因為網友推薦的中文書都不喜歡，揀書轉了策略，以動物為主角的書(興趣），好看的就找同一作者的其他作品，以一百頁左右的為limit，不知不覺，有些字體大細已和大字版射鵰英雄傳一樣。英文就usborne non fiction s3都可self read到，其他的都是under 100頁，不過就愛上了storey tree house.

測驗又到，中文不供詞填充轉了溫習方法，有7x，但英文perfect tense還是掌握不太好，失了頗多分，都是7x，overall 有少少進步，但下學期大考範圍會大好多，到時才見真章。

聖誕假期期間，老闆豪了陳郁如的書，厚多字當然唔睇，無聊的我就攞來看一下點解好評如潮，《詩魂》得一本所以先看，幾有創意但頗多生字，小朋友應未ready，繼續看《修煉》，看了十多頁我就知小朋友一定會看，佢見我睇得咁入迷再鼓勵一下就得左！

上學期考試範圍好像比以前大，結果中文失了手，數學又只得6x，不過今次小朋友應付bad news能力有改善，我仲講笑話數評冇溫又是6x，不如唔溫，氣氛都算輕鬆，不是太stressful. 見到ek網友呈分壓力好大，抗逆力真的要從小培養，雖然壓力主要來自我，不過亡羊補牢⋯⋯

to prepare for 《詩魂》和文言文，電視看古裝劇，中文書就歷史故事為主，找到些王帝故事，歷史漫畫，三國演義的picture book，all went down well。英文反而退一步，看nate the great，勝在短易，不過睇完《修煉》自然覺得低B，又要去做搵書了。

parents day 老師指出自理和主動性有進步，maths 概念的理解也ok。雖然成績不好，但竟然沒有比壓力我們，阿Q的諗這對我這幾年的effort 也算是個肯定。小孩看劇時開始會提出些簡單的聯想性問題，但好多搞笑位好似就未get 到，不過問佢又話好笑。

統測又到，小朋友自己話想考得好d，於是我就講解下下學期的溫習策略，同時又幫返多些，做下補充，tv就加插些粵語舊tvb劇。最後中文竟然喜出望外地有90+，唔通閱讀開始見效？定係因為有做補充？either way，保守的我會等待多一兩次測考才下結論。kg時重英輕中，真估唔到第一本全文字書竟然是中文，現在中文成績還超越英文。