數學差得緊要可以點改善？

mlau216

小朋友就快8歲，加減去到over 10 就已經攪唔掂，教佢又唔肯學，佢會話stop!I hate math! I don’t wanna learn, 學校已經用遊戲方式來教，但佢都係抗拒，大家知唔知邊度有數學啟蒙班或者一啲岩IS學生嘅補習社？我女中文理解能力差所以一定要全英文教學，唔知邊度有，希望大家可以俾啲idea我，謝謝！

iphone555

Watch BBC Numberblocks on youtube

RainyRice

mlau216 發表於 25-12-5 10:58
小朋友就快8歲，加減去到over 10 就已經攪唔掂，教佢又唔肯學，佢會話stop!I hate math! I don’t wanna le ...

有些小朋友對數字敏感度比較低，所以數感比較差。如果父母有心，可以經常性地將數學融入生活，令小朋友多思考數字。其實好多board game都可以練到數，例如Haba Secret Code，普通捉棋用兩粒骰仔的….. 如果小朋友已經到了逃避的地步，連數學遊戲都冇興趣，出去上堂都未必肯聽。或者同學校傾吓？又或者要搵一個一對一的有耐性的私補。
外面補習社方面：
我直接將小朋友送去Kumon做完加減乘除分數小數就停了，學校數學可以輕易應付，小朋友對數學信心都大增，可以放多些時間做其他事。
如果你擔心這種操練形式不適合IS學生：介紹我去Kumon的朋友，父母一個外國長大、一個是當年的香港國際學校畢業，外國讀大學。現在小朋友家中全英文，讀國際學校的。
當然，Kumon就係操數，說實話，覺得浪費金錢和時間。如果小朋友肯自己在家做練習都不用出外上堂。

試過Mathconcept，遇到的老師及行政人員都麻麻哋，小朋友缺席、沒交功課，都唔會話我聽。改卷速度又慢。

有唔識中文的印度同事，IS小朋友數學好好的，去eye-level。

sabsab122

mlau216 發表於 25-12-5 10:58
小朋友就快8歲，加減去到over 10 就已經攪唔掂，教佢又唔肯學，佢會話stop!I hate math! I don’t wanna le ...

小朋友仲聽唔聽你講？聽你講嘅話，可以試吓Montessori math
去Udemy 買過幾百蚊嘅course, 自己教。
我小朋友數感都好差，Montessori 啟發到佢。

Radiomama

mlau216 發表於 25-12-5 10:58
小朋友就快8歲，加減去到over 10 就已經攪唔掂，教佢又唔肯學，佢會話stop!I hate math! I don’t wanna le ...

8歲嘅小朋友已經咁有主見？其他方面係咪都咁公主？如果係，咁要改善嘅唔淨係數學，而係佢整體嘅想法，有些事情喜歡可以多做，但不喜歡而應該（有責任）做的，都要學習去做。

如果學校沒有考試（eg 國際學校），咁可以有多啲空間在家繼續遊戲方式學數，例如玩啤牌遊戲，釣魚、21點，甚至擲骰仔大富翁、Uno, 讓孩子不再怕數字。

加樂爹

// 加減去到over 10 就已經攪唔掂，教佢又唔肯學 //

真係要認真諗下, 如果是先天問題, 中及數都是這樣, 要找學校老師, 社工意見, 2nd advice 去處理.


如果家庭係一向偏科, 父母及子女都耍坐下來想一下, 要怎樣改變.


8歲...其實問題一向都存在, 為什麼到二年級都無頭緒?


好多律師, 作家, 社工數學都可以差, 只要不影響日後選科.
如果, 樓主平日不太了解子女, 我想直接跟學校課程, 每日跟足學校功課, 做好功課上好堂.
跟老師配合, 問意見......親力親為, 不要想外判補習....物物野野可以拗得過你孩子既偏執.


若真的是能力問題, 我絕對不認為這個有什麼大不了, 靜心好好對孩子, 再跟人商量.
8歲....硬來不行. 需要溝通關懷, 互相了解.

