家長憂噤聲 急送子女留學

elbar

【家長心聲】驚政治受干預
劉太（右）：「都驚香港嘅政治會越嚟越受中國大陸干預，本身諗住出年9月先走」

政府施政不善，社會不公頻生，一國兩制瀕臨破滅；一場場學生自主的社會運動乘勢而起；有家長坦言，礙於香港政治環境的變化，擔憂下一代會更害怕強權而噤聲，希望盡早送他們出國留學，甚至計劃舉家移民英國，遠離這個漸被染紅的城市，讓下一代於真正的自由社會見識和學習。



【家長心聲】對港教育失望
從事批發業的陳先生（右）：「自從國教後，對香港教育失咗信心，希望佢（兒子）可以去一個自由社會學習。」

「一國兩制仲存唔存在」

英國中小學教育展今年共有41間英國中小學及延續教育學院參展，昨吸引近900名家長到場參觀，為子女物色孰意中、小學，部份學校更提供即時面試。英國文化協會教育及社會項目主管陳淑芬指出，家長一般偏向初中（Year8-9）送子女出國讀書，讓他們盡早適應及學得一口流利英語。「家長也可選擇在Year10或12離開，小朋友便有1年時間準備GCSE（英國普通程度證書）和A Level（英國高級程度證書）」。

梁生與太太偕同六歲兒子到場挑選合適小學，並計劃移民，「教育課程太政治化，通識係好，但佢已經預設咗答案，唔同外國，自由、冇標準」。梁生原計劃至少待兒子中學才送他出國，但眼見政府以政治干涉教育制度，加上對佔領運動的回應，令他與太太欲提前離開，「佢唔係用商討嘅方式去解決問題，已經預設咗立場要我哋跟住個方向，好懷疑一國兩制仲存唔存在」。



讚留守學生做好事

兩年前有份參與反國教運動的中三生陳同學，曾與爸爸一起到金鐘佔領區支持集會人士。他坦言沒想過這麼早離開香港，「警方連日嘅行為，留喺度仲係咪好似以前咁安全？」因為「雨傘運動」，陳生更希望盡快送兒子出國，讓他有機會到自由社會見識和學習，「𠵱家社會有好多嘅唔公義，政府都唔願意畀真正嘅一面我哋睇」。他認為留守佔領區的學生「做咗好多好事」，內心非常敬重他們，但也擔憂未來社運會青黃不接，「新一代可唔可以好似𠵱家呢班年輕人咁，可能會更驚而唔敢發聲」。

亮燈

擔心下一代害怕強權而噤聲，所以要留學？呢D係乜野邏輯？為人父母應該教下一代何為公義，何為人權，何為自由、何為民主，而唔係逃避。但父母因為咁而要下一代去留學，正正就係教育佢地遇事就逃避，而唔係爭取、發聲。

亮燈

我送阿仔去英國讀書既原因都唔係驚噤聲，因為我教仔係：如果遇到唔公平、唔公義既事，一定要出聲。而在今年農曆年前都冇諗過去外國讀書，主因係阿仔話想去讀，試下，咁我又試下得唔得啦！結果又得喎！咁就飛左去讀喇！

Fortress

亮燈 發表於 14-10-20 12:24
擔心下一代害怕強權而噤聲，所以要留學？呢D係乜野邏輯？為人父母應該教下一代何為公義，何為人權，何為自 ...

