Small World小學 Island Christian Academy正式入學申請於2月15日截止

crystalpui

eneresnat 發表於 12-2-10 14:48
如果我好似你咁, 先俾仔仔讀SWCK, 再去KCIS, 係唔係5歲去KCIS RECEPTION? 定係6歲去PRIMARY 1? 之前無咩研 ...

reception = k2
你可以打電話去kcis問下
想報reception or primary 應該幾時send表

elmostoney

琴日有朋友托我問ica面試情況:

係swck讀緊小朋友, 唔洗另外安排面試, 會係班房做觀課

有sibling嘅小朋友 (即係我個細仔), 會被安排係星期六上午面試

同swck完全冇關係嘅, 佢地未答到我. 不過以一年班而論, 如果申請超乎異常, 佢地會睇情況開多一班.  暫時整體所收嘅報名表係超額嘅.

crystalpui

reneeleung 發表於 12-2-11 13:36
ICA P1一班只是22 STUDENTS, ESF就有30個. 其實ICA無收多學費, 他們只是學生比例上少了, 所以家長要比多D.  ...

reneeleung

咁你不是會俾ryan讀ica嗎?
我見其他n無人士都入到qbs
你有冇qbs reply?
你住係東區
如果rc收你, 你會搬過去個頭?
ica係好學校, 但學費我地負擔得好辛苦
所以只有放棄了

elmostoney

據聞year 3開始kcis會多功課, 都幾demanding, 因此有小朋友會轉走.  year 1 同 year 2就好輕鬆, 所以長遠學校對學生要求如何, 家長要衡量下自己能否接受.

gm0824

由於ICA只得小學，咁到時有什麼中學可選擇呢?請指教

crystalpui

reneeleung 發表於 12-2-15 22:57
上年ryan同學都入有得qbs interview 讀swck同3無人士，我諗qbs有無得interview都是random的。 我都覺得920 ...

係呀, 我都知
所以我會take kcis個offer
worst case 我都可以升返上kcis primary

227d

大家好！我囡囡係SWCK K1的後備生，請問Crystal會幾時知會學校放棄個學位，我意思係學校方面要你哋幾時再交學費之類以表示你哋sure 會讀？亦想問Renee and elmostoney個小朋友請補習學中文的情況，學寫中文字之餘，國語會話能力程度如何？

crystalpui

227d 發表於 12-2-21 16:58
大家好！我囡囡係SWCK K1的後備生，請問Crystal會幾時知會學校放棄個學位，我意思係學校方面要你哋幾時再交 ...

其實以我所知
都有好幾個人會放棄swck個位
不過我唔會以家打去講
最快都要7月
我想冇錢再要交了掛.......

227d

Crystal, 謝謝你的回覆！！

elmostoney

227d, 以前SWCK係四五月最遲就會要求家長交留位費.  我唔知會唔會再早d, 因為我個女係swck小學, 2月中已交左留位費tim, 所以有機會三四月都會要求幼稚園家長交錢, 總之唔會去到七月咁遲, 學校都放哂假啦.

我兩個小朋友普通話, 以一個冇普通話背景家庭來講, 算幾流利, 可以一般對答, 理解上比口語當然會再好d, 睇電視同普通話人對話都冇問題.  以下一篇文章係我最近同我兩個小朋友讀嘅 (一個四歲兩個月, 一個五歲九個月, 佢地讀中文只會普通話, 唔識讀廣東話):

北風吹 白雲飛
太陽那裏去了
樹上的葉子哪裏去了
地上的青草哪裏去了
窗外雪花滿天飛
弟弟說他好像糖
妹妹說他好像鹽
不是糖 不是鹽
雪花不甜也不鹹

成篇文章未學過嘅字只有兩個, 當然中間有一兩個唔記得左, 但以前學左, 好快pick up.  我買左套民國中文課本, 可愛生動, 文筆好. 所以有時我諗, 自己係屋企教, 未必唔好. 如果入主流學校, 時下d課本, 文筆差, 又冇幻想力, 老師無事挑骨頭, 唔想個個一百分, 教到d小朋友無所適從.

自己係屋企教, 首重恆心, 特別係開頭, 真係要日日讀, 到小朋友成左習慣, 咁偶然放一日假都ok, 我最初都唔係幾好, 開始見到有result, 就會勤力d. 呢樣真係好難, 我個女係好難教個種, 唔係品行, 係怕難, 所以唔想學, 我用左好多時間. 我個女係4歲半開始學, 阿仔見家姐學, 所以都肯跟, 所以佢三歲兩個月就認字. 我用基礎漢字五百, 而家兩個都差唔多讀哂五百字啦, 當然有好多會唔記得.  呢套教材, 文筆麻麻, 部份注音都唔啱, 不過就叫有系統d, 我覺得好過純粹讀字卡. 我阿女係四歲九個月開始學寫字, 寫筆劃都寫左三個月, 五歲就正式寫成個字, 但都係寫少少, 一星期寫兩次咁, 到五歲半, 我先開始要佢日日寫.  阿仔就未寫字.

elmostoney

不過, 我兩個以前都係best concept montessori讀, 家姐讀左3年, 細佬而家仲讀緊, 係全普通話, 我亦有家教, 一星期來兩次, 所以佢兩個普通話係真ok, 好多人都有d surprised, 都係之前間學校功勞最大.

227d

非常多謝elmostoney的詳細回覆！！
我會keep住打電話去SWCK問學位的事了！！
我都有疑問，你在家教他們讀中文書是用普通話的嗎？即說你都有一定程度啦？而他們識唔識用廣東話讀中文書呢？
謝謝！

227d

sorry剛剛睇番原來你小朋友係只係用普通話讀中文的！我有個朋友個仔喺新加坡國際讀小學四年班，睇中文字係睇注音的，不識認字，你小朋友已經識認字（不用注音）都讀到嗎？

elmostoney

我跟阿女個普通話老師學左十堂左右, 學左基本拼音同睇音標, 足夠跟住本書對住音標讀.  佢地識講廣東話, 但就唔識用廣東話讀書, 我唔想佢地學兩種讀音, 驚太混亂, 亦無必要.  個人覺得, 廣東話只係香港生活方言, 識講識聽就夠

elmostoney

227d, 我兩個小朋友都唔識注音, 我自己學係因為要教佢地, 雖則我d普通韶唔未至於廣東話講歪d, 但真係有好多音未必識讀, 所以學來方便教佢地. 我都有聽聞,  is小朋友學左注音, 有時唔識睇字睇注音, 所以我反而唔太著重佢地咁早學, 當然我兩個d普通話未必係最正宗, 不過都叫ok就算.  翻查中文發展, 其實注音都係呢幾十年先有嘅事, 以前d人都冇注音, 所以我覺得可以遲d學, 等佢對中文有個底先. 再加上我驚又學英文拼音會混淆.

eneresnat

那將來上ICA的話, 在校學簡體字, 你們會不會繼續在家教繁體字?