加樂爹

加樂爹 發表於 25-12-9 13:28
// 加減去到over 10 就已經攪唔掂，教佢又唔肯學 //

真係要認真諗下, 如果是先天問題, 中及數都是這樣, 要 ...

另外, 如果樓主認為是由於語文問題影響數學學習, 其實可以自行試下一些小數字, 但羅輯推論多的英文數學說, 去buybuy book 睇下, 呢D其實佢或者可以睇得明.
[url=Buybuy book]https://buybookbook.com/products/brain-games-for-clever-kids-8-year-olds-9781780559384?_pos=207&_sid=c78935d4b&_ss=r[/url]

964000

mlau216 發表於 25-12-5 10:58
小朋友就快8歲，加減去到over 10 就已經攪唔掂，教佢又唔肯學，佢會話stop!I hate math! I don’t wanna le ...

“Stop! Hate Math! I don’t wanna learn”
背後的message可能是「我覺得數學很難，沒有信心，做不到好難受，上堂個個都識得我唔識，好冇面，教完都唔識，仲冇面！」
好好商量，睇吓點幫佢，有啲小朋友要visual learning , 可能睇video 有具體圖像比抽象數字學好D。
樓上提議Kumon/ilevel操練式可能也可以試短時間等佢加減數做快啲有番D信心先，長期就好苦悶又hate maths㗎啦。
如果真係能力問題，除咗dyslexia, 其實仲有樣叫dyscalculia , 不過要評估過先知。

mlau216

sabsab122 發表於 25-12-6 22:30
小朋友仲聽唔聽你講？聽你講嘅話，可以試吓Montessori math
去Udemy 買過幾百蚊嘅course, 自己教。
我小朋 ...

我講佢唔聽，試過想同佢玩啲數學遊戲，佢即走，所以出去上堂可能好啲

mlau216

RainyRice 發表於 25-12-6 12:21
有些小朋友對數字敏感度比較低，所以數感比較差。如果父母有心，可以經常性地將數學融入生活，令小朋友多 ...

好，我去了解吓Kumon，thank you!

mlau216

Radiomama 發表於 25-12-7 18:06
8歲嘅小朋友已經咁有主見？其他方面係咪都咁公主？如果係，咁要改善嘅唔淨係數學，而係佢整體嘅想法，有些 ...

佢其他方面冇問題，就係唔鍾意數學，我成日同佢玩cashier遊戲，但佢就係唔肯真正計要俾幾多錢同找幾多錢，都係亂嚟，叫佢試吓真計佢就寧願唔玩。佢連5+5都要數手指，我話「不如教你一個快啲嘅方法啦」，佢會話「我唔想聽」，玩board game 如果要計數嘅佢都唔肯玩

但其他佢有興趣嘅嘢，例如Art，geography，history 佢會自己搵好多相關嘅資訊去睇去學，所以我覺得佢又唔係有咩學習障礙，又唔係唔肯學，只係唔知點樣可以令佢唔好咁抗拒數學

964000

mlau216 發表於 25-12-10 15:09
好，我去了解吓Kumon，thank you!

你同老師講定小朋友嘅情況，初初做淺少少，唔好做太多嚇親佢，做對就讚多D，等佢有番D信心先。

Radiomama

mlau216 發表於 25-12-10 15:31
佢其他方面冇問題，就係唔鍾意數學，我成日同佢玩cashier遊戲，但佢就係唔肯真正計要俾幾多錢同找幾多錢， ...

咁玩嘅時候要真係玩，如果唔係，你個女咁醒，佢梗係唔同你玩啦。

我問你個女其他地方嘅情況，唔係話佢有學障，而係指性格，同可能你哋得佢一個女所以比較遷就。

KIMLIFEINUK

我自己既少少見解如果係 UK 學制， year 5/6 數學開始比較深入，除左會開始有simple文字題之外，亦都會開始有D multiple steps 既題目，例如先找出一個答案，然後再用果個答案做第二個 step 到 final answer.

