- beastiebistro
- beastiebistro的個人空間 › TA的所有日誌 › 查看日誌
點解要去英國讀私立寄宿中學？（上）
熱度 6 |
XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX XXXXXXXXXXXXXXXXXX
_________________________________________________
近排比較少上EK，有啲提唔起勁。一嚟通常我流連嘅海外留學版近來嘅家長好似比較懶，有啲問題或者A校vsB校，重複又重複咁有人問，連爬文都唔願做。二嚟香港家長唔知點解咁迷戀數據，彷彿入間排名高幾位，考多幾個百分點A嘅學校，自己個小朋友就會自動升「le」。又或者啲學校老師識法術，入到就牛劍／醫生律師手到拿來。（最弊就係有啲網友又係咁feed啲冇咩「營養」嘅數據，我連搭嗲都覺得有啲嘥時間）。當然，有識諗嘅家長PM我，我絕對樂意交流，知無不言。
反而喺出面唔同嘅「谷」多咗好多互動。起碼嗰度啲家長思想比較柔軟，好多都明白去英國讀私立寄宿中學is so much more than just academics，明白呢啲英國寄宿學校推行嘅係真正嘅「全人教育」，去讀唔係為咗避開考中文呢啲咁superficial嘅原因。
喺呢篇，我節錄返近日喺出面唔同谷講過（我認為）家長如果負擔得起，點解一定要俾小朋友去英國私立寄宿學校讀中學嘅原因。如果有家長有心機去了解，希望有做到某程度嘅啟發。
其實去英國讀私立寄宿中學，點解唔應該最睇重成績／排行榜，我喺之前嘅日誌講過，唔再重複。想成績好，其實留喺香港讀書仲實際。慳番每年嗰幾十萬攞去補習，包你成手星星，真係冇必要去英國讀。想避開考中文？咁咪去讀國際學校囉，都係十零萬，平靚正。
咁，點解要去英國讀私立寄宿中學？
重點就係呢啲傳統英式寄宿私校帶俾學生嘅Experience（體驗）、Exposure（眼界／視野）、Opportunity（機會）同埋Intellectual pursuit（智識，非成績）喇。
_________________________________________________
先講運動
一般香港學生喺香港玩嘅不外乎都係足球、籃球、游水、羽毛球或者乒乓球咁，特別啲玩吓劍擊打下Tennis咁啦。亦有好多小朋友對運動冇咩大興趣，樣樣都唔特別啱玩，所以變咗冇咩運動。
英國私校崇尚全人教育，運動自然都係重要嘅一環。而且參與大於一切，都係學習為「團體」（例如boarding house）奉獻嘅一個機會。
其實私校資源多嘅好處正正就係喺呢啲配套嘅方面。除咗啲香港常見嘅運動，我啲仔女喺呢幾年就有機會接觸到呢啲運動（唔使錢，肯試就得）：
- Rugby
- Cricket
- Rowing
- Fives（一種同Squash好似，不過唔用拍，係帶手套用隻手去打個波嘅）
- Golf（部分學校直頭有自己嘅18洞球場）
- Shooting （來福槍射擊）
- Clay pigeon shooting（飛靶射擊）
- Netball
- Field Hockey
- Lacrosse
- Akido/Karate/Judo
- Rock Climbing
- Cross country running
- Horse riding/Polo
- Combined Cadet Force CCF
- Duke of Edinburgh Award scheme
琳瑯滿目，幾乎諗得到都有得玩有得試。
學校嘅Culture係分house，再安排某啲運動會有inter house比賽，絕大部份同學都會為咗自己house拼命付出。玩得好可以代表學校，有啲甚至有ABCDEFG隊，連麻麻哋嘅同學都有機會代表學校出戰。再出色啲，學校保薦去縣隊試腳，又有一班嚟自五湖四海嘅隊友（或者對手）。
我當年都算係波牛，不單止係校隊正選門將，亦參加過county team嘅trials，係county schools' football隊後備。另外我因為參加CCF（Combined Cadet Force即係軍訓），搵到另一樣摯愛，就係來福槍射擊。結果當年我喺學校一路升到負責管學校嘅軍火庫，鎖匙跟我身。所有人要燒槍（包括校長）都要同我申請經我批准。老實講呢啲體驗真係唔係咁多機會有，但係英國私校就有可能。
雖然我三個仔女都唔係好遺傳到我嘅好動基因，三個都唔算係運動人。但係去到私校就真係乜都試，亦各自搵到想玩嘅項目。我仔玩咗兩年Fives，而家專注柔道。二女就會參加愛丁堡計劃金獎。三女都叫做喺Netball B/C隊浮浮沉沉，起碼有得去下其他學校比賽見識下。
英國私校可以參與嘅活動真係多到講唔晒，而且大部份都唔會另費，變咗唔試就笨。我認為唔使講學術，淨係呢啲活動／體驗都值回起碼一半票價...
