||
小朋友同家長都有同一疑問,學樂器唔考試點知自己有幾多級。
香港大部份小朋友自細己被培養成「考試機器」,除學校外,坊間有各式各樣考試同評估,唔少學生同家長作戰經驗豐富,連其他國家設計考試都考埋,學樂器又點會唔去考試,同個norm唔一樣,會令小朋友同家長好担心,唔知點樣評估自己。
我個人都鼓勵學生考樂器試,考試制度本身無問題,範圍好全面,亦相信大部份學生會應付到。而家面對問題出於以「捉題目」方式去應付考試攞高分,Pieces部份佔最多分(90/150),小朋友就練完又練3首考試歌,呢種方式好似「偏食」,最終會令小朋友營養失衡,初學兩三年仲可以應付,再學上去就有力不從心之感,最終只有放棄。
希望家長同小朋友用積極態度面對樂器考試,考試官同學校老師其實一樣,希望學生學有所成,只以考試分數決定學生應否學落去或評估老師教學能力,最終可能會應驗香港學生係「高分低能」呢個說法。