我唔覺得孩子係資優係值得炫耀嘅事。相反，我覺得如果小朋友受到太多嘅讚賞會飄飄然，繼而目中無人。所以我由他出生到今日都無讚過佢聰明，亦嚴禁身邊人做（包括太太、家中老人家、朋友、甚至老師 - 俾好多人話我變態）。事實上到今天我兒的價值觀暫時絕對正確，正面、樂觀、快樂、從不睇小或睇低任何人、凡事也顧慮其他人感受，三思而後行。

所以我絕對唔明白某些家長們的大聲疾呼。什麼行為問題，脾氣大，唔受得刺激，要老師同學其他家長將就，我完全唔明。我覺得complain之前先諗下自己教育方式有無做錯？方向係咪一開始就清晰？有無嚴格遵守？有無盡力去做？有無預計其他外在因素（例如老人家盲目嘅讚嘆）而作出適當的調節？資優唔係免死金牌，唔好將所有問題聯繫落去資優度。某啲小朋友係2e，咁應該係盡量解決引起問題的部分，而唔係利用資優做藉口要求其他人接受或無視問題部分。

講到尾，可能，係我唔夠同理心。

路過

雷人

握手

鮮花

雞蛋

剛表態過的朋友 (10 人)

收藏分享舉報

全部作者的其他最新日誌

熱門日誌導讀

發表評論評論 (20 個評論)

回覆 ANChan59 16-9-14 10:28: You are correct.

I will do self-reflection before complaining .....

回覆 ANChan59 16-9-14 10:49: 可能，係我唔夠同理心。

****

You are not alone, me too.

回覆 beastiebistro 16-9-14 11:27: ANChan59: 可能，係我唔夠同理心。

****

You are not alone, me too.
Thanks for the support.

上一輩的教誨，我銘記於心。遇到問題，先審視自己，有錯就改仲要講對唔住，無錯才睇情況據理力爭。

現今我呢輩嘅家長，好多，唔知係咪飽讀詩書，覺得自己勝人一籌高人一等，凡事都係自己啱哂，諗都唔諗就鬧咗人complain咗先。唔使睇佢點教都估到教出嚟嘅小朋友唔荒有同理心。

我遇過有家長帶埋律師踩入校長室要求校長當眾對佢小朋友認錯！咁「尊師重道」法，個小朋友點會尊重權威呢？

回覆 lillymarie 16-9-14 21:23: 其實也是一個學習過程
以前兒童是out of sight out of mind, 現在卻走到另一個極端，成為世界的中心

回覆 beastiebistro 16-9-14 22:17: lillymarie: 其實也是一個學習過程
以前兒童是out of sight out of mind, 現在卻走到另一個極端，成為世界的中心
自己嘅世界中心無問題，我的兒女也是我的命根。正因為此，我更加無時無刻提醒自己我對佢哋嘅正確成長負有最大責任，無理由自己唔教跟住叫全世界將就吖？

資優實在太convenient，又夠威，難怪有咩辣手問題第一時間就推哂落去，家長責任撇得一乾二淨，仲可以搏到掌聲添！

我唔明點解可以要求老師要就住嚟講野，避免刺激資優學生。咁莫非唔係資優嘅學生就可以隨便鬧隨便揶揄？就係因為有咁嘅家長，所以而家啲老師教書時都人心惶惶。生怕一個唔覺意，得罪咗小朋友，跟住個家長有排要佢受。久而久之啲學生都變得囂張，目無尊長，因為佢哋家長都唔尊重老師，惡性循環。

回覆 wonglily 16-9-15 07:07: 普遍現像，現今教育乖的孩子沒糖吃。要照顧需要照顧的人，所以照顧傾斜了那些孩子，高智能的小孩子，就靠自己了。或父母協助。如果只認為資優孩童是一件寶物，比佢任意而行，最終結果如何?相信都唔會有一個好嘅結果。

回覆 lillymarie 16-9-15 12:07: 亦有一種可能，家長被孩子的情緒折磨到好desperate，所以要制止任何引起孩子情緒波動的因由，好保持自己心寧平靜

