我個仔讀ESF Year 2, 煩惱想搵IB補習老師

edmondlukluk

以前我個仔，UOI學who we are, 老師俾一個quote
"When I see you through my eyes，I thought that we are different. When I see you through my heart, I know we are the same" ，叫小朋友返屋企問爸爸媽媽解釋，就係一樣功課。

我太太就用日文，同佢解釋，其實佢都未必理解到。如果要我太太用英文教佢，更加冇可能，因為係inferential meaning。就好似，學校入面啲外國小朋友，要搵中文老師教國語一樣。

我都認同，媽媽教最好。不過我太太唔想佢學日式英文發音...加上我成日飛，難得有親子時間，我想帶佢出去玩。所以，每個家庭難處唔一樣。

不過，大家都係為仔女付出我真心佩服，親力親為嘅媽媽。作為男人，我最多上EK搵資料，但估唔到呢度，有咁多好努力教仔女嘅媽媽！

edmondlukluk

Jane1983 發表於 17-5-18 16:32
唔使罵戰，又唔使激氣，網上討論無所謂。其實見到咁多家長比資料樓主，已經覺得EK好有人情味。
...

sillything

我想講我姐夫係中日混血兒，家姐唔識日文，佢地用英文同廣東話溝通

我仔有同學係日本人，佢媽係做英文日語翻譯人員
我係好明白當中嘅艱辛

要日本人用英文溝通係幾有困難，我唔明搵老師幫手有幾錯囉

mamaishere

samsam123321 發表於 17-5-18 14:16
如果那位是隱形板主就炒得，係到引發網友駡戰。

由頭到尾都係你自己唔睇前文就一刀插人，問人幾條問題全部都已經答咗好多次！就算你唔贊成補習，其實你可以選擇用比較友善嘅用語解釋，你哋同你有仇咩？小朋友有問題上嚟問下意見無端端俾個三九唔識七加閲讀理解零分嘅人插

mamaishere

964000 發表於 17-5-18 13:00
大家吾好再覆佢啦無謂攪到封post，好地地一個post, 大家都學到野。

其實呢個post真係好有參考價值，尤其對英基家長會更加有用！原本好和諧而大家提議又有建設性，希望唔好因為啲無謂人封帖，大家繼續討論！

樓主，支持你！你係一個好好爸爸

964000

小猴子兒 發表於 17-5-18 16:05
多謝誇獎！但係我既付出係比其他父母多百倍努力呢！係我小兒出世到佢五歲期間，我每日只係訓得5，6個小時 ...

我都係咁稔，但有時自己教真的教到很氣餒，有時佢又吾聽，聽又吾做，做又吾跟，有時覺得會不會外判比人教好D。

964000

小猴子兒 發表於 17-5-19 09:45
你講得絕對係很多現在is 媽咪為什麼要小朋友出去補習的原因了，這d我非常理解，我小兒同學的sjs很多媽咪係 ...

哎呀你真的説得很好！請問你三歲開始是自己買一些練習和他一起做？我小朋友才4歳，我自己教中英數，暫時還可以因為未至於要她坐定定寫字，但我開始覺得再教下去我會嘔血了，她駁咀不耐煩找籍口的樣子，我自己EQ又不是高，我女很敏感，佢一見到我忟佢就就更加忟更加駁咀，接著就是哭哭啼啼收場，但如果你太nice她又會take advantage, 又不想天天朱古力雪糕bribe佢，其實找可以對付她的老師也不容易。
（不好意思離了題）

bktcc

版主按: 請冷靜及理性討論, 切勿作出侮辱他人之言詞, 此及違規, 會收警告牌, 漠視警告者, 會被禁言/封戶, 敬請注意!

964000

小猴子兒 發表於 17-5-19 10:41
你面對的挑戰也係很多父母的挑戰來。自己教都要一套好既書先行Lo，當時我就係採用了E-nope maths 那套教材 ...

