）， exeat & half term宿舍是否開放， 伙食質數等等。

如果入讀的學校未如理想和祈望， 正常想法是轉校， 有何不可？ 人望高處， 水向低流。

我想強調一點， 請不要抗拒內地人， 不要先入為主覺得內地人就是不好，他們有能力入讀外國學校， 有一定的學習能力，英文程度亦不比香港人遜色， 何不向他們學習好的一面。

katrinafu

3b 發表於 21-12-1 23:53
本帖最後由 3b 於 21-12-1 23:55 編輯

本帖最後由 3b 於 21-12-1 23:54 編輯

非常認同的 ，寄宿的比例只是其中一個考慮的因素 。學校環境， 國際學生比例、公開試成績 、學校活動、關顧、 膳食 、 exeat 宿舍開放與否 都是考慮的因素。

記得當年我女都考到一間女校，全寄宿率都有8成，6月頭校長和收生主任來了香港，所以就直接面試，面試時都很喜歡校長教育的熱誠，大家過程中都好愉快， 隔了一星期口頭上話取錄 ， 但遲遲都未收到信件取錄通知 ，期間有好幾個問題，曾經發電郵到學校查詢， Agent和我都各自發電郵， 但完全收不到任何回覆 ， 到6月底決定 入讀另一學校 （現在讀緊） ， 安排做TB test , 入證件做簽證 ， 我都未收到該女校的收生取錄通知信和 回應我的查詢的問題 ， 直至7月底才收到取錄信，而查詢就說因為暑假前忙錄，然後就暑假，所以回覆緩慢 。
作為家長 ， 當年女兒入讀是Y7 , 對於關顧上我當然要求會較高 。 現在讀緊的學校，有事向學校查詢，真是很快回覆，甚至 Half term 放假聯系Head of year 、 舍監等都會很快回覆 。
國內同學都冇乜野 ， 有很多都很好 ， 而且她們讀書都很叻，成績好好 。

beastiebistro

回覆 3b 的帖子

當然唔應該抗拒內地人，我亦同意大部分可以入讀好嘅寄宿學校嘅內地人有能力英文亦唔錯，不過呢樣根本唔係呢度討論嘅重點。
重點係如果寄宿比例低，留校嘅大部分係留學生，而且好可能香港/內地生佔大比數。如果每晚上床前後左右都係中國人面口，就算用queen's English溝通，仲可唔可以話係英式寄宿呢？俾咁多錢過去，圍埋都係東方人值唔值呢？

至於有冇其他考慮，相信識得我嘅網友（或者有睇我日誌）都知我講過有一系列嘅選校條件。只不過對我嚟講去得英國「寄宿」，個全寄宿比例梗係首要啦。

各人有各人考慮啦，呢啲純屬我個人意見。

3b

beastiebistro 發表於 21-12-2 23:40
回覆 3b 的帖子

當然唔應該抗拒內地人，我亦同意大部分可以入讀好嘅寄宿學校嘅內地人有能力英文亦唔錯，不 ...

如果照你這個邏輯, 到英國讀書應該選沒有中國人寄宿的學校, 否則不用到英國讀寄宿學校, 你的專業可以媲美agent, 不妨推介幾間給其他家長.

我認為學習流利英語不能依靠在宿舍的幾個鐘時間, 就算同學是香港或內地人, 大家都可以用英文交談, 沒有衝突的, 每個人對選校的比重不同, 有家長願意多分享看法, 其他家長必有得益.

至於寄宿生比例, 有人選100%, 有人選50-70%, 重點是考到相關學校才有選擇

3b

aa4142010 發表於 21-12-1 15:23
我囝都活潑嘅 外向鍾意識新朋友, 但當然如果好多香港人正常都會同香港人玩啦, 所以我先有呢個擔心唔知 ...

真係要睇小朋友性格, 小兒的好朋友比例是95%本地人, 5%中國人(包括香港)

beastiebistro

回覆 3b 的帖子

大家都係表述下自己意見，可以和而不同。大家都知道唔會有完全無東方人嘅學校，你講嘅除咗係晦氣說話，冇乜幫助。我嘅意見係盡量揀少東方人多full boarding嘅學校，亦清楚解釋咗我嘅邏輯，你當然可以唔同意。

好似我之前咁講，各人有各人選擇。

3b

beastiebistro 發表於 21-12-3 11:17
回覆 3b 的帖子

大家都係表述下自己意見，可以和而不同。大家都知道唔會有完全無東方人嘅學校，你講嘅除咗 ...

我已經不是第一次讚你的專業, 不要誤解我, 在這個forum爬文耐的家長都知我鍾意搭咀, 個人亦比較直腸直肚, 留言未必啱聽, 但是我的分享只希望大家可以從多角度思考, 搵出最適合的學校給孩子

beastiebistro

回覆 3b 的帖子

完全明白。
其實我多嘴嘅目的正是希望提供一個唔同嘅角度俾家長思考。可能我背景比較獨特，做過英國寄宿生嘅兒子，自己係英國寄宿生，又係英國寄宿生嘅家長，所以提供嘅意見本身已經從多角度綜合返嚟，未必係普遍家長會諗或者經歷過嘅。

當然我明白唔同人有唔同需要，亦唔係每個人都考得入想考入嘅學校。

aa4142010

(emoji)(emoji)

longlokma

視乎年齡/級別揀學校，初中之前會揀傳統英式多local students的boarding school，可以感受讀書以外的英式校園生活，但如高中先去英國，會以academic 為首要考慮因素，什麼宿生比例已經不重要，反正好的英國大學肯定包含各式人種，要見識仍有大把機會

sleung2020

longlokma 發表於 21-12-4 08:39
視乎年齡/級別揀學校，初中之前會揀傳統英式多local students的boarding school，可以感受讀書以外的英式校 ...

why not both?

Yanamami

以我女既簡短寄宿經驗，中國人或香港人聚埋係唔會講英文。

cfs

aa4142010 發表於 21-12-1 15:23
我囝都活潑嘅 外向鍾意識新朋友, 但當然如果好多香港人正常都會同香港人玩啦, 所以我先有呢個擔心唔知 ...

唔會有影響，基本上睇個人性格。我仔學校宿生吾多而且疫情下大部分香港人，但全日上堂主要係本地生，一齊玩，一齊打籃球，今日一齊出去比賽，對學英文完全冇影響，假期本地同學會約佢出街，人哋父母嚟車佢一齊出去，所以性格外向就冇問題。內向的如果全英國人都冇用。

cfs

3b 發表於 21-12-3 11:25
我已經不是第一次讚你的專業, 不要誤解我, 在這個forum爬文耐的家長都知我鍾意搭咀, 個人亦比較直腸直肚,  ...

願意分享的家長已經越來越多少，EK和從前不一樣了。我喜歡你的真性情

aa4142010

cfs 發表於 21-12-4 21:17
唔會有影響，基本上睇個人性格。我仔學校宿生吾多而且疫情下大部分香港人，但全日上堂主要係本地生，一齊 ...

即係寄宿生比例少但佢平日上課都會同返本地生一齊,所以都局住必須要講英文?
咁就放心了, 最怕上堂唔俾傾計,返到宿舍又對住香港人咁就唔使嘥錢去英國寄宿 呢個就係我擔心嘅地方.
我又已經俾咗訂金留位費， 如果依家重新再考過其他學校又重新嚟過，之前落咗訂嗰幾萬蚊又冇咗所以好擔心