我個女讀完esf得到尿道炎

Froria

終於喺esf轉走了，鬆一口氣。之前有人問我呢間學校點樣，我都好少出聲。

自己係N無，本身入到esf都好開心，不過小朋友讀讀下發現，出現唔少問題，所以就萌生了轉校嘅念頭。

相信好多人都知道學校幾乎係冇點教過野，小朋友每日就係返去玩，仲會有好多TV time，美其名係比小朋友自己選擇，可以玩其他野。不過咁細個，喺學校provide卡通片，佢唔通唔睇？

呢個年紀學習好重要，聽唔少kinder升上去嘅小朋友，學習上確實比其他外來生差，不過我地一開始都信任學校。小朋友返學都係好開心，我個小朋友都係。

我小朋友讀咗短短嘅時間，就出現咗尿道炎，慢慢都聽唔少入面讀嘅家長有提及呢啲問題。但竟然一間學校發現率咁多嘅情況下，都有家長認為未必關學校事。試問大家，乜尿道炎好常見咩？咁細嘅年紀，我又係自己睇佢多，自小就清潔得好小心。

知道學校都想小朋友自主，其實都好認同㗎。好多時候小朋友唔出聲，都唔會太理會佢地去洗手間嘅情況。我個女就係咁，小朋友貪玩，好多時忍好耐先去洗手間，poo都係自己搞，返屋企都見到係抹得唔乾淨，佢都係話冇人幫佢，自己去洗手間。

其實我個小朋友自理都唔錯，所以就算一開始有聽過類似情況，我都覺得冇太大問題。但呢啲病真係冇得比你後悔，出現咗就係出現咗，扭轉唔到情況。真係真係冇唸過咁嘅病會出現自己小朋友身上，尿道炎仲有機會跟成世，知道呢個消息嘅時候，我地簡直晴天霹靂。怪任何人都冇用，就只能怪自己揀錯學校。

學校好大，有唔少忠粉，家長群就算知道小朋友出現一啲毛病，都好少會講出聲。畢竟如無意外都要喺度讀好多年，所以平時對學校有咩問題，身邊家長都係忍一忍就算，或者等下一年有個好啲嘅班主任。唔排除學校讀上去係唔錯，但小朋友如果細，真係可以有好多好選擇。以前聽好多「N無就冇得揀」，搞到我同老公都好鬼憂慮，好似講到N無就乜都不是，連選擇權利都冇。

貝珠

其他學校kindergarten 會有EE 抹pat pat 架？

Froria

回覆 貝珠 的帖子

係呀，聽返好多都有。依家我地新嗰間，都有auntie喺洗手間幫手睇睇小朋友有咩需要。放心好多🥹，畢竟小朋友真係太細啦

964000

Froria 發表於 25-6-15 01:15
回覆 貝珠 的帖子

係呀，聽返好多都有。依家我地新嗰間，都有auntie喺洗手間幫手睇睇小朋友有咩需要。放心 ...

我地讀過兩間國際幼稚園都廁所都冇EE, 有nursery的幼稚園有EE機會大啲。
建議ESF第時收生考埋小朋友抹pat pat可減低mismatch.

sabsab122

Froria 發表於 25-6-14 12:47
終於喺esf轉走了，鬆一口氣。之前有人問我呢間學校點樣，我都好少出聲。

自己係N無，本身入到esf都好開心 ...

