圍爐取暖-有無小朋友黎緊會入讀ESF(TC)再上RCHK嘅家長?

964000

無論甚麼學校，家庭影響當然重要，自細睇書定打機，家庭對學業的重視，對交功課的態度等，都已經會產生不同結果，另外亦有好大部分小朋友天資和學習能力不同。

Thankful1010

非常多謝大家既分享!

讀IB, 父母要比讀LS嘅投入去了解小朋友喺學校嘅情況同學習進度, 呢點我自己近半年在唔同朋友既情況都了解到。

父母對讀緊LS既小朋友,偏向十全大補, 全權交比學校同補習班不停催谷學術,到出考試成績或評估報告時,有咩唔達標就針對加強外補,無限輪迴到考DSE ;

另一邊讀緊IS既,父母明顯地”完全”信服PYP, 唔清楚小朋友在學情況,比小朋友自由發展, 父母著眼點樣填滿小朋友放學後既空餘時間,去上興趣班(非學術)或最多都係學下phonics, 同有充足既時間比小朋友閱讀, 見佢地屋企零中文書,
父母表示上到MYP會全力幫小朋友谷一谷,唔得就放棄中文, 轉線去學西班牙文或法文。

我相信兩邊家長各有自己理念, 無對與錯。

未正式接觸IB, 暫時個人感受係: 選擇比小朋友讀IB, 除左父母要相信個教學理念之餘,新手如我既家長, 就一定要好花心機同時間去觀察小朋友既發展,至於去到邊個位應該出手去幫小朋友一把,同點樣去幫
(屋企教定外補),我地暫時都係摸石過河,聽下過來人, 好似大家有經驗既分享,同埋希望學校(兩年後RCHK)之後可以比多些機會家長去參與學校既活動同講座,等我地可以多了解小朋友在學校各方面既情況去配合小朋友需要
。

mandy_ng207

回覆 Thankful1010 的帖子

一般國際學校都有好多講座俾家長參加，又有得返學校做義工，有心嘅話係一樣可以好清楚學校情況。不過full-time mom會著數啲，因為啲講座一係就朝頭早8:30-9:30,一係就夜晚6:00-7:00，做義工又係school hours, working mum嘅話好大機會要請假出席。
自己讀local school出身，一直以為教學嘅工作係屬於學校，當年我媽只係睇家課冊幫我溫習，睇成績表知道我强弱項，讀得好嘅話基本上父母唔使點理；
讀IS係另一套思維，老師係放手比家長groom小朋友做一個點樣嘅人，家長就要幫手定立呢個目標同埋揾合適方法幫小朋友achieve。佢哋重視learning skills多過product，所以啲report都係只會寫小朋友achieve咗啲乜，（例如3歲識自己刷牙），成個小學都少quantitative grading（例如啲牙刷得有幾白），令小朋友集中自己的成長，不需和他人比較。
另外就係你話小朋友讀IS會唔會有熱愛學習、自發學習嘅動力，呢樣嘢都係睇家長的，學校係輔助。
不過至少唔會似local school咁令人厭倦學習，呢個係真！

supervi

請問今年RC  year 1 有幾多班?

Thankful1010

回覆 supervi 的帖子

之前去展覽, ESF 果邊有提到Y1有 16X 個學位, 所以應該大約6班? 有無在讀生家長可以求證一下?

題外話, 今年八月上ESF K1的小朋友之後會直上RCHK, 學校話ESF K1 今年學額係144個, 唔知道RCHK會否繼續保留果廿幾個學位比外來生, 定改原校144 個小朋友升上去, 唔額外再收生呢?

Thankful1010

回覆 mandy_ng207 的帖子

我地已經預左要攞假去參加多D學校既活動，希望同學校仲有其他家長可以有多D交流，了解下小朋友學校既生活。

好認同你所講，讀IS 家長要更加投入小朋友既成長發展。同佢地一齊定立目標同揾合適方法幫小朋友!

mandy_ng207

回覆 Thankful1010 的帖子

我估點都有啲位收教職員仔女
下一個priority就兄弟姊妹
跟住先到INR
其他都應該唔駛諗～

Radiomama

RC 一直都係開六班，每班28人，所以每級有168名額。
幼稚園的學生又未必只揀ESF的小學，所以一定有少少學額for 其他人士。

clkam

Thankful1010 發表於 25-5-27 09:19
回覆 supervi 的帖子

之前去展覽, ESF 果邊有提到Y1有 16X 個學位, 所以應該大約6班? 有無在讀生家長可以 ...

