我個仔係ESF返學好開心

Ivylove

Hello,I would suggest learning chinese,especially simplify chinese is a must nowadays.My son is in SIS,
he's learning simplify chinese and hanyu pinyin for years.I also taught him traditional chinese at home.
Now,he is capable to handle both.Your child should start when young.

hokittyho 寫道:
Hello 丫頭,  

想問吓你知唔知個國語老師有無去你對b 嗰班教吓國語咁呀? 我問我個仔佢話無啊, 你驚唔驚佢哋第時唔識中文呀? 我而家開始有啲驚, 話哂而家中國都愈來愈強, 報紙都話未來幾十年普通話會繼承英文成為世界共通語言, 如果ESF 無得學, 我可能要考慮同佢轉校, 點算啊?

此外知唔知SJS 又有無普通話堂呢?

丫頭

Hello hokittyho,

我真係唔清楚有無國語老師教佢地國語因為我要返工所以基本上可以講同學校冇乜接觸   但我從來都冇聽過對b講類似國語既語言 : 。不過我個bun bun講過比我知頭個星期工人重可以留係學校時佢地聽到d小朋友係度唱國語歌，d家長個個笑到肚孿 我想應該有得學，不過佢地重細&學既時間好少所以可能學左都唔知。

其實我預左英基所教既中文係唔夠，所以我打算k2開始給他們學公文中文及數學。  另外SJS應該中文堂會密過k1 & k2。

係呢妳仔仔d英文有冇進步呀？

hokittyho

Hi Hi 丫頭

公文中文& 數學都係好提議喎! 知唔知佢哋有無分level, 如果撈埋主流學校嘅學生我哋d 小朋友咪唔夠程度, 聽聞好多assignments, 會唔會追唔到呢?

我個仔返咗學啲英文真係大有進步, 有時都唔識轉返中文台, 同埋佢而家好鍾意睇書, 最近發現佢好似對phonics 有少少概念, 有次無意中問佢c for car 之外仲有邊個字係started with c, 佢竟然答到我好多個, 之後我再試吓佢其他字母佢都答到, 我都好surprise, 最勁係連t for toyota 都出埋, 笑死我.

另一樣開心嘢就係佢已經識到朋友仔, 有時都會同我講吓啲同學仔, 好得意啊. 以前返nursery 我次次問親佢'今日返學玩乜呀?' 佢都只會答我'玩車車'.  而家佢日日都有唔同答案, 睇嚟真係好開心咁啊.

尋晚先醒起我呢個禮拜唔記得俾張family tree佢帶返學, but...已經完咗啦, 我真係超級大懵, 因為我其實一早已經整好擺埋咗但係又完全唔記得, 我真係抵罰!  不過奇怪成個禮拜老師都無喺communication book 度remind 我, 我覺得佢應該要remind我至啱啊.

你對b 如何? 開唔開心呀?

丫頭

hokittyho  

開學前3個月(放暑假期間)我比對b係屋企附近既幼稚園返了3個月半日班，點知整個暑假佢地全部講晒中文，唔肯講英文 我同佢地講下星期要返新學校喇，要講英文架! 但係佢地都係唔肯講返英文
而家返左一個月好自然佢地又轉返晒講英文 有陣時兩姐弟玩時都會用英語交談。

我覺得雖然係同一間學校，但呀仔同呀女

hokittyho

宜家啲小朋友真係好叻, 識得自己轉channel架, 我個仔都係對人講人話對鬼講鬼話, 仲識得睇樣, 逢親啲粗眉大眼皮膚深啡嗰啲姐姐佢都會自動轉台

hokittyho

丫頭,

你make 咗appointment 見老師未呀? 我約咗喇, 專登揀佢哋上堂時間, 可以順便睇埋佢哋上堂情況啊.

丫頭

hokittyho,

我老公book左喇, 14號個仔, 16號個女但係book左早上.

我請唔到假所以只會得我老公出席咋, 學校好似每人比大約10分鐘時間, 到時您會問老師d乜野問題呀?

真係好祈待..唔知平時佢地係學校表現係點呢   

係呀, 您仔仔個班個3位老師係咪會有一位係香港人黎架? 我對b個兩班分別都係有兩位外籍老師+1位本地老師.

hokittyho

hello丫頭,

我諗我到時會問吓佢哋學普通話嘅情況, 同埋我個仔上堂嘅表現, 專唔專心等等...不過其實最想都係到時早啲去到, 偷偷地望吓佢上堂嘅情形囉.

我個仔個class teacher 係外籍老師, 兩個EA 都係中國人, 其中一個accent似外國人, 另一個係hk音, 不過我無問過, 因為佢哋同我都係講英文.

另外, 我囝囝最近有講少少普通話喇, 我聽過: 你好嗎, 再見, 小朋友; 但係我次次問佢邊個教佢都唔答我, 所以好想知.

