本帖最後由 mama530 於 25-4-10 22:38 編輯
sabsab122 發表於 25-3-28 12:01 
先說我的情況，孩子其實由K1 已經是ESF, 現在已經升小，雖然很滿意學校培養孩子soft skills等技能，家校溝 ...
我嘅仔女已經上高中了，近年好少上EK蒲。今次見到有人問SIS，因為我三個仔女都由SIS幼稚園讀到高中，咁我就盡量回答一下。
首先，作為SIS十幾年嘅家長，我對學校整體係滿意。樓主提到嘅課程嚴謹、中文強等，確實係SIS嘅優點。
至於樓主擔心嘅軟性技巧訓練不足及學習氣氛似本地小學等問題，我想分享下我嘅看法。
軟性技巧我諗一般包括presentation skills、critical thinking skills、teamwork skills等。細個嘅時候，學校已經好早開始要求學生做group project同presentation，課堂上discussion/ debate, 我唔覺得有小朋友怕表達或者講自己意見。學校亦鼓勵小朋友放學後參加唔同的CCA，整體來講我覺得學校做得足夠，soft skills或non-academic 的訓練未必特別多，但必要嘅都有。特別係中學階段，學生人數相對少，只要你願意參與，學校都會俾好多機會你擔任唔同嘅學會或者領袖崗位，最怕你唔做 ，呢方面細校相比大校有優勢。我嘅小兒子同小女兒喺辯論同音樂方面都有唔錯嘅表現，參與嘅崗位都幾多，但我大仔就比較潛，所以我覺得小朋友發展都要睇小朋友性格，學校提供的機會是足夠的。
至於你講嘅學習文化，外面好多人話SIS考試多，跟本地學校冇分別，我就唔太同意。雖然SIS嘅學術程度比較深，確實有不少考試同測試，但我又覺得OＫ喎，老師緊張你子女的成績唔好咩？同學緊張自己的成績唔好咩？最緊要學校教學模式唔係spoon feeding，功課唔係單純抄寫而係有意義嘅習作（其實功課係有但數量同本地學校完全冇得比），仔女都學到嘢又enjoy learning 就得。當然，學生唔可以隨便hea 讀，因為教嘅的確有些幾深，尤其數理方面, hea 讀會跟唔上，即使同學唔會笑你老師亦會盡力教你，但我相信小朋友未必會讀得開心。
SIS我最大優點係學術基礎好，我大仔喺SIS讀完IGCSE，然後去了英國升讀A Levels，佢喺SIS嘅成績唔算特別勁，只係數理較標青，但到考英國私校時居然間間都收，都係一些熱門的top schools，有學校仲俾academic scholarship (雖然好少錢)，呢個都證明SIS的學術是紮實的，英國私校入學試先會考得好，到而家佢取得自己夢想大學的offer，佢都覺得係SIS 幫佢打好咗根基好有幫助。
總結嚟講，SIS係唔係一間好學校？重點係睇你想要咩，未必個個家長鍾意。對我而言，我見我仔女讀得開開心心，學到嘢冇浪費我交的學費，行出去又吱吱喳喳敢於發表自己睇法，青春期少少麻煩但都算係乖嘅，我就收貨冇投訴的了。 希望呢啲分享幫到你！
| 
發表於 25-4-5 07:50
我當然知道, 如果樓主要好肯定那個制度有明顯優勢, 單看公開試成績直資係最高
跟住剩低啲位又唔夠人爭，唯有游出公海考小，到考小都淨係搵一條龍，無限死IS定LS。以前無經歷過都唔知咁精彩，見識到啲小朋友咁細個已經可以咁犀利
都算係一個好難得嘅經驗。每個小朋友都係unique，好難公式化話點行係最好，係當中嘅過程好似升小、升中真係可免則免，好似local尤其升中最嘥氣，基本上學校最後2年已經變成為考試而編訂課程。
