IBDP result 2021

kinder.bb

PeterWong2021 發表於 21-7-14 14:13
識得IB 係乜就當然知道IB 著數，但幣在香港仲係好多家長唔認識IB，仲繼續信埋讀緊既IB 家長講既話乜IB 唔易 ...

你不停在講IB有幾着數幾着數，我唔知道你會幫你嘅小朋友點樣去安排佢升學嘅路向，但我好希望你尊重選擇讀IB嘅家長同學生，佢哋都有付出佢哋嘅努力。大部份選擇讀IB嘅家長，都係為咗揀一個啱小朋友讀嘅教學模式，而唔係着重一個考試成績，絕大部份(特別在IS嘅同學)，有好多其實都唔係選擇留喺香港，而係放遠眼光去外國嘅大學。當然亦有啲家長好似你咁樣，為求達到目的，而選擇一個你所認為比較易啲嘅路徑去行，但唔係代表人人都好似你咁諗。

如果依照你嘅分析，一個香港Band 3嘅學生，只要屋企比得起錢轉去讀IB，佢亦都好易考到香港大學神科，哩個是否事實?  你哩諗法, 等於叫人試圖俾錢買一個入學位根本冇分別。哩個好可能係你幫你小朋友選擇既做法, 幫佢鋪路, 但哩個絕對唔係正常選擇讀IB嘅家長同學生既諗法。

大部份國際學校升大學率比本地學校高，近乎100%，只要你比錢，將小朋友喺最後嗰兩年即係G11 & G12轉入去IB國際學校，之前乜嘢成績都唔緊要，只要轉左入去之後就輕而易舉攞到一個IB嘅好成績，更可入到一個理想嘅大學！只係短視為升學而咁樣揀呢條路，哩個是否一個真正嘅學習態度？如果真係咁樣升到好既大學，是否順利畢業真係未能知曉！

barque

ckmammy 發表於 21-7-14 13:45
我朋友個女今年考到港大醫科， 我唔知佢實際幾多分，但港大醫科應該要43先入到。 如果唔係今年畀分鬆咗，佢 ...

其實作為一個家長，如果對子女的教育成長只有以‘着數‘和一切以成績高低來衡量真係有點可悲。經過引用數據話DSE考完試怎樣難。但係請你明白DSE難唔等於它是好。相反很多人覺得DSE缺點多多，容易出高分而其他方非常一般的人。IB受大學歡迎是因為大學對IB學制的認同。如果眼中只有‘着數’和分數，我覺得你都係翻去DSE合適些。

lui

回覆 Cara2006 的帖子

都唔好講難定係易。IB 訓練，大學有目共睹.所以收好多IB學生.DSE學生，考咁難嘅試，點解啲大學唔收多啲呢？大學唔係淨係睇成績咩？大學梗係唔係淨係睇成績啦.
淨係睇成績返小學中學算吧啦。
到而家都唔明。唔係IB易唔易，係大學要咩學生呀。

reyskywalker

PeterWong2021 發表於 21-7-14 21:41
一個band 3 既學生，讀IB 而入到大家既機會，一定高過讀DSE

band 3 學生讀DSE 入唔到大學，讀IB 入到大學 ...

你覺得一個band 3學生可以Grade 11時考到入一間用全英文上堂溝通既國際學校？

咁不如你話係香港讀唔掂送去外國讀foundation再入大學，返黎香港都係大學生同本地大學生爭飯碗夠唔公平啦！去美國加州讀完community college再入UCB UCLA，返黎再同人講美國名牌大學畢業，勁過香港大部分大學生，夠唔公平啦！

reyskywalker

PeterWong2021 發表於 21-7-14 21:54
你的邏輯推論真係奇怪...

現在事實就係一個相對%易取高分的IB 考試制度，比艱難的DSE 更受大學歡迎！明擺 ...

如果IB易取高分同易入大學，點解神校要揀人去考？如果我係校長，我會叫尖子考DSE，中游學生去考IB，咁先可以令入大學盤數更靚更神。但事實並非如此，只有尖子先可以揀考IB，點解？

另外IB多%考高分，你知唔知乜野叫self selection? 如果香港只用Band 1學校學生做base黎計攞DSE分數percentage，你仲會認為IB易攞高分嗎？最好有人有data計完show比大家睇。只可以講全世界offer IB curriculum既絕大部分係私校，比得錢讀既家庭社經地位普遍較高，對子女教育亦比較著緊，外國人都一樣，自然考試成績都高分啲。

marcuseunis

純自己覺得~冇火藥味既

真係要讀過/有囝囡讀過先真正知道IB 課程既精萃，其實IS school老師在乎係學生在IB課程中既撑握同過程，未來學生真係可以學以至用終生授用。比得讀IB家長有$多，大可去外國考A level, 重好考3科，為咩簡IB ? 考6科又要4000字論文又要去實習體驗，Ib家長真的吾一定係為分數~係一個全面體驗，吾係單操卷，那怕IB 考得吾高分，這點DSe家長係未能體驗到，先覺得有IB家長天真/吹水

