好困擾!好煩!好擔心!now 放下小小心頭大石lu!!!

Bluecat

K1第1日返學囝囝已經識叫十多位之前簡介會有接觸濄的老師,主任,嬸嬸名稱(我沒有教他的)所以校長對他讚賞有加亦很受其他老師歡迎!
在校班主任卻經常投訴他不專心,常常出位,冇時停,多平多腳成日搞同學!無端端想起乜就做乜~唱歌畫畫想起就做唔守規則!老師講故事就好投入但成日掙住講!掙住答問題初頭唔肯舉手搶答!後來肯舉手就舉到叫佢為止,唔揀佢答就發脾氣!平把咀仔唔停!老師話佢個腦唔知諗乜好深層次????反應好快!叫唔聽!等等總之老師覺得佢好麻煩好難搞!

now K2轉了校~老師係有愛心教學生動有趣廿多年教學經驗的!上學幾天她已發現囝囝好有表演慾便給他機會報導新聞!老師同我講過話囝囝非池中物俾心機栽培!
但都覺得他成日多手多腳做古靈精怪事引人注意!行為粗魯大大力捉往人扯人!很衝動不高興就推人!調位調了3次!日日接他放學都不斷有小朋友向我投訴!好頭痛!但他sickleave後返學又個個堆埋攬實他!叫他開心果和計仔王!
另外專注力差日日上堂一齊做堂課起字頭他就行行企企搞下人唱下歌批評人家怎樣怎樣做得不好!到叮叮全人類排洗成村人等佢一個才快手快腳去做!但他反應很好愛答問題!

尋日同學仔開生日會他又玩得太high失控碌地又捉往壽星女唔俾人同她影相,個半小時又係勁收投訢排解糾紛!到切旦糕時他見有小朋友冇出來佢就夾硬拉人同去!跟住自己死迫爛迫係都要企主角隔離!提姐姐要插5枝candles!唱原英文版birthday song!M姐姐話唱中文佢又提意唱日文(因學校有教)!多多意見!
許願時壽星女唔知講乜佢Daddy就叫傑傑幫手!傑傑就叫壽星女跟往佢合眼合手佢講:今日係XXX5歲生日祝XXX身體健康!學業進步!遲D跳舞演出成功!佢想做女騎師!願望成真!個個家長都讚佢好犀利有紋有路咁!我都好開心!


在家~他對有興趣或從中找到樂趣的事物他可以專注幾小時例如~經常自己靜靜地在圖書館看書2-3hrs也不覺悶亦不會四處跑!我離開他自行到成人果層看書他亦很乖!自己砌積木/lego/magnetic game/拼字game /自己一人分飾幾角玩公仔編故事.......又係可以打發佢成日都得唔駛我勞氣!做DWE programme 幾次都係3HRS我陪佢,但佢自己一邊聽CD一邊貼stickers or coloring or answer the question!!!He can do it !!!!
又肯講道理極少喊和扭計!He's a happy boy!!!Always laugh!玩係玩到極巔極投入先晒控笑唔停!易放難收果隻!又極怕悶個腦不停轉每一分秒也要很充實!不能停下來!坐車出城成個鐘要同佢唱歌,講故事,玩字咭造句,鬥數國家名,昆蟲名,恐龍名,猜迷語,看風景問東問西乜都出齊!!就算得十分鐘車程佢都會覺得好悶好無聊要有D細藝or周圉"劉"人講野!
佢非常主動不怕醜!2歲幾出街見我有點皺眉頭唔識路他便走去問人乜乜乜點去?憤世疾俗見D人紅燈過馬路走去鬧人教人!見到人食煙,周圍丟垃圾or其他壞行為他便表現得好勞氣!
never say yes or no only!!!一定要有reason合理才服氣and 合作否刖一定反抗!不過我心情唔好唔想佢講野住佢會好合作到適當時機佢會來kiss me then ask me 心情好D未佢講得未

在我心目中他是我的好玩伴好朋友!!!!當然出到街有D外來影響會有勞氣時就是飯局永遠坐不定,會企上chair,又找機會離座,佢食飽冇野做就嗌走 !其他都under control!!!做功課又快又整齊2本寫字功課10mins一定搞掂!做完功課悶悶地會下綀習推理,羅輯,迷官,英文,計數 有時做得起勁廿三十頁都係咁做!      跟往俾我吸印仔or stickers!!!

囝囝學phonics第2堂完miss就同我傾話覺得囝囝係gifted child!我話都有留意但未夠age做test!由細到now接觸過的人都讚佢醒目叻仔等等!留意過gifted child特徵他都全中!但佢上親課外活動都給人投訴!非洲鼓Sir初頭看好他的但上多幾堂佢開始自創打一些自己喜歡的拍子唔跟大隊學琴初頭Miss亦看好他吸收快!但幾堂後他背譜唔睇譜又要Miss教雙手彈但Miss一定要佢睇譜他不妥協Miss繼續教單手佢又話悶又唔肯綀琴!愛自由創作 畫畫也很專心但一畫完又搞搞震!其實他的能力很好但往往讓他的性格拖垮了!

好煩!我近排 了很多次!Phonics Miss 懷疑他資優+ADHD+專注不足叫我帶他check!!!我約健康院6月見姑娘,青X計劃話排期等3mons!另約NHDC滿5yrs做test!!!好想怏D有result可以幫他走正確的路!!!Thanks god!!