丫頭

hokittyho,

昨晚我去問呀仔老師有冇教普通話例如你好嗎, 再見, 小朋友.....佢諗左一陣跟住同我講爹d係"忍", 我話乜話? 佢再講多次我都係聽唔明, 最後佢話爹d係"難忍", 我先知佢講爹d係"男人"   
仔仔d普通話就真係.....   原來真係有老師教普通話, 只係可能平時佢係屋企冇講, 又或者佢講左我地都聽唔明因為佢講得真係好......頂癮

momom

hello丫頭,

I have applied ESF kindergarten for my kid in next year, but I found some bad comment on ESF Kinder in other topic.  I don't know why they say ESF is not good?
Can you share more experience?
I know the kid learn through play, have you found improvement in English for your kids?
Do you speak English with them in home?
Sorry for many questions?
momom

vickichan

各位我有

manki

各位好!

hello Mone,

我想請問下你個女女番緊坑口果間playgroup叫咩名呀, 因為我都住得近坑口, 我想幫我仔仔搵間就近屋企多啲既 playgroup呀.

唔該晒

Mone 寫道:
cocobean,

其實如果我係你嘅話, 我諗我會比個小朋友讀 New Song 或者 Leapfrog, 因為話哂都近咁多, 咁細個人仔, 我成日都唔忍心佢哋日日咁撘車。 同埋, 好似你所講, 佢哋嘅學生升入 CWB Primary 嘅 % 都好高。 上次我哋 visit New Song 時, 個導師話佢嘅舊年差不多全部學生都入到, 有 d 係 first interview 之後就收咗, 其餘 d 入咗 waiting list, 但 end up 都收咗, 似乎個比率都好高, 同埋學費又平一大節。

我未同我個仔番 playgroup 住, 等佢十八個月大先, 而家佢家姐响坑口番緊一個 playgroup, 我覺得都幾好, 會同個女 keep 住番先, 到個女番幼稚園時, 個仔就夠大番 playgroup, 時間分配會好些少。 咁你有冇同你囝囝番 playgroup 呀?

丫頭

momom,

我唔係好清楚其他topic既bad comment係乜，但so far 我而加對esf都好滿意&對b都讀得好開心。

老師耐唔時都會有通告比家長講解小朋友學了些甚麼or將會學些甚麼，有時是需要家長協助例如今其教既topic係family，老師會要求家長交一些生活照片做教學用，又例如我剛剛收到仔仔係學校寄給我的一封信是他畫的"My family picture" 老師之前已經通知過家長她們會代小朋友寄回他們的作品而家長們收到後要同他們一齊分享......等等

其實esf比到我個感覺係佢地既教育宗旨係比到小朋友有好多發揮既機會同係好鼓勵性，還有他們有定期的report給家長有關小朋友在學校的學習情況及表現如何。

我係屋企平時會講中文但同佢地玩&教他們時會剛英文。

或者妳可以問一問其他esf既媽咪睇下佢地既comment希望可以幫到妳啦  

小口B媽咪

Hi 丫頭 and other mommies,
Do you have any idea for the chance of shifting from afternoon session to morning session?  

丫頭

小口B媽咪,

機會好似好微因為佢地已經set好差不多20個小朋友一班,but anyway您可以問下學校.

您的小朋友正在讀下午班嗎?

小口B媽咪 寫道:
Hi 丫頭 and other mommies,
Do you have any idea for the chance of shifting from afternoon session to morning session?  

大口仔BB

請教各家長........ 我而家都煩緊小朋友下年入讀local school or international school好???    

國際學校我覺得確係幾好 但唯一過唔到自己心理障礙係.... 怕唔怕讀左國際學校後, 小朋友唔識寫和睇中文呢??? 妳地又會比咩配套小朋友學中文??? thanks    

tipper

Alot of international schools are aware that chinese in HK is very important. That's why RC (even though an ESF) is also putting focus in teaching chinese. Right now some of the Y7 students are actually studying the same level or use the same  textbooks as the local school.

大口仔BB

因為我聽講.... 入左ESF Kinder, 就要係出面惡補中文, 唔係小朋友會唔識中文喎~ 但唔讀佢既kinder, 又知道ESF Primary好難入喎~

咁想請問各ESF家長... 現讀ESF Kinder小朋友對中文既學習係點呢?? 會唔會好抗拒學中文?? ESF Kinder會唔會有中文學呢??

momom

丫頭 寫道:
momom,

我唔係好清楚其他topic既bad comment係乜，但so far 我而加對esf都好滿意&對b都讀得好開心。

老師耐唔時都會有通告比家長講解小朋友學了些甚麼or將會學些甚麼，有時是需要家長協助例如今其教既topic係family，老師會要求家長交一些生活照片做教學用，又例如我剛剛收到仔仔係學校寄給我的一封信是他畫的"My family picture" 老師之前已經通知過家長她們會代小朋友寄回他們的作品而家長們收到後要同他們一齊分享......等等

其實esf比到我個感覺係佢地既教育宗旨係比到小朋友有好多發揮既機會同係好鼓勵性，還有他們有定期的report給家長有關小朋友在學校的學習情況及表現如何。

我係屋企平時會講中文但同佢地玩&教他們時會剛英文。

或者妳可以問一問其他esf既媽咪睇下佢地既comment希望可以幫到妳啦  

丫頭,
Thanks for your reply!
momom