所以話孩子band 3, 英文一般都真係吾好信會变有高分～如Band 1 尖子可能真係覺得好易，本身領吾能都高IB/DSe一樣叻！

直資玩法明確玩分數～教法亦有自己一套，精英學生+高薪招聘人才老師，點會吾多滿分/高分? 佢地去左玩IB, 咪少左人去爭DSE 狀元？大學簡學生 ib/dsc/AL係大學決定/喜歡，吾應該怪IB 計分設計，好多IB生都去外國 (平均每年500左右留港）影響香港學位吾係好多瓜，可能醫科/神科，ib生較岩大學囗味，冇法架～

最後21xx ib香港考生，大部由小到大都受優質教育，由其英文教授既課程，可以甘讀佢地由小巳經ib 英語教授，對於英文為主既考試，較容易溫習，我估會誤解為課程容易！

Moonlight819

kinder.bb 發表於 21-7-14 15:03
你不停在講IB有幾着數幾着數，我唔知道你會幫你嘅小朋友點樣去安排佢升學嘅路向，但我好希望你尊重選擇讀I ...

不用為這些井底樣樣只會計算的家長勞氣，其實她覺得考IB這樣「着數」和易讀，大可以叫自己小朋友去讀，不要讀local school那麼蠢！如果她小朋友已讀緊IB, 真替她的小朋友悲哀，父母叫他讀只為着數！

marcuseunis

其實簡得Ib既2千家長，都係多數有學識dd，在學術/各方面支持都有優質，家長亦對孩子由小到大教育有要求和祈望，dse 5萬多學生既家長未必個個會，可況band 3呢！所以考DSe/AL/IB, 既結果，吾係單一個因素 （ib試容易）得出來~

kinder.bb

PeterWong2021 發表於 21-7-14 21:41
一個band 3 既學生，讀IB 而入到大家既機會，一定高過讀DSE

band 3 學生讀DSE 入唔到大學，讀IB 入到大學 ...

最後果段(係想指出你功利既思維，可惜你唔明)，主要係想講，你用啲咁功利既思想，只務求用金錢來換取所謂既入場票，其實真係晒咗一個教學模式既真正意義，讀咩都無用啦。
我亦好欣賞你，用咁功利嘅方法，去鋪排你小朋友嘅升學道路。

kinder.bb

Moonlight819 發表於 21-7-14 22:31
本帖最後由 Moonlight819 於 21-7-14 22:41 編輯

不用為這些井底樣樣只會計算的家長勞氣，其實她覺得考 ...

我只係覺得好可悲，點解啲人淨係識得睇點樣可以走捷徑，點樣可以攞多啲着數，而唔係真正去欣賞，又或者去揀一條適合自己或者小朋友嘅道路去行呢。

reyskywalker

kinder.bb 發表於 21-7-14 22:58
我只係覺得好可悲，點解啲人淨係識得睇點樣可以走捷徑，點樣可以攞多啲着數，而唔係真正去欣賞，又或者去揀 ...

呢個咪正正係香港教育出現既問題囉！一分都不能少，所以睇分數大過天，眼中只有分數，考試唔考就唔温，仲要tip題，務求用最容易既方法攞最高分，習慣左有關學習方面都係咁。但教育唔係只睇分數，亦唔可以只睇short term results。

chingyu

IB 中文A 真係好難，仲要同大陸和台灣學生比較。
女兒認識的作者和看的課外書比我多出一大截。
我當年係最後一屆A level 不用考中文。


另外，英文考 English A literature, 比 DSE英文 難很多。
難道要這樣比較嗎？

daisychan_clc

PeterWong2021 發表於 21-7-14 14:13
識得IB 係乜就當然知道IB 著數，但幣在香港仲係好多家長唔認識IB，仲繼續信埋讀緊既IB 家長講既話乜IB 唔易 ...

其實冇必要再同家長們推廣IB，每年各大傳媒報道IB放榜結果已經鋪天蓋地丶同Mirror一樣已經人人皆曉；唔相信IB教學理念始終還是忠於傳統學習模式，可能唔認同冇功課冇測考的制度，甚至乎認為有錢便可以隨時跳船轉IB去考個”容易”一點的升學試。

其實IB家長就是懂得分析傳統教育對自己小朋友的利弊，先至會主動搜羅其他唔同的學習模式和教育制度，繼而進一步深入研究先知道原來有IB這種教育模式是更適合自己小朋友，選擇IB係經過分析丶了解及研究，並不是人云亦云丶隨波逐流！根本唔須要任何人去”sell”你！

當然，家長要有適當的能力（包括分析能力及經濟能力）先可以有「選擇」，但初衷肯定唔係所謂的功利取分主義。