寫了4小時

chuiathena

比D 心機 la.  好是呼你能否碰到一間好校學，一位欣賞孩子

jbma

Bluecat:

嘩!四個小時    你的耐力很強呀    那我跑進來回應一下喔。

你的心情我很明白，在那時候我也是跟你一樣，煩得要命。基本上這一類孩子都是這樣，我個人覺得是不可以改變了什麼，你不要對評估結果有太大的的期望!

另外，ADHD的問題不用太在意，因為他還小，不能在這年紀草草下判斷的，ADHD要到了小學才可以明確地分辨!

我給你的意見是多看一些相關書藉，多找一些思想正面的朋友傾談(P.S.這兒也不錯 )，這對你會有很大的幫助。

Bluecat

Thansk!!!你們回應我ah!!!我近排已不斷上網,睇書找資料好樣自己更明白他!
以往我們很sweet!我很少鬧佢我又唔做哦姐ga!
但近年我好介懷別人的投訴!我話覺得佢好煩!唔聽教想放棄佢!唔明佢點解唔可以好似平時對往我咁乖!咁合作!我不嬲都不打不罵的!      唔明點解一群体就失晒控表現自己???我好大壓力好自責!!!!好怕人覺得我冇教佢

揀小學又是一個難關

ffma2007

打了4個鐘,真是精神可嘉,佢地D"百厭"野真是4個鐘都講唔晒!我阿仔已經7歲,一直都覺得他領悟力很強,但又係入了學校就比老師投訴,由K1到現在小一都係咁.他讀的已經是國際學校,25人一班,老師應該有足夠時間照顧他們.他們是基督教學校,常常強調紀律,obey神......我都覺得這很重要,每次祈禱都叫兒子聽神的說話,但是事與願違...今個星期五還要見校長,話要set一個behaviour plan比我個仔咁.唉,都學期尾咯,搞乜呃!?下個學期咪又重新挑戰個老師.其實,我常常懷疑學校的老師校長識唔識教資優生ga?!(因為他們很多老師,甚至校長,都未必是受訓的qualified teachers)照我話,比多D時間聽小朋友解釋,聽聽他們的"道理"(雖然有時真係歪理),再從中糾正他們,他們都會很服氣ga,好過在課室內硬碰....不過,我有D心淡就係個校長無乜誠意,連見家長的時間都無,只是為了文件上有個交代,求其約我們出來草草了事...我惟有奉陪下,聽下他們有乜好"橋"(有就已經用左啦!)到時又要搽定"面矒膏"la!     

jbma

"面矒膏"<--我由他三歲開始塗到現在，已經有五六年了。他每天放學，我的心情都緊張得很，如果沒有投訴的話，我好像中了"六合彩"一樣呢!

有時候我自己也真的好"芧盾"，看到很多老師沒有"資優教育"的經驗，甚至有一些還不知道什麼是"資優"耶!但是我亦明白是他在學校不合作，問題的根本就在他身上，不可以把責任都推到老師身上。可是有時候他遭到不公平對待，老師總是打壓他時，就因為他平常的不當行為，我做母親的就是不敢回去跟他討公道。看他一起床眼還沒開，就說:[我不想上學!]，我的心真的好痛、好痛!

總之，目前在香港的教育制度下，只可以我們自己努力去教他們啊!

jbma

Bluecat

我很明白你的感受，就是因為怕了別人說:[沒有家教!]我有一段時間拒絕了所有同學的約會。

選小學真的好煩耶!可是再好的小學，也要他們碰到比較接受他們的老師才會有幫助。我孩子有幸在小一遇到了，但是他一年一年的升級，不是每一次都那麼好運!到時候，我又回到原點，又要從新來過。

gitmee

各位資優孩子的爸爸媽媽，不要氣餒。神賜這些孩子給我們，總有祂的美意。

囝囝小時候也曾令我困擾過，現在他十歲，感謝神在這幾年間帶領我們一家和諧溝通，彼此關懷愛護；又為囝囝選了合適的學校，我們也喜見他一日比一日進步。

我個人認為謙卑是資優孩子首要學習的功課，我也在努力中。各位加油啊！

Bluecat

尋日囝囝代表學校去小學參加故事比賽取了優異獎(他人生第一個獎"盃")佢上台領獎一落台就話將個獎送俾我~話咁樣我會好開心!

雖然綀故事期間都勞氣~因為時間傖促我7/5才創作好個故事~情節都好長,因有限時3mins,冇乜時間綀但佢就成日懶懶閒話"我宜家唔想講!!!!""先生 咁幾時先想講???""Mame我比賽先講la!!!" 點可以咁唔付責任ga???得3/2日時間綀!佢又成日爆肚改劇本真激死

冇次可以正正經經講晒個故事so我計唔到時!老師又話太長超時要cut!!改來改去 我都怕佢亂晒籠!!!

前晚又唔見了件小熊衫朝早才臨時臨急 改小獅子但淨係識話得得得

我都係抱平常心諗住講得幾多得幾多la!!!

點知他又

ffma2007

恭喜啊!呢份係最佳母親節禮物啊!
    

Bluecat

放下心頭大石!!!
尋日帶囝囝去check做心理情緒評估,了解更多原來囝囝不是ADHD,只是happy boy and吸收快不能無所事事,無聊便搞搞震學過/懂的東西便沒耐性再聽!自信心爆棚輕視一些問題便粗心大意!!!佢都建議我幫囝囝做IQ test after 5 yrs!!
I will try to 做皮紋先 !!!

我也學懂一些訓綀他耐牲的遊戲和活動!

now 開心d lah!!!

Cindy_Wong

恭喜你呀... 你一定好開心...