網友子女升大學的情況
熱度 8已有 374 次閱讀
23-7-27 15:44
|系統分類:教育
網友子女升大學的情況
最近DSE放榜,雖然數學卷突然深咗,整體成績會有影響,但係所有朋友綱友子女也有升上三大及神科的結果。我簡單分享兩個特別例子,都幾特別,兩個都係考DSE。
第一個網友是在5、6年前問大女升醫學院的選擇。女兒極優秀,happy problem 係那一間。父母喜歡港大個名氣,排名;女兒喜歡中大的GPS,教授及學習氣氛。
我當時的建議係按女兒的喜好選擇,始終都係她讀,不是家長讀。最後女兒今年畢業,他們非常欣慰,向我報喜,同時問埋細女的決擇。
細女也是十分優秀,預計成績也是兩大醫學院為目標。今次父母希望女兒讀中大醫學院,因為已經有經驗,而且家姐有筆記留咗俾妹妹。但係妹妹較喜歡港大醫學院的EY,而且目標係長遠醫學研究方面發展。
我的意見也是按細女的喜好作選擇。網友肯定笑我冇立場,問完等於冇問。
最後出咗成績,中大可以入GPS,港大Scholar program 欠一分,現在覆核試卷,如果成功可以入港大,如果晤成功就屈就中大GPS。
第二個是商業朋友,兩年前機緣巧合傾開小朋友的讀書,他請教我關於他兒子的升學問題。
認識他兒子高中係讀中四文科,但大學希望讀電腦。選科係 ICT,歷史及經濟,冇M1/M2 及物理。
我一睇已經發覺選科太奇怪,但父母都唔識,只係依賴個仔及老師,結果出咗四不像。但他兒子首選係中大電腦,跟本機會係零。
因為疫情關係,於是用WeChat 傾咗兩次,他們係個仔加父母,我就加CEO,因為他的爸爸熟CEO。阿仔係好有心讀電腦,係真係喜歡。
我做咗d分析資料給他們先了解現實環境,他們先知道3大電腦都係在工程學院,他的組合係冇人收嘅。我反而提議他了解一下BBA入面的BIS,可能會更適合佢嘅情況。
礙於他堅持要讀電腦,我建議佢跟學校講加番M1,趁暑假補習盡量追番。學校不同意,但他好有決心,中五中六兩年補習M 1,以自修去考多一科。
我給他的建議係Band A首選中大電腦,次選科大電腦,然係科大BBA。結果中大冇得面試,科大兩個都有得面試。面試結果係大學非常滿意,BBA加兩分,表示非常之想收佢。
一個星期後科大工程學院竟然俾U C O,條件係他選科大工程學院為A1,放棄轉其他大學及學系。我個人覺得危險嘅,但他堅持,所以放棄JUPAS 。
最後成績出來,無驚無險入到科大工程學院。立即再搵人幫手補物理及M 1,為大一的困獸鬥再衝刺。
我擔心他讀唔到電腦,因為多叻人爭,但他的努力也是不容忽視,可能有機會穾圍。我只係提醒他除咗電腦之外,搵多幾個主修作後備。希望一年後再次有驚喜!