聊聊中文科及中文補習

Raccch

回覆 馬烏 的帖子

的確有啲睇開英文書嘅小朋友低年班已經開始睇Harry Potter。不過睇到幾多內容真係因人而異，無謂為睇而睇。唔係話越細開始睇字多嘅書就越叻。

wingfly6688

Raccch 發表於 25-7-3 17:15
回覆 馬烏 的帖子

的確有啲睇開英文書嘅小朋友低年班已經開始睇Harry Potter。不過睇到幾多內容真係因人而 ...

我個都係小學低年級開始睇，不過睇到中學都未睇完

但 Solo Leveling 三百幾個 cheapter 可以兩三日睇完。

重點係 Harry Porter 對今時今日既小朋友好似真係冇乜吸引力, 就算連個 Game Hogwarts Legacy，都唔覺係香港係一個熱門既Game。不過對小學生嚟講會攞起一本咁厚嘅書嚟睇，都好值得家長同人分享一下。

Raccch

回覆 wingfly6688 的帖子

的確係咁，吸引力對唔同年齡差都有差別。阿細因為有家姐舊書，小一就睇咗第一本，唔知佢睇得明幾多但答到家姐啲問題，不過佢依家唔會想睇第二集，都係喜歡低齡小朋友個啲公主unicorn嘢多啲。家姐就四年班我先買套書俾佢，但係一睇就愛上一本接一本咁睇。

UTB

回顧90年代香港中學生中文水平

這班90年代的學生，今天或許已成為了父母。

（報導客觀與否請自行判斷。我個人只認同部分內容。）

馬烏

UTB 發表於 25-7-5 12:30
回顧90年代香港中學生中文水平

這班90年代的學生，今天或許已成為了父母。

看視頻內容，似乎以前更差，如今是進步了

UTB

馬烏 發表於 25-7-6 07:34
看視頻內容，似乎以前更差，如今是進步了

但我覺得這個專題報導的內容似乎有點誇張和偏頗，容易令人以偏概全。報導只聚焦採訪中文程度較差的學生。佢係想引起當時社會關注中文程度欠佳的學生有幾咁嚴重。但我印象中當時香港學生整體的中文水平不是報導所說那麼差。

adriantai

平均嚟講英文更差

馬烏

UTB 發表於 25-7-6 08:57
但我覺得這個專題報導的內容似乎有點誇張和偏頗，容易令人以偏概全。報導只聚焦採訪中文程度較差的學生。 ...

感覺是有點誇大，這麼多人不會寫絲襪的襪字
在內地，如今是名副其實和名符其實都可以用。都算對。

用符合的符字，似乎更適合現代人的習慣。副，古漢語有符合的意思，現代漢語反而很少用到這個含義。

外星朋友

小朋友小學時各科分數差不多，雖然都是中文比較低分，但都係5-10分的分別。現在中一，開始見到中文科和其他科目的差異。其他科目70-80分，但中文同中史就只是剛剛合格。最初我也很奇怪，科科都係一樣咁温書，到底問題出在哪裡？
家長日跟老師探討原因，其實不是中文能力的問題，而是中文中史等科目的模式層次問題。中文科著重探究人物感情寫作意境，中史著重分析事情前因後果相同相異，對於一些入世未深思想單純的學生，要凖確掌握這些問題是很困難的。他可以背晒所有課文工作紙題目答案，但他始終無法理解作者為什麼會有喜有悲，為什麼皇帝這樣做便能人心歸向。你要他用中文解釋日蝕月蝕，他絕對無問題，但要他描述一個詩人的離愁別緒，他就做不到。寫議論文可以攞70分，寫抒情文可以唔合格。英文科就不同了，英文科只考文法，不問感情，西史也只是背誦的多，唔會深入到好似中史咁要分析成敗得失，所以無這些問題。
結論係：這其實不是英文中文的問題，而是個人對人情世故的敏感度的問題。某類人對這方面是偏弱的，中文成績自然會受影響。

Rpp

個人認為、中文要耐心細緻、要積極主動去學習去溫書，才有效地掌握中文，而耐心細緻則有助於理解中文的複雜性和精髓。 無好奇心很難能推動學習者更深入地探索中文的。香港學生大多數沒什麼好奇心。
一要扎實基礎，
二要廣博閱讀
三寫作有法
四考試要答題有技巧
五要持之以恆

UTB

香港的中文水平下降有很多原因。聽一些教師前輩講，電視機係其中一個主要禍害。六十年代，香港很多家庭都沒有電視機，小朋友主要靠閱讀書本、新聞報章獲得知識。但自從有電視機，學生減少閱讀的情況很普遍。另外，漫畫的出現亦令學生減少閱讀散文小說。（時至今日，電腦和手機已經取代了電視機的位置。）

而我覺得另一個罪魁禍首就係1978年推出的學能測驗，取代以往的升中試。學能測驗只有兩份卷：文字推理及數字推理。文字推理並非考核學生的語文能力。而係推理能力。學校以往升中試會重點操練學生中、英、數三科，變成只操練文字推理及數字推理。這兩科對增進學生的語文能力幫助不大，甚至係毫無幫助。

但最致命的一件事，就係當年中英文科因應學能測驗而更改了課程，兩科的內容都比以前大幅淺易。當年竟然有出版商，將舊版小一至小五下學期的英文課本，變成新版小二至小六上學期的課本，完全搬字過紙，學生變相重讀了一個學期英文，大家都覺得很奇怪。

另外中文科亦由閱讀、分析文章內容，變成以學習句式為中心。彷彿將中文由母語變成外語的教學模式。自此學生的語文能力不斷下降。直至這批學生投身社會，僱主反映畢業生語文程度太差，加上教育界的壓力，有關當局才取消學能測驗，改以呈分試為替代方案，加上大學收生對DSE考生的語文能力要求提高，學生的語文水準才開始止跌回升。

mimwing

UTB 發表於 25-7-7 07:35
香港的中文水平下降有很多原因。聽一些教師前輩講，電視機係其中一個主要禍害。六十年代，香港很多家庭都沒 ...