請問你點教你的孩子呢？謝。

Ruby1219

心情仍然未能平服。
剛才從一個家長聚會"逃走". 一圍十多個香港"crop of the cream" 的中上流闊太，先討論自身生意﹑生活上如何受佔領影響，擔心自己的小朋友因peer group pressure 和自覺好型而參加佔領，繼而七嘴八舌批評佔領人士自私甚至是暴民。。。
我一直忍著默不作聲，按捺住心中想辯護的說話。。。
直至他們說到警察真的很可憐，那七個警察更慘被起訴，其實曾健超抵打，警察打他沒有錯，只可惜太衝動沒有帶他到更暗的角落或警處才打他，應該可以打得重手些。。。
那一刻，我胸口的火湧到上喉嚨、上腦！
有人續說： "嗰個暴徒淋尿在先，抵打！"
其他人說： "ha? 水咋？吾係尿下嘛？",
有人答： "係尿呀！".
我真的忍不住了，我冷冷地說： "係水！警方調查完證實係水！".
她們答 : "係水佢都係吾啱啦！"
我繼續氣往上湧 : "係，佢淋水係佢吾啱，警察可以拉佢，但吾可以用私刑，警察濫用私刑係犯法既，可被判終身監禁！".
怎料她們繼續七嘴八舌說： "唉，所以警察真係傻，應該靜雞雞打佢。。。"
那一刻，我忍不住了，我站起來，黑著臉說"吾好意思，我要走先！"
到現在我心裡仍然好激動，好心痛，好徬徨。我覺得香港已經自動慢慢變成大陸一樣，連suppose有教養有知識有思想有判斷力的一群，他們的意識形態竟然都變成這樣，認為警察只要在不穿幫的情況下就能夠濫用私刑？這樣無法無天的社會是多麼的可怕？
我以為只有收了錢的藍絲帶和沒知識的老人/婦孺才會說出這樣的說話，我真的感到心寒，為我身邊有這樣的人，為香港社會竟走到如斯田地而心寒。

Ruby1219

tcmsung 發表於 14-10-20 16:01
好有興趣知道，他們是否送晒子女去強國讀中、大學。

以他們的思維，一定極喜歡強國的公安式執法，他們的 ...

They sent their kids to UK boarding schools, don't ask me which one.
Very sad that these are the current elite class parents fostering the next generation elites of HK !

Ruby1219

tcmsung 發表於 14-10-20 17:05
明白不過了。

正常 CY，林鄭，膠波，都送晒子女留英。冇幾多個留港，或留中。

yes! honestly i also sent my son abroad, and even plan to leave HK for good (mainly for my son).
it is normal and understandable to be selfish, but their ruthlessness is really scary !

亮燈

回覆 Fortress 的帖子

你係指自由、人權、公義....？

亮燈

回覆 Ruby1219 的帖子

Ruby1219，絕對明白你既心情，我有D同事都係咁，但冇咁嚴重。但係以下呢點好重要，因為一個人有冇法治觀念，就係以此為標準：例：當警察見到一個人殺人，而殺人犯願意被補，警察只可將佢拘捕，不可用武力，當然，如果疑犯拒捕，警察就可以用適當武力將佢制服及拘捕，而拘捕後亦絕對不能用武力。因為警察的職責係執法，按照法律執法，而不是裁判，警察冇權用刑罰來懲罰疑犯，如果佢用私刑，就一定係犯法，要被拘捕，待法官裁決。

亮燈

回覆 tcmsung 的帖子

一定唔會，你睇所有強國官員都送子女去歐美國家讀書，其家屬亦全都移民到歐美國家做外國人，咁又點會返強國讀書呢？

亮燈

回覆 hennyyoyo 的帖子

其實無論贊成或反對係冇問題既！最重要係理據，各有名想法、理據係好正常，但千祈唔好好似D無知、惟利是圖既人咁，你比錢我就支持你，咁就係埋沒良心，又如何教育子女呢？

亮燈

回覆 hennyyoyo 的帖子

唔好意思，你誤會喇！我並非說你收錢，我是指在電視上表面反佔中，實際是收錢打學生、市民的那班人。

Ruby1219

原帖由 亮燈 於 14-10-20 發表
回覆 hennyyoyo 的帖子

唔好意思，你誤會喇！我並非說你收錢，我是指在電視上表面反佔中，實際是收錢打學 ...

亮燈， 我好同意你既講法。我吾開心 exactly 就係因為佢地後來講到警察應該呢埋打人，so that 吾會比人捉到！       
呢d 家長會教出點樣既仔女！？