所以我認為基楚好重要，否則再上時小朋友會覺得太難，然後會完全失去興趣或動力。當一件事發展到追都追唔到時，放棄可能變成自然既選項，除非小朋友自己好有決心。

我個人認為 year 6 到 year 7 既 maths 係真正比較大既 jump up. 因為fraction文字題同 algebra 既 light introduction 都係唔易既 concept. 另外 geometry 同 graph 既基楚都最好係升中前或year 7 build up。

我建議你搵一D補習班係可以解釋基楚理論果D，即係真係教番佢D課程果種。我認為如果去D只係操數學題目果D可能會令小朋友更煩，因為根本基本concepts 都唔清楚，仲要不停做D唔識既題目，己經好hate math, 仲要變本加厲去狂操 questions, 恐怕會更唔鍾意數學.

最好可以係教學番之前既 materials, 跟住做D低一年既 workbook, 然後 build up 信心，再追返現在及將來既課程，到跟到時就開始操卷式練習。佢咁細，起碼仲有時間追，到中學時先追要更大既動力同努力。不過我見過有D朋友仔天生好有數字腦，雖然小學初中都無乜理數學呢科，但到 gcse 自己突然決定努力讀書，都攞到唔錯成績！

964000

KIMLIFEINUK 發表於 25-12-10 23:51
我自己既少少見解如果係 UK 學制， year 5/6 數學開始比較深入，除左會開始有simple文字題之外，亦都會開始 ...

Kumon個D的確非常悶，如果真係上只上短時間兩三個月掌握了計算就可以停，不用太長期。

加樂爹

KIMLIFEINUK 發表於 25-12-10 23:51
我自己既少少見解如果係 UK 學制， year 5/6 數學開始比較深入，除左會開始有simple文字題之外，亦都會開始 ...

我覺得你呢個方法入題, 應該曾經對小朋友既學習有了解及分析.
我會視補習係有quota 既一個課程. 會輕易讓家長認為放手, 有人搞掂.
其實, 對小朋友是一層一層加重負擔, 時間是一個鐘一個鐘用左去.

我每次去補習都會計算目的, 想有什麼效果, 去選擇合適補習社.

可能我會有錯, 我理解越是幼時喜愛閱讀, 把什麼Art，geography，history 都讀一輪的小朋友, 他們會有一份 "相信書, 問題會在書中求" 的初心, 這是好的.


這是一件好事, 但基於數學是另一門學習方法, 是講求運用及理解, 家長是要引導他們另一類的學習.


數學除了運算, 亦講求羅輯, 運算空間, 數字感覺 (例如144, 256 呢D數字點解咁特別...), 抽象理解等等.  所以, 太執著小朋友在一個基本運算是沒有前瞻性, 亦沒趣味.


我的意思是不足夠, 而不是不重要, 因為最基本的加數, 引身到減數, 再引身到乘及除數, 這個相關的能力是必須要有的, 最基礎的數學能力.


若果是操數, 我同意在家找一些低一級, 每日"固定"做一些練習起先.
這是家長給小朋友的要求, 甚至家長一同參與去"玩"一些短運算, 比之去kumo 成個鐘, 家長更能了解自己子女情況.


了解小朋友問題後, 才想下一步怎做.


至於數學羅輯, 數字感覺其實是可以在日常生活中培養的.


對於喜歡閱讀既小朋友, 我上帖文都有建議, 有些純英文數學書, 他們不是教科書.


他們更多是上面說的"數字感覺", 找規律.


有些是專門"吹水"的, 例如無限小, 無限大, 宇宙有幾大, 花葉為什麼是1,3,5...片開...


你不要想8歲細路學到物, 因為他們羅輯能力未到, 但他們會當是故仔書去讀.


在內心上已經是另一層數學羅輯建立起來, 或者他們開始可以跟你用些似是而非的數學道理去討論事情.