你真係好有心機教小朋友真係要有心又有力

edmondlukluk

我諗，讀esf都有三種極端唔同嘅家長。

有一種，就係大家所講嘅，根本唔需要補習，淨係返去玩，happy school, 都跟得上。天生聰明，或者媽咪付出左好多去教佢。

有一種，就係父母都忙碌，覺得小朋友讀書太過輕鬆（甚少功課），所以就被好多樣嘢佢學，一至五都有，務求令佢生活豐富啲。我識嘅家長，每個月洗二萬蚊去課外活動，補習，大有人在。唔知係咪每間學校嘅區分都唔同，所以家長嘅負擔能力唔一樣。佢哋又唔係要小朋友the best,反而係覺得佢哋時間多，想比佢哋學多啲。

另一種，就係我呢啲，小朋友真係有需要，跟唔上進度，父母又教唔到。老師建議請家庭教師，跟一跟。

自己教，真係付出好多。識得自己教嘅媽媽，真係好叻。

我個仔讀嗰間，都有好多西人搵補習老師教中文。其他就去嗰兩間，M字頭，同N字頭，好貴好出名國際學校補習社。不過我個仔需要1:1，所以我選擇請家庭教師。

Flash card教學，係咪自製flash card, 再show俾小朋友，然後鬥快講單字？謝謝分享！

964000

Covenant2017 發表於 17-5-19 17:15
唔關是否天生聰明與否，讀國際學校（尢其是ESF), 根本不需要補習（補中文除外，因為學校所教的確很少及不足 ...

我初初都係咁稔，但聽到其他人意見，自己又動搖

KarieWu

Covenant2017 發表於 17-5-19 17:15
唔關是否天生聰明與否，讀國際學校（尢其是ESF), 根本不需要補習（補中文除外，因為學校所教的確很少及不足 ...

(emoji)(emoji)(emoji)

edmondlukluk

KarieWu 發表於 17-5-19 18:45
(emoji)(emoji)(emoji)

我真係唔知，我諗係時代唔同咗？

可能上一代唔需要，不過以我個仔現在year 2讀嗰間來講，有1/3家長，都有比小朋友出去補習。 其他有大仔大女嘅家長都話，今年year1教嘅嘢，好明顯比以前深左好多。就算中文都比以前深左好多。以前嗰個年代，可能淺啲。

我諗自從政府唔資助佢哋之後，好多野都唔同左。教嘅嘢，明顯係深左，收生標準冇以前咁寛鬆。我太太聽返嚟，話就算讀ESF幼稚園，以前都會over 90%admission rate, 而家好似低咗。就算我個仔之前讀HS, Bradbury係HS隔離，兩間學校高層有聯絡溝通，但真係有幾個小朋友入唔到。

逆向思考下，其他人有補習，而我個仔冇，可能原本我個仔未必係最差。但當其他人有，咁我個仔就變到全班最差嗰個。

例如，by the end of year 1 要識100個sight words,  我個仔啲同學，好多都係出面學左，佢地Year 1已經學緊第三百個sight words....我個仔由零開始....

直到依家year 2，佢先學得50個....所以，year 1，已經比老師調去learning support team.....

仲有，聽我太太話，好多話冇補習嘅，甚至叫人唔好出去補習嘅，其實都有出去補，不過唔出聲！我太太之前問過香港人家長，佢哋話冇補習。點知比另外一個日本媽媽，喺補習社見到佢哋都有去補...

我覺得係英基，總之個老師唔特別聯絡你，就係好事。比老師「召見」嘅，真係要請定補習老師....你地講到SEN先要補習，我個人認為，要搵到一個熟悉點樣去教SEN嘅都好難。好彩學校有speech therapist跟進，如果唔係作為一個要返工嘅家長，
點樣教？

Anyways, 唔使再討論「補唔補習」嘅問題，因為某會員已經幫我搵到一個，應該幾好嘅老師啦！

964000

小猴子兒 發表於 17-5-19 19:56
你講得好對！我地不要再係補習不補習而周船，浪費了我寶貴的時間來打這些中文字，我原本想把我教小兒成功的 ...

本帖最後由 964000 於 17-5-19 20:15 編輯

請你不要誤會呀，很感激你的分享，你打的絕對沒有有浪費，我小朋友還小，我自己仍在學習中，各人所説的都很有道理，家長都要自己消化了，再選擇適合自己小朋友的方法。

KarieWu

edmondlukluk 發表於 17-5-19 19:40
我真係唔知，我諗係時代唔同咗？

可能上一代唔需要，不過以我個仔現在year 2讀嗰間來講，有1/3家長，都有 ...

你搵到你所需，真心替你高興，亦已達到你出此帖之目的。
要否補習實屬各人個人選擇，仍是那句，只有父母最了解自己孩子所需。
打從送孩子入學起，我叫自己不要把孩子跟別人比較，各有優點和專長，他每階段比上一階段有進步就可，所以其他同學有沒有補習與我的孩子無關，在這方面我最跟不上潮流。
孩子學校強調閲讀之重要，相信大部分國際學校也如此，我也配合跟著此方向走。
學習之路是長遠的、一生的，一時的困擾不會是一生的煩憂。祝福你！