TV time 我都幾驚訝ESF 係幾常比小朋友睇，尤其係下雨天，所以天氣唔好嘅話，我寧願由小朋友喺屋企我自己home school 算。
除咗TV time, 我小朋友也在學校學識iPad 玩mind craft 。
又TV 又iPad,
我自己在家也唔俾玩嘅嘢，學校係常玩，
有時我都幾質疑佢哋喺學校做啲嘢係咪浪費時間？
不過我叫做課後support 小朋友學術，
返學當train soft skills。

我都打算有雙語學校收嘅話就會轉走，
ESF 中文堂真係好浪費時間。
不過我知道Miss左 mass intake year 係好難入好嘅雙語學校。
現在唯有自己課後盡做，跟好點吧！

貝珠

Screen time 多，係真係不能接受。

至於抹pat pat 就，我覺得K1 係要識嘅。

Froria

回覆 貝珠 的帖子

本身佢2歲幾已經識自己去洗手間，只係poo poo真係大人需要幫下手抹乾淨嘅。都有教佢嘗試自己抹，但呢個年紀，想佢點抹得乾淨呢？
都已經唔係成日喺學校痾，不過加咪校巴時間，有時急起上黎，都難控制。
真係冇唸過學校係放縱成咁。知道有好多screen time嘅時候，我地都好無奈⋯

Froria

回覆 sabsab122 的帖子

唔知係咪自己偏守舊，有時聽到小朋友返黎分享學校同學仔同佢講嘅話題，自己都吃一驚。我地班都算多local，估唔到都係咁。轉咗另一間一段時間，阿女返嚟分享嘅話題都有改善咗。至於學校用ipad，我估長遠都需要用到iPad嚟學習，所以又冇咩太大感受。
不過用咁寶貴嘅三小時學校時間去睇卡通片，就真係有啲接受唔到。我喺屋企都可以慢慢播比佢睇，學校睇嘅期間又唔會同其他人互動，並唔係教育用途咁。

amuroo

尿道炎之後有冇後遺症？係咪忍太耐出事？

小兒kindy都有EE, 可能因為有playgroup.

sabsab122

Froria 發表於 25-6-16 23:45
回覆 sabsab122 的帖子

唔知係咪自己偏守舊，有時聽到小朋友返黎分享學校同學仔同佢講嘅話題，自己都吃一 ...

請問小朋友在ESF 時會分享咩話題？你係幼稚園已經𨍭走左？

cutiemily

Froria 發表於 25-6-14 12:47
終於喺esf轉走了，鬆一口氣。之前有人問我呢間學校點樣，我都好少出聲。

自己係N無，本身入到esf都好開心 ...

介唔介意分享多小小:

(1) 學校幾乎係冇點教過野
(2) 好多TV time

係咪老師質量好差? 用南亞人教?
即係全日返去開著個電視放題睇?

謝謝!

cutiemily

sabsab122 發表於 25-6-17 06:52
請問小朋友在ESF 時會分享咩話題？你係幼稚園已經𨍭走左？

係囉, 我都好想知? 樓主話果啲話題好似都令佢O哂咀咁...
係咪啲有關暴力既嘢? 或者核突嘢?

ballroundroll

Froria 發表於 25-6-16 23:45
回覆 sabsab122 的帖子

唔知係咪自己偏守舊，有時聽到小朋友返黎分享學校同學仔同佢講嘅話題，自己都吃一 ...

請問邊間分校成日睇tv?

sabsab122

cutiemily 發表於 25-6-17 16:53
介唔介意分享多小小:

(1) 學校幾乎係冇點教過野

我同樓主唔同ESF, 但我小朋友由幼稚園讀到初小都在ESF。
公道啲講，
老師嘅質素係大部份都OK，班主任全部都英/美/加，TA 會係南亞裔，但我又覺得冇問題。好多都做咗好耐，好有經驗，同埋caring, 一眼就睇得出你小朋友係社交同埋其他soft skills 方面有咩問題，會私底下email你，叫你留意。
如果你有乜嘢不滿，同校長反映佢哋都好快take action,
不過要留意返係要同高層反映先有用。