暫時所見來緊開學的Y1都係六班。

hlmami

Radiomama 發表於 25-5-27 11:58
RC 一直都係開六班，每班28人，所以每級有168名額。
幼稚園的學生又未必只揀ESF的小學，所以一定有少少學額 ...

以後有RCK係唔同左，因為全間幼稚園都係直上RC

Thankful1010

回覆 hlmami 的帖子

咁即係如果原校144個學生, 全部學生揀直升RCHK, 咁咪連插班都無機會? 之後如果少左外校生, 唔知十幾年後個IB成績又會點樣呢?

hlmami

Thankful1010 發表於 25-6-3 11:22
回覆 hlmami 的帖子

咁即係如果原校144個學生, 全部學生揀直升RCHK, 咁咪連插班都無機會? 之後 ...

Y1入既位會得返好少，其實學校成績同外校生無乜關係，插班位一向都唔多

Thankful1010

回覆 hlmami 的帖子

原來我之前誤會左你意思, 以為你話學校公佈左之後收曬原校升上去就唔再收插班。咁Y1應該都仲有廿零個可以入。

Froria

delete

Froria

回覆 Thankful1010 的帖子

過來人奉勸你唔好入，有啲金錢唔係sen最好選擇其他學校。我地讀完好後悔轉走了


其實身邊家長群大部分都係讀著esf同時報讀其他，有其他offer都會選擇其他。
有啲冇後路，讀讀下唔對路都會考慮轉走。
esf non- selective，啲學生參差，唔係個個都轉到走，咁就只能繼續讀。

網絡上好多聲音追捧esf，每年都有人主動開group去宣傳學校。
我地當初就係因為呢啲聲音而選擇入esf

mychengaa

回覆 Froria 的帖子

咁誇張？可唔可以詳細講講咩事？同埋轉咗去邊間？

Radiomama

Froria 發表於 25-6-15 11:36
回覆 Thankful1010 的帖子

過來人奉勸你唔好入，有啲金錢唔係sen最好選擇其他學校。我地讀完好後悔轉走了

你喺另一個post講讀ESF搞到孩子尿道炎，深表同情。

不過究竟講緊幼稚園衞生間嘅問題、學校疏於照顧，定小學嘅學習種種問題呢？

你又提到網上追捧ESF, 其實ESF出名多校舍，所以多學生，網上多討論啫，佢嘅定位一直都係「平民化嘅國際學校」，設施教學都只屬中等，較富貴的家庭真的可考慮條件更好嘅學校。選學校真係要小心，唔好誤聽網上之言。

ballroundroll

Froria 發表於 25-6-15 11:36
回覆 Thankful1010 的帖子

過來人奉勸你唔好入，有啲金錢唔係sen最好選擇其他學校。我地讀完好後悔轉走了

轉唔走果啲 都可能要慶幸自己non-selective入到

Thankful1010

多謝大家分享！老實講，我地係target RCHK，所以先會因為ESF TC 今年變龍校直上RCHK而報考TC，暫時都真係聽唔少家長對ESF kinder嘅負評校內衛生安全、甚至話雨天會有大量screen time睇卡通片都見到。不過似乎唔同分校都有唔同情況，實際情況都要真係試左先知，希望開學後小朋友可以健康開心咁享受校園生活。

題外話，呢排有家長分享到話RCHK個校內語境愈來愈差，小朋友英文唔ok,所以轉校，講到話基本上依家都係收香港人為主，甚至有家長話黎緊西沙RCK收生將會變成100%收local學生，利申：我地鍾意RCHK其中兩個原因係因為佢地收本地生比例有7成以上，而且中文教繁體，不過比得呢個學費，我係期望學校個英文語境同埋小朋友個英文水平會同普通本地學校唔同，有家長可以解答下嗎？謝謝！

964000

Thankful1010 發表於 25-6-20 14:00
多謝大家分享！老實講，我地係target RCHK，所以先會因為ESF TC 今年變龍校直上RCHK而報考TC，暫時都真係聽 ...

魚與熊掌，有時好難兼得
如果你要自細中文水平有咁上下仲要繁體，就通常係本地生多，相對平均英文水平冇native level係正常，但相信點都會高過本地學校或名校，始終IS老師都係NET有語境，而且課程係English as first language, 本地課係second language，你比較下啲reader都淺好多。