回覆 beastiebistro 16-9-15 12:34: lillymarie: 亦有一種可能，家長被孩子的情緒折磨到好desperate，所以要制止任何引起孩子情緒波動的因由，好保持自己心寧平靜 ...
絕對有呢個可能。不過我嘅睇法呢個係結果，原因係家長開頭無教或無教好或無堅持去教好。所以我覺得係佢哋自己攞嚟衰，無理由跟住話自己好委屈全世界都唔明白佢，一齊夾埋嚟蝦佢同佢個小朋友。

都話我唔夠同理心。

回覆 lillymarie 16-9-15 15:39: 你未領教過啫

講笑
其實孩子最後還是要學習適應社會，家長無法永遠保護孩子

回覆 beastiebistro 16-9-15 15:40: 都係

回覆 wonglily 16-9-15 17:10: 用強制方法，我有個得，有個唔得，唔得果個吃了很多苦，包括我自己。宜家泠靜處理，五歲小朋友，打佢唔咸，冷靜後同佢講，通常佢都咸，會比以前做得好，我都學到D嘢，唔駛一味使牛脾氣，雙贏。對固執嘅小朋友，真係要教佢放鬆D。

回覆 beastiebistro 16-9-15 17:39: wonglily: 用強制方法，我有個得，有個唔得，唔得果個吃了很多苦，包括我自己。宜家泠靜處理，五歲小朋友，打佢唔咸，冷靜後同佢講，通常佢都咸，會比以前做得好，我都學到 ...
方法可以各適其適。問題係一開始就要教，仲要貫徹始終唔可以有一絲心軟放鬆。其實我覺得好多家長跟本諗住生咗先諗點湊，跟住一時試下A方式，轉頭又轉B方式，小朋友「lur」下又放鬆底線咪搞唔掂囉。

須知道資優兒一般cognitive ability都比較早發展，家長仲當佢係BB時，佢已經知道發生緊咩事，遲咗開始教就係遲咗開始教，無得賴人。再加上資優人咁醒，知道你底線有得郁梗係郁到盡。

我maintain我嘅睇法。人生出嚟係白紙一張，但有好多支筆爭住畫花佢。家長想畫咩畫係要張紙未出來之前要全幅構圖諗好哂先。

回覆 wonglily 16-9-15 18:29: 我就係大女知得太遲，出咗問題，雖然用咗好大力度，外人睇覺得佢好優異，但我哋就大吃苦頭。

回覆 beastiebistro 16-9-15 18:39: wonglily: 我就係大女知得太遲，出咗問題，雖然用咗好大力度，外人睇覺得佢好優異，但我哋就大吃苦頭。
加油!

回覆 Yanamami 16-9-16 22:44: 点解身边禁多人有資优小朋友既……

回覆 beastiebistro 16-9-17 00:02: Yanamami: 点解身边禁多人有資优小朋友既……
之所以我覺得資優不資優，根本不值一曬。更何況用嚟做壞脾氣的藉口?

回覆 Yanamami 16-9-17 00:29: beastiebistro: 之所以我覺得資優不資優，根本不值一曬。更何況用嚟做壞脾氣的藉口?
...
細Y不是資優，脾氣卻極臭......仲衰！

回覆 beastiebistro 16-9-17 09:00: Yanamami: 細Y不是資優，脾氣卻極臭......仲衰！

但係你無叫老師家長同學街邊路過嘅人統統就佢吖嘛。係媽媽要受啫。

回覆 Yanamami 16-9-17 09:35: beastiebistro: 但係你無叫老師家長同學街邊路過嘅人統統就佢吖嘛。係媽媽要受啫

。 ...
佢係学校係－等良民(不过同人相处，尤是佢唔like果d, 就有d问題)，真係阿媽受哂~ 最慘係教而不善，最怕人話我無家教就真｡冤枉

回覆 beastiebistro 16-9-17 10:29: Yanamami: 佢係学校係－等良民(不过同人相处，尤是佢唔like果d, 就有d问題)，真係阿媽受哂~

最 ...
睇怕都係「蝦」阿媽...

教育王國

幼兒教育

小學教育

中學教育

專上教育

國際教育

特殊教育

知識增值

徵求專區

關閉 安全驗證

可能，係我唔夠同理心。

剛表態過的朋友 (10 人)

全部作者的其他最新日誌

熱門日誌導讀

發表評論 評論 (20 個評論)

關閉安全驗證

發表評論評論 (20 個評論)