當時, 我是閒時, 在街外飯時, 無所事事跟阿仔去讀及討論的.


繼而, 我發現坊間有更多的羅輯書, 一些推理及駁斥理論書, 數學偵探書, 用的數字計算不多, 但非常有趣.


成人用盡所有的數學方法去解題, 其實人家用是一些簡單直覺, 推理去完成.


....我後期是發現做輸左比阿仔.


小學數, 正如你說, 很多multiple steps, 很多規舉, 可能都是引致到小朋友不喜歡數學.


我仔一樣, 劃線求求其其, 寫字0, 6, 1, 7, 9 到家陣都隨隨便便.


但係我知道, 佢喜歡心算, 會跳step...咁就夠啦, 反正, 小學還有其他更有興趣想學的知識.


同一條數, 同一份考卷, 小朋友及家長可以看到不同的道理來.

P.S. 我仔不是IS 學生, 只是一般的直資小學學生. 所以, 其實你應該跟學校討教一下學校課程要求. 本身學校的一套方法, 避免用太過強逼的方法去完成 (若果有).

例如, 去年五年級, 雖則我一直跟進阿仔中文科, 當時要外補, 其中一個原因是我要有3rd advice 給可信靠的補習老師給我評估阿仔弱項, 我會請教他如何如何, 再去跟進.

KIMLIFEINUK

加樂爹 發表於 25-12-11 10:36
我覺得你呢個方法入題, 應該曾經對小朋友既學習有了解及分析.
我會視補習係有quota 既一個課程. 會 ...

好同意你既講法，其實我見過不少小朋友既成長歷程，再加上自己既小朋友實例，得到一些啓發。

有趣的是，不同既父母+小朋友都會有不同的組合，例如好緊張既父母+躺平既孩子。又有好緊張既父母+同樣進取既孩子。或者心裡極想放手不管但口裡卻日日叫擔心的父母+大半個身己經躺平既孩子...

眾多配搭中，我發現有時父母既做法係可以同子女好錯配，例如天才學生卻遇上事事超擔心與不信任既家長，限制左小朋友既選擇。唔放胆俾子手放手高飛，結果卻自制一個籠困住子女，因為總覺得佢唔得、唔足夠。

又有些無奈地怕左子女既父母，己經控制不了，也講不了道理，惟有在子女變壞時默默守在身邊，期待著有一天小朋友會醒來，但卻滿途辛酸心痛。卻在小時候其實己經有跡可尋，可惜做父母都是不斷學習中，見對了也難一定做對，子女同樣有責任吧！

你提起你小朋友不是國際學校，其實有另一個迷思是國際學校英文一定好，但其實如果要應付 gcse 英文試其實不容易 (grade 8/9)，寫作既水平亦要好高。因為當文法不再是重點時，寫作技巧就要提升到比較高的境界。我個人覺得好難，或者因為我母語不是英語。我見過一D高水平既year 10/11 既作文有如作家或記者般高水準。第一次見到時，我還不敢相信，反覆查問是否抄的？到真正肯定知道係原創時，我才見到原來 gcse grade 9  既寫作係咁高水準的。

另外我觀察到英文科跟數學科不同，語文科挫敗感較少，因為小朋友始終可以 achieve 一D野。好與不好都最少可以作下文，閱讀理解不是滿分都可以攞少少分，總可以嘗試 attempt 個題目，不論你覺得自己識定唔識。

但對數學不大有興趣既小朋友而言，數學既挫敗感好高，因為一見到條題可以係完全唔識點入手，即刻唔識，題目彷彿時刻提醒着你 - 你係差既。如果學術跟不上的小朋友，就算迫住嘗試，但答案又係錯，就越做越心死。

果種好快分對錯既直接批判，其實係好令人害怕。也不怪小朋友會害怕做題目時，那些題目彷佛時時刻刻對你說"你不夠好"！

所以我覺得建立番個基礎，從低一年既練習做起其實先係最快達到目標既路。

天下偉大既父母們，大家一起努力吧！