好長，唯有分段。待續...
全部作者的其他最新日誌
- • 一期一會
- • 過關‧正式代表英國隊
- • 英國隊
- • 點解要去英國讀私立寄宿中學？（下）
- • 奧妙的潛能
熱門日誌導讀
- • 一期一會
- • 過關‧正式代表英國隊
- • Rollout of Race Car 2024
- • 英國置業考量 - 不是樓盤廣告
- • 英國隊
- • 放牛班的得着
發表評論 評論 (18 個評論)
- 回覆 ANChan59
- 我跟部份數據派，排名派網友幾熟，不過我嘅睇法跟你一樣，看下就算，冇乜營養。
香港講全人教育好困難，因為學校，老師，家長，學生都不一定支持。好在阿仔學校在香港已經算前列，CEO做咗佢機構全人教育好幾年，這些經驗及exposure 幫助我們了解及鼓勵他向這個方向發展。
阿仔冇乜體育天份，只係參與，足球、籃球，乒乓球算勉強可以。也是沒有遺傳我嘅運動細胞。
- 回覆 beastiebistro
- 我真係唔明啲家長對數據/排名嘅迷戀，尤其大家（絕大部份）都曾經喺香港讀過書。唔通學校多幾個人攞5星星就代表係人入讀都會攞5星星？奪星百分比高啲就代表學校識教（根本收返嚟嘅已經係叻人，仲有外補協助）...
ANChan59: 我跟部份數據派，排名派網友幾熟，不過我嘅睇法跟你一樣，看下就算，冇乜營養。
香港講全人教育好困難，因為學校，老師，家長，學生都不一定支持。好在阿仔學校 ...
根本讀書就係睇學生自己，學校唔教「衰」就已經係好好。但係其他體驗、經歷、同學互動、以至網絡、眼界、機會等等就真係天壤之別，唔係間間都可以提供。
真係咁睇重成績，不如直接讀補習舍（間間都sell啲學生攞幾多星星），使鬼返學咩...
- 回覆 ANChan59
- 衰衰哋咁講，歷史數據嘅好壞，不等於他們的小朋友就係這個成績，以為一定好或壞，現實不會這樣。
補習不是我們杯茶，阿仔中三考試前上過幾堂，看看題型，係有用嘅，但他不會化咁多時間去補習，操卷。因為咁所以成績不是非常出色，但還是可以。最誇張係大學還要補習啦，出到社會工作冇得補，水退就會知道邊個冇著褲。
- 回覆 beastiebistro
- 所以我唔明啲家長諗咩，或者係wishful thinking 掛？即係「嗱，我已經幫你揀咗間公開試5+高0.05個percent嘅學校，唔會考唔好喇掛？。」或者「呢啲學校梗係有秘笈或者啲老師識乜乜神功，實搞到我仔入醫科掛...」又或者「唉，我都盡咗力，幫妳入間數據好嘅學校，你入唔到醫科唔好怨我...」。
ANChan59: 衰衰哋咁講，歷史數據嘅好壞，不等於他們的小朋友就係這個成績，以為一定好或壞，現實不會這樣。
補習不是我們杯茶，阿仔中三考試前上過幾堂，看看題型，係有用 ...
如果真係咁功利，咁我母校，我哋仔嘅學校咪不入流？使乜Vs 呢？全部報QC咪得囉。但係讀QC唔會有我哋啲仔十份一嘅體驗/機會/眼界等等...
- 回覆 Yanamami
- 水退就知邊個無著褲
ANChan59: 衰衰哋咁講，歷史數據嘅好壞，不等於他們的小朋友就係這個成績，以為一定好或壞，現實不會這樣。
補習不是我們杯茶，阿仔中三考試前上過幾堂，看看題型，係有用 ...
- 回覆 ANChan59
- 读书學习求知识学问，不是求分数吧！
beastiebistro: 所以我唔明啲家長諗咩，或者係wishful thinking 掛？即係「嗱，我已經幫你揀咗間公開試5+高0.05個percent嘅學校，唔會考唔好喇掛？。」或者「呢啲學校梗係有秘笈 ...