至於我之前提及過嘅screen time,
我尋晚再問小朋友，
佢話落雨就一定係睇電視，因為冇outdoor playtime,
所以唔係日日都睇電視。

只不過雨季就睇得密d lor,
所以幼稚園時候我就會唔使佢返學，
但小學都會要佢照返。


至於小朋友之間嘅話題，幼稚園嘅時候都係圍繞着卡通片為主，Bluey, spidy, paw patrol 喺breaktime時候做角色扮演喺度玩，返到屋企會講俾我聽。
所以我都好奇樓主喺幼稚園階段會聽到啲小朋友講咩不堪入目的話題？

去到小學，因為坐校巴嘅時候就會mix grade, 所以好早期（小朋友得五歲）都會問我一啲粗口字係咩意思，我初初都好介意，但後來好直接咁解釋咗俾小朋友聽之後，佢又冇再好奇同埋覺得一啲都唔好笑，知道呢啲字係唔應該講，同埋唔好同嗰啲小朋友玩。

坦白講，我都係麻麻哋ESF, 係因為non selective 真係好多SEN, 中文又教得差，我又唔鍾意P Y P。重點係危機意識低，嚴重事故發生嘅機率一定比其他學校高。

但我又不覺得ESF 全無優點，始終ESF 真係資源多，學費平，老師有質素人手又穩定，
而且學校都只係一個平台，到最後小朋友發展成點都係各自修行。當然，近朱者赤，近墨者黑，大家都會想小朋友係一班叻人入面。

Froria

回覆 sabsab122 的帖子

同意你所講，話題上都有機會係peer problem。始終呢啲家庭教育都重要，有啲直頭唸住入is就不聞不問。
都同意朋輩影響可以好大，新學校小朋友都識咗啲唔錯嘅朋友仔
感覺佢地確實成熟，我個女都得益不少

我地都已經轉走了，其他問題就唔多講了。對我嚟講，冇野重要得過健康。
每間學校總有好，總有唔好，小事的話本來都唔想講，默默轉校就好了。
講尿道炎呢單純粹啖氣過唔到，唔係發生自己身上就永遠都覺得好遙遠，所以分享完又有其他人喺度幸災樂禍時，就覺得好難聽。
可能都有人覺得呢啲未必關學校事，如果單單只係我地出事，我都可以怪自己做得唔好。
但當一間學校多類似問題嘅時候，總覺得學校都有佢嘅責任去做好。

retriever

Froria 發表於 25-6-14 12:47
終於喺esf轉走了，鬆一口氣。之前有人問我呢間學校點樣，我都好少出聲。

自己係N無，本身入到esf都好開心 ...

睇標題，這個因果關係有點嚇人！

964000

其實家長可以聯合向學校反映，唔好咁多TV time, 如果落雨老師可以同佢哋玩吓遊戲，讀吓故事也可以。

Froria

回覆 964000 的帖子

其實都有kol分享過，同學校投訴/反映係冇用㗎。讀得就要接受佢嗰套

mehaha

Froria 發表於 25-6-18 14:22
回覆 sabsab122 的帖子

同意你所講，話題上都有機會係peer problem。始終呢啲家庭教育都重要，有啲直頭唸 ...

你小朋友仲讀緊幼稚園？當年我女都有ESF K offer但reject左，讀過另外兩間國際幼稚園，我記得兩間都會有姨姨幫手，但又唔係話次次都會幫到足，有時返到屋企都會發現有d污糟。但好肯定嘅係兩間學校廁所都保持得好清潔。如果唔係單一事件，我覺得可能係整體洗手間衞生問題。當年我都識人小朋友讀ESF 某一間K同我講過類似嘅衞生問題。

同意健康最重要，唔發生喺自己身上嘅話講咩都得。而且女仔一有尿道炎係好容易返發，做家長一定會好心痛同內疚。既然依家小朋友喺新學校適應得好就好，唔好再諗

964000

Froria 發表於 25-6-19 15:30
回覆 964000 的帖子

其實都有kol分享過，同學校投訴/反映係冇用㗎。讀得就要接受佢嗰套

不過揀得ESF幼稚園，講真其實都係貪佢一條龍升上中學，否則有其他更好選擇。