除某些科目外，大學都係睇重英文科目成績，中文2你都有機會入不錯的科目，但英文2就一定不用諗入大學

Greylay

好多父母自己都唔重視，睇唔起中文，在栽培子女過程也忽略它，中文又怎麼會好呢？！

poonseelai

UTB 發表於 25-7-7 07:35
香港的中文水平下降有很多原因。聽一些教師前輩講，電視機係其中一個主要禍害。六十年代，香港很多家庭都沒 ...

我估你那位教師前輩接觸嘅唔係基層孩子, 我哋屋邨大嘅孩子小學放學做完功課只會出走廊跑, 仲要拖住細佬妹, 怎會閱讀, 無資源又唔識

我自己也是每星期日早上去隔離屋師奶屋企睇粵語長片, 多年後家中才有電視, 有電視反而覺得接觸到好多新事物, 電視影響唔太, 手機就真係影響大

我一直有疑問而家孩子自少學中英文都咁深, 但大個水平好似仲差咗？我小一才學 a pen and a man, 山-高高的山

至於英文, 我感覺係回歸後政府逐漸矮化英文, 官員 official blog係Chinese only, 或先出中文後加英文, 例如財爺最近的blog, 選英文版亦只得中文

https://www.fso.gov.hk/eng/blog/blog20250706.htm

猴子爸

poonseelai 發表於 25-7-7 10:43
我估你那位教師前輩接觸嘅唔係基層孩子, 我哋屋邨大嘅孩子小學放學做完功課只會出走廊跑, 仲要拖住細佬妹, ...

现今香港是有些精神分裂，若是看重英文，会被指殖民主义，阴魂不散，但英文差，又担当不了国际教育枢纽和超级联系人的角色，结果什么都半桶水。
最好是中英平衡，毫无破绽。

最理想是这样，但世事何曾是理想的？

poonseelai

猴子爸 發表於 25-7-7 11:20
现今香港是有些精神分裂，若是看重英文，会被指殖民主义，阴魂不散，但英文差，又担当不了国际教育枢纽和超 ...

近日李議員又話要増加英文節目喎, 跟唔到

有人認為聯繫人可以聯繫中東嗰邊, 要學亞拉伯文, 其實人哋咪又係用英文

我日常工作好少用中文, 唔知工作上年輕一代中文有幾差

UTB

mimwing 發表於 25-7-7 09:31
除某些科目外，大學都係睇重英文科目成績，中文2你都有機會入不錯的科目，但英文2就一定不用諗入大學
...

我覺得可能係社會（尤其係職場）的壓力令大學重視英文。如果有時光隧道帶我們回到上世紀七、八十年代，中文大學對英文的要求很低，只要高等程度會考（HKHLE）英文E級便符合要求。如果英文F級，另外有四科B級，加中文合格，也符合申請資格。英文門檻低係因為要照顧中中考生。而且中文大學當年主要以中文授課，或英書中教。係到咗有聯招之後，大學之間有競爭，中大才轉做「英文大學」。

twhkleung

真实係HK先咁奇怪. 中国又好, 台湾也好, 大学教程, 由"講睇聽寫"都是中文, 日本韓国大學也是全日文韓文, 就算德国法国大学, 也是德法文全講睇聽寫.

只要HK的大学教程改成全中文講睇聽寫, 学生家長才会覺得中文比英文重要.

不过, 到時HK的大學重可唔可以有咁高排名!

UTB

poonseelai 發表於 25-7-7 10:43
我估你那位教師前輩接觸嘅唔係基層孩子, 我哋屋邨大嘅孩子小學放學做完功課只會出走廊跑, 仲要拖住細佬妹, ...

「山，高高的山 。 海，大大的海。」

這是六十年代尾、七十年代初「現代中國語文」小學一年級的課文。這套課本係當時坊間眾多中文課本來說，得到教育署較高的評價，我亦覺得內容比較豐富有趣。但這套書在1978年重新編寫，十分著重句式學習。甚至有時會覺得為咗遷就句式學習，刻意將課文改寫以包含這些句式。當時很多小學中文老師對新版課本評價甚差。


另外，我亦有同樣的疑問：為甚麼現在小學英文課程普遍比以前艱深，但去到高中，感覺他們整體的英文程度比以前的學生差？甚至有人話，現在大學畢業生的英文程度比以前的中學生還要差，究竟係事實還是錯覺？

akys

cherrieshum 發表於 25-7-3 15:16
我就是好擔心阿女明年DSE中文拿不到3，我常常感到焦慮不安，但她對中文一點興趣也沒有，會逃避中文，討厭中 ...

未考前我以為孩子可以3+，出來攞2， 好彩HKU 9折計分，亦唔影響攞船， 不過孩子讀咗一年就走去英國讀。