学问最精警，懂得问好嘅或者蠢嘅问题，都可以长知识经验，视野广阔更懂得问正确嘅问题。
我哋仔嘅中学系有一班拥护者，他们希望儿子受到较好的全人教育，不会读死書，精灵的年轻人越来越少，这也是优势。
我其实写紧一篇日志，内容讲阿仔在放牛班的故事，几过㽼的，迟d放出嚟。
- 回覆 ANChan59
- 我记得以前一位大学高层分享过，家庭中第一代、第二代、第三代大学生的父母，教养孩子的方法係有明显不同，他称之为底蕴。
就算你我儿子不是在旺角体艺成长，我哋都有一套自己的方法去陪养他们，不过，我会觉得我会overdone 一部分，因为冇得对比，在这间中学，太多奇人异士，会较中庸，避免我一些盲点。
- 回覆 beastiebistro
- 好呀，非常期待。
ANChan59: 读书學习求知识学问，不是求分数吧！
学问最精警，懂得问好嘅或者蠢嘅问题，都可以长知识经验，视野广阔更懂得问正确嘅问题。
我哋仔嘅中学系有一班拥护者，他 ...
好彩入得「旺體」嘅大部分都係識諗嘅家長，所以可以維持到咁嘅氛圍。
- 回覆 beastiebistro
- 咁可能都有關係...
ANChan59: 我记得以前一位大学高层分享过，家庭中第一代、第二代、第三代大学生的父母，教养孩子的方法係有明显不同，他称之为底蕴。
就算你我儿子不是在旺角体艺成长，我 ...
- 回覆 barque
- 可能有些中等能力的同學，而又想要有4A*的成績去讀例如醫等專業嘅科目，會特別看重學校整成績的百分比、希望通過學校的催谷可以有幫助。這些同學亦都這些同學亦都未必會願意投入時間去做課外活動和全人發展，而是將所有時間放在讀書。其實學校能同時提供學習成績和全人教育的經驗對同學的成長非常有用。
- 回覆 beastiebistro
- 嗰啲同學（或者家長）同我唔啱傾喇。
barque: 可能有些中等能力的同學，而又想要有4A*的成績去讀例如醫等專業嘅科目，會特別看重學校整成績的百分比、希望通過學校的催谷可以有幫助。這些同學亦都這些同學亦 ...
好嘅英國寄宿私校自然有佢哋辦法鼓勵學生積極自學，但係傳統英國私校從來唔係谷成績嘅地方。我認為要谷成績嘅，留喺香港讀算罷喇。好多呢類同學／家長亦傾向揀A工廠學校，根本唔係傳統英式全人教育...
- 回覆 barque
- 早幾年都有考慮過英國的私立寄宿學校，其中較喜歡Sevenoaks, 亦有嘗試申請Sevenoaks six forms. 佢每年在香港會舉行入學時。
beastiebistro: 嗰啲同學（或者家長）同我唔啱傾喇。
好嘅英國寄宿私校自然有佢哋辦法鼓勵學生積極自學，但係傳統英國私校從來唔係谷成績嘅地方。我認為要谷成績嘅，留喺香港讀 ...
- 回覆 beastiebistro
- 係非常好嘅學校，可能係英國最好嘅全IB學校。不過寄宿比例只有大約50%仲包括weekly/flexi boarding，有啲可惜。
barque: 早幾年都有考慮過英國的私立寄宿學校，其中較喜歡Sevenoaks, 亦有嘗試申請Sevenoaks six forms. 佢每年在香港會舉行入學時。 ...
- 回覆 Radiomama
- 家人中就有兩個年輕人讀醫，一個執業中、一個last year, 他們的生活習慣和性格同我仔是完全不同；當佢哋仲被父母穩妥地照顧讀書起居出入果陣，我仔已經自己搞掂租約同煑飯啦。
- 回覆 beastiebistro
- 所以我都費事喺出面講，識路嘅家長入嚟睇完再PM我傾就算...
Radiomama: 好多香港家長安排孩子去英國讀寄宿中學，只係為咗考AL搏A*，然後回流讀醫科，所以你同佢講全人發展係嘥氣，佢哋根本唔要呢樣野。 ...
- 回覆 beastiebistro
- 我認為係其中一個要出國嘅重要原因...
Radiomama: 家人中就有兩個年輕人讀醫，一個執業中、一個last year, 他們的生活習慣和性格同我仔是完全不同；當佢哋仲被父母穩妥地照顧讀書起居出入果陣，我仔已經自己搞掂 ...
帖子
日誌
相冊
分享
記錄
活動
投票
懸賞
辯論
商品
收藏
勳章
Copyright c 2002 - 2024 Baby-Kingdom.com Limited, All Rights Reserved.
GMT+8, 24-4-27 19:48, Processed in 0.354236 second(s), 10 queries , Redis On.
GMT+8, 24-4-27 19:48, Processed in 0.354236 second(s), 10 queries , Redis On.